טעכנאלאגיע אסיפה באשטימט אויף כ"ח אייר

[אךשמח]

ביי אונז היימישע אידן גייט שוין אן א מערכה כבידה קעגן דעם אינטערנעט א שיינע צאל יארן.

וואס איז דער פראבלעם דערמיט? יעדער קען זאגן און אנווייזן א צווייטע סיבה וואס עס איז שלעכט דערמיט אדער וואס פארשידענע מענטשן האבן געטון שלעכטס דורך דעם מאנסטערישן אינטערנעט.

אין אייוועלט האט חברינו קרעמער צוגעברענגט א לינק איבער די אנגייענדע מערכה נגד האינטערנעט. איך ציטיר זיין לשון:

אויב JDN ווייסט וואס זיי רעדן, האט מען שוין קובע זמן געווען פאר די גרויסארטיגע אסיפה כללית נגד האינטערנעט, עס וועט פארקומען ערב ראש סיון אין שעי סטאדיום:
http://www.jdn.co.il/news/53127

[[NAMELESS]]

איך קען בשום פנים ואופן נישט זעהן וויאזוי זיי וועלן קענען צאם שלעפן 42,000 מענטשען. אבער ווער ווייסט?? אפשר אויב יאסי געשטעטנער וועט זיך אריינלייגן וועט ער יא מצליח זיין איבערצורעדן עולם-גולם. איך האב אויך נישט געגלייבט אז אזוי פיל מענטשען וועלן שיקן בריווען צו דעם פלארידע גאווערנער אז מ'זאל לאזן לעבן הגה"ק מארטין גראסמאן זיעועכי"א.

[שמואל שלום שלמה]

אינו דומה שיקן בריוולאך להשתתפות באסיפה

[איש האמת]

ראש הקהל גאר א גוטע פוינט מיט א שיינע צושטעל

איך וועל נישט דארט זיין אי"ה פון די אזוי גערופענע 42,000 און האלט נישט פון דער אסיפה קיין כי הוא זה נישט
ווייל ס'דא אפאר עסקנים וואס ווילן גרויס מאכען האדמו"ר מסקולען והאדמו"ר מסקווירא, אז זיי זאלן אריינגיין און די היסטוריה
ביכער כאילו זיי האבען געפירט דיר אידישקייט בימיהם, דארף איך נישט זיין זייער בעזעם צו דעים,

האדמו"ר מסקולען איז א וואוילי יוד ואיש צדיק חוצ מזה, אבער חברה רילעקס, ער פירט נישט אידישקייט
והאדמו"ר מסקווירא זעכער נישט, ווייל דער גרויסע עסקן איז א סקווירא, און האט נגיעות צו זיין רבי, איז ער נאכנישט
א נאטראלע רבי מ'זאל אים דארפן אויסהערן...... בכלל לפענ"ד איז א מיסטעיק מ'האט אריינגעמישט א רבי מיט א חסידות אינדערמיט,
וואס עפעס ער מער פון עני אנדערע רבי........
און רבי מתתיהו סאלאמאן הוא ג"כ איש צדיק, דא ניצט מען עים נאר פאר א שטעקען פאר די ליטווישע חדר

עמער ווארטן מיט געדולד און זעהן ווי סאך שוואך נערוויגע מענטשען ס'דא

בכלל דארפן די סערווירער פון דער קאווע שטיבעל אפשר מאכען א באזונדערע אשכול נאר פון דער אסיפה

[chasid]

הרב איש האמת, דיין אמת גיסט איבער..
אויב דעס איז דיין פראבלעם דא, וועלכע רב/אדמ''ר/משפיע וועסטו פאלגן??

[איש האמת]

ס'דא גענוג צדיקים ומשפיעים בדורינו לא אלמן ישראל ב"ה
אבער זיי האבן נישט קיין עולם, מיט א פאמפע מיט אלעס
שיינע בעקיטשעם מיט פענסי קארס מיינט נאכנישט הייליגקייט

פונקט יעצט געהערט אן עובדא וואס הצדיק מטאלנא ירושלים זצ,ל האט געזאגט,
אז היינט מיינט מען אז אן ערליכע יוד, איז דער וואס האט א פענסיער אוטא פון א צווייטער,
זאג איך, איך בין דער ערליכסטער און הייליגסטער, איך פאר מיט דער אוטא בוס....

קען נישט ארויסגעבען מיין צדיק ומשפיע מחשש גילוי, אבער איין זאך יא,
וועסט עים נישט טרעפען און די וואך, און דער בליק, נאכדערצו א רבי וואס איין פעידזש איז ער נאכנישט בארואיגט

שוין מער נישט דא היינט קיין משה רבינו'ס, און אויף מיין חשבון ארויף, זאלעמען נישט באצווינגען אויפן עולם, איינער וואס אויף שטייט דער יודישקייט, ודי בזה

[chasid]

ס'איז מיר נישט קיין חילוק ווער ס'איז, אבער אויב ער גייט אויך רופן צום אסיפה קומסטו, יא?

