היימישע עסקנים העלפן א היספאנישע פאמיליע!

[איש צדיק תמים]

טייערע ברודער.

די וואך איז און ספרינג וואלי ניו יארק אראפגעקלאפט געווארן א צוואנציג חדשימ'דיג קינד אויף טויט ל״ע.

דאס קינד קומט פון א ארימע היספאנישע פאמיליע, וואס האט ממש נישט קיין געלט צו באגראבן דאס קינד. די גויים האבן צוזאמגענומען געלט און צום באדויערן האט עס א פינסטערער גנב גע'גנב'עט.

ווי מיר זענען אלע באקאנט, קומט ליידער פאר שרעקליכע העצע׳ס אויפן היימישען ציבור איבער גאנץ ניו יארק, אבער און ראקלענד קאונטי בפרט, אז מיר היימישע אידן רעכענען זיך נישט מיט די גוישע קאמיונעטי׳ס און מיר קערן נאר פאר די אייגענע וד״ל.

העסקן הדגול ר׳ אהרן ווידער דער היימישער לעגיסלאטאר און ראקלענד צוזאמען מיטן היימישע ארגאנאזאציע OJPAC האבן זיך אינאיינעם צוזאם גענומען אויפצוטרייבן געלט פאר די פאמיליע.

אין הלכה שטייט וקוברין את מיתיהם מפני דרכי שלום. רבותי! דורך העלפן דא אין דעם פאל ווי אן ארימע פאמיליע פון ראקלענד׳ס ארימסטע שכונות, הארט ביי די חרדי'שע ספרינג וואלי\מאנסי, האט נישט די עטליכע טויזנט דאלאר צו באגראבן זייער קינד וועלכער איז אומגעקלאפט געווארן קען מען מאכן א געוואלדיגע קידוש השם טאקע מפני דרכי שלום

לאמיר ווייזן פאר די און די דרויסענדיגע געמיינדעס אז מיר קערען דווקה יא, און מיר העלפן ארויס אפי׳ אונזער נישט יודישע שכנים, ביטע מאכט א קידוש השם און זייט מנדב אפאר דאללער פאר די ארימע פאמיליע.

בזכות דעם קידוש השם זאל אייך דער באשעפער באצאלן מכל טוב וטוב.

http://www.ojpacfoundation.org

[וויליאמסבורגער]

פארוואס נוצן זיי נישט א וועבסייט וואו מ'זאל קענען געהעריג מיט האלטן וויפיל געלט ס'איז שוין אריינגעקומען?

[געפילטע פיש]

אויב וואלטן זיי מיר געפרעגט וואלט איך זיי גע'עצה'ט זיי זאלן אראפנעמען די נעמען פון יוסי געשטעטנער און בעני פאלאטשעק פונעם סייט. ס'איז זייער א שיינע זאך צו טוהן, און וועט גורם זיין א געוואלטיקע קידוש השם, אבער אסאך וועלן פילן ווי זיי פיטערען די פאר וואנאבי גאט'ס פארטרעטער צו קענען אויפווייזן וואסארא גרויסע קידוש השם אונז מאכן און פארוואס ס'קען נישט זיין קיין מאלעסטער אדער שווינדלערס אין אונזער קאמיוניטי וואס טוט אזוי פיל צדקה און טובות אפילו פאר די שלעכטע גוים.

[שעפטל]

אבי נעגעטיוו! אין פאקט איז נישטא קיין עסקנים אין מאנסי, נא אז אהרן ווידער, -וואס אגב גייט לויפן פארן אסעמבלי זיץ-, יוסי געשטעטנער און בעני פאלאטשעק שטעלן זיך ארויס סיי ווען מ'דארף פארטיידיגן די קאמיוניטי און סיי ביים העלפן די אינדרויסענדע, איז תבוא עליהם ברכה. ס'זיצן חוץ פון זיי סתם אלט געזעסענע טשיקענס וואס האבן מורא צו זאגן זייער אפיניאן אלס שרעק אז מ'וועט זיי מער נישט רופן צום חנוכה פאדי, זאלן זיי ווייטער שטיל זיין, און לאזן די אינגערע נייע ג'ענעראציע גיין זייער וועג און טוהן וואס זיי פילן אז ס'איז גוט.

