I'm back האט געשריבן:ביי אונז אידן, פירט מען זיך ארויסצוהעלפן איינער די אנדערע.
איש עברי האט געשריבן:איך גיי פאר קאפקע, די נאמען אליין זאגט שוין אלעס, עפעס א מין שילוב פון א אויפגעקלערט יונגל וואס שמו של פראנץ קאפקא שגור על לשונו, און מאידן גיסא איז ער אדוק בלב ונפש אין רבינו יואל ורבינו מנשה, נעמט אן די ויואל משה כניתנה מסיני, און וועט אריינגיין בפירצות דחוקות צו פארענטפערן יעדע זאך וואס שטימט נישט מיט זיין שיטה.
ווי אסאך אויפגעקלערטע סאטמארע וואס שפורן זיך אומבאקוועם מיט א אומפראקטישע און אומרעאליסטישע שיטה, פרובירט ער אויך צו אריינוויקלן די הייליגע שיטה און א מסודר'דיגע פאליטישע אגענדע, און דאס מאכט אים עפעס א בן ברית מיט נועם כומסקי וכת דיליה, און ער גייט אין פייער צו פארטיידיגן יעדע זינלאזע אגיטאציע קעגן דאס אידיש לאנד.
געווענליך האב איך נישט ליב זיך מתייחס זיין צו די ניק'ס נאר לגופו של ענין, אבער לגבי קאפקע האב איך מיך נישט געקענט איינהאלטן ווייל עס איז מער ווי דער מענטש וואס שטייט אונטער די ניק, עס איז א ביישפיל פון א ברייטע ערשיינונג ווי סאטמאריסטן ווערן פארוואנדלט אין עקסטערם לינקע אידעאליסטן כדי צו דעקן די גירסא דינקותא.
איש עברי האט געשריבן:עס איז כמעט נישט געווען קיין גדולים וואס זענען געווען קעגן די געדאנק פון א אייגענע שטאט כשלעצמו, זיי האט געשטערט דאס אז עס וועט געפירט ווערן דורך די נישט פרומע אידן.
די הומאניטארישע טענה וואס דו ברענגסט אויף איז געקוקט זייער איינזייטיג און אויף א קליינע חלק פון די בילד, דאס איז די טיפיקעל צוגאנג פון די היינטיגע נעא-ליבעראלן און אזויגערופענע מענטשן רעכט אקטיוויסטן, מען נעמט א בילד אדער א געוויסע פאקט און מיט דעם טרומפיטטערט מען אן נעמען אין חשבון די גאנצע בילד, די התנחלות אין עזה האבן א ברייטערע קאנטעקסט ווי א מאפע אין די המודיע, לויט די מתנחלים איז דאס געווען א קריטישע חלק אין א סטראטעגיע פון הערשן אויף די גאזא שטרייף, און אויב די ווילסט קענסטו זיך דינגן אויף די עצם פאקט וואס די מדינה האלט אקופירט די אראבער, אבער דאס האט נישט קיין שייכות צום עצם געדאנק פון א זעלבסשטענדיגע לאנד.
ועוד חזון למועד
איש עברי האט געשריבן:עס איז כמעט נישט געווען קיין גדולים וואס זענען געווען קעגן די געדאנק פון א אייגענע שטאט כשלעצמו, זיי האט געשטערט דאס אז עס וועט געפירט ווערן דורך די נישט פרומע אידן.
ועוד חזון למועד
איש עברי האט געשריבן:יא עס איז ביז דאן נישט געווען די צוגעפאסטע אומשטענדען פאר א אייגענע שטאט, און עס איז נישט געווען קיין באוועגונג אויף דעם ריכטונג, אידן האבן מער געארבעט אויף זיך איינצוגלידערן אין אייראפע.
ישראל קאפקע האט געשריבן:איש עברי האט געשריבן:יא עס איז ביז דאן נישט געווען די צוגעפאסטע אומשטענדען פאר א אייגענע שטאט, און עס איז נישט געווען קיין באוועגונג אויף דעם ריכטונג, אידן האבן מער געארבעט אויף זיך איינצוגלידערן אין אייראפע.
