אראומע #16 סך הכל פון די אראומעס (אפדעיטעד)

[בענדזשאמין פרענקלין]

[justify]זיך געבראכען צום דריק פון כוכב. דער כוכב ווייסט גענוי וואו און ווי אזוי צו עפלייען פרעשאור... (כ'האב אליין נישט געוויסט ווי פעש דער כוכב איז) גלייבטס ס'איז נישט בע'טעמ'ט. עניוועי העמער איבער געבן א באריכט פון פרישע פאקטן און טעאריעס וואס מיר זענען אויפגעקומען א דאנק דעם אראומע סומעטאכע.

קודם ווייסן מיר אז פישעלע האט א בחור א בעל גאה א חצוף און אן עז פנים, אזא אני ואפסי עוד סטייל. פאפט אריין ביז צוועלעף און רעדט צום טאטען מיט אן אלכסנדר- ביטול. כהאב שוין געזאגט מיין ווייב אז די שידוך מיט פישעל'ס בחור איז אויס, בטל ומבוטל, געקנסעלט, אראפ פון ליסט. הגם אונזער טאכטער איז זיך אויך ווערט דאס געלט, זי וויל נישט גיין קיין סימס און איר קלייד איז נישט גענוג ברייט מען זאל קענען אריינשטיפן א קישן מיט א דאכענע בצוותא חדא, אבער דאך, אזא פרא אדם קומט איר נישט.

נאכדעם איז געקומען די צווייטע באמבע אז בר דעת קויפט דעם בלאט און ער קען עס כמעט אויסעוויניג. באקומט אן עלערדזשיק ריעקשן פון חטא הידוע, און עקספלאד ווען מען רעדט פון ביינדלך און כפרות.

יואב האט געהאט אן אויסברוך קעגן האניג און בינען, הינדלן מיט באדדעמס און אלעס אינדערמיט. ווי עס קוקט אויס האט ער באקומען א רעיז פון זיין באסס און לאציך וואויל גיין אויף בשר גדיים וטליים. עס טויג אים מער נישט קיין טשיקן, דער פיין שמעקער, און מיר ארעמע מאסען ברויכן זיך דערשטיקן אויף טופי עסן לכבוד דעם.

רויטע וואנצעס ליידט אויף שכחה, ער האט יעדען אריינגעלייגט און די גראמען ממש יעדען, אויסער שטייצעך צוואצניג-דרייסיג ניקים וואס זענען נישט גענוג ווערד אז מען זאל רעדן פון זיי. און יעדער כאפט א שטיל שווייגענישט ביז ווילאנג דער ראש הקהל שטיפט ארויס דאס נאר פון זאק. כה לחי ראשקאל, פארן טוען די דערטי ווערק וואס קיינעם פאסט נישט. מיר זענען די אלע דאנקבאר פון די טיפענישן פון אונזער איגאו סיסטעם.

ווי עס שיינט האט פליקערס ווייב וואס איז שוין א טישטער העכער פינעף יאר נישט באקומען קיין רעיז. ער בייזערט זיך פארוואס מען נעמט נייע יונגע צוצעקלעך אנשטאט העכערן דאס געהאלט פון די אלטע. נו, שוין, וועק אפ די ריעלעטי. בד"וו מר פליקע, טישטע קומט מיט א רי"ש צום סוף.

וועגן איש עברי זעמער געוואויר געווארן אז ער פארשטייט נישט צו קיין נגינה. אין זיין מקוה רעדט מען פון פוטין, און אין זיין ישיבה האט מען געטוען מעשים מגונים רח"ל. אויך זוכט ער דרונגענד א נייע ווארט פארן טערמין "סיסטעם" עס גריצעלט אים שוין די אויערן (לכאורה איז ער קרוב צו די זעכציג) . ווער עס טרעפט עפעס א ווארט זאל טעגן איש עברי'ן 911.
נאך א זאך וואס מיר זענען געוואויר געווארן איבער איש עברי אז ער האט געהאט א שכן ר' לעמיל און די מאמע זיינע האט אים געלאזט דארט פארברענגען איבער צוויי שעה אליין אן קיין משגיח. ווי איז נחום ווען מען דארף אים?

