אינפא, עצות און פראקטיק אין דעם ענין פון ערליכע פינאנץ

[רויטע וואנצעס]

לאור די נייעס היינט איבער היימישע אידן וואס זענען ארעסטירט געווארן פאר שווינדל (innocent until proven guilty), עפן איך דעם אשכול פאר א ווינקל פון אינפארמאציע, עצות, און פראקטיק אין דעם ענין פון ערליכע פינאנץ און בודזשעט. ס'פלעגט גראדע זיין אין בארא פארק במשך אפאר זוממערס דרשות פון לויערס אין די ענינים, אבער די לעצטע פאר יאר איז נישט געווען. מיר מוזן זיך אינפארמען איינעם דעם צווייטן אז ס'זאל נאכאמאל נישט פאסירן. ליידער איז די education אין אונזער קרייזן זייער שוואך אין דעם, און די תוצאות זענען שרעקליך.

וזה החלי,

די היינטיגע קעיס ברענגט ארויס זייער שטארק די פשוטע יסוד פון דעם ענין, מ'קען נישט לעבן סיי אינטערן טיש אלס אן ארימאן, און סיי אויפן טיש אלס אן עושר. ווייל די גאווערמענט זיצט אויפן בענקל פון ווי מ'קען זעהן ביידע. א מענטש דארף ריפארטען איין אינקאם (די אמת'ע) סיי צו זיין באנק, סיי צו די IRS, סיי צו וועלפער און סיי צו SSI. די גאווערמענט דארף אפילו נישט אינוועסגעיטן, קאמפיוטערס שפייען היינט אויס ליסטעס פון מענטשן, וואס זייער סאושעל האט אינפארמאציעס וואס שטימען נישט איינס מיט'ן צווייטן. די אינוועסטיגעיטער דארף נאר אביסל קוקן און ער זעהט אלעס.

#למעשה

[איך אויך]

איך האב פונקט געוואלט שרייבן פון דעם. די ועשית הישר והטוב פראגראמן האט א געוואלד אויפגעטוהן (און אויך געהאלפן פארען ספינקער רבין כידוע ליודעים)פאר ווער עס האט געוואלט 'דערהערן' דעם פשוטן שכלדיגן אמת.

עס לייגט זיך נישט אויפן שכל אז מען האט עס סתם אזוי פלוצלינג אויפגעהערט צו מאכן און מען דארף געוואיר ווער עס האט עס אפגעשטעלט און וואס זייערע אינטערעסן זענען.

[איך אויך]

גראדע דא זעה איך א קליינטשיגע שורה ביי די נייעס אז די אינוועסטיגעישן האט זיך אנגעהויבן מיט א געקראכטע טשעק. דארף מען צולייגן צום קאפי פעיסט אז אויב די גנב'סט אפ פונעם פעטער וויפיל עס גייט און פון די אנדערע זייט ביסטו א נגיד בעמיו בעוד פון די דריטע זייט צאלסטו נישט דעם (פראדלענט) מארגיטש און די קויפסט עס בגניבה צוריק דורך א שארט סעיל ,זאלסטו לכל הפחות נישט פון די פערדע זייט געבן שלעכטע טשעקס.

[נתן מנחם]

