שבת אחים האט געשריבן:ביטע נישט אנפירקלען דעם אשכול מיט די אלטע קינדערישע ארוני זאלי פאליטיק מ׳רעדט דא פון פארדאמען די נערישע און רשעות׳דיגע דרשה וואס ר׳ אהרן האט געניצט א טראגעדיע פון כלל ישראל צו שטיפן זיין אגענדע!
נאר צד מהרז''ל מעג דא שרייבן? פארוואס גייסטו נישט קיין צימעס? דיין אלטע ניק איז שוין צו אנגעחזרט?
פארוואס גייט דיין רבי נישט אין צימעס האלטן זיינע שאלישעדיס טוירעס ?
Everything we hear is an opinion, not a fact. Everything we see is a perspective, not the truth
Marcus Aurelius
ר' אבזערווירער. דו האסט זייער גיט מעורר געוועין . (לכאורה?). אבער פון צווישן דיינע שורות שפראצט ארויס דיין וויסטע שנאה צו אנדערע אידן. דאס האט שוין גארנישט צו טון מיט ציונות. איך דזשאדזש נישט. איך לערן נישט אריין קיין פשט'לאך. אין לנו אלא מה שעיני הדיין רואות. דעיס איז דער בראך. א סאך אידן וועלכע זענען אויפגעוואקסן מיט א שנאת חינם צו אנדערע אידן באמערקן אפילו נישט. אזוי כלאחר יד בין השורות השנאה מבצבצת ויוצאת. ד'עסט נאך באלד זאגן אז איך בין א חבד'סקער. איך בין פינקט אזא חבד'סקער ווי דיין זיידע. אבער ס'טוט מיר וויי די וויסטע, אומזינסטיגע שנאה וואס מ'האט צו אנדערע אידן. נישט איך. און דו אוודאי נישט, קענען נעמען דעים יוד אויפ'ן צימבל, אדער וואגשאל. דו האסט איהם אפילו, בכלל געקענט? דיין גאנצע אינפארמאציע קומט נאר פון דעים דעמאגאג סענדער דער דייטש. האסט איהם אמאל אין דיין לעיבן געזעהן? דו ווייסט וואס ער האט געטון אויף די וועלט?...ער שטערט דיך אויכעט?.. ווער נאך.? איך שטיי יעצט. בעסער געזאגט. איך זיץ און ווארט בכליון עיניים וואספארא בזיונות און קיתונות של שופכין דו גייסט גיסן אויף מיר???!!!...
אזוי ווי ס׳קוקט אויס ווי דער עולם האט מיך שלעכט פארשטאנען וויל איך מסביר זיין על מה יצא הקצף און איך וועל נישט זיין ווי א צובראכנע רעקארד און נאכמאל און נאכמאל מעלה גירה זיין נאר איך האף מיט די תגובה וועל איך ענדיגן און מאכן א סיום אויף די סוגיא
קודם כל איך בין קיין סאטמערער קיינמאל נישט געוועהן נישט קיין ארוני און נישט קיין זאלי איך קום נישט פון קיין סאטמארע משפחה בכלל און קיינמאל קיין סאטמאר׳ער תלמיד נישט געוועהן הגם איך בין אויפגעוואקסן אינעם וויליאמסבורג׳ן שמאַלץ טאָפ האט מיך מיינע עלטערין אויסגעלערנט צו רעספעקטירן יעדעם איינעם אפגעזעהן צו ער האלט אנדערש און ביי אונז איז דער סאטמארער רב זצ״ל און דער קלויזנבורגער זצ״ל געוועהן אויפן זעלבע שעלף פון א בחינה פון אלו ואלו דברי...