פארגעס נישט, מאנסי איז אסאך אין די נייעס לעצטענס איבער די אידן דארט, אביסל גוטע פאזעטיווע נייעס און דעקונג, אפילו עס ברענגט נאר איין פראצענט גוטס, האט זיך עס שוין אויך געלוינט.

האמער געגעבן געלט מקיים צו זיין דעם הלכה....

[טאמבל סאס]

דעי קאמפיין דערמאנט מיר אין דעם חסידישען איד וואס האט זיך דאס ערשטע מאל ארויסגעכאפט פון די גבולי העיר, אריין אין א גויאישע קלאב, נאך א כוסה צוויי גייט ער צו צום ערשטן שחור און נעמט אים ארום מיט אהבה, "זאלסט וויסן, מיר אידן האבן זייער ליב שחורים. מיר האבן גארנישט קעגן ענק!"
הויך געשעצטער געשטעטנער מיט פאלאטשעק וועלן מער אויפטוהן וועלן זיי וועלן קאמפיינען אינעווענדיג אין אונזערע מוסדות מ'זאל שוין אויפהערן מיט דעם עשו שונא ליעקב מאקסים ווי ארויסגיין אינדרויסן און אנשטעלן א פנים ווי כאילו ס'גייט אונז אן א ספאנישע גוי אינדערצייט וואס שומרים איז ביזי אנהאקן געיס.

[כוכב]

#בלא בלא בלא

[טאמבל סאס]

יעצט געזען די קליפ. כ'מוז זאגן כ'בין גערירט געווארן.

[שעפטל]

http://m.youtube.com/watch?v=ZzDZRtKSOk ... e=youtu.be

[איש צדיק תמים]

טאמבעל סאס, כשמו כן הוא, פארדרייט.
אידן טוען עפעס וואס לכל הדעות איז א פאזעטיווער זאך פון א מענטשליכען שטאנדפונקט, תורה׳דיגער שטאנדפונקט, און א זאך וואס האט געברענגט אביסל פאזעטיווע דעקונג פאר אינזער געמיינדע.

פארוואס דארף מען דא אריינמישן ״זאל מען בלא בלא בלא?

פריי דיך אז אפאר יודן האבן געטאן צו די זאך, מאך א טאמבל סאס און דריי דיך איבער.

[געפילטע פיש]

ארי מאנדעל זאגט אמאל אויך גוט.

They helped a non-Jew. Did you hear that? A non-Jew!! STOP THE PRESSES!! Did I mention it was a NON-JEW?! Somebody alert the Nobel committee!!

[איש צדיק תמים]

איך וואלט נישט געווען סופרייזד אויב די פיש ווערט סערווירט מיט מאנדעלעך אויף איין טעלער. וד״ל

[outspoken]

ארי מאנדעל זאגט אמאל אויך גוט.

They helped a non-Jew. Did you hear that? A non-Jew!! STOP THE PRESSES!! Did I mention it was a NON-JEW?! Somebody alert the Nobel committee!!

[left]YES!!! when he and other self hating former JEWS would not be busy that the JEWS are stealing from NON-JEWS nobody would talk about JEWS and NON-JEWS, do you NON-JEW former JEW understand?[/left]

[בענדזשאמין פרענקלין]

דאס אז א איד העלפט א נישט איד ווערט א סענזאציע מיט אן עקסלעמעשן מארק איז די גרעסטע סענזאציע, והמבין יבין.

[berlbalaguleh]

ארי מאנדעל זאגט אמאל אויך גוט.

They helped a non-Jew. Did you hear that? A non-Jew!! STOP THE PRESSES!! Did I mention it was a NON-JEW?! Somebody alert the Nobel committee!!

ניין. ער זאגט נישט גוט. ווייל ווען די גוי'אישע מידיא האקן אויף אידן און זענען מדגיש די נעגאטיווע זייט פון די אישוס, און וואס פארא "וויקטימס" די גוי'אישע שכנים זענען נעבעך פון דעם אידישן אראגאנץ, איז נישט דא קיין איינער וואס זאל אויפהייבן א שטימע אקעיגן דעים און זאגן אז ס'איז נישט אמת. און ווען איז געווען דאס לעצטע מאל וואס א נישט אידישע גרופ , נישט קיין פאליטישנ'ס פאר אן עלעקשאן, זענען ארויסגעקומען און אפגעלייקנט סיי וועלכע באשולדיגונג אדער באשמוצונג אויף די אידן אלס גרופ.

