פאזיטיווע שריט פון רבי'ס

[שמעקעדיג]

ראנג אשכול??

[הדד בן בדד]

צוריק צום נושא פון דעם אשכול,

באבוב'ער רבי איז באוואוסט פארן טוהן גאר אסאך מיט גאר שוואכע בחורים. ער האט זייער א גוטן שפראך מיט זיי און גיט אוועק פאר זיי גאר גאר אסאך צייט

[סאו וואט]

לדעתי, פון די גרויסע רעביס איז נישטא קיין פאזיטיווע שריט.
נישטא קיין איין רעבי גייט ארויס פון זיין ד' אמות צו העלפן א צווייטען.

די אלע אויבנדערמאנטע זאכען זענען נאר מ'זאל האבען וואס צו שרייבען אויף אים, און מיינען זייער אייגענע פניות נגיעות, וכדומה.
רוב פאזיטיווע שריט, זענען פון די קלענערע לאקעל רבנים און רעבילעך וואס טוען פאר מענטשען.
ווי מונקטש, מיט תפיסות,
רבי אפרים שטיין מפאלטישאן, דרור, געזעץ
ספינקא רבי מהרנ"צ 56 העלפט מיט שידוכים
שרגא האגער מיט חזיריי, וכהיינו וכהיינו

אבער די גרויסע וועלן נישט רוקען זייער מחילה פאר א צווייטן, חוץ אויב ס'איז אינוואלווד געלט, אדער כבוד ופירסום.
אגב, דער בעלזא רבי איז ידוע אז ער געט אסאך געלט פאר יתומים, ער האט א שוואכקייט צו דעם, ווייל ער אליינס איז געוועהן א יתום.

אבער, ווען די גרויסע העלפן שוין יא אמאל א יובל, איז עס נאר פאר זייערע חסידים, אדער צו קויפן חסידים, אבער פלעין פאר א פרעמדע מענטש, וואס ער ווייסט אז ער גייט קיינמאל נישט זעהן דער מענטש, טוען זיי גארנישט, חוץ פון וואונטשען ברכה והצלחה.
ס'איז די קליינע לאקאלע רבנים וואס העלפן אסאך, והבן.

[שמעקעדיג]

יעצט באקום איך דאס אין אישי פון א ניק דא אין שטיבל (כ'האב עס אביסל מתקן געווען און מגיה געווען, און, איימסארי, אראפגענומען אפאר איבערגעטריבענע אויסדרוקן, ואתו הסליחה)

זייענדיג נאנט צו ר' דוד, דער רבי פון תולדות אהרן אין ירושלים, קען איך מעיד זיין אז זיינע פעולות חובקות זרועות עולם זענען עפעס אויסעגעווענליך.

ער האט א ספעציעלע געפיל פאר אלמנות און יתומים, ער האט א באזונדערע קאסע פאר זיי, ער שטיצט יעדע חודש הונדערטער משפחות אלמנות ברוכות ילדים, ער גיט זיך אפ מיט זיי ווי א געטרייער מאן און א געטרייער פאטער פאר די קינדער, ער הערט זיי אויס אלע זייערע באדערפענישן, ער קען אליינס בכבודו ובעצמו אראפפארן צו די משפחות און ער "עקט" ווי דער טאטע, ער קוקט זיך אום אז אלעס זאל קלאפן אין שטוב, ער כאפט א שמועס מיט די קינדער, אדער פארהערט ער זיי די לימודים, און גיסט גאלאנען פון חיזוק און גוטע טרייסט ווערטער. איינע פון די חנוכה נעכט קומט דער רבי בכלל נישט אריין אין ביהמ"ד כדרכו, נאר לאזט אלע חסידים גיין לופטערן, און ער מאכט א ספעציעלע נאכט נאר פאר די צובראכענע משפחות, און ער ברענגט אריין א ליכטיגקייט אין זיי. פורים שיקט ער זיי אלע משלוח מנות און מאכט זיכער זיי זאלן האבן א שמחת פורים.

