זאכן וואס כ'וויל וויסן

[אפטעמיסט]

איך, למשל, עס גיד הנשה. אודה ולא אבוש.

[בשבילי!]

איך למשל זאג מזמור לתודה ערב יום הקדוש . ביטע אבער נישט פארשפרייטן ,, איך זוך נישט זיך צו רייצן .

[הוגה]

איך בין נישט מקפיד אלעמאל אויף "והיה על מצחו תמיד".

[דריידל]

איך בין מקיל (מיט א היתר) אויף והיית משוגע

[טאמבל סאס]

איך עס מיך דאס געזונט - אבר מן החי.

[קאווע טרינקער]

איך האב עובר געווען אויף די שלש שבועות.

[יין שרף]

איך האב עובר געווען אויף די שלש שבועות.

ווי אזוי? האסט דעמאלס געהערט מוזיק?

[הרב_שלום]

ווי אזוי זעהט אויס הקפה שניות
מען גייט קודם אהיים מאכען הבדלה אדער סאיז גלייך נאך מעריב
מען מאכט זיבן הקפות?
מען זאגט אתה הראת מיט אלע פסוקים וואס מען זאגט ביי יעדע הקפה?
מעג א איד פון חוץ לארץ אהין גיין?
היטע איבערגעבן א דעטאלע באריכט ווי אזוי עס זעהט אויס?

[ידען]

ווער איז די יונגע מענטש וואס איז אלע מאל מיט ר׳ יחזקל ראטה?

מע קען נישט זעהן א בילד פון ר׳ יחזקל אהן איהם. אפי׳ א פרייוועט אינטערוויו איז ער אלע מאל דארט

[בשבילי!]

אייניקל

[ידען]

אייניקל

וועמעס זוהן?

וויזוי הייסט ער?

פארוואס פינקט ער איז געווארען אזוי נאנט מיט איהם?

[בשבילי!]

ער הייסט ראטה ער איז זיין גבאי אפיציעל , דאס איז זיין ארבעט. ווייס נישט וועמעס זון

[ידען]

אייניקל

וועמעס זוהן?

וויזוי הייסט ער?

פארוואס פינקט ער איז געווארען אזוי נאנט מיט איהם?

א גוטע חבר שרייבט מיך :

ער הייסט יואלי. ברוך דודס זון. ער איז גבאי און פירט די ווערטשאפט. כידוע איז דא א ריס דארט צווישן ברוך דוד און משה ווייל ברוך דוד זיצט אויף די קאסע און לעבט א לעבן.
יואלי ארבעט אין קאנסטרוקשין און ער דרייווט א לעקסוס.

[shem-tov]

יעצט געהערט א שטיקל פון די שטייענדיגע תורה פון בעלזא רב שליט"א בנוגע די אינטערנעט אז איינער וואס האט נישט קיין פילטער איז א חוטא ומחטיא. אינמיטן זאגט ער עפעס אז דא אין פאלעסטין הייסט א פילטער עפעס... כהאב נישט פונקטלעך פארשטאנען. הקיצור דאס איז מיר א חידוש אז ער רופט אן א"י פאלעסטין. איינער ווייסט פשט

[קאווע טרינקער]

Attention

[לעיקוואד]

עס איז א רמז, אז זיך נישט נוצן מיט אונטערנעט איז בערך אזוי שכלדיג און תורהדיג ווי רופען ארץ ישראל פאלעסטינא ווייל אזוי האט עס געהייסען הונדערט יאר צוריק ואין לשנות ח''ו.

[יאיר]

@איך אויך אלערט.
ביטע פארענטפער אויך פארוואס ער רופט עס אינטערנאַט.

[ישראל קאפקע]

@איך אויך אלערט.
ביטע פארענטפער אויך פארוואס ער רופט עס אינטערנאַט.

אינטערנאט מיינט dormitory אין אידיש, לכאורה מישט ער אויס די צוויי זאכן,

[[NAMELESS]]

דאס אז בעלזער רב רופט אן ארץ ישראל ׳פאלסטין׳ איז אויך א דירעקטע תוצאה פון אינטערנעט (אדער פארקאלעכטקייט)

[קרעמער1]

איך האב אין מיין באזיץ אן אמעריקנער צוואנציג דאלאר ביל פון יאַרע 1981 וואס די פּרינט איז נישט אין צענטער, ד"ה די גליון אויבן איז סאך ווייניגער ווי אונטן, און א 1993 וואס איז פארקערט, נעמליך אויבן איז די ליידיגע אביסל מער
אלזא וויל איך וויסן: איז דאס נארמאל, אדער א מיספרינט וואס איז מער ווערט? - אויב יא וויפיל?
אדער איז עס א פאלשע וואס ניטאמאל ווערט די פאפיר דערויף

אויף וויפל איך זעה, ווען איך לייג עס צו די לעכטיגקייט, צייגט עס עכט

אויב מעגליך ביטע צולייגן א לינק וואו מ'קען נאכקוקן די זאכן

א דאנק פון פאראויס

[איך אויך]

לייג א בילד און מ'וועט דן זיין דערין.

[געפילטע פיש]

coinsite.com/us-paper-money-error-values/

https://answers.yahoo.com/question/index?qid=20070806143318AAWmvDz

www.ebay.com/bhp/misprint-dollar

[שמעקעדיג]

עס מאכט זיך צומאל אז איך וויל וויסן די היינטיגע עקסטשעינזש רעיט פאר אנדערע געלטער, למשל פון דאלער אויף שקל אדער יורא'ס.
וואו איז די בעסטע פלאץ צו טשעקן?

איך טשעק אייביג סיי גוגל און סיי בינג, אבער שטענדיג האבן זיי אנדערע ראטעס איינער פון צווייטן (הגם כמעט ענליך, אבער פארט אנדערש).
כ'פארשטיי זיי רייסן זיך ביידע ביי די קעפ, אבער עד כדי כך אז די מחלוקת אפעקטירט שוין ממש די עקסטשעינדזש ראטעס? ווי אזוי איז דאס מעגליך??