איז אויסגעהאלטען זיך צו באנוצן מיט א גרימפיגזא?

[[NAMELESS]]

זייער גוט ארויס געברענגט.
כ'האב פינקט דעם שבת גערעדט צו דריי דיינים און זיי האבן אלע מיר געזאגט אז דאס איז ביהרג ואל יעבור.
ישר כח פאר'ן מעורר זיין

[ביבער]

אריין אין אכשר דרא אשכול, אינדערהיים איז עס געווען א דבר מצוי אין יעדע אידישע שטוב, אין ראובן'ס ארכיוון פון כ"א איז עס נאך געהעריג אדווערטייזט.

[מבקר]

i don't understand what you all are talking about please spell it in english, thanks

[למדן]

דו קוואוט עס און נאכדעם קען מען עס שוין מעקן, לענינינו מיין איך אז גרימפיגזא האט שוין דער מילקשעיקער גע'אסר'ט בזמנו

[לעיקוואד]

איך האב געהערט דעם שבת ביים קידוש א שמועה שפעטער האב איך עס קאנפירמט ביי דריי עדים כשרים, אז דער הייליגער קרומשפילער רבי זי"ע האט אמאל שבת זיך אויפגעוועקט פון זיין אפרוה על מיטת קדשו לאחר עבודת אכילת החמין של שבת און ער איז געווען ממש אויפגעשוידערט וועגן עפעס. קיינער האט נישט געוואוסט וואס דאס מיינט. נאכ'ן זיך בארוהיגען אביסל האט דער נענסטער משמש זיך געוואגט פרעגן דער רבי וואס איז דא געווען. האט ער גגעבן א זאג מיט פייער אין די אויגן. ג-גר-גרי-גרימ-גרימפ-גרימפיג. ויהי לפלא. ווייל געווענטליך האטדער רבי נישט געשטמאפעלט.
על כל פנים וואס אונזערע קליינע מוחות קענען פארשטיין איז קלאר אז דער כלי משחית וואס הייבט זיך אן מיט א גימל טאר נישט זיין אין קיין שום אידיש שטוב און עס איז א גזירה נוראה אז אנדער ווייסען נישט דערפון און די צייטונגען זענן נישט גענוג מעורר דערויף.

[יידל]

ביינונז האט מען ניטאמאל ארויסגעזאגט דעם ווארט, מען האט דאס נאר גערופן "דער ג' כלי".

[יאיר]

געהערט פון א שמועה - נישט קאנפירמד - אז אלס גדר און סייג האט מען זיך געפירט ביי ערליכע אידן צו אסר'ן אלע סארטן געפירעכצער וואס האבן זיך אן מיט א ג' און אפילו צו אסר'ן צו וואוטן פאר אזעלכע פאליטיקאנטן וואס ווילן דורכפירן געזעצן וואס זענען דאס דוקא מתיר. ויש חולקים.
אויב דער איזראעלישער ג'ימל איז נכלל איז ביז היינט א מחלוקת צווישן די גדולי הונגריה ופולין. און היסטאריקער זאגן אז דאס איז געווען איינער פון די יסודות'דיגע חילוקי דעות (עכ"פ אויף וויפיל מיר קענען פארשטיין) צווישן די כרומפירער און מילקשעיקער הויפן.

[לעיקוואד]

מיין חבר האט מיר געשיקט דער דאזיגער לינק, וואס ער האט געבעטן דער גוי ביי עם אין אפיס זאל זיכען, און ער האט געדריקט פארווערד מיט הענטשקעס נישט נדבק ווערן פון די טומאה, תוכן הדברים זאגט ער איז אז אין די גאנצער אידישער וועלט ווערט די טומאה נישט דערמאנט בכלל נאר אין איין פלאץ אויף דער טרוירעריג בארומטער ק. ש. (איך ווייס בכלל נישט וואס דאס איז, מיין חבר זאגט מיר אז די רבנים פארציילען אז דאס איז דער גרעסטער מסית ומדיח אין די יוניווערס). לערנט מען פון דעם ווי ווייט היימישע אידען האבען זיך אלץ געהאלטן פון די סארט זאכען און וואס דאס מיינט.

[למדן]

מ' פלעג עס רופן ''יענע כלי'' , נישט געוואוסט אז ס' א כלי...

[קאפקעיק]

דוקא אינדערהיים איז געווען געציילטע מקומות וואס מ'האט עס יא גענוצט, און ס'האט זיך טאקע געטוהן א גרויסע מחלוקת אויף דעם, ביז מ'האט געזעצט א בית דין ספעציעל פאר דעם, און פה אחד עס גע'אסר'ט, דער בי"ד איז ביישטאנען פון די גרעסטע אין דעם דור, ס'איז געזעצן דארט (פון רעכטס צו לינקס) די רמב"ם, דער חפץ חיים, דער מנחת אלעזר, און ר' מיכל'ע פון נתניה.

[למדן]

קען דאך נישט זיין, ווייל א בית דין קען נישט באשטיין פון פיהר, חוץ אויב דער רמבם איז געווען ספרא דדיינא אדער ר' מיכלע נתניה.