די פראבלעם איז די "גאלדענע הענדקאפס" וואב מאנכע זענען אין. דא לעבט מען אויף פ"ס און די אכטען חלק און אלע חזר'יי. און עס איז א שאד עס אויפצוגעבען. מען האט חתונה איז מען טאקע בארעכטיגט עס צו האבען אבער ווי נאר מען זיכט א פרנסה מאכט זיך יעדע די טיפשותדיגע חשבון "איז עס ווערט צו ארבעטען און פארלירען די פראגראמען" דאס איז די שורש פון די פראבלעם! ממילא א כולל יונגערמאן וואס זיין ווייב איז א טיטשער פאר אפאר גראשען מעגן זיי זיין אויף פראגראמען אבער ווי נאר א יונגערמאן גייט זיכען א פרנסה מיז מען דאס אויפהערן. און דאס איז א שווערע יצר הרע. איך מיז מודה זיין אז דאס איז געווען מיין שווערסטע באשלוס. איך האב נישט געקענט פועלן ביי מיר דאס אויפצוגעבען. אבער רבותי מען מיז אריינשפרינגען אין דעם איך שפיר מיר היינט ווי א פרייע מענטש. איך לויף נישט ריסערטיפייען יעדן טאג און פ"ס ווארפט מיר נישט אראפ חודש'לעך איך בין א פרייע מענטש!!! יא! עס קען זיין זייער שווער אין אנהייב אבער דאס איז די לעבען. שפעטער דאנקט מען די באשעפער אז מען איז ארויס פון די אזויגערפינער גאלדענע הענדקאפס.

מען ברויך אראפברענגען אידען פון תפיסות צו רעדן צו כולל יונגעלייט (און אין איין וועגס אפשר וועט דאס אראפנעמען צייט וואס די אסירים דארפען נאך זיצען ל"ע)

[איך אויך]

עס איז שוין פון לאנג איינגעפירט אזא פראגראם ביי די 'יונגן עט ריסק' ווי מען נעמט זיי אויף א בחינם'דיגע טור צו א תפיסה און מען ווייזט זיי אל תמות כדרך שמת פלוני.

עס וואלט טאקע געווען א געלונגענע איידיע מען זאל אראנדשירן פאר כולל יונגעלייט (און אנדערע) אזעלכע טורס על טהרת הקודש צו וויזיטן היימישע גנבים און באטריגערס וואס יושב'ן כדי מען זאל כאטשיק האבען אינספיראציע מיט וואס צו פייטן דעם יצר הרע. אבער איך קען נישט טראכטן פון א עסקן (בפשטות קען מען נאך אפילו פארדינען דערויף שיין ,אזוי ווי אלע אנדערע פרעווענטשן פראגראמס) וואס האט די ביצים עס דורכצופירן.

[רויטע וואנצעס]

אסאך מענטשן בלייבן ליידער שלעפערס זייער גאנץ לעבן, ווייל אויב מ'וועט נעמען יענע נארמאלע לעגאלע זשאב וועט מען פארלירן אנקעל סעמס קענדיס. איך האב א נאנטע חבר וואס האט שוין אפגעזאגט אסאך גוטע זשאבס מיט א קלוגע חשבון: "אויב גיי איך ארבייטן נארמאל, פארליר איך סיי די קענדיס און סיי איך דארף צאלן טעקסעס". שוטה! דיין אינקאם און פאטענשעל וואוקס איז 3 מאל מער פון דעם, פלאס די גוטע קרעדיט קענסטו ווערן א מענטש און קויפן א הויז. אבער ניין, ער דארף די "וויק טשעקס" פאר זויערע מילך מיט פינאט פוטער געטונקען אין רייז פון אנקעל בענ'ס.

[גאלד]