Narrative factor in? גלות-גאולה, משיח, How does our
ישראל קאפקע האט געשריבן:איש עברי האט געשריבן:איך גיי פאר קאפקע, די נאמען אליין זאגט שוין אלעס, עפעס א מין שילוב פון א אויפגעקלערט יונגל וואס שמו של פראנץ קאפקא שגור על לשונו, און מאידן גיסא איז ער אדוק בלב ונפש אין רבינו יואל ורבינו מנשה, נעמט אן די ויואל משה כניתנה מסיני, און וועט אריינגיין בפירצות דחוקות צו פארענטפערן יעדע זאך וואס שטימט נישט מיט זיין שיטה.
ווי אסאך אויפגעקלערטע סאטמארע וואס שפורן זיך אומבאקוועם מיט א אומפראקטישע און אומרעאליסטישע שיטה, פרובירט ער אויך צו אריינוויקלן די הייליגע שיטה און א מסודר'דיגע פאליטישע אגענדע, און דאס מאכט אים עפעס א בן ברית מיט נועם כומסקי וכת דיליה, און ער גייט אין פייער צו פארטיידיגן יעדע זינלאזע אגיטאציע קעגן דאס אידיש לאנד.
געווענליך האב איך נישט ליב זיך מתייחס זיין צו די ניק'ס נאר לגופו של ענין, אבער לגבי קאפקע האב איך מיך נישט געקענט איינהאלטן ווייל עס איז מער ווי דער מענטש וואס שטייט אונטער די ניק, עס איז א ביישפיל פון א ברייטע ערשיינונג ווי סאטמאריסטן ווערן פארוואנדלט אין עקסטערם לינקע אידעאליסטן כדי צו דעקן די גירסא דינקותא.
שיינע אפשאצונג @איש עברי,
די איינציגסטע פראבלעם איז, אז איך בין 'נישט' קיין סאטמארער חסיד, נישט אויפגעצויגן געווארן, נישט היינט,
ווען איך בין געווען אינגער האב איך אפילו געהאט אנטוויקלט א גאנצע דאקטארינע קעגן די סאטמארע שיטה, און קעגן סאטמאר רב פערזענליך,
וואס האט מיר געמאכט אן אנטי ציוניסט איז געווען ווען איך האב געזען א מאפע פון די מתנחלישע ישובים אין עזה, בשעת די טעגליכע המודיע, , דער יתד נאמן, און דער משפחה מאגאזין (וואס מיר פלעגן באקומען טעגליך/וועכנטליך) זענען געווען היסטעריש פאר חדשים איבער די 'disengagement' כאילו סאיז א צווייטע חורבן הבית און חורבן אייראפע צוזאמגעמישט, ווען איך האב געזען א קאלירטע צוויי זייטן מאפע (די מיטלסטע פעידזש) אין די המודיע, וויאזוי אכט טויזנט מתנחלים (קנאפע צוויי-דריי טויזנט פאמיליעס) וואוינען אין עזה מיט א פאלעסטינער באפעלקערונג פון ווייניגסטנס א מיליאן און א פערטל (דאן) פאלעסטינער,
די פיצעלע לאנד פאס נעבן וואסער מיט 1.2-1.3 מיליאן איינוואוינער ווייניגער ווי 0.8% אידן, און די אלע שטחים וואס זיי (די 0.8%) קאנטראלירן, די אלע ראודס און וועגן וואס איז אויסשליסליך פאר זיי, וואס שטערט די איבריגע איינוואוינער פון פרייע נעוויגאציע, איך בין ממש געווען געפלעפט! נישט ווייל סהאט מיר געשטערט די אומבאקוועמליכקייט פון די פאלעסטינער, איך האב נאך נישט געהאט קיין שום מיטגעפיל אדער מיטלייד מיט זיי דעמאלט, איך האב פשוט נישט געקענט פארשטיין און באנעמען די 'סעלף פיטי' היפאקריטיע און ענד-פון-וועלט דעמאגאגיע פון די פרא מתנחלישע פרעסע, דאס האט מיר ממש שאקירט און צוביסלעך אויפגעוועקט צום פאקט אז ציוניזם איז א פארקרומטע פארדרייטע און קראנקע אידיעלאגיע,
