תשעה באב תשע"ג סטייל

[הוגה]

[tag]געפילטע פיש[/tag], זאגסט דאך אזוי גוט, מתוק מדבש!

די וועלט פארציילט איבער די דארפ'ס איד וואס האט געטענה'ט אז משיח וועט נאר צישטערן זיין רואיגע לעבן. פארוואס זאל ער מיט זיין ווייב, זיין קיעלע און ציגעלע זיך מוזן ארויף שלעפן קיין ארץ ישראל? זאל משיח ארויף נעמען די גוים און אונז לאזן צורו! אזוי האט די פויער געטענה'ט.

און אזוי טענה'ן מיר אויך. פארוואס דארפן מיר א בית המקדש ווען מיר האבן שוין איינס אויף ראסס סטריט, איינס אויף ווילסאן, נאך איינס גייט געבויט ווערן אין די ארמארי. אפילו אין לעיקוואד האמיר איינס. ווער דארף משיח ווען מיר האבן הרב שטיינמאן אדער הרב אויערבאך? אז משיח וועט קומען וועט ער זיך נאר אריינמישן און אפהארגענען די באבובער דין תורה היל''ת. מיר האבן א געשמאקע לעבן, מלוכות מיט מיליאנען אין ריעל עסטעיט, און טויזנטער שעפעלעך וואס זענען גרייט א יעדע סעקונדע מקריב צו זיין זיך און די משפחה, ס ממש א מחיה. משיח וועט דאס אלעס נאר פארהרגנען.

[שמעקעדיג]

קיינמאל, קיינמאל!! בין איך נאך נישט געווען אזוי דיסעפוינטעד און האפענונגס-לאז ווי איך בין יעצט דא!!

מען ליידט אין גלות ברוחניות ובגשמיות כל מיני יסורים, השמדות, צער און עגמת נפש, אלעס פארן האפענונג אז עס וועט זיך אמאל אויסצאלן, שמחנו כימות עניתנו!
אויב איז די גאנצע האפענונג בלויז אז עס וועט זיין עולם כמנהגו נוהג, קען מיר איינער מסביר זיין פארוואס ס'איז נאך דא איין נארמאלער מענטש וואס בלייבט א איד? נאר כדי צו פארלירן אלע וועלטן?

אני בתומי אלך, איך גלייב ווייטער אז עס גייט זיין גאר גוט, כימי צאתך מארץ מצרים אראנו נפלאות, און קיינער זאל פליז נישט באסטן מיין באבל. שכוח.

[דעת תורה]

שמעקעדיג, זשאסט דיך צו בארואיגן, ימות המשיח איז לויט כמעט אלע דעות נישט קיין אייביגקייט, עס האט א גבול. נאכדעם... אה, נאכדעם קומט די ריכטיגע סחורה. עולם הבא.

כל הנביאים כולם לא נתנבאו אלא לימות המשיח, אבל לעולם הבא, עין לא ראתה אלקים זולתך.

[שמעקעדיג]

אמת, מען האט שוין אויסגעשמועסט דא מערערע מאל.
ד.ה. אז חלק א' וועט נישט זיין עפעס ווייסעך-וואס אזוי גוט? בלויז א פטור פון שעבוד מלכויות?
הנה אנכי שולח לכם את אליה הנביא לפני בא יום ה' הגדול והנורא. דאס וועט זיין בעפאר לעולם הבא?

[פליקער]

מען ברויך אויפוועקן דעים [tag]אשכול אויפוועקער[/tag]

[פליקער]

קיין סך האט זיך נישט געטוישט פון פאריאר, אלעס איז געבליבן די זעלבע

משיח איניש געקומען דערווייל, ברויך איך נאך א תשעה באב בעינקל

וואצעפ האט זיך פארקויפט פאר זעכצען ביליאן, און עס איז מער אקטיוו ווי אייביג

סטיוו דזשאב איז טויט- מען ברויך נאך אלס כאפן א פלאג פאר קינות

נישטא קיין סיעס פייער - עס קיקט אויס אז מען וועט האבן וואס צי טיען

[יין שרף]

REMINDER! צו ריטשארדזען די סעלפאונס!