די שורש פון די צרה איז אזוי
מ'זעהט אין די גויאישע וועלט אז די מיטל-קלאס זענען די וואס קרעכצן שטענדיג, די פאלטישאנס רעדן שטענדיג פון זיי, אז מ'דארף זיי העלפן,
דאס זענען די וואס פארדינען מהיכי תיתי אבער זענען נישט בארעכטיגט פאר קיין שום רעגירונג הילף,
אויב ביי די גוים איז עס שווער איז עס ביי היימישע אידן על אחת כמה וכמה, א מיטל קלאס איז ממש אומעגליך צו סורווייוון, מיט גרויסע משפחות, שכר לימוד, רענט, חתונה מאכן וכו'
א איד מיט 9 קינדער און פארדינט 75 טויזנט דאלער א יאר אויף די ביכער, איז באנקראט,
75 טויזנט דאלאר הייסט א זייער שיינע געהאלט, אבער אין מציאות קען א היימישע לעבנסשטייגער נישט סורווייוון,
דאס האט ציגעבערנגט צו דעם אז דער היימישער עולם איז עדיקטעד געווארן צו רעגירונג הילף, ס'איז ליידער א חלק פונעם קולטור,
טראץ וואס לויט די פארשריפטן זענען א שיינער עולם נישט בארעכטיגט דערצו,
איך האלט ס'א צייט פון חשבון הנפש און אפשטעלן די סארט לעבנסשטייגער וואס לאזט נישט דעם המון זיין לעגאל, זיין רואיג, זיין נארמאל,
די איינציגע וועג וויזוי עס צו אפשטעלן בעוד מועד איז צו אויסראטן די מענטעליטי דער המון האט וויזוי דער לעבנסשטייגער מוז זיין,
ליידער ברעך איך הענט אין פיס פון יאוש אז דא גייט זיין עפעס א טויש, מ'רעדט און מ'רעדט און מ'רעדט און גארנישט ווערט נישט,
די מנהיגים רעדן און קרעכצן, משרייבט זיסע בריוון און צייטונגען, יעדע צאמקומעניש ביי שמחות קומט מען אלס אן צו דעם דיסקאשן אבער גארנישט,
איך זעה נישט ווער זאל האבן די קאראזש און מוט צו טאן עפעס דראסטיש,
און די פראבלעם איז די מענטעליטי וואס דער המון עם איז געברעינוואשט נאך אזויפיל יארן,
עני וועי איך רעד ממילא צו די וואנט ממילא,
לאמיך פראגן א פראגע,
צו וואס מוז מען וואוינען מיט 5 טויזנט אידישע שכנים??
און געגנטער ווי ביי די גוים וואלטן נאר די האליוואד מיליאנערן געוואוינט
צו וואס מוז מען האבן א מוסד אונטער א חסידות, מיט מינעמום 2 פאראלעל קלאסן??
פארוואס מוז מען האבן א שול מיט א מנין יעדע 10 מינוט??
פארוואס #פאראלדאסגוטיאר האט בלומינגבורג געמאכט א שאטל צו קרית יואל??!!!
דא ליגט די חורבן!!!
פארגעס פון קרית יואל!! פארגעס פון ברוקלין!!
די וואוינסט אין בלומינגבורג,
איי וואס וועט זיין מיט שמחות, וועט מען דארפן פארן!!
די אקס!!!! איז גיין צו שמחות טאקע איינע פון זאכן וואס מ'דארף זיך מוסר נפש זיין און אראפפלאשן דאס לעבן,
וואס הייסט וואס וועט זיין מיט מוסדות???
ספאלט אייך נישט ביי אז למשל א קינד ווערט נתחנך אין א קלאס פון לאמיר זאגן 5 קינדער זיין עידש און 5 א עידש געריקט בלויז א האלבן טאג,
אז דאס וואלט קיין איין ברעקל אפעקטירט כמלא נימא די פארגעשריטנקייט און אנטוויקלונג פונעם קינד, סיי סאשעלי און עקדעמיקלי
אדרבא די סיבה פארוואס 150 יאר צוריק האט מען מער געהערט פון קליינע קינדער עלוים,
טאקע ווייל ס'נישט געווען די איינגערעטע "מוסדות" משוגעת, און יעדער האט געלערנט אויף זיין טעמפא,
דער היימישער עולם ברויך א מאסן סייקעלאדשיקל טעראפי, ביג טיים

[מאטי]

איך זע נישט וואס בלומענבערג קען דא העלפן, אפשר אז מ'מופט קיין בנים'לאזבערג

[שמעקעדיג]