מיך אינטערסירט נישט קיין שום פאליטיק פון רבי׳ס נישט פון די חצר און נישט פון די אנדערע (די עכטע...) איך האב נישט קיין סטאַקס נישט ביי די ארונים און נישט ביי די זאלונים און נישט אין קיין שום אנדערע חסידות אין ס׳איבלט מיר בכלל צו רעדן וועגן זייערע נערישע אגענדע׳ס און זייער אינערליכע משפחה פאליטיקס איז אלזא טרעט איך נישט אריין אין צימע״ס ווי גרויס די יאהר איז און אויך נישט מיט קיין אנדערע ניק און דערווייל איז דעס מיין ערשטער און איינציגסטער ניק וואס איך האב אמאל פארמאגט אויף א אידישע בלאג
וואס קרענקט מיך יא איז ווען איך זעה נארמאלע געלונגע אינגלייט וואס געוונטליך קענען זיי זיך ערלויבן צומאל צוטראכטן אינדרויסן פון די באַקס אבער ווען ס׳קומט צו זייער ״רעבע״ און זייער ״געטשקע״ וועלן זיי זיין גרייט פאר יעדע פרייז צו באשיצן מיט נערישע קינדערישע לאָגיק זייערע אכשר דרא׳דיגע ״מנהיגים״ מיט זייערע ״פארטייען״ וואס פירן אונז ביי די נאז אפגעזעהן צו ס׳דינט די אינטערעסן פונעם ציבור און צו ס׳איז בארעכטיגט צו נישט
און אזוי ווי איך האב מיך אויף מיין אייגענער הויט אויסגעלערנט ווער די ״רע־בנים״ זענען פיל איך א ״חוב קדוש״ דאס מיטצוטיילן מיט אייך מיינע חשובע ברידער און זיך אויסגעבן מיינע שאַלישודעס בויך וויי און אונזער געבענטשטען ״שטיבל״ וואס אגב דאס איז דאך איינע פון די פון די הויפט מטרות פון א בלאג צו שעירן אינפארמעישן און פארציילן די אייגענע לעבנס עקספירענס בבחינת 'איש את רעהו יעזרו ולאחיו יאמר חזק' און מיר דארפן טאקע שטענדיג געדענקען מכיר טובה צו זיין פאר אזא טייערע אוצר און די לוקסוס פון די היינטיגע געוועב בכלל און פון ״קאווע שטיבל״ בפרט
דערפאר ווען ס׳האט זיך גערידערט וועגן די קול קורא אקעגן די היימישע טערעפיסט אין בארא פארק און ס׳קומען צופליען אזעלכע נאַיווע סטעיטמענטס מיט א טוץ פון טיטלען אויף שרגא האגער דער קאסובער אזש כמותו ירבו בישראל האט עס גאר שטארק ארויפגערוקט מיין בלוט דרוק היות כ׳האב געהאט די זכי׳ זיך צו ווייקען במחיצתו פאר לאנגע יאהרן און זיך צו באקענען פערזענליך מיטן צדיק און מיט אסאך אידן וואס האבן זיך אפגעברוהט פון זיין טיפע ״חכמה״ און זיינע ״מעשים טובים״ האב איך געפילט אחראי צו פארציילן די אנדערע זייט פון די מטבע און נישט ווייל איך האב עפעס א נטיעות צו די רבי אדער צו יענעם ביי מיר זענען זיי אלע אייניג כולם אהובים כולם ברורים...זיי זענען נישטא צו געבן גארנישט פאר קיינעם זיי זענען נאר דא צו נעמען אזויווי די היינטיגע אפציעלע סלאגאן פון רביים ״אנוכי ולא יהיה לך״...
לענינו וועגן די דריי בחורים הי״ד איז מיין ציל מיט די אשכול נישט געוועהן געבינדען צו קיין שום פארטיי׳ישע פילאזאפיע און אויך נישט ווייל איך בין א פייערדיגע ציוני מעהר ווי א געווענטליכער עוורידזש אנדערע איד אויף דער וועלט וואס שטיצט די מדינה אויסערליך און ווארט און האפט נאר צו הערן גיטע נייעס פון זיינע ברידער אין מיטל מזרח אבער נישט ווייל איך בין עפעס משוגע לאותו דבר, עקסטרימיזאם איז קיינמאל נישט געווהען מיין פאך,
און איך בין בכלל נישט אריין אין די נושא פון ציונות און מזרחי חלק און צו די מתנחלים זענען יא אדער נישט גערעכט, אויף דעם בין איך זיכער אז ס'איז דא גענוג און נאך אשכולות ווי מ׳קען איבער דעם דיסקוסירן , און לאמיר אפילו אנעמען אז נניח ר׳ אהרן איז גערעכט (@טיטאניק זיי נישט ברוגז סאיז נאר מעטאַפאָריק) און זיי זענען זיך אליינס שולדיג פארן דארט וואיונען איז נישט יעצט די ריכטיגע צייט פאר דעם און פונקט אזויווי למשל ווען סזאל ח״ו פאסירן א אומגליק אין איינע פון ״זיינע״ מוסדות אדער קעמפס מיט א קינד (ה״י) און עס וואלט קלאר געוועהן א תוצאה פון א פארנאכלעסיגקייט מטעם די סטעיף אדער ״זיין״ הנהלה וואלט נישט געפאַסט אויסצושרייען הויך א טאג נאכן אומגליק אז דער באס דרייווער אדער יענער לייף גאַרד איז גאר געוועהן שולדיג אין דעם, נאר די הנהלה וואלט עס פאַרוואַסערט און געמאכט זיכער מיט פראטעקציע פון די פאליטישענס צו פארדרייען די מעשה די זעלבע וואלט געוועהן ווען הצלה קומט צו א היימישע קאָולל ווי די מאמע האט זיך מאיזה סיבה פארחלומ׳ט וועלן זיי אביסעלע (און אין געוויסע פעללער אסאך) פארדרייען די מעשה צו מאכן די מאמע אויסקוקן אין בעסערע ליכט, ווייל סאיז דאך ״משלנו״!
