הרה"ח ר' ישכר דוב פריעדמאן ע"ה, ראה"ק דקיט"ל מהר"א סאטמאר

[שעפטל]

ברוך דיין האמת:
ס'איז יעצט אריינגעקומען די נייעס אז הרה"ח המפורסם, ר' ישכר דוב (ר' בערל ווי מ'פלעגט אים רופן) פריעדמאן, ראש הקהל ד'קהל יטב לב ד'סאטמאר, ומחבר ספר 'יד שלום', בן הרה"ח המפורסם ר' ליפא ע"ה, דער באוויסטער מנהל מוסדות סאטמאר, איז יעצט נפטר געווארן.

פרטים פון די לוי' און אזוי אויך א שטיקל באשרייבונג איבערן נפטר וועט אי"ה נאכפאלגן

[כוכב]

Wowowowowo האסט מיך אויסגעכאפט מיט א סעקונדע, כהאב דיך יעצט געטעגט אין א צווייטן אשכול.

[דריידל]

איך מיין אז ס'האט זיך שוין נישט גוט אנגעפאנגען. די טיטול "העראישער ראש הקהל" איז אן אנדייטונג אז דא גייט מען באשרייבן מחלוקת. דער עולם זאל זיך האלטן צו טריקענע פאקטן איבער דעם נפטר און א באזינדערע אשכול קען געעפענט ווערן אין צימעס

[שעפטל]

ערשטע לוי' אפדעיט:
די לוי' וועט פארקומען 10:00, ביים ביהמ"ד ד'קיט"ל ד'סאטמאר אויף 15'טע עוו. אין בארא פארק, ווי דער ראה"ק איז געווען פון די מייסדים און לאנג יעריגער מתפלל.
פון דארט וועט עס גיין בערך 1:00 צום ביהמ"ד הגדול ד'סאטמאר אויף הופפער סט. אין וויליאמסבורג.
און פון דארט בערך 3:30 ביים ביהמ"ד הגדול אין קרית יואל,
ווי ער וועט נאכדעם קומען למנוחתו אינעם ביה"ח דקהל יטב לב ד'סאטמאר אין קרית יואל.

[קושקע]

...

[ברוך שאמר]

איך מיין אז ער גייט אויף פאפא אין N.J. נעבן זיין ווייב ע"ה ?

[שעפטל]

ווי ער וועט נאכדעם קומען למנוחתו אינעם ביה"ח דקהל יטב לב ד'סאטמאר אין קרית יואל.

דער ראה"ק וועט קומען למנוחתו נעקסט צו זיינע פארגייערס, הרה"ח ר' לייביש לעפקאוויטש ע"ה, און הרה"ח ר' סענדער דייטש ע"ה

[דריידל]

קומטס מאכן סדר דא באצייטענס
[tag]גבאי[/tag][tag]אחראי[/tag]..

[כוכב]

קושקע ווען איך בין ווען א גבאי וואלט איך דיר אויסגעשפארט פאר א וואך.
ביזט טאקע אזא פערד קענסטוך נישט האלטן אין די ראמען, א וואוילער איד איז געשטארבן מוזטו עס פארצימעסן.
סארי טו טעל יו, דו באלאנגסט נישט דא, אדער פירסטו דיך ווי א מענטש, אז נישט, גיי צוריק פון וואו ביזט געקומען אדער זיץ אפ אין צימעס.

[ברעט מענינג]

[youtube]http://www.youtube.com/watch?v=XKkdr2QDC2E[/youtube]

[[NAMELESS]]

היסטארישע פראנט פעיזש פון די בלאט

[שעפטל]

געטס מיר אפאר מינוט.... לאמיך ענדיגן שרייבן איבער אים און דערנאך הייבטס אן מיטן קאמפיין ס'זאל אריינגעטראסקעט ווערן אין צימעס.....

[משבק]

ווער נעמט אים איבער?

[שעפטל]

ר' בערל פרידמאן איז געבוירן געווארן בערך‏ תרפ"ז, צו זיין טאטע הרה"ח ר' חנני' יו"ט ליפא ע"ה, דער שפעטערדיגע לעגענדארער פירער און מנהל המוסדות ד'סאטמאר. זיין מאמע איז געווען די טאכטער פון הגה"צ רבי שאול בראך זי"ע דער קאשוי רב.

‏ער איז אן איידעם געווען ביי הרה"ח ר' יחיאל מעכיל ניימאן ע"ה, זיין ווייב איז אוועק אין תשס"א.

