פאני זאכן וואס יעדער טוט...

[יעדער לאכט]

עס איז דא זאכן וואס איך טוה אסאך מאל,איך האב אייביג געמיינט אז נאר איך טוה דעי פאני זאך אבער איך בין געוואר געווארן אז דו טוסט עס אויך!

איך מאך זומער קאלט די הויז אזוי קאלט ווי איך בין קאלט ווינטער, און ווינטער אזוי הייס ווי איך בין הייס זומער.

ווען איך טוה עפעס ווען איינער קוקט רעד איך מיר איין אז איך מאך עס אזוי ווי קיינער מאכט עס נישט אזוי פערפעקט למשל הגבה גלילה, וכו'.

רוב מאל ווען איינער זאגט מיר אויפן פאון א נאמבער און ער זאגט מיר שרייב עס אראפ,מאך איך מיר ווי איך שרייב, און איך טריי צו געדענקן, נאכדעם אינמיטן ווען איך זעה אז איך קען נישט טריי איך מיט א קונצליכע וועג ער זאל איבערזאגן די נומבער און איך נעם א פען....

איך קוק אסאך מאל דער זייגער און איך דארף נאכדעם קוקן נאכאמאל ווייל איך האב נישט אינזין געהאט..

ווען איך זעה א גוטע פארקינג ספעיס קוק איך אפאר מאל וואס איז דא איליגעל,ווייל עס קען דאך נישט זיין אז "איך" האב געטראפן א גוטע ספעיס.

איך לאז ספעשעל קלונגען די סעל ביזן סוף, דו זאלסט נישט כאפן אז איך איגנאר דיך יעצט...

[קאווע טרינקער]

מ'צאלט געלט אריינצוגיין אין א שטוב ווי יעדער זעהט דיך נאקעט.

[שמעקעדיג]

אויב יענער האט נישט קיין שמירת עינים בין איך פאני?..

[לאליפאפ]

שמייכלט צו זיך אליין אין פאבליק, און נאכדעם קראצט מען די זייט פון די מויל כאילו עס האט דיר פשוט געקיצלט די באק..

[zurich]

מען שעלט ווען מען דרייווט ווי גלייך יענער וואס האט דיך געקאט הערט דיך

[אויסגערוט]

מען טשעקט דער פאסט קעסטל צוויי מאל נאכען אריינווארפן אן ענוועלאופ

[סימפל]

מען צאלט $2,000 רענט פאר א שוך באקס... מיט א ׳טשילאר׳ פארשטייט זיך...

[ביבער]

Smelling your own flatulence

[פלעין יודיש]

איך לייג טישו'ס ארים אויפן טוילעט סיט

[אויסגערוט]

דעס איז גארנישט פאני, אז מען לייגט נישט איז השם ירחם

[יעדער לאכט]

דעי קונצליכע וועג וויאזוי מען קוקט האלבוועגס אין א שפיגעל ביים וואשן וכדו' ביי א שמחה זיכער מאכן אז די פאות איז גוט.

כמעט יעדע זאך טריי איך צו פיקסן קודם מיט א גוטן זעץ דערויף.

ווען איך וועק מיר אויף אינמיטן אן אינטערעסאנטע מין חלום, און איך קען נישט צוריק איינשלאפן,ענדיג איך בקיצור די מעשה טיף אין קאפ בהקיץ....

ווען איך בין אין א פארלעגנהייט,אדער איך בין ביי א פלאץ וואו איך שעם זיך, אדער איך בין אומבאקוועם,וועל איך אריינקוקן אין מיין טעלעפאן אדער ארומוואקן מיט עס, כאילו איך רעד דערויף.

איך פרעג איבער "וואס??" אפילו איך האב געהערט, נאר איך האלט נאך אינמיטן טראכטן מיין ענפער.

[פלעין יודיש]

ווען איך בין אין א פארלעגנהייט,אדער איך בין ביי א פלאץ וואו איך שעם זיך, אדער איך בין אומבאקוועם,וועל איך אריינקוקן אין מיין טעלעפאן אדער ארומוואקן מיט עס, כאילו איך רעד דערויף.

די פראבלעים איז נאר ווען די סעלפאון ציקלינגט זיך אינמיטען
אוי איז דאס בזיונות

[יעדער לאכט]

ווען איך זוך עסן אין פריזער און ס'נישטא מאך איך עס צו און איך עפן די פרידזשידער ווען איך טרעף דארט אויך נישט עפן איך נאכאמאל די פריזער.

די קונצליכע וועג וויאזוי מ'דאווענט 2 שמו"ע ווען מ'פארפאסט מנחה אדער מ'פארגעסט יעלה ויבוא ר"ח.

ווען איך שפיל א רעיסינג געים און איך דארף מאכן א שארפן דריי וועל איך בייגן די געים-בוי/פאון אויף יענע זייט ווי איך וויל מיך דרייען.