[יין שרף]

ווי אויך שטייטזעך טרינקען כמלא פי הגמל ז׳ פעמים ז׳, כדאי צו לויפן אינמיטן די קינות כלל ישראל אין ביסקיס יעדע שיעור הילוך ג׳ טפחים, מקיים צו זיין די פסוק אני אני ירדה מים השיבינו אליך ונשובה

[איינגעמיירעט]

פון די אלע הבטחות אויף די ימי הגאולה איז דארט קיין זאך נישט מקויים געווארן אחוץ אז די מלוכה איז סא טו סעי אידיש,\

האסט פארגעסן אז דאס איז די איינציגסטע הבטחה וואס איז דא אויף ימי הגאולה לפי שיטת שמואל והרמב"ם, און איז לכולי עלמא די מערסטע וויכטיגסטע דערפון.

אגב, אסאך הבטחות און נבואות וואס אפילו דער רמב"ם האט מוציא געווען מידי פשוטם ווייל עס איז געווען אזוי שוורע זיי צו גלייבען וועגן זמן העתיד, זענען שוין מקוים געווארען היינט אין דער גאנצער וועלט אדאנק די טעכנאלאגישע פארשריט.

עס איז גאנץ זיכער אז א איד אפילו פון זמן הבית קומט היינט און טרעפט די משונה'דיגע שפע און יכולות וואס איז דא אויף דער וועלט, אפילו מיט די אלע 'צרות' וואס מיר האבען ליב צו וויינען אויף זיי, וואלט זיכער געווען אז ער טרעפט זיך בכלל אין גן עדן..

[tag]לעיקוואד[/tag]
דער רמב"ם רעדט פון א מלך גרעסער ווי שלמה, אלע מלכי אומות וועלען זיין נכנע אונטער עם, און דער רמב"ם רעדט פון א מלך וואס וועט אוועקשטעלן דת ישראל, דער רמב"ם רעדט פון די התרוממות כבוד אלקי ישראל איבער די גאנצע וועלט.

מ'דארף דאך זיין בלינד צו זאגען אז מ'האלט ביי ימות המשיח להרמב"ם, דער רמב"ם רעדט פון משיח בן דוד אלס מלך.

כדרכך שרייבסטו מיט א פעסטקייט כאילו דו זאלסט ווען געהאט דורכגעטוהן די סוגיא, דו ברענגסט נישט קיין מקורות מכלומר'שט ווייל דו האסט פשוט נישט קיין געדולד מסביר צו זיין, דו שרייבסט נאר אזא רח"ק תשובה, אמאל ווארפסטו אריין עפעס א גוגעל סורטש פון עפעס א ישיבשע גערעדאכץ א שטייגער ווי נחשוני וכדומה.

וחוץ מזה, דער רס"ג, דער כוזרי, דער ראב"ד, די רמב"ן, האלטן אלע אז ס'וועט זיין על טבעי, דער רמב"ם איז א שיטה יחידאה.
אויב איינער האט איבריג צייט זאל ער מוחל זיין און שרייבען א בירור.

די ציל פון מיין שרייבן דא איז נישט זיך צו טענה'ען מיט מענטשן וואס האבן א פראבלעם מיט אידישקייט און מיט אננעמען די עיקרי אמונה וואס אונזערע עלטערען האבען מיט אונז געלערענט.
איך שרייב דא נאר פאר איינער וואס פאלט דא אריין און מיינט טאקע אז דנר רמב"ם איז מגולגל געווארן און לעיקוואד און שרייט צו אונז אז אונז זעמיר שוין אויסגעלייזט, פאר אזא איינעם זאג איך גיי לערען טאקע כוזרי, אמונות ודעות לרס"ג, ספר הגאולה פון רמב"ן.

און צו די אלע הבלים וואס [tag]געפילטע פיש[/tag] שרייבט דא צאם.
וועל איך נאר זיך באציען צו איין נקודה.
די עיקר נקודה פון ימות המשיח, פון צו האבן אן אייגענע מלכות, און בכלל די עיקר נקודה פון כלל ישראל איז, ס'זאל זיין איין פאלק וואס היט אפ די אויבערשטערס תורה און איז מפרסם אלקותו בעולם.

די ראש השנה'דיגע שמו"ע שיסודו בבית מדרשא דבי רב, וואס גאנץ כלל ישראל זאגט, איז כסדר פארנומען מיט דעם.
ד.ה. אז ס'וועט זיין א מלוכה פון די יודישע רעליגיע א מלוכה וואס איז מפרסם אלוקות, און דורך דעם וואס די מלוכה וועט מצליח זיין וועט נתפרסם ווערן דעם אויבערשטענ'ס מלוכה. און דאס מיינט מלוך על כל העולם וכו' וידע כל פעול כי אתה פעלתו וכו'.