ר' בערל איז געווען א אינגער ענערגערישער עסקן, ער איז געווען פון די פארשטאנד אין די בראשית יארן פון די סאטמארע קהילה אין אמעריקע, געדינט יארן אלס יושב ראש ביי אסאך מסיבות, און אזוי אויך געווען דער‏ רעדאקטאר פון "דער איד" פאר א שטיק צייט.

זייענדיג ר' ליפא'ס א זון, האט איר געהאט א גאר נאנטן קרבות ביים רבי'ן דער דברי יואל זצ"ל און אסאך געשמיעסט מיט אים און מקבל געווען.

נאכן פטירה פונעם רבי'ן, האט ער זיך צוגעשטעלט ווי א לייב און אויפגענומען דעם רבי'ן דער ברך משה זצ"ל אלס "סאטמארע רבי", ר' בערל איז פון די ערשטע אינטערגעשריבענע אויפן קאונסעס און איז געשטאנען גאר געטריי צום רבי'ן אלע יארן.

אין יאר תשנ"ח נאכן פטירה פון די צוויי סאטמארע ראשי קהילה, הרה"ח ר' לייביש לעפקאוויטש ז"ל און הרה"ח ר' סענדער דייטש ז"ל, איז ער ערוועלט געווארן צו דינען אלס ראש הקהל ד'קהל יטב לב ד'סאטמאר. ווי ער האט געטריי געדינט די קהילה זיך אוועקגעבענדיג זיין לייב און לעבן.

אפאר יאר צוריק האט ער ארויסגעגעבן זיין ספר מיטן נאמען 'י"ד שלום' (י'שכר ד'וב פריע"דמאן)

ער האט איבערגעלאזט א ברודער הרה"ח ר' אברהם (אלבערט), דער רעדאקטער פון די צייטונג.
און א שוועסטער אשת ר' מרדכי יודא גראס.

זיינע קינדער זענען:
ר' שאול הי"ו, פון בארא פארק, 
ר' יחיאל מיכל הי"ו, פון בארא פארק
ר' אברהם הי"ו, פון וויליאמסבורג 
אשת ר' משה זינגער הי"ו, פון וויליאמסבורג 
און אשת ר' מאיר לייב זעלצער הי"ו, פון בארא פארק ‏

[שעפטל]

ווי ער וועט נאכדעם קומען למנוחתו אינעם ביה"ח דקהל יטב לב ד'סאטמאר אין קרית יואל.

דער ראה"ק וועט קומען למנוחתו נעקסט צו זיינע פארגייערס, הרה"ח ר' לייביש לעפקאוויטש ע"ה, און הרה"ח ר' סענדער דייטש ע"ה

IMG-20140724-WA069.jpg (201.4 KiB) געזען געווארן 3033 מאל

[רחב רחב]

איך מיין אז ער גייט אויף פאפא אין N.J. נעבן זיין ווייב ע"ה ?

ער האט נאככאמאל חתונה געהאט. מען קען אים נישט לייגן נעבן זיין ערשטע פרוי.

[קושקע]

http://www.ch10.co.il/news/56709/#.U9FAUPldUSX

[שעפטל]

[center]איך נפלו גבורים ויאבדו כלי מלחמה
הרבני החסיד הישיש המפורסם בר אוריין ובר אהבן
מוה"ר ישכר דוב (בערל) פריעדמאן זכרונו לברכה
לאנגיעריגער ראש הקהל ד'קהלתינו הקדושה ובעמח"ס יד שלום
[/center]
מיט טיעפע צער און ווייטאג האבן אנשי שלומינו בכל מקומות מושבותיהם אויפגענומען היינט אינדערפרי די טרויעריגע בשורה, איבער די פטירה פון הרב החסיד המפורסם מוה"ר ישכר דוב (בערל) פריעדמאן זכרונו לברכה, ראש הקהל ד'קהלתינו הקדושה, זון פון הרה"ח מוה"ר חנני' יו"ט ליפא ז"ל מנהל מוסדות סאטמאר.

דער ווייטאג איז נאך פריש און דער וואונד איז נאך אפען זיך צוזאמענצונעמען און אפשאצן די געוואלדיגע אבידה זעלבסט, און זיינע געוואלדיגע מעשים און אויפטוען אין קהלתינו הקדושה בכל קצוי תבל איבער די לעצטע עטליכע אין זעכציג יאהר כולן שוים לטובה, ובפרט זיין מסירות נפש און גרייטקייט להנהגת קהלתינו הק', וועלן זיכער געדענקט ווערן פאר לאנגע דורות.