דער שטילער ינגערמאן גייט לכאורה ארום אויפן גאס מיט סטיטשעס אויף די מויל. ווען נישט וואלט זיך דער עולם זיך נישט געלאזט אזוי וויאויל גיין אויף זיין חשבון. כ'מיין טו מיר א טובה, אז מען הערט איינמאל א יאר א מעשה קען מען עס אראפשלינגן אבער אז דער עולם אביוזד אים אזוי וואו ער גייט און וואו ער שטייט, אין גראסערי סטאר, אין הארדווער און אפילו דער איידעלער מוכר ספרים מאכט אויך דאס גענאר פון אים, מוז עפעס זיין ראנג מיט שטילער. בהכרח מוז מען זאגן אז די סטיטשעס אויף די מויל רופט ארויס אזא אביוזער ריעקשען אפילו פון וואוילע מענטשן.
שטילער אין לנו עצה אחרת עפן אויף דיין פרעסער און געב צוריק מנה כפול אפיים און אלעס וועט זיך טשזענדזען לטובה.

אז כ'וועל באקומען צוואנציג לייקס וועל איך גיין ווייטער, אז נישט האט'ס מיר א גוטן קוויטל.[/justify]

[איש עברי]

גילוי!

[רויטע וואנצעס]

בענזשי רעדט צו מיר ווי ער פלעגט רעדן צו א קלאניעל עגלענדער, סארא חוצפה! הער מיר אויס בענזשי, די אנדערע ניקים זענען ביי דולה אין די סוכה אויף 52, זאל ער שרייבן וועגן די פארטי דארט. איך הער חזן בלומבערג זינגט דארט אויס די אושפיזין עולאין.

[כוכב]

געטס אים לייקס זיך צו דערשטיקן, כבעט ברחמים, ארויסנעמען די אלטע ניק, די טאפלטע ניק, מאחורי ניק, און צימעס ניק, זאל ער האבן לייקס ממצרים ועד הנה, ער קען נאך פארשווינדן ביז די נעקסטע מוצאי שבת שחל להיות בשבת הס מלהזכיר, און זיצן און ווידער ווארעמען זיינע ביעים איז אויך נישט ממש די בעסטע אפציע.
טוב צפרנן של בענזשאמין ממתניים פונעם גראבן כוכב.

[יואב]

געטס אים לייקס זיך צו דערשטיקן, כבעט ברחמים, ארויסנעמען די אלטע ניק, די טאפלטע ניק, מאחורי ניק, און צימעס ניק, זאל ער האבן לייקס ממצרים ועד הנה, ער קען נאך פארשווינדן ביז די נעקסטע מוצאי שבת שחל להיות בשבת הס מלהזכיר, און זיצן און ווידער ווארעמען זיינע ביעים איז אויך נישט ממש די בעסטע אפציע.
טוב צפרנן של בענזשאמין ממתניים פונעם גראבן כוכב.

מוצאי שבת שחל להיות בשבת

[לית דין בר נש]

רבותי האטס רחמנות ריקטס אריין נאך דריי לייק"ס
וו"י וואנ"ט מא"ר!!!

[בענדזשאמין פרענקלין]

א ווארט איז א ווארט. העמער ווארטן אויף כוכב ראבון און לעיקוואד'ס אראומעס און מיר וועלן גומר זיין דעם סך הכל בעזרת צורי וגואלי.

[איך אויך]

אדערוויילע ביסטו נאך געבליבן מיט 7 טשעינג. טריי צו דו קענסט עס איינקעשן ביי דיין אתרוג סוחר.

[אויס מענטש]

@ כהאב נאך קיינמאל נישט געלייקט מיט אזא רשעות!
יא כווייס ווי ביזי די ביסט, יויש שוין איך דיר, אבער הנודר על דעת רבים אין לו הפרה, אהער מיט אן ארטיקל.