[שמואל שלום שלמה]

יא עס איז א פאקט! נאכן שווער ארבייטן וואכן לאנג, ארומלויפנדיג צו עשירים וואס ווילן אנטייל נעמען אין דעם גרויסן זכיה, איז ענדליך אנגעקומען די מאמענט, און די נייעס איז ארויס אין די גאס. ועד איחוד הקהילות למען טוהר המחנה האט געלאזט וויסן אז מען האט אפגעדינגען די שעי / סיטי פילד סטעדיום אין קווינס ווי די מעכטיגע אסיפה אויף טעכנעלאגיע וועט פארקומען זונטאג, כ"ח אייר, מאי דעם צוואנציגסטען למספרם.

די סטעדיום פארמאגט 41,800 זיצן, אין ס'איז צום האפן אז אידן פון אלע שיכטן אין קרייזן וועלן זיך ווארעם אנרופן אין זיך באטיילגען אינעם אסיפה. די מטרת האסיפה וועט זיין צו פראמאטען דעם באנוץ פון פילטערס, ווי אויך וועט געלאנטשט ווערן א טעכנעלאגיע האטליין ווי מ'וועט קענען אריינרופן פאר טעקניקעל אסיסטענס מיט פילטערס (א שטייגער הרב אברהם שר'ס האטליין).


ליינט אלע דעטאלן דא: http://lakewoodlocal.com/2012/03/12/int ... iti-field/

[שרייבער]

גוט מארגן אמעריקא
מען גייט פראמאטן פילטערס
איר ווייסט וויפיל טויזענטער אידן נוצן פילטערס היינט צוטאגס, וגם אני הקטן בתוכם

וואס ווילסטו מיט די אסיפה?
די אלע חסידות'ער וואס זענען צוטיילט די רבי'ס קען מען נישט רופן, ס"ה וועט מען רופן די רבי'ס וואס ס'איז נישטא בכדי חסידותם לחלוק, נו וואס קלערסטו, פארוואס זאל פאר א וויזניצער חסיד אנגיין אז סקולענער רבי רופט א אסיפה?

דאס אז דו האסט צוזאמען גענומען אלע רבנים, קען איך אביסל פארשטיין, ווילסט פארלאנגן יעדער זאל טון, וואס ווילסטו אבער פון די מענטשן?
מיינע רעיונות לויפן אביסל ווי וואס איש אמת שרייבט

[[NAMELESS]]

אלס די מארגנים זעה איך נישט קיין חסרון, סקולענער רבי און רבי מתתיהו סאלאמאן זענען גאר א געלונגענע סעט דאס צו מארגן זיין, א חסידישער צדיק און א ליטווישער גדול. די עסקנים זענען אויך פיינע אידן, די שאלה איז נאר די מטרה, וועט מען עפעס אויפטון?

[chasid]

,

[דבילה]

וואס איז די גרויסע גליק פון אן אסיפה אין אזא נושא? גייט מען דען אסר'ן אינטערנעץ? גייען אפילו עשירים מער נישט קענען האבן די קלוגערע טעלעפאנען? גייען רבי'ס פון היינט און ווייטער מער נישט דונגען די אנגעלאדענטע אוטא'ס מיט די דוד'לעך?

די המון עם פאלגט שוין אויס כהיום הזה אונטער דרואונג פון די חדרים. די איינציגע וואס פייפען זיך אויס זענען די רבי'ס און די עשירים - און פאר זיי וועט נישט העלפן קיין פודנו ומצילנו.

[ידען]

אפשר וועלן די ת״ת און בתי חינוך מיטשיקן אלע קינדער צו דעם גרויסן אסיפה, ווייל זיי וועלן דאך דארפן איבערגעבן אין חדר אדער אין שולע אז מען האט דעם אינטערנעט...

אן עזרת נשים וועט זיכער צוגעשטעלט ווערן, מען דארף דאך די נשים צדקניות אויך מסביר זיין דעם חומר הדבר, און ווער דען וועט מציל זיין די מענער מן החטא?

איך קלער אז 40,000 זיצן איז נישט גענוג.

[קאווע טרינקער]

ארי פרענקל אויף קול מבשר (האט ער א פעיסבוק פעידזש) זאגט אז די החלטה און מטרה פון די אסיפה וועט געזאגט ווערן ביים ענדע... ער געט דאס בשום אין אופן נישט ארויס.
למעשה, לכל מאן דבעי למידע, איך גיי נישט נאר אויב ר' הערשל שכטר די ראש ישיבה, וועט דארט זיין.
אגב, ער האט באזוכט לעצטענס אין בעלזא שוהל. כ'בין נייגעריג וואס ער האט מגיב געווען.

