דזשורי דוטי רבותי

[יידל]

אחד מחבירינו דא אין שטיבל שיקט מיר אין אישית אז ער איז דער שרייבער פונעם בריוו צום צייטונג, און ער האט מיר געבעטן ארויפצושטעלן די פולן בריוו וואס ער האט געשיקט צום צייטונג:

א"כ העורך שליט"א,
צו ערשט וויל איך אייך דאנקען אויף אייער הערליכע צייטונג, וואס גייט שוין אזויפיל יארן אן מיט די זעלבע ערליכקייט און איידלקייט, הן פון א תורה'דיגן שטאנדפונקט, און הן פון א זשורנאליסטישן שטאנדפונקט. "די צייטונג" איז די איינציגסטע ארט וואו מ'קען וויסן די נייעס פון דער וועלט, אן נכשל ווערן אין גרויסע עבירות, בין אדם למקום ובין אדם לחבירו, און וואס מ'קען רואיג ארייננעמען אין א אידישן שטוב, וויסנדיג אז אויב א קינד נעמט עס שוין יא אמאל אריין אין די הענט, וועט ער נאר זען פראפעסיאנאל געשריבענע נייעס, אן קיין זייטיגע טיפשות'ן, נאך באגלייט מיט הערליכע מאמרים פון תורה, מוסר, יראת שמים וכו'.
ישלם ה' פעלכם ותהי משכורתכם שלמה משמים.

יעצט צום ענין. שוין לאנגע יארן וואס איר פאדערט אויף אז היימישע אידן זאלן מער גיין צו דזשורי, ווייל דאס קאסט אונז טייער ווען עס קומען פאר פראצעסן פון היימישע אידן, וואס אויב וואלט געזעסן דארטן א איד וואלט מען זיכער איינגעזען אז עס איז א בלבול, און מ'וואלט נישט געקענט אריינזעצן דעם איד אין טורמע על לא עוול בכפיו.
דער שמועס איז דאך נישט דווקא אויף א ספעציפישן פאל, נאר בכלליות. איר האט דאס יעצט געשריבן נאך דעם פראצעס וואס איז פארגעקומען צוויי וואכן צוריק וואו א חשוב'ער איד איז ר"ל געפינען געווארן שולדיג אויף א שענדליכער בלבול, ווי עס האט זיך ארויסגעוויזן ביים געריכט אז דער צד שכנגד איז נאר געווען אויסן אראפצורייסן אונזער הייליגן חרדישן לעבן, און האבן נישט פארמאגט קיין שום "פרופ" אויפצואווייזן זייערע לעכערליכע בלבולים.
איך בין אבער זייער צעמישט איבער דעם ענין, און איך פארשטיי נישט וויאזוי איר ווילט אז אונזער באציאונג מיט דעם דזשורי סיסטעם זאל זיין. וואס גייט געשען אויב ביום מן הימים קומט פאר נאך א קעיס פון א היימישן איד, און וויבאלד אידן זענען דורך אייך נתעורר געווארן צו גיין צו דזשורי, וועט אויף יענער דזשורי זיצן א חרדישער איד. לאמיר זיך נישט נארן, עס מאכט זיך אמאל ליידער אז א חרדישער איד קען באגיין א פארברעכן (כאטש פיל פיל זעלטענער ווי אין די גוי'אישע גאס), און עס גייט דורך איין טאג נאכ'ן צווייטן פון דעם פראצעס, און דער חרדישער דזשוראר ווערט איבערצייגט אז ס'איז קלאר אז דער היימישער איד איז שולדיג. דער צד שכנגד ברענגט גאר שטארקע ראיות, און ס'איז נישט דא קיין מקום צו האבן דערין א ספק. וואס דארף דער חרדי'שער דזשוריסט יעצט טוהן?

צד א
דער חרדישער דזשוריסט זאל זאגן "גילטי". חרדישע אידן דארפן זיצן ביי פראצעסן אויף חרדישע אידן זיכער צו מאכן אז דער פראצעס איז יושר'דיג. אויב דער חרדישער דזשוריסט זעט איין אז עפ"י יושר ועפ"י שכל איז דער היימישער איד טאקע שולדיג, זאל ער זאגן אז ער איז שולדיג.
די סברא: אויב ווילן מיר פארזיכערן אז חרדישע אידן זאלן קענען זיצן אויף פראצעסן פאר לאנגע יארן זיכער צו מאכן אז אנטיסעמיטישע דזשורארס געבן נישט ארויס אומ'יושר'דיגע פסקים, דארפן מיר ווייזן אז מיר גייען מיט'ן אמת. מיר דארפן ערענסט נעמען אונזער ראלע ווי א דזשוריסט, און זיכער מאכן אז ס'איז יושר'דיג. אויב וועלן חרדישע אידן אייביג זאגן "נישט שולדיג" ווען עס האנדלט זיך מיט א חרדישן איד, וועט קלאר ווערן אז מיר זעצן זיך אויף דזשוריס בלויז צו סאבאטאזשירן דעם פראצעס, און יעדער וועט פארשטיין אז ס'איז נישט נארמאל צו לאזן חרדישע אידן צו זיצן אויף די דזשורי פון א פראצעס קעגן א חרדישן איד.
דער פראבלעם: מעג אן ערליכער איד הלכה'דיג זאגן אז א צווייטער איד איז גילטי? חרדישע אידן איז איין גרויסע משפחה, די משפחה וועט דאך קיינמאל נישט קענען מוחל זיין דעם איד וואס האט גע'פסק'נט אז זייער משפחה-מיטגליד איז גילטי. אויב מיר דארפן זאגן גילטי ווען א חרדישער איד איז טאקע אן קיין שום ספק גילטי, פארוואס זאלן מיר זיך אריינלאזן אין אזא זאך, צו זיצן ביי א פראצעס וואס קען זיך ענדיגן מיט דעם אז די משפחה פון דעם באשולדיגטן זאל באשמוצן דעם היימישן דזשוראר פאר'ן פסק'ענען גילטי?