די לוי' איז ארויס היינט אין די פריע פארמיטאג שטונדן פון בית מדרשינו אויף די פופצענטע עוו. אין בארא פארק – דאס ביהמ"ד וואס דער חשובער נפטר ז"ל האט אויפגעשטעלט בברכת קדשו פון מרן רבינו הק' בעל דברי יואל זי"ע.

אום 1:00 נאכמיטאג וועט אי"ה פארקומען די לוי' פארנט פון בית מדרשינו הגדול אין וויליאמסבורג, וואו עס איז ערווארטעט די באטייליגונג פון א ריזן ציבור אנשי שלומינו צו קומען אפגעבן דעם פארדינטן כבוד פאר דעם גרויסן נפטר.

אום 4:00 נאכמיטאג וועט אי"ה ארויסגיין די לוי' פארנט פון בית המדרש הגדול אין קרית יואל, און דאן וועט דער נפטר געפירט ווערן צום בית החיים ד'קהלתינו הק' אין קרית יואל, וואו ער וועט קומען למנוחת הארט ביים פתח הכניסה צום אוהל הקדוש פון מרנן רבותינו הקדושים זי"ע, הארט נעבן די פריערדיגע ראשי הקהלה ומנהלי המוסדות פון סאטמאר עליהם השלום, מיט וועמען דער נפטר ע"ה האט געהאט א גלייכער טייל און הנהלת והנהגת קהלתינו ומוסדותינו הק' פאר לאנגע יארן, הנאהבים והנעימים בחייהם ובמותם לא נפרדו.

[center]וכבוד גדול עשה לו במותו[/center]
אלס אות הכרת טובה פאר די אומגלויבליכע מעשים פון מסירות נפש וואס דער אומפארגעסליכער ראש הקהל רבי בערל ז"ל האט געלייסטעט פאר קהלתינו הק', וועט להבחל"ח כ"ק מרן רבינו שליט"א אין די נאענטע מינוטן ארויספליען מיט א פריוואטן פליגער פון ניו העמפשיר, וואו דער רבי שליט"א האלט זיך אצינד אויף אויף אפרוה, און קומען אפגעבן דעם כבוד האחרון ווי עס פאסט פאר'ן חשובן נפטר ז"ל ביי די לוי' הגדולה אין קרית יואל.

[center]תהא נשמתו צרורה בצרור החיים

-בשורות טובות!-[/center]
(קרעדיט: בחצרות)

[[NAMELESS]]

/

[קאך_לעפל]

היינט האט סאטמאר ליידער פארלוירן, איינער פון אירע ערשטע פיאנירן, וואס איז געשטאנען ליד ימינו פון רבינו הקוה''ט זי''ע, פון די סאמע אנהייב ווען דער רבי זי''ע האט אנגעהויבן איבערצופלאנצען אידישקייט דא אויפן הארטן אמעריקאנעם באדן.

ר' בערל איז געווען אן אייניקל פון הגה''ק רבי שאול בראך זי''ע, און ער דערמאנט אים אפי' איין מאל אין איינער פון זיי ספרים, ער איז געווען א שטארקער יודע ספר, און ער האט פארמאגט א פירענדע כאכאקטער, וואס ער האט באקימען אלס ירושה פון זיין פאטער, דער לעגענדארן סאטמארע מנהל המוסדות, וחכימא דיהודאי ר' ליפא פריעדמאן ע''ה.

ער האט פארמאגט א געוואלדיגע התקרבות צו רבינו הקוה''ט זי''ע, און ער האט זיך געטרויעט צו רעדן צום רבי'ן זי''ע, אזעלכע ענינים וואס גאר ווייניג מענטשען האבן געהאט די קוראש, וחיבה יתירה נודעת לו, וואס איז פול מער פארשטארקט געווארן, אין די יארן וואס ער האט געדינט אלס רעדאקטער פונעם דער איד, דער פארגייער פון דעם היינטיגען שטורמער.

ער האט אויך געהאט די זכיה צו שטיין בראש מערכת ישראל, און ער האט אקטיוו און גענוט אנגעפירט עטליכע פראטעסטן, קעגן די ממשלת הכופרים בארצינו הק'.