כ'גאלד ועוד לקרא, מען האט שוין טאקע אסאך גערעדט צו אונז, אבער די פאליטישאנס האבן שוין פיל מער גערעדט און פארשפראכן פאר די מיטל קלאס אז מען וועט זיי העלפן,
א יונגערמאן וואס ארבעט היינט 100% אויף די בוכער - און דאס פארמערט זיך כסדר, צי צוליב מענטשן האבן מורא און זוכן זיך נישט קיין צרות אדער צוליב וואס ווילן לעבן רואיגער און נישט דארפן צוקומען צו די רעגירונג'ס חסד לאומים חטאת - און האט א שטוב מיט קינדער, קען ממש נישט אדורכקומען מיטן לעבן, אבער כ'בין מחולק אז אוועקמופן וועט זיין די פולשטענדיגע ישועה; אודאי די רענט עסט אויף דעם חלק הארי פון די אינקאם, אבער בעצם צו לעבן ווי א איד, צאלן שכר לימוד, קויפן כשר'ס, צניעות'דיגע קליידער ביי היימישע געשעפטן, טייערע ימים טובים א.א.וו. דאס קאסט אסאך מער ווי עס קאסט דעם דורכשניטליכן דזשאן-דאו, און ממילא זענען פאראן פילע וועלכע פאלן אדורך דעם נסיון און געבן איין אביסל א קלענערע אינקאם כדי צו קענען נהנה זיין מן הצדקה.

#למעשה? די רעגירונג מוז טוישן די וועג ווי אזוי זיי פארטיילן די געלטער.
למעשה האב איך געזאגט? איימסארי.

[כפתור]

אפשטעלן די סארט לעבנסשטייגער

ווי איך ארבעט, האבן די יונגע ארבייטערס וואס מאכן 12-15 א שעה, א נייערע קאר ווי די באלעבאטים. מ'האט שוין א קאמפלעקס ווען מ'פארט ארום מיט א קאר וואס איז מער פון צוויי יאר אלט.

[יאיר]

איך ווייס בכלל נישט אויב ס'איז בכדי שיעשו אז מיר זאלן אנהויבן לעבן פולשטענדיג לעגאל. דער וועג ווי אזוי מיר פונקציאנירן איז אז א מיעוט זענען כיטרע ביזנעס קעפ וועלכע לערנען זיך אויס צו מאכן געלט דורך פראבלעמאטישע מיטלען, און דער רבים זיצט האלבוועגס אויף אנקל סעם און האלבוועגס אויף די הייזער פליפערס, בשעת די כולל געלט און טעקס ריטורן דינט אויף זייטיגע הוצאות. אויב מיר הייבן אן לעבן לעגאל וועלן מיר תיכף אונטערברעכן. און נישט נאר צוליב רענט. עס איז פשוט נישט במציאות אז א דורכשניטליכער 30 יעריגער יונגערמאן אן קיין שום עדיוקעישאן אדער קלאסן אין ביזנעס זאל קענען פינאנצירן א ווייב מיט 6-7 קינדער, ווער רעדט נאך פראווען ימים טובים און בר מצוות און חתונות.
פאר די מאטעמאטיקער בתוכינו:
אויסהאלטן א חסידישע שטוב קאסט פאר עלטערע יונגעלייט לכל הפחות 75,000 דאלער א יאר. לאמיר זאגן אז מען נעמט אראפ 10,000 א יאר פון ביליגער רענט, האלטן מיר ביי 65,000. דא קענט איר זען אז צו פארדינען א דורכשניט פון 60,000 דאלער א יאר פארלאנגט זיך א מעסטער'ס דעגרי. לאמיר שוין זאגן אז פופציג פראצענט האבן זיך אויסגעריבן די גמרא קעפ און קענען מאכן דעם סכום, האבן מיר גאנצע פופציג פראצענט וואס קענען נישט דורכשטיפן דעם חודש.

[קאסטנער]

קענענדיג אביסל די דזאב מארקעט פין היינט ציטאגס זעה איך נישט ווי די אפשען איז בכלל נישט צי גיין פאלי אויף די ביכער.ביי 99.99 ארבעטס געבער איז דאס א חלק פין די אפציעלע פארלאנגען ביים אננעמען א נייע ארבעטער.

