הגומל לחייבים טובות

[זר זהב]

מ'דארף טאקע אריבעפליען דעם אטלאנטיק אויב וויל מען בענטשן גומל מיט שם ומלכות און דאס איז אפילו די רייזע איז דיר אדערעך רואיג אן א שרעק. וויפיל מאל גייט אבער א מענטש דורך צייטווייליגע פחדים, ס'זעען אויס ווי ס'עק וועלט און מ'איז מתפלל ס'זאל זיך ענדיגן גוט. דאס איז ווען די מצב איז באמת נישט גוט בשעת די פחדים האלטן אן. -- אסאך מאל איז אבער דא אז מען גייט דורך ממש אן אומזיסטע איינגערעטע שרעק אזאנס וואס די שרעק איז מעיקרא מופרך געווען, נאר די עבירות זענען גורם...

{אגב, איינער האט אמאל דערציילט וויזוי ער איז געפארן א לאנגן וועג אויפן באס און זיין טעלעפאן בעטערי איז אויסגעלאפן, ער איז אזוי געפארן אפאר שעה אן א פאון, ער האט זיך געזארגט אפשר מענטשן טרייען צו קאלן. ווען ער האט איינגעשטעקט דאס פאון האט אנגעהויבן אריינפליען פון אלע זייטן מיססאד קאללס וואויסמעיל אא"וו, וואס איז געווען? זיין קינד האט זיך פארלוירן און מ'האט געזוכט און געזוכט ס'געווען א פחד. די ערשטע פאר וואויסמעיל'ס איז געווען די שלעכטע נייסער, די לעצטע איז שוין געווען אפאר שעה שפעטער אז מ'האט געטראפן דאס קינד, אונזער איד'ל האט נישט געדארפט מיטמאכן די אלע "עכטע בארעכטיגטע" פחדים, זיין בעטערי איז אויסגעלאפן פונקט אין די גוטע צייט...}

נעכטן בין איך דורך אפשר אן אומזיסטע פאניק אבער נאך ווי א שרעק! אזש ר' מאיר בעל הנס האט געמאכט אויף מיר א שיינע מטבע! איך בין געווען אין אן אומבאקאנטן געגענט אינדרויסן פון ניו יארק (אויך נישט ניו דזשערזי) צוליב די טונקלקייט ביניך בטעות אריין אין א ראנג ראוד, א פארשטיפטן ראוד איך האב געמיינט אז איך בין אויפן גוטן וועג ווייל די ראוד וואס איך וואלט טאקע געדארפט נעמען איז אויך א טונקעלע ראוד און לויפט אויך ארום 20-30 מייל (און ביי יענעם עק ראוד ביי די ענד איז דא א געז סטעישען וואס מיין פלאן איז געווען צו נעמען דארט געז - וואס אגב, שפעטער ביניך געוואר געווארן אז יענער סטאנציאן איז אויך געווען פארשפארט... ס'נישט ניו יארק סיטי! דער עולם דארט גייט שלאפן! ) הקיצור איך זעה מיר אבער אז די ראוד וויל זיך דווקא נישט ענדיגן! דאס וואלט נאך גוט געווען ווען איך האב ווען גענוג געז און א סעלפאן פאר הילף, למעשה איז קיין סערוויס נישט געווען און מיין גאז לעמפל האט געבליטשקעט...

איך בין אריין אין א פאניק וואס איך געדענק נישט אזאנס! ממש געוויינט, איך דרייוו מיין טרעקעל אן א געז אין א רורעל עריע 12 ביינאכט נישטא קיין פאון ס'טונקל און שרעקעדיג און עוד מעט וועל איך זיין סטאק. איך האב געסטאפט דעם טראק, נישט געוואלט נוצן מער געז פאר גארנישט און איך האב נישט מער נישט ווייניגער "געבלאקט" דעם גאנצן "סטעיט הייוועי" (ס'איז א סטעיט הייוועי וואס לויפט דורך אן אומבאוואונטן געגנט) ס'זאל זיין אינו יוצא ואינו בא! דער נעקסטער וויהיקל מוז זוך אפשטעלן און מיר העלפן!