[לאדיך אפ]

קאווע טרינקער, די מיינסט ר"י ישבה אוניווערזיטעט? נעה, ער איז נישט חלק פון "כלל ישראל" אפילו אויב עמי מאגאזין מאכט אינטערוויוס מיט אים (אייגענטליך, ווער ווייסט אויב נישט צוליב דעם האט מען דעם עמי אין חרם געלייגט?)

[קול גדול]

די אלע אסיפות וועלן גארנישט אויפטאן, ס'איז בלויז נאך א מיטעל צו קאנטראלירן די ביסעל אידן וואס הערן זיך נאך צו, אבער עולם כמנהגו נוהג און מ'קען נישט אפשטעלן די פארשריט פון די וועלט.

[קאווע טרינקער]

קאווע טרינקער, די מיינסט ר"י ישבה אוניווערזיטעט? נעה, ער איז נישט חלק פון "כלל ישראל" אפילו אויב עמי מאגאזין מאכט אינטערוויוס מיט אים (אייגענטליך, ווער ווייסט אויב נישט צוליב דעם האט מען דעם עמי אין חרם געלייגט?)

ניין, איך מיין די ראש ישיבה פון ישיבת רבי יצחק אלחנן...
sounds better

[[NAMELESS]]

[נטורי קרתא עסקן]

די אלע אזויגעריפענע רבנים און אזויגעריפענע עסקנים וואס ווילען מאכען די מסיבה האבן נאר איין פראבלעם!!! אין דאס איז אז זיי פארקויפען פאר זייערע קעלבעלעך א פארדרייטע יודישקייט און זיין לאזען נישט זייערע חסידים'לעך טראכטן פאר זיך אליינץ. די אינערנעט מאכט ווייזען אז די ציאניסטישע פראפעגאנדע איז פאנגט זיך נישט אהן און לאט זיך נישט אויס!! אין מ'קען זעהן די אלע וועבסייט'ס ווי עהרליכע יודען זענען מפרסם די עהרליכע דעת תורה, וואס ווערט נישט באשריבען אין די שמיציגע טרייפענע פארטייא'ישע צייטונגען. דאס האבען זיי מורא!! זיי האבן מורא מ'וועט זיך עפענען די אויגען!!!

[יידל]

נ"ק עסקן - די האסט דיין אייגענע אשכול ווי די קענסט פירלען און שרייען וויפיל די ווילסט. פליז סטעי אוט אף נארמאלע דיסקוסיעס...

[ברוין]

ערענסט גערעדט. וואס גייט מען טון אויב רעגענט יענע טאג? וועלכע שפראך גייט מען דארט רעדן?

[קאווע טרינקער]

פרענקל, אויף קול מבשר, זאגט אז ס'גייט זיין דארט קינדער אויך. נו, וואס קען מען שוין רעדן דארט.....
למעשה, הער איך אז ס'גייט זיין דארט פרי ווייפיי, ממילא זאל נישט זיין קיין צוריקהאלט פאר קיינעם צו ערשיינען.

זאת ועוד, מימי האט מען מיר אויסגעלערענט, און דאס איז פון די איינציגסטע זאכן וואס כ'האלט נאך אלץ אזוי, אז א צעטעל אן קיין נאמען איז א פאשקעוויל. ס'איז מסתבר אזוי אויך. ווארום, אז דו ביסט נישט גרייט צו נעמען די היץ, ווייזט דאס אז דו האלסט נישט אזוי בכל לב ונפש.
הנוגע לעניננו, אויף קיין איין צעטעל האב איך נישט געזעהן קיין נעמען ווער זענען די איחוד הקהילות?... כ'בין נייגעריג ווער פון מיין קהילה (דארט ווי איך פארלאנג אן יארצייט-עליה) איז מיין שליח אין כנסת אויף טעכנעלאגיע איינגעלעגענהייטען? ווער האט אים געשטעלט? איז ער די זעלבע שליח וואס ביקור חולים ד'בארא פארק האט געשטעלט אין יעדע בית המדרש פון א חודש פאר זייער דינער אויף ביז א שעה נאך די דינער?

[ידען]

ערענסט גערעדט. וואס גייט מען טון אויב רעגענט יענע טאג?

ס'איז מסתמא דא גרייט א נדבן אויף שירעמעס.

Lol

קען דען זיין אז פאר אזא כינוס שם שמים זאל מען פון הימל אונז באגיסן?...