איך וויל ציטירען וואס petergrifin @האט געשריבן גלייך נאך די ביטערע נייעס :
רבותי. איך קיק אויף די בילדער און ס׳רײסט שטיקער. איך זעה מײנע ברידער און שװעסטער שטײען אין צער. איך זעה די זעלבע מענטשען די זעלבע אידן װאס זען אויס אזוי װי איך מײן װײב טאקע אין אנדערע קאלירטע קלײדער אבער די פנים איז די זעלבע. נישט קײן ציונים נישט קײן מתנחלים נישט קײן מזרחית׳ן אדער מאדערנער נאר מײנע ברידער און שװעסטער װאס שטײען און קלאגן פאר צער. אונז זענען ארום גענומען מיט רוצחים ימ״ש װאס זעהן אויך נישט קײן חילוק צװישן קאלירטער קלײדער און זײ פארגיסען אידיש בלוט–אונזער בלוט. תירוצים פארװאס זײ טוהן עס האבן זײ אן א שיעור אבער למעשה מײנען זײ אונז אלע ה׳י. אלע חשבנות און פאליטיק גײט נישט מאכן קײן גרויסע חילוק נאר אין לנו על מי להשען אלא על אבינו שבשמים. הי׳ד ע״כ @petergrifin און שפתים קישאק!
און דאס איז אלעס נאר געזאגט געווארן נניח די מתנחלים זענען ״נישט גערעכט״ און איך בין נאך אפילו נישט אריין מיט קיין וויכוחים צו זיי האבן א רעכט צו זייערע פשוטים און זייערע שיטות אין די תורה וואס לויט זיי איז עס גאר א מצוה , ווייל ס׳מאכט מיר יעצט אויף די מינוט קיין חילוק וועמענ׳ס ״תורה״ סאיז גערעכט בשעת ווען די גאנצע אידישע וועלט איז אנגעהילט און טרויער נאכדעם וואס מיר זענען געשטאנען געשפאנט און געווארט און געהאפט פאר גיטע נייעס און ווען מ׳האט ענדליך באקומען די שרעקליכע נייעס האט יעדער איד געפילט פערזענליך געטראפן און נאר אזא איינער וואס האט נישט קיין געפיל און פילט אז טאמער גייט ער נישט מיט קיין שטאפן הוט און ער איז נישט דורכגעווייקט אונעם רעבזעכיסיאגענליינו איז ער דאך נישט ״משלנו״ קען מען אויסדרייען דעם דופק און מאכן ״פראפעגאנדע״ און פירסום פאר זיינע אייגענע אגענדעס
איך גלייב אז קיין שום ערליכע איד אריינגערעכנט דעם דברי יואל זצ״ל וואלט קיינמאל אזוי פערזענליך אטאקירט עלטערין א טאג נאך אזא טראגעדיע איך בין נישט אזוי באקאנט מיט אלע זיינע תורות דעריבער זאג איך נאר אז איך גלייב אזוי און טאמער וועט איינער אפיר קומען און מיר ווייזן אז ער האט יא געזאגט אזוי אדער ענליכס וועט עס נישט טוישן מיין פערזענליכע מיינונג (כבודו במקומו מונח) און איך וועל אייביג בלייבן אויף ״אונזער״ זייט ווען עס וועט זיין געפעכט ציווישען אידן און אנטיסעמיטן אפגעזעהן צו זיי גייען מיט א פלאכע היטן צו מיט א כיפה סרוגה צו זיי וואוינען אין מאנרא חברון פיטסבורג אדער אפרת...