[בענדזשאמין פרענקלין]

העמער עס מאכן בקיצור יו"ט שטעקט שוין אריין די נאז און מיין סוכה'לע הענגט נאך נישט קיין נוי סוכה פאר א רפואה, און איך דארף נאך גיין קויפן אן אתרוג מיט הוגה.

נאך אפאר באלערנדע פאקטן השערות איבער אונזער ניקים וואס עס שמעקט ארויס פון זייער אראומעס.

העמער ממשיך זיין מיט יאיר'ן, דער יאיר קניינע-הארע איז נעבעך פארשאלטען געווארן מיט א דמיון מפותח. ער וויל נישט זיין קיין שרייבער אינעם פאסוט אדער אפילו אינעם דעילי ניוז, עס שמעקט אים דייקא די ניו יארק טיימס בכבודו ובעצמו. דאס דמיון ארבעט אים אווער טיים, ס'איז אים אפילו קלאר גענוי ווי אזוי זיין דעסק ברויך אויסקוקן און וועלכע זייט די פענסטער זאל זיין און פון די פאנטאזיע פענצטער זעט ער שוין בחוש די סיניערי פון די נוי יארקער וואלקן קראצערס.
מיט אזא דמיון איז נישט קיין ווינדער אז ער פלאגט זיך און פירט מערכות מיט פאראדאקסן פון שמחה און עצבות. ווען דער פאנטאזיע איז דער הימל און דער ריעלטי איז גוט אין דער ערד ברויך מען אויף קומען יעדען שלישי ושישי מיט א פרישן חיזוק-מהלך אין שמחה, וואס האלט אן כמעט א גאנצע מעת לעת ביזן נעקסטע קראך, השם ישמרנו .

וואס יאיר דמיונ'ט מאכט יידל א ריעלעטעיט. ער זיצט דארט מיט האלבע ברילן אויפן שפיץ נאז פארבויגן איבער ביכער פון בערגער און ווייסעך-ווער-נאך און נישט מער נישט ווייניגער ער שרייבט רעצענזיעס. ער האלט א גרויסן העפט און שרייבט נאטיצן כאילו צוויי מיליאן ליינער גייען לייענען וואס ער האט צו זאגן איבער בערגער'ס ביכל. דער אמת איז לעיטס פעיס איט, ער האט א פוינט, וואס איז ער שולדיג אז קאווע שטיבל האט נאר צווי אין דרייסיג באניצער, זיבען רעגעסטרירטע, און און צוויי און צוואנציג געסט? ער טוט דאס זייניגע, דאס איבעריגע זאל זיך קאווע שטיבל קראצן.

דער ראש ישיבה טייערע קוקט אויס ווי ער איז געווען א תמימותדיגע אינגערמאן, פלעגט לויפן מיט זיבעציג לולבים און דרייסיג אתרוגים צו פופצן דיינים יאר יאר איין יאר אויס, ביז יאר תשע"ג איז ער געקומען צום שכל און ער קען זיך פשוט נישט מוחל זיין אויף די פארלאפענע יארן אויף זיין פארברענטע שעות און תמימותדיגע קאנפארמיזם.
לולי דמסתפינא וואלט איך געזאגט אז ער פרעגט נישט זיין שאלה "פארוואס גייט מען צום רב מיטן לולב" מיט אן התרסה ווייל ער וויל הסכמה צו זיינע רייד אז מען דארף נישט גיין. פונקט פארקערט, ער וויל פשוט הערן א נארמאלען הסבר אויף זיין קעלעבישער צוגאנג און די לעצטע צען יאר. לפי זה נמצינו למידן אז אנשטאט מסכים זיין מיט אים, געט אים אן הסבר ע"פ אילת השחר פארוואס מען מוז גיין דוקא צו אזא דיין וואס די שנאצען פארדעקן אים די גאנצע ליפן און האט א א ווייסע לאמפ קאנעקטעד צו א גרויסע פארגרעסערונג גלאז.

