פארוואס איך שטים (vote)

[קאווע טרינקער]

[justify]איך האב א ליסטע מיט טעמים און רמזים פארוואס נישט צו שטימען. בראש וראשון, היות בטבע בין איך א פוילע מענטש, אזאנס וואס קומט אראפ איינמאל א שמיטה. איך גיי נישט, איך קום נישט. אשרי יושבי ביתך. בפרט ווען מ'דארף שטיין אין די שורה, א זאך וואס כ'קען נישט איבערטראגן. עס דערמאנט מיר פון די לאנגע שורות אונטערן זון אין קעמפ, אלץ איז מיין שורה געווען די לעצטע צו באקומען רשות צו גיין ווייטער. דא קומט אויך צו מיין גרויסע עמהארצות אין פאליטיק, עד היום הזה בין איך נישט קלאר וואס פונקטליך מאכט א מענטש א דעמעקראט אדער א ריפאבליקען, ממילא די אלע דיבאטעס רעדן נישט צו מיר. אונטער אלעמען ליגט באגראבן מיין אויסגערופענע גאות, וואס קען נישט איבערטראגן אז דער קאנדידאט וואס איך האב געשטימט פאר, האט פארלוירן די זיג. אזא דורכפאל הארגעט מיר. ס'נישט געזונט פאר מיר. ס'געשעהן צו מיר אזוי איינמאל, יארן צוריק, און ס'פאסט מיר פשוט נישט צו גיין שטימען פאר א קאנדידאט וואס האט אפילו נאר איין פראצענט-זייט אז ער וועט פארלירן. ווידער פאר דער זיכערע געווינער, איז דאך אן אייניקעל פון א קל-וחומר אז מיין צייט איז א שאד, יענער וועט דאך סייוויי דעקלערן זיג. - און אזוי ספינט זיך מיין פשטעל וואלן נאך וואלן.
לעצטענס - און דאס איז היינט געקומען לידי מעשה - האבן זיך מיינע מיינונגען געטוישט. נישט אז די אויבנדערמאנטע סיבות זענען חלילה נישט לעגיטימיד, נאר ס'איז אונטערגעקומען א נייע פאזיטיווע געדאנק, וואס וועגט איבער אלעמען.
ווער דען אויב נישט אונז ווייסן די ביטערע סיסטעם (אפפססס. סארי) וואס אונז זענען אזוי פארשקלאפט דערין. מאין באת, ווען מ'איז נאך א טיפה סרוחה זענען מיר שוין אונטער די אויבערהאנט פון די עסקנים/רבנים/עלטערן/עלטערע ברודער/מוסדות וכו' - עד זיבולא בתרייתא ועד בכלל. דיין בעלות איז ווערט זילטש. גארנישט האסטו, אלץ געהערט פאר די עסקנים וואס וועלן שוין ערלעדיגן פאר דיר, און די מוסדות וועט דיר שוין מחנך זיין בבית ובחוץ. אפילו דיין ווייב'ס האר נעמט מען דיר אוועק, און אזוי ווייטער און ווייטער און אפילו נאך ווייטער. זיי גייען נאך דיין פאון סערוויס צו זעהן וועלכע עפפ'ס דו ניצט, זיי מעסטען דיין תחתונים אין די מקואות, און אירע נעגל-קאליר אין יענע מקואות. אז דו דרייווסט נישט קיין אדעסי, רינגסטו שוין א בעלל און איידער דו ווייסט ביסטו שוין אין טראבל. - און אזוי גייט די לעבן טאג איין חודש אויס, יאר איין שמיטה אויס.
אבער דער אייבישטער איז דאך א גוטער, און צוליב דעם האט דער קורא הדורות מראש אזוי איינגעפירט אז יעדע אמעריקאנער קען שטימען אין פריוואט! קיינער מעג נישט זעהן וואו אינעם בעלאט דו האסט אריינגעפילט דיין טינט! די שטום בודקעס זענען עפ"י רוב אין פאבליק סקול בנינים, וואו ס'איז נישט קיין סינק אינדערויסען פון די טוילעט, אזוי ארום קומען נישט פאר קיין מנינים מנחה מעריב באותו מקום. די איינגעשטעלטע אויפן פלאץ האבן גארנישט קיין קשרים מיט די הויכע עסקנים, ממילא בלייבט מיין שטימע ביני לבין קוני! - און דאס איז א זעלטענע געלעגנהייט וואו איך קען זיך ארויסגעבן מיין אייגען מיינונג, אן קיין שום לחץ פון מוסדות'ן און קהילות! איך טוה וואס איך וויל! קיינער וועט קיינמאל נישט וויסן פארוועם איך האב געשטימט!
און פון דעם זעלטענע געלעגנהייט שעפ איך חיות פאר די קומענדיגע צוויי יאר, און איך בין עומד ומצפה פאר די בחירות הבאים עלינו לטובה לששון ולשמחה.[/justify]

[מאטי]

און איך נוץ אויס דעם דעמאקראטישען סיסטעם וואס באשוצט דעם רעכט מיר נישט צו קענען איינטיילן בכלל צו גיין שטימען.

