כופרים גייען הענגען שילד איבער ג-ט אין וויליאמסבורג

[יידל]

די כופרישע מיסיאנערן-סטיל ארגאניזאציע "אמעריקען עטעאיסטס" האבן געצאלט $15,000 צו הענגען א שילד אין דרום וויליאמסבורג איבער גאט. די שילד האט די שם הוי"ה און דערנעבן אן אויפשריפט אין העברעאיש און אין ענגליש מיט א כפירה'שע לאזונג. אן ענליכע שילד הענגט די גרופע אויף אין א שטארק מוסלעמענע געגנט אין פעטערסאן ניו דזשערסי.
"אויב עס זענען דא כופרים אין די קהילות, שטרעקן מיר אויס א האנט צו זיין", האט דעיוו סילווערמאן, דער אנפירער פון די גרופע געזאגט. "מיר ווילן זיי לאזן וויסן אז מיר זעהן זיי, מיר אנערקענען אין זיי, און זיי דארפן נישט לעבן אין א וועג וואס זיי ווילן נישט".
סי ען ען, וואס האט באריכטעט די ידיעה, האט שפאקולירט אז דאס אויפשריפט פונעם שם הו"ה וועט ארויסברענגן בייז-בלוט פון די היימישע אידן אונעם געגנט. ס'איז אבער גארנישט דא וואס צו טון, ווייל אנדערש פון שמוציגע בילדער, זענען אידן נישט ערלויבט אויסצומעקן די הייליגע נאמען.

[יידל]

זיי האלטן דאך אז אפילו עס האט א מענטשז געמאכט טראכטן פאר איין סעקונדע איבער יאשקע האט זיך דאך שוין אלעס געלוינט.

[ידען]

להבדיל ביי אונז אידן איז דא דער כלל פון טוהן אפי׳ אז אין דער ענדע וועט מען גארנישט האבן אויפגעטאן.

[[NAMELESS]]

זיי קענען שרייבען וואס זיי ווילן, און איך קעיר נישט קיין כי הוא זה, אבער אויף די ביזיון פון ארויסשרייבען דעם שם ה׳ דאס קען מען נישט צולאזן!!! זאגטס רבותי, וויאזוי קען מען לוחם זיין אויף דעם? אפשר זאל איינער אויסגעפינען די נאמען און טעלעפאן פון די אדווערטייזמענט קאמפעני און מ׳מאכט א מאסן קאמפיין אויף די שרעקליכע חילול ה׳?
ווי קען מען צולאזן אזא זאך אין אונזער שטאט? אויב מיר פירן א מערכה קעגן תמונות תועבות ווייל עס שאדט פאר אונז, דארף אונז אוודאי וויי טון אזא זאך ווי מ׳שפילט זיך ארום מיט׳ן שם ה׳.

[געפילטע פיש]

לויט ווי ס'זעט אויס דא, שטייט ארויס די שם במלואה
http://www.metro.us/newyork/newyork/article/1115607--atheist-billboards-for-non-believers-hit-williamsburg

[שרגא]

אין וויליאמסבורג וועלן רוב סייווי נישט פארשטיין נישט דעם ענגליש און נישט דעם עברית. (און די וואס וועלן האלב פארשטיין דעם ענגליש, וועלן טראכטן אז זיי פרעדיגן גוטס "דו האסט א בחירה (טשאויס)".

קידינג עסייד, וואו גייט זיין דער שילד, ממש לעבן די היימישע געגנטער? עס איז טאקע א געפערליכע זאך און איך גלייב די עסקנים וועלן עס באקעמפן מיט אלע כוחות. מען דארף זיי נאר איינמעלדן דערוועגן.

[יידל]

שרגא, ווי איך הער גייט עס זיין אין די געגנט פון די וויליאמסבורג בריק.

[דבילה]

ווי שטארק אונזערע חרדי'שע עסקנים וועלן מיט דעם זיין פארנומען איז א גענויע אנווייז וויפול צייט זיי האבן אויף די האנט! אויב בינטעווען זיי ציווייניג איז גרויסע צרות! דאס מיינט לכאורה אז נישט מער נישט ווייניגער נאר מציצה בפה איז שטארק איינגעשטעלט!

[amechiya]

די סיין גייט נישט ווערן אויפגעהאנגן אין וויליאמסבורג, די לענדלארד לאזט נישט.
די כופרים שעלטן אוועק.
http://www.brooklynpaper.com/stories/35 ... 09_bk.html

[שרגא]

די סיין גייט נישט ווערן אויפגעהאנגן אין וויליאמסבורג, די לענדלארד לאזט נישט.
די כופרים שעלטן אוועק.
http://www.brooklynpaper.com/stories/35 ... 09_bk.html

אמחיה,
שמך נאה לך, יעצט קומט גוט צוניץ דיין נאמען!

[דבילה]

געוואלד! וואס 'עט זיין מיט די שוין אפגעדריקטע טאוולעך מיט'ן שם הויה דערויף?