און מיט דעם מיין אז איך האב יוצא געוועהן מיין חוב מחאה זאלן אלע אידישע קינדער האבן א גיט שבת און א געזונטע זומער און אונז אלע זאלן זיך אויפהערן קריטיקירן איינער דעם צווייטען און אלע אידן זאלן זוכה זיין צו לעבן אינאיינעם ברידערלעך מיט א אמת׳ע ״שבת אחים״
אחינו כל בית ישראל הנתונים בצרה ובשביה העומדים בין בים ובין ביבשה המקום ירחם עליהם ויוציאם מצרה לרוחה ומאפלה לאורה ומשעבוד לגאלה השתא בעגלא ובזמן קריב ונאמר אמן:
רעדאגירט געווארן צום לעצט דורך 4 אום שבת אחים, רעדאגירט געווארן 0 מאל בסך הכל.
Everything we hear is an opinion, not a fact. Everything we see is a perspective, not the truth
Marcus Aurelius
שבת אחים האט געשריבן:אזוי ווי ס׳קוקט אויס ווי דער עולם האט מיך שלעכט פארשטאנען וויל איך מסביר זיין על מה יצא הקצף און איך וועל נישט זיין ווי א צובראכנע רעקארד און נאכמאל און נאכמאל מעלה גירה זיין נאר איך האף מיט די תגובה וועל איך ענדיגן און מאכן א סיום אויף די סוגיא
קודם כל איך בין קיין סאטמערער קיינמאל נישט געוועהן
בקיצור קיין סאטמארער קיינמאל געווען און דו פארשטייסט שוין וואס דער דברי יואל וואלט ווען געטון אהא
איך וויל ציטירען וואס petergrifin @האט געשריבן גלייך נאך די ביטערע נייעס :
רבותי. איך קיק אויף די בילדער און ס׳רײסט שטיקער. איך זעה מײנע ברידער און שװעסטער שטײען אין צער.
דו האסט א פראבלעם מיט מיינע ברודער איך האב אויך און יעדער האט אויך דערפאר רייסט שטיקער ביי יעדן די בילדער פון די זיסע בחורים וואס זייער אייגענע טאטע האט זיי אריין געלייגט אין לייבן גרוב אבער איך האב אויך א פראבלעם מיט מיין טאטן אין הימל וואס איז בצער אויף דעם וואס מענטשן פון זיין פאלק זיין עם הנבחר טרעטן אויף זיין תורה יעדן טאג מיט'ן וואוינען דארט און זענען זיך מפקיר זייערע קינדער פאר זייער עבודה זרה פון שלימות הארץ
און ר' אהרן טוט וויי כבוד שמים וואס ווערט נתחלל מדי יום ביומו און ס'טוט אים אויך וויי אויף מיינע ברודער וואס וואוינען "נאך אלס" דארט און זענען נאך אלס מקריב זייערע קינדער פאר תאות הנצחון און אויף דעם בלוטיגט ער און שרייט און פרעגט מיט ווייטאג ווער געט אויף דעם א היתר פארשטייסטו מיר גוט ?
נישט יעדעס מאל וואס דו הערסט א רבי רעדן דארפסט עס אנקוקן נעגטאיוו קודם טו יא אדורך די נושא פון מתנחלים און נאכדעם שרייב חרם ועל זה יצא הקצף
אזוי ווי איר האט זיך לעצטענס אויסגעדריקט מיט גרויס צער וועגן דאס אידיש בלוט פון די דריי בחורים וואס איז ליידער פארגאסן געווארן, אזש איר זענט געגאנגען אזוי ווייט און געטייטעלט דעם פינגער אויף די עלטערן פון די בחורים אז זיי זענען אויך שולדיג אין דעם מארד.
וויל איך אייך פרעגן עטליכע פראגעס:
אויב זענט איר אזוי עמפינדליך צו אידיש בלוט, דאן וואס האט איר געטון צו איינהאלטן דאס בלוט וואס האט זיך געגאסן אין קרית יואל בעיקר פון תשמ''ה ביז תשנ"ה?