[יין שרף]

דאס אז א איד העלפט א נישט איד ווערט א סענזאציע מיט אן עקסלעמעשן מארק איז די גרעסטע סענזאציע, והמבין יבין.

אנטשולדיגט! זעהט אויס איר ווייסט וואס איך ווייס נישט.
ווען א גוי דארף סיי וועלכע הילף גייט ער צו זיין פאמיליע און חברים. וואס דאן באקומט ער עס אדער יא אדער נישט...
קוים קוים אמאל וואס ער באקומט עפעס בענעפיטס פון זיין קאמיוניטי.
וויפעל מאל האט איר שוין געזעהן א גוי דארף פינאנציעלע הילף און זיין גלח מאכט א טיי אווענט פאר אים...?


ביי אונז איז דא יעדן צווייטן טאג א טיי אווענט פאר א נצטרך, וואו צענדליגע מענטשען וואס קענען ניטאמאל די נצטרך קומען זיך משתתף זיין.
האסטו איין מאל געזעהן א שווראצער קומען צו א טיי אווענט פאר א איד???
האסטו איין מאל געזעהן א ספאנישער קומען זיך משתתף זיין ביי א טיי אווענט פאר א איד???
צו סיי וועלכער גוי זיך משתתף זיין ביי א טיי אווענט פאר א איד???
דרכו של עולם הוא אז א מענטש העלפט זיינע ארומיגע און פון די אנדערע פארגעסט מען...
אונז העלף מיר אונזערע און זיי העלפן (?) זייערע...

ממילא יא! אז א אידישע ארגניזאציע איז ארויס פונעם סדר העולם און אנגעפאנגען א קאמפיין צו העלפן א גוי קומט עס מיט א SHOUTOUT!
נאכדערצו ווען רוב נדבות זענען געקומען פון אחינו בנ"י.

אלע וואס זוכן מיט לעכט שמוץ אויף כלל ישראל זאלן זיך גיין באהאלטן אין א מייזן לאך!!!

[פליקער]

יין שרף, די ביזט גערעכט, צי העלפן א גוי איז נישט קיין חיוב על פי תורה, ווייל די סיבה פאר וואס א איד ברויך העלפן א צווייטן איד איז ווייל היינט בין איך דער וואס גיבט און די דער וואס נעמט, אבער מארגען און מארגן מיין איך יש מחר לאחר זמן, ביי קינדער אדער אייניקלעך, איז די מעשה פארקערט, דעריבער גיב די היינט, און מארגן גיבט זיין אייניקל פאר דיין אייניקל, משא"כ א גוי וועט זיין אייניקל נישט געיבן קיין מאל פאר דיין אייניקל, ממילא איז נישט דא קיין חיוב.

טראכט די מצוה פון צדקה ווי א אינשורענס פאליסי, ווער עס איז א חלק פון די פאליסי, דער איז דערין, אבער א גוי איז נישט אינשורעד, ממילא ברויך מען אים נישט געיבן פון די פארדינסען, נאטינג פערסאנעל.

מהאי טענה קלער איך אז היות רעבעלעך זענען זיי מיט זייערע קינדער און אייניקלעך נישט קיין חלק פינעם ארבייט'ס פארס, זענען זיי עקסקלודעד פון די פאליסי, און לכאורה איניש דא קיין מצוה זיי צי געיבן, ווייל זייערע אייניקלעך וועלן אויך קיין מאל נישט שטיצען א נויטבאדערפיגטע איד, און זיי זענען אלע מאל די מקבלים, קיין מאל קיין נותן.

וועסע דאך אוודאי קלערן אז דעיס האב איך אויסגעטראכט פון מיין געדעירעם, וועל איך דיר זאגן אז דאס איז א גמרא מפורשת, מסכת שבת דף קנ"א עמוד ב, וז"ל,
תניא ר' אלעזר הקפר אומר לעולם יבקש אדם רחמים על מדה זו שאם הוא לא בא בא בנו ואם בנו לא בא בן בנו בא שנאמר (דברים טו, י) כי בגלל הדבר הזה תנא דבי ר' ישמעאל גלגל הוא שחוזר בעולם א"ר יוסף נקיטינן האי צורבא מרבנן לא מיעני והא קא חזינן דמיעני אם איתא דמיעני אהדורי אפתחא לא מיהדר אמר לה רבי חייא לדביתהו כי אתי עניא אקדימי ליה ריפתא כי היכי דלקדמו לבניך אמרה ליה מילט קא לייטת להו אמר לה קרא קא כתיב כי בגלל הדבר הזה ותנא דבי ר' ישמעאל גלגל הוא שחוזר בעולם.