נאך 10 מינוט האט זיך איינער אפגעשטעלט (קיין ברירה האט ער נישט געהאט!...)און זאגט מיר אז אנשטאט מזרח ביניך געפארן צפון (נישט ממש פארקערט) און אנצוקומען צום נעקסטן גאז סטאנציאן איז א גוטע 15 מייל אויפן פארקערטן ריכטונג און אז איך זאל זיך שוין צוריקדרייען און איך וועל עס נאך מסתם מאכן! איך דריי מיר אויס און פאר צוריק דעם גאנצן הייוועי טרייענדיג ווי מער צו זיין אויף נייטראל (אזוי ווי מיין שטייגער אלעמאל צו זיין נייטראל...) אויפן וועג זינג איך שלמה'ס גם כי אלך ר' מאיר בעל הנס מאכט נאך געלט אלעס אז איך זאל אנקומען בשלום צום גאז סטעישן. איך האב עס געמאכט עוד נשמתו בו... און א שטיין אימיר אראפ פון הארץ, אזא שרעק!

-- פאר דעם וויל איך די זאגן פארן הייליגן באשעפער, טענק יו! איך בין אפגעקומען מיט א שעה אמת'ע (אבער אפשר אומזיסטע) שרעק. איך בין באמת געווען צוצוטערט. ב"ה 6 פארטאגס ביניך געווען אהיים און געשריבן א תגובה אויף קאוועשטיבל נאך א 15 שעה ברעיק.
--------
זאל דא יעדער שרייבן אלע העפפי געשעענישן וואס ס'ענדיגט זיך גוט און מ'איז אפרישיעטיוו. מ'קען טאקע נישט מאכן א ברכת הגומל, א דאנקבארע תגובה'לע אבער קען מען יא שרייבן.

[נולד מאוחר]

זא פארזיכטיג ר' מאיר האט זיכער פארדינט פין די מעשה.
די ביזט יעצט אויף זיין ליסט. וואטש גיט אייף דיינע שליסלעך, די נעקסטע פאר וואכן ער וועט עס פארלירן פאר דיר.

[זר זהב]

פאר רבי מאיר וועל איך געבן און געבן און געבן. זאל ער נאר זיין אויף מיין טיעם.

אגב האב איך נאר לעצטענס באקומען אן איידיע פונעם גאנצן מקור פון "אלקא דמאיר ענינו". ס'באלאנגט אינעם מאחורי הפרגוד אפטיילונג...

[שמעקעדיג]

נולד, ביטע.... וואס איז פשט פון דיין תגובה?
איך רעקאמענדיר זאלסט עס אויסמעקן. ס'איז א שפיל מיט פייער!!!

[אייגענארטיג]

[center]גוטע עצה קעגן פאליציי !!!!!!![/center]
ר' מאיר נעמט קער פון זיי אפילו שוין נאכן אפשטעלען. אבער צו אווידען די שרעק געב אים נאך פארדעם.

אנע דיטעלד מעשיות נאר בכללות'דיג איך וואוין אין ק"י. ווער עס ווייסט איז דא דא די לעצטע 3 יאר פאליס פאר א יעדע קאר און שטעטל איז דא 2 פאליס קארס. מ'וועט כמעט נישט טרעפען א דרייווער וואס וועט זאגן איך האב נאך נישט טועם געווען די לעמפעלעך.
חוץ......... יא איר האט גוט צוגעטראפן אני הקטן וואס איך בין נאך קיינמאל.... נישט אפגעשטעלט געווארן. א חוץ איינמאל אויפן וועג צום דאווענען ווען איך האב נאך געהאלטן פארן געבן מיין סכום אויסלייז געלט פארן טאג האט מיר א פאליס'טע אפגעשטעלט איך האב אויפן פלאץ געגעבן מיין סכום אין זי קומט צו אין הייבט אן אויספרעגען קשיא'ס אין זי בעט מיינע לייסענס (איך האב צו מיר געטראכט "זעט אויס אז ר' מאיר איז אן עניו. ער וויל נישט מען זאך פאוינטען אויף אים אבער נישט געזארגט......) זי זאגט מיר אז היינט איז מיין לאקי טאג ווייל זי גייט מיך לאזן גיין אן א טיקעט. לענינו ווען די שפיל האט זיך אנגעהויבן האב איך געמאכט א סכום וואס איך געב א יעדען טאג ביים דאווענען פאר די מוסדות יט"ל פון בני ברק (יעדער זאל געבן ווי ער וויל איך זאג נאר וואס איך טו) און איך ווייס אפי' נישט די פראסעס פון באקומען א טיקעט איז.
[center]אלקא דמאיר ענינו..........[/center]