צד ב
דער חרדישער דזשוריסט זאל זאגן "נאט גילטי". אז א חרדישער איד קומט אן צו זיצן אויף דעם פראצעס פון א איד דארף ער זיכער מאכן אז דער איד זאל ארויסגיין פריי, נישט קיין חילוק וואס די באווייזן אין געריכט זענען.
די סברא: 1) אויב עפ"י הלכה טארן מיר נישט זאגן "גילטי" אויף א היימישן איד, מוזן מיר דאך זאגן "נאט גילטי". 2) מיר טארן נישט לאזן א ברודער, אפילו אויב ער איז באמת שולדיג, אריינפאלן אין די הענט פון דעם רשעות'דיגן יוסטיץ סיסטעם. 3) זאגן "גילטי" וועט ברענגען אויפברויז פון דעם באשולדיגטנ'ס משפחה.
דער פראבלעם: אויב וועלן מיר אייביג זאגן "נאט גילטי" וועלן מיר נישט קענען זיצן ביי היימישע פראצעסן און מיר וועלן פארלירן א שאנס זיכער צו מאכן אז היימישע אידן וועלכע זענען באמת נישט שולדיג זאלן באקומען א יושר'דיגן פראצעס. אויב מעגן מיר עפ"י הלכה נישט זאגן "גילטי" אויף א איד, וויאזוי מעגן מיר בכלל אריינגיין אין דעם דזשורי סיסטעם, וואו מיר דארפן קלאר מאכן אז מיר האבן נישט קיין בייעסעס, און אז מיר קענען זען אלע צדדים? אלס אן ערליכער אמעריקאנער בירגער זאל איך מיך אריינשווערצן אין דעם דזשורי סיסטעם אפילו איך טאר בעצם נישט זיצן דערויף וויבאלד, ווי א פרומער איד, מעג איך נאר זאגן "נאט גילטי"?

איך האף אז איך האב גענוג קלאר ארויסגעברענגט מיינע ספיקות, און איך קוק שטארק ארויס אז איר זאלט זיי אדרעסירן.
א גרויסן יישר כח,
ש.א.ס.
וויליאמסבורג

[מאראנצןזאפט]

סיפור אישי:
איך בין געגאנגען זיין א דזשורי און נאכ'ן זיך באקענען מיט דער סיסטעם איז לענ"ד האט נישט קיין זין פאר א היימשער אינגערמאן צו נעמען די טירחא.
פון 18 וואס זענען מיט מיר געזעסן אין קעסטל זענען נאר 2 אנגענומען געווארן.
יעדער קען פסל'ן, די דעפענס, די פראסיקיושען, און דער דזאדזש.
אלע סטונדענטן אריינגערעכנט כולל יונגעלייט און ישיבה בחור ווערן געפסל'ט ווייל אז ס'שטערט אים פון זיינע לימודים וועט ער זיך יאגן ביים ארויסגעבן א פסק.
יעדער וואס איז ארויסגעשטאנען מיט א 'טוויסט' איז געפסל'ט געווארן.
מיר האבן געהאט פון די כותבי כתובה ל...ניקעס און מ'האט אים פארשיקט. איינער אליין א געזעץ לערער, פארשיקט.
ווער ס'קען נישט קיין ענגליש שיקט מען אהיים.
בקיצור, עס גלייבט זיך שווער אז איינער מיט א חסידי'שע טראגע וואס איז אויך א מערקבארער זאך זאל באשטעטיגט ווערן
זיי זוכן "עקסטרעם ארדינערי פיפעל", אחד מן השורה, אן קיין כחל ושרק, איינער וואס שמעקט נישט און... נישט

[בן תמליון]