[בענדזשאמין פרענקלין]

יעדעס יאר ווערן אויפגעטריבן ביליאנען דאלארן פאר כל ערליי וואויל-טעטיגע ארגאנעזאציעס. ביי יעדע קאטאסטראפע עפענען זיך צענדליגע פאנדס צו העלפן די געשעדיגדע און פארוואונדעטע צו זאל עס זיין א צונאמי אין יאפאן אדער א פארפלייצומג אין נוי אורלענס, א ערדציטערניש און הייטי אדער א הונגער אין קאנגא. די אלע געלטער קומען נישט פון מענטשן וואס קענען זיך איינער דעם צווייטען. איך רעדט שוין נישט פון דעם אז א יעדע אנדערן טאג עפענט א צווייטער א קאמפיין אויפ סאשעל מידיע פאר א פרישע נצרך און עס פליסט אריין געלט אזווי די אידן האבן געגעבן ביים משכן. פון מענטשן פין אלע ערליי שיכטן און ראסן צו מענטשן פון אלע ערליי שיכטן און ראסען, מענטשן וואס האבן זיך קיינמאל פריער נישט געזעהן.
למעשה וויפיל אידן קענט איר וואס באשטייערען צו אזעלעכע צוועקען ארויס פון אונזערע דלת אמות? אדער ווען למשל האט איר די לעצטע מאל געזעהן א איד ביישטייערען צום רעד קראסס?
איך מיין נישט מקטרג צו זיין ח"ו און אויך נישט צו קריטיקירן, סך הכל וויל איך לעכערן דעם גרויסען עקסטאז פון טייל דא איבער דעם גרויסן ערייכונג אז מיר האבן באוויזן עפעס וואס קיינער אויף דער וועלט האט נאך פריער נישט באוויזן, נישט ממש, אבער יוא געט מיי פוינט.

[אפטעמיסט]

למעשה פרעגט מען א גוטע שאלה: ווען איז דער לעצטער מאל א היספאנישער איז געקומען צו א טיי אווענט. איך האלט יא אז מען האט געטון אן אייגענארטיגער זאך אז א גאנצע פרעמדע קאמיוניטי איז געקומען צו הילף צו פרעמדע מענטשן און כ'האב צוליב דעם מנדב געוועהן א פאר דאללאר. אפילו די גוי'אישע מידיע האט עס באריכטעט מיט אדמאראציע און וואונדער.

ס'איז אבער יא אביסל גערעכט אז חסיד'ישע אידן קומערן זיך גאנץ ווייניג מיט אלטוועלטליכע טראגעדיעס. ווער פון אונז האט פארלאזט א טרער אויף די רייזענדע פון די מאלאזיע פליגערס? ווער פון אונז האט שוין אמאל באשטייערט פאר די הונגעריגע און אפריקע? הגם וואס מ'קען פארענטפערן אז די גוים געהערן נישט צו קיין קאמיוניטיס אזוי ווייט, זיי האבן נישט קיין טיי אווענטס יעדע שני וחמישי, דערפאר געבן זיי זייערע צדקות פאר אינטערנאציאנאלע צוועקן. משא"כ אונז אידל'ך וואס זענען פארנומען שפייען געלט ביי שחרית מנחה מעריב.

אויב ווילט איר דווקא מקטרג זיין אויף כלל ישראל קענט איר לייקן אן אשכול איבער די נושא וואס כ'האב געשריבן א צייט צוריק.

[יאיר]

וואס א חילוק פארוואס מען טוט עס, רוב צדקות און טובות ווערן געטון צוליב זייטיגע אינטערעסען. דער עיקר איז ס'איז א הערליכע זאך צו זען חסידישע אידן ארויסהעלפן היספאנישע מענטשן, און דער באשעפער זאל העלפן ס'זאל זיך אריבערטריקלען צו אנדערע פלעצער, זאליס זאלן אנהויבן העלפן ארונים, בעלזער זאלן העלפן סאטמארער, חסידים זאלן העלפן או טי דיס, און אזוי ווייטער. ומתוך שלא לשמה בא לשמה.