[נולד מאוחר]

נולד, ביטע.... וואס איז פשט פון דיין תגובה?
איך רעקאמענדיר זאלסט עס אויסמעקן. ס'איז א שפיל מיט פייער!!!

שמעקעדיג פארוואס מיט שלעכטן אין סטראשענינגען, האסט שוין פראבירט מיט שיינעם?
איך מאך נישט אוועק ח''ו 'הנותן צדקה ע''מ שיחיה בני', איך האלט נאר ניט פים זיך ארויפכאפן אויף ר' מאיר מער ווי אוף ר' יוחנן.
למעשה דערמאן איך מיך אז אין חז''ל שטייט כפעס איבער ר'מאיר בעל הנס.
אויב איז דא א מקור אין חז''ל אז מען ווערט מער געהאלפן מיט ר' מאיר, בעט איך שוין מחילה.
אדערווייס שמעקא עס פין ע''ז.

[געפילטע פיש]

אדערווייס שמעקא עס פין ע''ז.

ס'דא צוויי וועגן פון בעטן ר' מאיר, מ'קען בעטן ר' מאיר זאל העלפן, וואס דאס קען אריין קיין אין כלל פון ע"ז, און מ'קען בעטן דער באשעפער זאל העלפן אין זכות פון ר' מאיר. אזוי ווי ס'שטייט אז ווען מ'גייט צו קברי צדיקים זאל מען נישט בעטן די צדיקים זאלן שיקן א ישועה ווייל דאס גייט אריין אין "דורש אל המתים" נאר מ'זאל בעטן א ישועה בזכות די צדיקים.

[אברעמעל]

מ'זאגט דאך קלאר ווי די צווייטע וועג ״אלקא דמאיר עננו״
אזוי איז אויך געווען די מעשה מיט די שומר התפיסה.

[zurich]

נולד, ביטע.... וואס איז פשט פון דיין תגובה?
איך רעקאמענדיר זאלסט עס אויסמעקן. ס'איז א שפיל מיט פייער!!!

שמעקעדיג פארוואס מיט שלעכטן אין סטראשענינגען, האסט שוין פראבירט מיט שיינעם?
איך מאך נישט אוועק ח''ו 'הנותן צדקה ע''מ שיחיה בני', איך האלט נאר ניט פים זיך ארויפכאפן אויף ר' מאיר מער ווי אוף ר' יוחנן.
למעשה דערמאן איך מיך אז אין חז''ל שטייט כפעס איבער ר'מאיר בעל הנס.
אויב איז דא א מקור אין חז''ל אז מען ווערט מער געהאלפן מיט ר' מאיר, בעט איך שוין מחילה.
אדערווייס שמעקא עס פין ע''ז.

ביסט זייער גרעכט וואטעבער יו סעי אבער אזוי רעדט מען נישט!!

[berlbalaguleh]

זא פארזיכטיג ר' מאיר האט זיכער פארדינט פין די מעשה.
די ביזט יעצט אויף זיין ליסט. וואטש גיט אייף דיינע שליסלעך, די נעקסטע פאר וואכן ער וועט עס פארלירן פאר דיר.

פארוואס זאלל איך אויסטייטושן אז רבי מאיר (בעל הנס) איז אויפגערעגט אויף מיר? אדרבה! ער האט ליב אידישע קינדער. ער האט אזא גרויסן כח אז ער האט אויסגע'פועלט אז הקב"ה העלפט אידן אין זיין זכות.