ליידער אין ארץ ישראל געפינען זיך אסאך אזעלכע משפחות פון אלמנות ויתומים, און די ליסטע ווערט נעבעך נאר גרעסער, און טראץ זיינע טעגליכע טירדות פון פירן א חסידות פון עטליכע טויזענט משפחות קע"ה מיט אלע פראבלעמען וואס קומען צו דערצו, טראגן יעדנ'ס דאגות, מיט א נעץ פון מוסדות מקטן ועד גדול מיט ריזיגע דעפיציטן, האט ער א ספעציעלן ארט אין זיין הארץ דעזיגנירט פאר די אלמנות, און ער טראגט זיי על לוח לבו כסדר, און כמים פנים אל פנים, זענען די אלמנות מורא'דיג דאנקבאר פארן רבי'ן, וואס גיט זיי עמאציאנאלע און פיזישע שטיצע, ווי אויך פינאנציעלע הילף פון זיין באשטימטע קאסע, בפרט פאר די ימים טובים גיט ער גרעסערע סכומים זיי זאלן זיין ביכולת איינצוקויפן אלע הצטרכות'ער.

עכ"ל.

עס איז שוין אמאל געווען א באשרייבונג (כ'מיין אין די צייטשריפט) איבער די געוואלדיגע מעשים טובים פון דעם תו"א רבי'ן, איך געדענק אז דאן בין איך זייער נתפעל געווארן דערפון, ותשואות חן חן לו, ממנו ילמדו וכן יעשו!
זאל השי"ת העלפן אז די הבטחה פון "אם אתה משמח את שלי אני משמח את שלך" זאל מקויים ווערן. אמן.

[הדד בן בדד]

צוריק צום נושא פון דעם אשכול,

באבוב'ער רבי איז באוואוסט פארן טוהן גאר אסאך מיט גאר שוואכע בחורים. ער האט זייער א גוטן שפראך מיט זיי און גיט אוועק פאר זיי גאר גאר אסאך צייט

דאס איז דוקא א זאך וואס ער האט געטון סאאאאך פאר ער איז געווארן רבי. סאמהאו האט ער אלעמאל געהאט א שפראך צו די חברה און א ווייך הארץ צו זייערע געפיהלן.

[[NAMELESS]]

צוריק צום נושא פון דעם אשכול,

באבוב'ער רבי איז באוואוסט פארן טוהן גאר אסאך מיט גאר שוואכע בחורים. ער האט זייער א גוטן שפראך מיט זיי און גיט אוועק פאר זיי גאר גאר אסאך צייט

א) וועלכע באבובע רבי?
ב) די ווייסט אז ס'דא צוויי, און פארוואס מאכסטו נישט קלאר פון וועם די רעדסט?

[הדד בן בדד]

איך האב געשריבן רבי, דעם וועלכען מען רופט "רבי", דעם אנדערן רופט מען רב. אבער אזוי ווי איך זעה אז מען כאפט נישט וועל איך שרייבן: איך האב געמיינט ר' מרדכי דוד

[I'm back]

[tag]הדד בן הדד[/tag], דאס איז א ערענסטע אשכול.
ס'נישט קיין חילוק וואספארא רבי ר' מרדכי דוד איז, ער איש נאכאלץ א רבי פון א עדה אידן. ביטע מאך נישט חוזק פון עם, עכ'פ אין דער אשכול זיכער נישט.

ייש'כ

[הדד בן בדד]

איים בעק, זעהט אויס דו קענסט מיך נאך נישט, איך שטיי דוקא אויף זיין זייט. איך האב עס געמיינט זייער ערנסט. ביי די באבוב'ער קענסטו הערן זיך אזוי אידענטיפיצירן. פונקט ווי די וויזשניצער קענען אמאל שרייבן: איך בין א חסיד פון מרן אדמור, אין בין פון כק מרן אדמור

[I'm back]

איך רעד וועגן די תוכן...

[הדד בן בדד]

וועסטו זיך מוזן בעסער מסביר זיין

[טיטאניק]

טעות

[ראש הישיבה]

לאשאנץ רבי פון ווילי טוהט אסאך פאר עלטערע בחורים

[שקד]

לדעתי פון דער גרויסע רעביס איז נישטא קיין פאזיטיווע שריט.
ס'איז דו קליינע לאקאלע רבנים וואס העלפן אסאך, והבן.

די גרויסע פונקט ווי די קליינע, יעדער מיינט זיך, נאר ביי חסד ווערט אבער אויפגעטון א גוטע זאך פאר יענעם, אפילו דו מיינסט זיך.
די פראגע איז אויף ווער ס'רופט זיך רבי און טוט 'גארנישט' פאר יענעם. נאר צו נעמען.