א גוטן טייערע חברים.
געווענטליך איז מען צוגעוואינט צו נוצן דעם אויסדרוק "קריינא דאיגרתא איהו ליהוי פרוונקא" ווי א שטעך אויף איינעם וואס רעדט בגדול, ווי צו זאגן זיי נישט קיין צולייגער לאמיר זען ווען עס קומט צו דיר. למעשה ווען אני הקטן האב באקומען א איינרוף קארטל "גרענד זשורי סאממאנס" פארלאנגענדיג אראפצוקומען דאנערשטיג אינדערפרי צום געריכט, האב איך באשלאסן צו זיין גוטער בירגער, אראפ דאונטאון קלערנדיג צו זיין אויפריכטיג מיט פרובירן זיך ארויסדרייען און אז דער גורל וועט יא פאלן וועל איך דינען ווי אלע ברוקלינער בירגער. וואס האט נאכגעפאלגט איז געווען צוויי פולע וואכן גרענד זשורי דינסט מן הבוקר ועד הערב אין קינגס קאונטי סופרים קאורט. עס איז נישט גרינג געווען בכלל, אבער נאכן פאקטיש דורכלעבן דעם סיסטעם פון אינווייניק קען איך זאגן מבשרי אחזה די וויכטיקייט איז אסאך מער ווי איך האב געמיינט ווען איך האב דא ג'עפנט דעם אשכול. עס פאדערט זיך א לענגער ארטיקל וואס איך האף צו שרייבן איבער מיין עספיריענס. האפנטליך אין קומענדע טעג אדער וואכן. איך קלער עס וועט זיין באלערנד און בייהילפיג פארן ציבור שוחרי צדק דא אין שטיבל.

[George]

איך בין אראפגעגאנגן צי דזשארי זיי האבן מיר פארשיקט.
זיי סקרינען און זיי פארשיקען ווער ס'איז נישט גוט.
מיט מיי עדאקשען און פאטעטע בארד, פלאס מיין נישט באקאנטשאפט און גוישע קאלטור האט דאס גורם געווען.
זיי פרעגן וואס מ'ליינט וואס מ'וואטש וכו'

פארוואס האלט מע"כ אז דאס וואלט געהאלפן פארן אמת ארויס צו קומען? אדרבה אויב דער איד איז א איד פונם סיסטעם וואלט ער גפסקנ'ט לטובתו און טאמער נישט לטובתה, הגם עס איז דא א קליין חלק אידן וואס וואלטן זיך געוואלט האלטן צום אמת אבער רוב האבן שוין א מיינונג אדער וואס זיי ווילן ס' זאל געשען
ביסיידס אז זיי וואלטן קיינמאל נישט געלאזט זיין יודן אויף די קעיס

ווי איך פארשטיי איז דעס טאקע די פאונט וואס אלבערט און אנדערע ברענגען ארויס, מען וועט טאקע אפזאגן אסאך יודן ווען זיי קומען אראפ, אויב וועט אבער זיין א פארפלייצונג פון יודן וואס קומען אראפ, וועט די פראסעקיושען וויסן ביים אפערן פאר יודן בעסערע פלי בארגענס.

[Big Boy]

I went twice to jury duty. Once I was there for 2 days. On the 2nd day of jury selection, the case was settled between the 2 parties. They said we don’t have to come back for 4 years. The next time I sat there for a half-a-day. Then they sent everyone home. They said they have no cases for today or tomorrow and that we don’t have to come back for the next 8 years.

Defense attorneys have been complaining recently that as the jury pool has changed in Brooklyn with more educated people moving in, their job has become more difficult.

[בן תמליון]

איך בין געווען אויף 'גרענד זשורי' וואס איז נישט די זעלבע ווי א טרייעל זשורי. גרענד זשוריס באשטייען פון 23 און דארפן מחליט זיין צו די רעגירונג האט גענוג באווייזן בכלל צו אנקלאגן א מענטש. מיר האט אויסגעקוקט זיי האבן דוקא יא געוואלט חסידישע אידן. די זעלבע האבן מיר געזאגט אנדערע אידן וואס כ'האב באגעגנט זיצנדיק אויף אנדערע גרענד זשורי פענעלס. זיי האבן בשום אופן נישט אנגענומען אונזערע תירוצים זיך ארויסצודרייען. מער איבער אלעס ארום האפנטליך בקרוב.

[Big Boy]

I have a friend that also sat on a grand jury for 2 weeks.

In general, it’s more difficult to get out of a grand jury panel than a regular jury panel. I a regular jury, attorneys are looking for bias. In a grand jury, even if someone is biased towards the criminal and would vote innocent in a regular trial he/she would still have to agree in a grand jury that there’s enough evidence there that the person should be put on trial.

What I wrote above is one reason heimish yiden don’t get easily dismissed from grand Jury cases. The other reason is that Orthodox Jews are looked at as pro-prosecution/pro law-and-order by attorneys. (This is the case in blue-collar crimes, but not white-collar.) In a regular case the defense attorney will try to get us kicked off, but in a grand jury there’s only the prosecutor that gets to choose the jury. Therefore, we usually don’t get kicked off