[יידל]

געוואלד! וואס 'עט זיין מיט די שוין אפגעדריקטע טאוולעך מיט'ן שם הויה דערויף?

אפשר פאר גרויס געלט קען מען עס אפקויפן צו קענען לייגען אין שימות. המתחיל במצוה - די עסקנים וואב האבן אויסגעפועלט ביים לענדלארד - אומרים לו גמור.

[געפילטע פיש]

געוואלד! וואס 'עט זיין מיט די שוין אפגעדריקטע טאוולעך מיט'ן שם הויה דערויף?

אפשר פאר גרויס געלט קען מען עס אפקויפן צו קענען לייגען אין שימות. המתחיל במצוה - די עסקנים וואב האבן אויסגעפועלט ביים לענדלארד - אומרים לו גמור.

ווי יענער וואס איז ארומגעלאפן פורים זוכן א ״מהודר׳דיגן עני״. דא האבן מיר א שם ה׳ שכתבו מין - א מהודר׳דיגן מין... איז ישרף.

א קאמפיוטער אדער פרינטער קען אויך הייסן א מין? סך הכל איז דאך דער מין א גרמא צו דאס אויך נישט. אבער כ`האב געהערט אז אין ירושלים איז אויך געווען אמאל אזא שאלה און מ`האט געפסקנט אז ס`האט נישט קיין שום קדושה.

[רואיק]

אזעלעכע טיפשים די חברה. נאך א מזל זיי פרעגען נישט אהן בלעם'ן פאר אן עצה.

[הירשל ציג]

מיינע צווי סענט

http://theantitzemach.blogspot.com/2012 ... st_22.html

[יידל]

שטארקע נקודות הירשל!

[הירשל ציג]

מה יש לי מזה אז איך האב שטארקע נקודות?!

[יידל]

יש לך את הזכות פון מעורר זיין די חברה אז זיי לעבן אין א באבל, און לאמיר האפן אז די בלאג פאוסט וועט ברענגן פאזעטיווע רעזולטאטן אז זיי וועלן זיך סוכ"ס אויף וועקן און אנהייבן טון צו דער זאך.

[הירשל ציג]

יידל, נחמתני

[גדעון]

ער איז מיר געווארן געספוילט, אז ווייל וויליאמסבורגע רבנים האט געפירט מערכות ווען מהאט געגראבן קברים אין איירופה און אר"י - לאו דוקא א וויליאמסבורגע פראבלעם, סאטמאר רב טוב העלפט אידן וואס אנטלויפן פון איראן - לאו דוקא א סאטמארע פראבלעם, סאטמאר האט אנגעפאנגען מיט ביקור חולים - פאר אלע אידן ציגלייך, סאטמארע אידן האבן געעפענט די וויכטיג ארגענעזאציע רופא חולים - פאר אלע קרייזן. אא"וו ווי סאטמאר און וויליאמסבורג טוען וויכטיגע עסקנות וואס איז לאו דוקא א סאטמארע פרעבלעהם.

האסטו יעצט די חוצפה צי אטעקירן וויליאמסבורג ווייל זיי טוען נישט וויפיל די פארשטייסט אז מ'דארף טון, זאג נאר הירשל ווען האסטו שוין אמאל עפעס געטון פאר אידנס וועגן אויסער זיצן און זעך אויסגיסן ס'גאל דיינעם אויף דיין בלאג, פארוואס איז נישט די בילבאורד בארא פארקס פראבלעם? פלעטבושס פראבלעם? ווייל וויליאמסבורג טוט זאכן וואס דו און דיינע חברים דארפן ווען אויך טון מיינט נאכנישט אז וויליאמסבורג איז אחריות אויף גרינפוינט.

און בכלל, די סיבה פארוואס מהאט באוויזן אוועקצונעמען די בילבאורד פון וויליאמסבורג איז געווען ווייל סאטמאר האט געהאט איינפלוס אויפן בעל הבנין און ער האט אפגעהאלטן די אטעאיסטן פון ארויפלייגן די בילבאורד אויף זיין דאך, אבער וואס קען מען טון אין גרינפוינט? אדרבא די האסט דאך עיצות פאר אלעם, לאמיר זעהן הערשיל, טו עפעס פארן אייבישטערס נאמען פאר א טשעינזש.

[הירשל ציג]

פון וואנעט ווייסט איר וואס איך טוה אדער טוה נישט פאר'ן אייבערשטענ'ס וועגן?
איך האב דען געשריבען איין ווארט וועגן "סאטמאר" אין מיין שטיקל?

[גדעון]

דו רעדסט אסאך ארום פון יעדנס עבירות, פון דיינע מצות הערט מען נישט,
סאטמאר האט באוויזן אוועקצונעמען די ביל באורד פון וויליאמסבורג,

[הירשל ציג]

ווער איז דער "סאטמאר" פון וועם דו רעדסט?

זאל דער סאטמאר באווייזן ווייטער עפעס צו טוהן

מיין אייגען שופר בלאז איך נישט. וד"ל