די מלוכה היינט וואס האט מיט קיין שייכות נישט מיט יודישקייט און מיט כבוד שמים איז נישט וואס די אלע ספרי נביאים און ראשונים רעדן.

אוודאי ביי חסידים ווייסט מען אז די אויבערשטער האט ליב א יוד, בין כך ובין כך קרוין בנים וכו', און ער היט און טוט נסים פאר אלע זיינע קינדער, און ער ווארט אויף יעדע יוד'ס תשובה, ממילא אפילו פאר די מדינה טוט דער אויבערשטער נסים פאר אלע אידן, אבער דאס האט נישט קיין שייכות מיט די פריערדיגע דערמאנטע זאכן.

[לעיקוואד]

מפרסם זיין אלקות איז סובייעקטיוו.
רובא דרובא וועלט גלייבט היינט אין איין גאט און די אלע עבודה זרה'ס וואס דער נביא זאגט פאר וועלן צושמעטערט ווערן זענען שוין לאנג ללעג ולקלס ביי די גאנצע וועלט.

[כוכב]

און וואס איז מיט אטאאיזם וואס ווערט נאר שטערקער?

[לעיקוואד]

דאס איז בעיקר הייפ פון געוויסע וואס רופען זיך אטעיסטן. ס'איז נישט אמת באופן כללי אין דער וועלט.

[לעיקוואד]

עניוועי, אין דער אשכול האב איך געשריבען פאראיאר, איך ווייס נישט צו היינט בין איך מסכים צו אלעס וואס שטייט דא בשמי. כ'בין אין אביסעל מער א פעסימיסטישער גיסטע דאס יאר, איז משיח מעג שוין קומען, הגם איך ווייס נישט אויב דאס וועט עפעס העלפען כנ"ל.

[איינגעמיירעט]

[tag]לעיקוואד[/tag]
ס׳איז מיר א פרייד צו זעען, אז סאיז נאך דא אזעלכע מענטשען וואס לאזען זיך פלאץ איבערצוטראכטען זייערע שטארקע הנחות,און האלטען זיך נישט שטארק בא הנחות וואס האט זיי אויסגעזעען נעכטין צו זיין די אמת.

בנוגע אלקות,איז בעיקר משמע און ספרי הנביאים אז ימות המשיח וועט זיין, ווען די גאנצע וועלט וועט זעען אז די יודען וואס גייען נאך די תורה,ווערען געהאלפען דורך אלקי ישראל,און די יודישע מלוכה וואס גייט נאך תורת ישראל ווערט נתגדל אויף די וועלט,דעמאלס וועט מען זעען אז די אויבערשטער איז נאמן לבית ישראל,און דאס וועט אויפשאקלען די אומות אז אלקי ישראל איז מלך ומלכותו בכל משלה.
און דיע גאנצע געשטעל דארף זיין דורך מלכות בית דוד און ירושלים,
דאס איז וואס שטייט צענדליגע מאל און נ״ך און אין די תפילות שמו״ע פון אגאנץ יאר און בפרט און שמו״ע פון ר״ה,און און ברהמ״ז.
דאס וואס אומה״ע האלטען האלב וועיגס פון איין גאט איז נאך זייער ווייט פון ,פחדך על כל מעשיך,ישתחוו לפניך כל הברואים ״ויעשו כולם אגודה אחת לעשות רצונך בלבב שלם״ און פון ויאמר כל אשר נשמה באפו ד׳ אלקי ישראל מלך,ויקבלו כולם את ״עול״ מלכותך.
און

[פליקער]

ב"ה היי האט איז שוין בכלל נישט שייך די גאנצע אשכול, ווייל זינט די 'קינות קלל' ישראל איז שוין מער נישט פארהאן קיין שום סמארט פאון'ס, אלע וואצעפס זענען ב"ה בטול ומבוטל, אפילו קאווע שטיבל איז אינטערגעגאנגען ציליב די תקנות הדורות, קוים קוים וואס גוגל ארבייט נאך, על כן היי יאר וועט זיך אנזעין אז דער עולם ביטערט אויפן חרבן הבית, דעריבער פעילט נישט אויס די גאנצע אשכול, אולי זאל מען עס פארמעקן, כדי עס זאל פארגעסן ווערן אז נישט אזוי לאנג ציריק איז כלל ישראל שיעור אינטערגעגאנגען.

[פליקער]

תשע"ו

[שמעקעדיג]

און... תשע"ז.
ועדיין לא נושענו.