[zurich]

יעדער לאכט אדער מאכסטו קפ אדער בוסטו .....פון איי וועלט

[יעדער לאכט]

איך שרייב נישט דארט קוים וואס איך באזוך דארט. כ'שרייב אלטע זאכן וואס איך האב שוין אמאל געשריבן אדער באקומען פון איינעם וואס איך האלט אז מ'קען דא הנאה האבן.
כ'זאג נישט אז אלעס איז אייגנס, אבער רוב יא.

[סימפל]

ווען מען שפאצירט רואיג אויפן גאס, און מען יאגט זיך נישט. אבער ווען מען זעט ביים עק גאס, אז דער קראסוואלק לייט גייט שוין כמעט ווערן רויט, נעמט מען זיך צו לויפן, כדאי נאך צו כאפן די ווייסע לייט... ווי גלייך דאס איז די לעצטע טשאנס אדורך צו גיין... ( פאר היינט עכ״פ... )

[לית דין בר נש]

יעדער לאכט אדער מאכסטו קפ אדער בוסטו .....פון איי וועלט

וואס ווילסטו???
איינער שרייבט שוין יא עפעס וואס מען קען שמייכלען (נישט נאר האקן אויפן סיסטע"ם) נעמסטו אויך אוועק די אפעטיט???
האסט עס שוין געליינט גיי צום נעקסטע אשכול און כל טוב!!!

[יואב]

ווען מען שפאצירט רואיג אויפן גאס, און מען יאגט זיך נישט. אבער ווען מען זעט ביים עק גאס, אז דער קראסוואלק לייט גייט שוין כמעט ווערן רויט, נעמט מען זיך צו לויפן, כדאי נאך צו כאפן די ווייסע לייט... ווי גלייך דאס איז די לעצטע טשאנס אדורך צו גיין... ( פאר היינט עכ״פ... )

איר מיינט געוויס "מאטאריסטן".

ווארום ווי ווייט איך קען די היימישע פעדעסטריאנטן, איז פארהאן א קנאפע דיפערענץ, צו ס'איז דער ווייסער מענטש וואס פיגורירט אינעם קעסטל, אדער גאר די רויטע האנט. דער עיקר איז, אז בנערינו ובזקננו נלך, און גארנישט אויף דער וועלט קען, און וועט אפשטעלן דעם ווילדן אומ'אחריות'דיגן גאלאפ. אויסער אוודאי אן עקסידענט - - כאאאאאאאאאס וועעעעעעעעעעעשאלעם! נע, וויאזוי רעדסטו, קלאפ אויף דיין מויל, דער אייבערשטער זאל שומר ומציל זיין, אויף אלע גוים געזאגט.

נו, אז די פארשוואנגערטע פרויען, אדער רעשיגע אינגעלייט, מאכן שוין פיינעלי יא איבונגען, זאל איך זיין דער אנטי-סעמיט, זיי אפשטעלן, און זיי צווינגען נישט איבערצוהאקן די רציפות, מיט'ן טאנצן די זעקסטע הקפה אויף איין פלאץ, כמנהג האדשאגערס?

שוין, רעג זיך נישט, ס'איז שוין גרין, קענסט שוין פארן. ווארט נאר אויף דער פרוי, און ניין, דארט האסטו נאך א בחור'ל, אקעי, שנעל, ס'איז שוין געל.
( דאוינט ווארי, איך טייפ נישט אינמיטן דרייוון, איך בין דער פאסאזשיר. גלייבסט מיך נישט? פרעג אן ביי וועיז. )

[מילכיג]

יעדער לאכט, איר זענט ווערד אפאר מעדאלן. פאר דעי אשכול און די אנדערע דיינע.

[סימפל]

ווען מען גייט ארויס אויפן גאס, און מען האט א חשד אז עס רעגנט. שטרעקט מען אויס די האנט, צו זען צו די חשד איז טאקע וואר. ווי גלייך עס רעגנט נאר אויף די האנט, און עס קומט נישט אן ביזן נאז.

[איך אויך]

מיט די נאז האט עס יא צוטוהן?

[סימפל]

די פוינט איז, אז די דארפט זיך נישט ארום דרייען פארלוירנדיגערהייט, ווי די מצריים ביי מכת חושך. זוכענדיג די טראפן וואסער. טראסט מי, אויב עס רעגנט וועסטו זייער שנעל געוואר ווערן. וועסט עס פילן אל אוווער. חוץ אויב ביסטו דער צדיק, אינטער דעם רעגנדיגן סוכה. אויף וועמען דעם רעגן האט נישט קיין שליטה.

[קאפקעיק]

אדער אויב דו ביסט פון די יודען וואס לאזן נישט נאך קיין זוז כל שהוא פון די ברייטע ברים וואס די זיידע זכוינעבראכע האט געטראגן ארום זיין הוט אזש א פליגער האט געקענט לאנדען דערויף, דעמאלס וועסטו נישט פילן אז ס'רעגנט אפילו אויב ס'וועט גיסן אזויווי סענדי מיט קאטרינע צוזאמען, דעריבער דארפסטו ארויסשטעקן די האנט פון אונטער די דאך צו פילן אויב ס'רעגנט, און אט דעמאלס גיבט זיך דיין זיידע'ס נשמה א הייב אין גן עדן, אז די אייניקעל האט נישט משנה געווען מדרכו!