דערנאך איז געקומען די רעאליזאציע אז פארן קריג האבן רוב רובם פון די חסידישע און ליטווישע רבנים און גדולים זיך מתנגד געווען צום ציוניזם, אנדערע קענען לעבן מיט אזא אינקאנסיסטענסי, זיי האבן נישט געוואוסט, סאיז געווען פאר די מדינה האט עקזיסטירט וכו', אדער קוק! ס'איז דא א בריוו פון דעם אדער יענעם וואס מען קען אויסטייטשן אז ער איז נישט בעצם געווען קעגן א מדינה per se,
איך קען נישט פארנעמען אזא דיסקרעפענסי, מיר איז פיל פשוטער איינצוזעצן אז 'נאך' די מלחמה, ווען עס האט געהערשט א צומישעניש און דערנידערונג האבן די מאסן זיך אויפגעכאפט אויף די דבר המר והנמר, דאס מאכט עס נאכנישט ריכטיג אדער אננעמבאר פאר מיר,
סאיז א פעלשונג אין די narrative פון חרדים, פון אנטי צו פרא,
סאיז א פעלשונג אין די narrative פון די אידישע קהילות אין די אראבישע וועלט, (א נישקשהדיגע גלות vs די ישמעאלים די עמלקים, וואס האבן פוןאייביג אן געוואלט הרגנען יעדע איד, אונזערע אייביגע בלוט-שונאים)
סאיז א פעלשונג אין די narrative פון ציוניסטן אלס קרבנות vs די אגרעסארס,
יאיר האט געשריבן:איש עברי האט געשריבן:עס איז כמעט נישט געווען קיין גדולים וואס זענען געווען קעגן די געדאנק פון א אייגענע שטאט כשלעצמו, זיי האט געשטערט דאס אז עס וועט געפירט ווערן דורך די נישט פרומע אידן.
ועוד חזון למועד
לויט ווי איך געדענק האבן רוב חרדי'שע גדולים אינגאנצן נישט צוגעשטימט מיט די געדאנק פון א אייגענע מדינה. עס זענען געווען די געציילטע וואס זענען יא מיטגעשטאנען מיט מזרחי, ווי הרב קוק און הרב גלאזנער, אבער די טאטעס פון היינטיגן חרדיזם האבן נישט צוגעשטימט דערצו. דאס איז נישט קיין קריטיק אויף די מדינה, פארקערט, ס'איז א קריטיק אויף די חרדי'שע גדולים. ווען זיי וואלטן געהייסן זייערע קהילה אידן ארויפגיין קייין ארץ ישראל און אויפבויען דאס לאנד וואלט היטלער געהאט ווייניגער אידן אויסצו'הרג'ען, און די מדינה וואלט געווען מער רעליגיעז געשטימט (אויב עס איז נאכנישט גענוג רעליגיעז). סוף כל סוף האט די אגודה סייווי געמוזט מיטטאנצן מיט די רעאליטעט פון די מדינה. נאר ווי שטענדיג, דערמאנען זיך די חרדים אין די לעצטע מינוט אז אלע שרעקליכע פירצות זענען גארנישט אזוי געפערליך ווי מען מאכט עס, מען קען עס אפילו נוצן לטובה.
איש עברי האט געשריבן:מקבל זיין גזירת הגלות איז א פרישע המצאה פון יארע תשט"ו בערך, אידן האבן אלעמאל געהאסט די גלות, געזוכט צו פארבעסערן זייערע אומשטענדן, זיך נוקם געווען אין די גויים ווען מעגליך, און פיינט געהאט דאס גלות בתכלית השנאה.