[קאפקעיק]

אויף אזא שווערע נושא פלעגט מען יא זעצן א בי"ד פון פיר.

[געפילטע פיש]

ס'עקלט מיר בכלל אז מ'רעדט פון אזא זאך דא, ס'דארף זיין בבל יראה ובל ימצא. די אנגעזענע ניקס דארפן אפעלירן צום די חשובע הנהלה מ'זאל מעקן דעם געהענגל.

[אפטעמיסט]

הערטס חברה, איטס אידער מי אור די אשכול. איך וועל נישט בלייבן שרייבן אויף א פלאץ וואו מ'וואגט זיך שרייבן זאכן וואס אפילו דער ספאנישער ערל דערווייגט זיך נישט צו טראכטן פון. ס'איז האר-אויפשטעלענד ווי אידן, בני אברהם יצחק ויעקב, זענען געפאלן אזוי נידריג עד כדי כך אז מ'רעדט פון אזעלכע נושאים בריש גלי! ציממערמאן, קלאר, לאוב — מה לכם נרדם??? אוי! נחלתינו נהפכה לזרים בתינו לנכרים!! אוי אהא!

[למדן]

דער הייליגער מילקשעיקער, וואס איז געווען דער רשכבה''ג און קיינער האט זיך נישט נישט געוואגט צו גיין קעגן זיין פסק הלכה און ווי באקאנט איז ער געווען א גרויסער חקרן אז ער פלעגט געבן טיפזיניגע שיעורים אין ניטל און ת''ב..., און כידוע האט ער קיינמאל נישט געשריבן קיין איבריג ווארט שרייבט קלאר אין די תשובה וואס האט בשעתו אויפגעשאקלט א וועלט וואס ער'ט געשיקט צום בי''ד וז''ל '' וכבר אסרו ע''י כל גדולי עולם וזה כמה מאות שנים שלא השתמשו בו בקרב ישראל'' עכלה''ק
ס' איז קיינמאל נישט געווען ס' האט זיך אריינגעכאפט נאכן ערשטן וועלטס קריג און ס' האט אפגעשוואכט גאנץ יודישקייט כידוע ליודעים

[דענקער]

דער הייליגער חותם הספר שרייבט אז דער איסור אויף גרימפיגזא איז א גזירה פון די ועד ארבע ארצות. איז דאס ערגעץ דאקומענטירט? וואס איז געווען די סיבה פאר די איסור בימים ההם? זענען די סיבות נאך שייך בזמן הזה?

[קאווע טרינקער]

אבל.... אבותינו חטאנו.
ביי אונז אין משפחה איז מקובל א מעשה. גרויס-זיידע האט צוליב געשעפטן געדינגן אזא ג.... פאר עטליכע טעג. הרה"ק מ.... זי"ע איז פונקט דאן געווען אין געגענט צוליב א געלט מעשה, און האט מבטיח געווען דעם זיידען גוטע דורות אויב ער.... דעם ג.... מיט א שינוי.
וכך הוה.
גרויס-זיידי האט נאך בחיים חיותו זוכה געווען צו זעהן נחת. געוויסע אייניקלעך זענען גאר כולל אינגעלייט!!

[zurich]

נחום ראזענבערג איז אויף היי עלערט פון וואס מען רעדט דא, ער שרייט זעכער האט ער דא דערווישט נאך א מאלעסטעישאן קעיס...

[למדן]

דאס איז גרינס פיצא סטאר וכו וכו, באלד עטער נאך זאגן ער'ט געוואוסט

[ביבער]

די מקור דערפון איז א זוהר בהעלותך וואס זאגט אז גרימפיגזא איז געווען די שוויגער פון לילית וכידוע ליו"ח ואכמ"ל.

[למדן]

האלאו כ' נאך א יאהר צוויי צו פערציג, אדם וכלים די עולמות און פרצופין גייט נאך מיט ווי עס ווערט פון בני יששכר און אנדערע ,אבער אזוי ווייט?

[קליגער אינגערמאן]

כ'האב קיינמאל נישט געקלערט אז ס'איז נישט אויסגעהאלטן. מיין טאטע האצעך באניצט דערמיט מיין זיידע אויך.. און איך אויך.. סאו וואס טו איך יעצט ? [tag]אליבא דאמת[/tag] עפעס א תשובה פליז..

[טשולענט]

מיט א צייט צוריק האט די "גאלדוויין מאגאזין" געהאט א אינטערוויו מיט'ן ערפינדער פון גרימפיגזא, וואו צווישן אנדערע ערקלערט ער דארט וואספארא ענערגיע דאס גיבט ארויס, אין איין דריטל פון א מילי סעקונדע קען עס פרודעצירן אריבער אכציג טויזנט גייטערס פון מעזיומעניטי, וואס ווען מ'רעכנט עס אויס אויפן גרעיווער איז עס גאר אסאך.

ער ערקלערט דארט אז די גרימפיגזא קען ברענגען שאדן צו די אדערן פון א מענטש אבער איז גאר זעלטן אין נאר אונטער פארשידענע אומשטענדן, אבער בדרך כלל אויב נוצט מען דאס לויט די פארשריפטן פון די פירמע דארף עס נישט זיין קיין פראבלעם.