[פליקער]

תשע''ח, און מיר זענען נאך אלס אינעם פינסטערען גלות.

שווער און ביטער איז דער גלות, וואס און בלויז 5 יאר וואס דער פותח האשכול האט געשריבן האבן פיל זאכן געטוישט, שויו נישטא קיין סעלפאון'ס אין שיל, איך האב נישט באקומען קיינע וויצען מער אויף וואצעפ נאר די שיעורים פון רעב מיילעך בידרמן ווי ער קלאגט פינף שעה און איין צו.

יעדע שיל האט זיין גבאי און יעדע סקווער פיס האט א פליקאט קעגען די סמארט פאון אויה לי

נאר אין די קאנטרי'ס קען מען נאך נעמען די פאון אין די הענט אריין אן כאפן א מאשקאנטע אללי לי.

אלע קעמפ'ס האבן אנגעהויבן אהיים שיקן די קינדער שבת חזון און פאסטען מיר אויפן מוח אויה לי.

תשעה באב היי יאר איז געפאלן אויף א זינטאג און איך מיז זיין אין קאנטרי, און מער ברויך איך נישט זאגן ווי גרויס די בראך איז אללי לי.

[ליטוואק פון בודאפעסט]

ריכטיג, בשעת ווען כלל ישראל זענען געזעסען על אדמתם, איז עפ"י רוב געווען שווערע צייטען, אבער די סיסטעם און די פראבלעמנן זענען נישט געווען ווי היינט.

בימי שלמה המלך, האט מען געלעבט אין א גאלדענע תקופה. נישט אלע יארען, אבער א חלק דערפון. נאך דעם האט מען געזינדיגט און יעדע זינד האט געברענגט נאך פראבלעמען, דערקייקלונגען און עונשים מיט ירידות גשמיות ורוחניות. די האפענונג פון ערליכע אידען דעמאלס איז געווען צוריקצוגיין צו שלמה המלך'ס צייטען. מ'האט געהאט דער גאנצע אינפראסטרוקטור אין פלאץ, נאר פרטים האבען געפעלט, און צו אט די גאולה השלמה האט מען געשטרעבט.

עד שבא נבוזראדן רב הטבחים און אונטערגעצינדען די גאנצע זאך. די גאנצע אינפראסטרוקטור ארום וואס מלכות בית דוד איז געבויט איז שוין נישט דא. עס איז צוזאמגעפאלען נישט נאר די בנין, נאר די גאנצע האפענונג איז אונטערגעברענגט געווארן. אויף דעם קלאגט מען, און מיט די נייע מציאות קען מען זיך נאכאלץ נישט משלים זיין.

די היינטיגע מדינת ישראל, רעלאטיוו צו מדינת רוסלאנד פון מיין זיידעס, איז טאקע גליקליך. אבער איך זעה נישט קיין דירעקטע ליניע צווישען איהר און א פאלנע גאולה. עס איז נאך דא א ווייטע וועג ביז ווילאנג די קאנסטיטוציע איהרע איז תורת משה מסיני. געדענק אז אריין וואוטען א שווארצע הוט טראגעדיגע פאליטישען אלס ראש ממשלה איז נאכאלץ שטארק גלות'דיג. די געזעלשאפט דארט ציעט די גשמיות און פוסטקייט, און פונקט ווי אין אלע גלות'ן, פאדערט זיך אן איבערשטרענגונג צו דערלעבען עפעס העכערס. די גאולה גייט ברענגען, אלס א מינימום, א נייעם לעבענסשטייגער אין וואס גשמיות און צרכי הגוף וועלען פארנעמען נישט מער ווי איהר ריכטיגע ארט, אלס א טפל צום עיקר חיי הרוח פון עבדות לה'. דאס איז אלס נכלל אין די שעבוד מלכיות וואס אפילו דער רמב"ם איז מודה וועט אוועקגיין ביים גאולה העתידה.

און צום שלוס, דאס אז אזעלכע ווערטער קענען געשריבן ווערען ת"ב פארטאגס מיט טרוקענע אויגען, וואס דאס מיינט אז די אלע זאכען זענען נישט אריבער די מיליאן מיילס וואס שטייען צווישען די מוח און די געפיהל, איז אויך א חלק פון די גלות וואס מדינת ישראל האט נישט געלעזט.

[פאלאצ'ינטא]

נאך א בילד פון דעם בענקעל נישט מקנא זיין

מיט אזא בענקעל, וויל ער טאקע משיח?