וואו זענט איר געווען ווען ר' יצחק לייב וויינגארטנ'ס בלוט איז פארגאסן געווארן אין מיטן שטאט וויליאמסבורג, דורך (נישט אראבישע) טעראריסטן?
וואס האט איר געטון ווען אומשולדיגע קינדער וואס האבן געלערנט אין בני יואל זענען אנגעגריפן געווארן אין אייער שטאט דורך אייערע מחבלים בלויז פאר די עבירה פון נישט מקיים זיין שלימות הארץ "ארץ ק"י"? האט איר געוואוסט אז דער מנהל אין חדר שלאגט קינדער וואס האבן עובר געווען אויף די גרויסע עבירה פון באזוכן די גע'אסר'טע שטחים? ווי למשל; די רעביצינ'ס הויז באדישהעל'ע שול, ועוד.
אז ער האט געהאלטן א דרשה פאר די קינדער אז ווען מ'זעט א אומגליקליכע אינגל פון די גע'אסר'טע מוסדות זאל מען אריבערלויפן די אנדערע זייט גאס. זייער בלוט האט געמעגט פארגאסן ווערן אין אייער שטאט אויף אייער זייגער?
וואס האט איר געטון צו פארמיידן אייערע בחורים פון זיך איזדיקעווען אויף אידן וואס זענען געווען פאליטישע שונאים כ" ו אב, פארן ריזיגן חטא פון "באטרעטן דעם באדן פונעם ציון דרבינו יואל צו זאגן תהילים?" האט איר באשטראפט די יונגאטשעס וואס האבן צו'מזיק'ט בנציון פריעדמאן ? שמעון בראך? ועוד.. זייער בלוט איז ווייניגער רויט ווי די פון די דריי בחורים?
אויב באדערט אייך אזוי שטארק ווען אידיש בלוט ווערט פארגאסן דאן פארוואס זענט איר געזיצן גלייכגיטיג ווען מ'האט ארויסגעווארפן "וואלנער" פון מקוה עצי חיים אויף סטראפקאוו דרייוו, אנע קליידער אויפן גאס אין א שניי? האט איר באשטראפט דעם טעראריסט, אדער אים געקלאפט אין רוקן.
וואס האט איר געענפערט די אלע טאטעס וואס האבן זיך געוויינט און געבעטן מיט טרערן: "לאזט מיין בחור זיצן אין ישיבה לערנען! פארוואנדלט אים נישט אין א פארברעכער וואס לעכערט רעדער און פארברענט קארס... מיט א פוסטע פרעכהייט האט איר זיי געענטפערט "נע ס'איז גארנישט! ס'איז שטיל.... מ'האט צובראכן א קאר... און ס'איז ווייטער שטיל! אלעס כדי אייער כבוד אייער פאסטן זאל בלייבן אומבארירט?
לאמיר אפילו זאגן אז די אלע מענטשן זענען געווען, ווי איר האט זיי גערופן "מהרסים" וואס האבן זיי סך הכל געוואלט? אז איר זאלט ווערן אויס רב אויס ראש ישיבה. נו צו פארמיידן אידיש בלוט וואלט זיך נישט געלוינט אפצוטרעטן? איר ווילט אז דער מתנחל וואס האלט מיט אן אמת אז ס'איז א מצוה צו מיישב זיין ארץ ישראל זאל אויפגעבן אויף זיין אידיעלאגיע, זיין שיטה, זיין וועג ווי אזוי ער באהעפט זיך צו גאט, בשעת איר האט נישט געוואלט אויפגעבן איין אינטש פון אייער כבוד ושררה, און דערביי אפגעהארגעט דורות פון בחורים און קינדער, וואס אנשטאט זיצן און לערנען האבן זיי געשפיגן, געשאלטן, און געשלאגן אידן אינמיטן גאס, צו אייער גוטהייסונג! בלויז אנצוהאלטן אייער קאנטראל, אייער שררה, אייער הנהגה, וואס איז לויט קיין שום דעה א מצוה אין די תורה.
איר זענט דאס לעצטע מענטש אויסלערנען אנדערע א פרק אין הלכות "אידיש בלוט". איר דארפט זיך שעמען איינצוטיילן אנדערע ווי אזוי צו היטן אינגע בחורים פון א סכנה.