נאך דעם וואס דער רבי דער ברך משה זי''ע, האט איבער גענימען די הנהגה הק' בכל מלכות סאטמאר ומוסדותיה, האט זיך ר' בערן צוגעשטעלט צו די הנהגה מיטן גאנצען הארץ, און ער איז געווען פון די סאמע גרעסטע לייב גראוועדיסטן פונעם רבי'ן זי''ע.

ער האט געדינט אלס יושב ראש פונעם וועד קרן הבנין פונעם בית מדרש החדש אין וויליאמסבורג, ער האט אבער ליידער נישט זוכה געווען צו זען דעם בנין בתפארתה, און עס שטייט נאך ליידער ביז היינט כאבן שאין לו הופכין, צילוב דער ברוטאלע פארכאפונג פון די בניני הקהלה והמוסדות, וואס איז ליידער פארכאפט געווארן דירך אנשי רשע, און בני בלי שם.

ווען געוויסע רבנים זענען ארויסגעקימען קעגען דעם הייליגען ברך משה זי''ע, א טייל צילוב רשעות, און א טייל צילוב טפשות, און א טייל צוליב ביידע ביינאזאם, האט ער זיך ארויס געשטעלט וואו א פייערדיגע לייב, און אפגעשלאגען מיט כוח די אלע חיצים ובליסטראות וואס זענען געפלויגען געווארן קעגן סאטמאר.

שנת תשנ''ט ווען דער בן השלישי פונעם הייליגען ברך משה זי''ע, האט זיך פארמאסטן חרוב צו מאכן סאטמאר, און דעם גאנצען ארגענעזירטן קהלה'שע לעבן, מיט די הילף פון א גרופע משחיתים און רוצחים, האט ער זיך ווידער ארויסגעשטעלט, און אפגעראטעוועט וואס איז נאר מעגליך געווען צו ראטעווען, מיט א געוואלדיגע מס''נ, און ער האט זיך נישט וויסענדיג געמאכט פון די שלעק וואס איז געקימען אין זיין ריכטונג, אפי' ווען עס איז געקימען פון דעם סאמען בן השלישי זעלבס.

נאך דעם וואס רבינו שליט''א האט איבערגענימען די הנהגה, האט ער זיך צוגעשטעלט מיט אלעס וואס איז נאר מעגליך, און געשטאנען ליד ימינו פונעם רבי'ן שליט''א דירך צו פירן די רוחניות'דיגע רעוואליציע וואס רבינו שליט''א האט דירך געפירט אין די הייליגע קהלה.

ווען ער קימט ארויף אויף יענע וועלט, וועלן אים אפווארטן אונזער הייליגע רבי'ס, און אים געבן א יישר כח, פארן ראטעווען זייער הייליגע ירושה, און נישט צולאזען אז א כאפקע עמי הארצים און נואפים, זאלן חרוב מאכן אלעס וואס זיי האבן געבויעט מיט בלוט און שווייס.


יהא זכרו ברוך.....

[משבק]

סארא @קאךלעפיל

[משבק]

עפעס האט רבינו הק"והט געזאגט אויף ר בערלען? {קרעדיט בן השלישי}

[גאנצל]

ווי ער וועט נאכדעם קומען למנוחתו אינעם ביה"ח דקהל יטב לב ד'סאטמאר אין קרית יואל.

דער ראה"ק וועט קומען למנוחתו נעקסט צו זיינע פארגייערס, הרה"ח ר' לייביש לעפקאוויטש ע"ה, און הרה"ח ר' סענדער דייטש ע"ה

IMG-20140724-WA069.jpg

שלישי בקודש

די "דריי" לייבן וואס האבן זיך געשלאגן און אוועק געגעבן זייער בלוט פאר סאטמאר כל ימיהם און אלע דריי זענען געווען געטריי און בעיקר געפאלגט בתמימות אן קיין חכמות זיך צו געשטעלט בכל תוקף געווען געטריי פאר די דריי מנהיגי סאטמאר באמעריקא און זיך געשלאגן פאר זייער כבוד (ר' לייבוש און ר' סענדער האבן געטון פאר רבינו הד"י און ב"מ אלס רבי און פאר רבינו שליט"א מהר"א אלס אב"ד ק"י ויש להאריך עוד בזה בענין וויפיל זיי האבן געזארגט אז ער זאל זיין מ"מ ואין כאן מקומו)