[קאווע טרינקער]

און איך נוץ אויס דעם דעמאקראטישען סיסטעם וואס באשוצט דעם רעכט מיר נישט צו קענען איינטיילן בכלל צו גיין שטימען.

אבער די מוסדות קען אמאל נוצען דיינע קינדער פאר א משכון, אז ברענגטסו נישט קיין חתימה אז דו האסט געשטימט, גייט דיין זוהן'ס קלאס נישט צו א טריפ!

[outspoken]

איך נוץ אויס מיינע רעכטען און שטום וואס מיין מוסדות און קהילה הייסט, און דאס איז פאר איין סיבה, סוף כל סוף זענען מיר 'מאנאריטיס', ב''ה מיינע קינדער האבן גוטע קעפ אבער עפ''י דרך הטבע וועלן זיי נישט זיין קיין לויערס דאקטוירים אדער אינדזשאנירען, און אפילו זיי וועלן זיין סאקסעפול'ע ביזנעסלייט וועלן זיי אבער זיין 'בתוך עמי אנכי יושבת' ארומגענומען מיט נצרכים.

איצט אפילו די מוסדות'ער און עסקנים זענען 'פול אוו איט'' זענען זיי 'עני טיים' בעסער ווי די עסקנים פון די אנדערע 'מאנאריטעיטן' און אז מיר וועלן נישט האבן קיין כח וועט זיין אסאך ערגער.

[מאטי]

און איך נוץ אויס דעם דעמאקראטישען סיסטעם וואס באשוצט דעם רעכט מיר נישט צו קענען איינטיילן בכלל צו גיין שטימען.

אבער די מוסדות קען אמאל נוצען דיינע קינדער פאר א משכון, אז ברענגטסו נישט קיין חתימה אז דו האסט געשטימט, גייט דיין זוהן'ס קלאס נישט צו א טריפ!

כ'האב לעצטנס אריינגעשיקט א ליידיגן בלאט וואס פארמאגט מיין חתימה אונטען פונעם בלאט, צום הויפטקוואטיר פון מיינע קינדער'ס מוסדות. א שאד פארן מארקע.....

[אליצפן]

איך האב א זעלטענע הנאה פון אריינגיין אין שטום בודקע און שטומען פונקט פארקערט ווי די עסקנים/מוסדות/קנאקערס האבן געהייסן. עס גיבט מיר חיות פאר די קומענדיגע צוויי יאר.

[הוגה]

[justify]קען נישט איבערטראגן אז דער קאנדידאט וואס איך האב געשטימט פאר, האט פארלוירן די זיג. .... נישט לגיטימיד... .[/justify]

סתם להערה בעלמא. ס'נישט מעגליך במציאות אז א קאנדידאט זאל פארלירן זיין זיג. עס איז נישט לעגיטים(יטיד).


.

[מאטי]

[justify]קען נישט איבערטראגן אז דער קאנדידאט וואס איך האב געשטימט פאר, האט פארלוירן די זיג. .... נישט לגיטימיד... .[/justify]

סתם להערה בעלמא. ס'נישט מעגליך במציאות אז א קאנדידאט זאל פארלירן זיין זיג. עס איז נישט לעגיטים(יטיד).


.

על גאור

[Big Boy]

I do vote and I don’t care who the askunim tell me to vote for. If the person I vote for happens to be endorsed by askunim, that’s fine. If they are not endorsed by the askunim, that’s fine too. My kids know that I don’t vote for whom the mosdos tell me to vote. They know I do my own analysis and vote for whom I think is the best candidate.

I don’t understand people that talk politics all day, and when it comes time to vote they say” my vote will make no difference.” Do they really think that talking in the mikvah makes more of a difference than voting? I do it the other way around. I don’t talk about it in the mikvah, but I vote in every election. Makes no difference if i know my candidate will win or lose. Besides for the fact that there have been many elections, even here locally, that heimish turnout could’ve decided an election one way or the other.

[רויטע וואנצעס]

נישט קיין חילוק פאר וועם מ'וואוט זענען אלע מאל דא צוקריגטע קהילות וואס זאגן מ'זאל וואטן פאר דעם צווייטן. ובכן, קומט אויס אז נישט קיין חילוק פאר וועם מ'וואוט האט מען געטוהן כרצון טייל עסקנים. נאכמער, אלע עסקנים זענען קעגן נישט וואטן, ממילא איז בכלל נישט וואטן די ריכטיגע פרייהייט.

[קאווע טרינקער]

לכבוד הרגל.

[נהורא נפישא]

איך שטים איין זיך צו האלטן שטום און נישט צו שטימען.
שטימט ?