אפטעמיסט איז זיך נישט קיין סאך מגלה אין דעם פאעזיע זיינער, אבער לכאורה קומט ער ערגעץ פון רוסלאנד, אזוי שאץ איך אפ לויט זיין הבהרה, דהיינו, ער שרייבט "ברענג אהער כוכב אויף א טשוואק איך וויל אים געבן א קיש אין באק" כ'קען נישט נאך א לאנד אויסער רוסלאנד וואס די צוויי ווערטער גראמען.

סאו-וואט איז לכאורה א לאנג יעריגער בדחן וואס האט אין זיין באזיס א פייל פון אידישע ווערטעלעך אויף יעדע אקעיזשן. לכאורה -איך זאג נאכאמאל לכאורה- איז ער א "ריטייערט" בדחן וואס האט שוין נישט צו פארלירן פון ארויסגעבן א טעקע פון זיין אנגעקליבענע זשאקס. ווייל ווען נישט האט נישט קיין פשט ארויסצוגעבן אלע זיינע וויצן ברבים וואס כידוע האלטן דאס בדחנים כיס בתוך כיס הסתר בתוך הסתר שלא ישלטו בו עיני זרים. כהאב א פיליניג אז איך האב דא קולע געווען אל האמת, יעצט קען עברי שרייען גילוי! מיט א מייקרא פאון, כהאב אים אין דער ערד.

ארענזש קאנטי איז ביזי מיט לאוו און אהבה. ער שפירט אז מענטשן טוישן רעליגיעס אלץ וועגן מען געט נישט גענוג לאוו און אויב מענטשן וועלן געבן לאוו וועלן אלע פראבלעמען אוועקפליען און יעדער וועט איינזעהן אז משה אמת ותורתו אמת. שווער צו זאגן, אבער לויט די איבערפלוס און געוויכט ארויס פון יעדע פראפארציע וואס ער לייגט אויף לאוו זעט ער מיר אויס אז ער איז א אידישער רעדענדע קריסט- מיסיאנער, פוי, שייגץ ארויס. וסמוכים לדברי העט איר טרעפן
אין זיין ניק "ארענזש קאנטי" וועלעכע נארמאלע איד וואוינט אין ארענזש קאנטי??? מילא ראקלענד קאנטי אבער אראנזש קאנטי?
יעצט זאגט מיר איינער אז מאנראו איז אין ארענזש קאנטי!. אזאלעכע שטותים צו רעדן, מענטשן קענען רעדן אזעלעכע הבלים, אנבעליוועבעל.
איין זאך שיעור פארגעסן אז איר טיילט שוין יא לאוו בשפע געט אן האג (מלשון חיבוק) פאר קאווע טרינקער ער נויטיג זיך דרינגענד און איינס ער איז געהעריג תובע בפה.

עניוועי האטס מיר אלע א גוט יו"ט. פאר די אלע חברה וואס זענען באטראפן געווארן פון די דברי דופי דא בעט איך אייך איבער במחילה גמורה. נעמטס עס נישט פערזענליך, די גאנצע מעשה איז געשריבן געווארן שלא ברצוני ובכפייה גמורה און שטייצעך נאר פאר אן הלצה, עס ענהאלט נישט קיין איין ווארט אמת.

[פארוואס?]

נו, בנימין, האסט שוין געקויפט אן אתרוג?

[בענדזשאמין פרענקלין]

יא, געקויפט און עס קוקט אויס ווי א גרינע אומגעצייטיגטע צובויגענע פיקעל. נעווער עגעין.

[יין שרף]

אפשר איז עס טאקע? וויייל מ׳פארקויפט עס פאר $20 מיינט אז עס איז א אתרוג?
ליידער געוויסע נידריגע עלעמענטן פארקויפן גאר באנאנעס, באנאנעס! פאר אתרוגים, און די עולם קויפט עס נאך...