[יאיר]

דאס מיינט אז נאר איינס פון צען טויזנט היימישע יונגעלייט ארבעטן נישט הונדערט פראצענט אויף די ביכער?

[ישראל קאפקע]

url=http://nces.ed.gov/fastfacts/display.asp?id=77]דא[/url] קענט איר זען אז צו פארדינען א דורכשניט פון 60,000 דאלער א יאר פארלאנגט זיך א מעסטער'ס דעגרי.

''דא'' איז די מיטלגארטיגע ציפערן פון גאנץ אמעריקע, דארפסט נעמען אין חשבון אז אין ניו יארק סיטי זענען די דורכשניטליכע וועידזשעס מער ווי אין בירמינהעם אלאבאמא אדער עניטאון וועסט ווירדזשיניע,

[קאסטנער]

דאס מיינט אז נאר איינס פון צען טויזנט היימישע יונגעלייט ארבעטן נישט הונדערט פראצענט אויף די ביכער?

קיק איבער איך האב געשריבן ״היינט ציטאגס״ דאס מיינט אלע פרישע אינגעלייטלעך וואס גייען ארבעטן.

[יאיר]

דאס מיינט אז נאר איינס פון צען טויזנט היימישע יונגעלייט ארבעטן נישט הונדערט פראצענט אויף די ביכער?

קיק איבער איך האב געשריבן ״היינט ציטאגס״ דאס מיינט אלע פרישע אינגעלייטלעך וואס גייען ארבעטן.

מיר זעט נישט אויס אזוי, אבער מעגליך איך בין זיך טועה. איך בין נישט אויססגעקאכט דערין.

[גאלד]

2 זאכן וואס מ'ברויך טאן צו טוישן די מצב,
איינס פארגרייטן די יוגנט זאלן זיין מער געשולט צו זיין מער פינאנציעל סוקסעספול, איך האלט מ'קען עס עטוואס טאן אפי' מיטן סיסטעם וואס מ'לערנט אין ישיבה ביז די חתונה, מ'קען אנהייבן שוין אלס חתן, מ'זאל טאקע האבן א לענגערע חתן'שאפט, עוורעדש האט מען א קינד הערשט א 2 יאר נאך די חתונה, דאס מיינט מ'האט א 2-3 יאר זיך צו לערנען עפעס,
צוויי, עפעס ברויך מען טאן אז זאל זיין א ברייטערע אויסוואל פון געגנטער ווי צו וואוינען, פון אלע סארט פרייזן, אוואו אונזערע זיידעס אין יוראפ,

האלט איין מינוט! וואס טוה איך דא? צו וועם רעד איך?
משוגענער וואס איך בין!! איינער גייט דען עפעס טאן?? וואו וואס ווען!!
אבי אנגעברענגט מיין טייער צייט ערב שבת, שטאטס מעביר סדרה זיין און גיין אין מקוה

האצמיר אגוטן שבת

[כוכב]

יאיר איז גערעכט, העטעך פעטעך אלע תורות זענען זייער פיין און וואויל אבער ביז צו דער קרעטשמע ווילאנג א יונגערמאן פארדינט נישט זעקס דיזשיטס אויפ'ן יאר איז ער אויף אן אמת אנגעוויזן אויף די פופציג אלפים יערליך ער קען ארויסנעמען פון דער רעגירונג ווען מ'רעכנט צוזאם מעדיקעיד, פיי סאמעך, וויק, חלק ח', וועלפעיר, וואוטשערס, טעקס רעטורן ושאר ירקות.

[קרעקער]

די שאלה איז צו דער שופט וועט עס פארשטיין ווען א איד וועט אנהייבען וויינען און עם עקספלעינען וואס עס קאסט אינס אלס דאס יודיש לעבען? אדער ער וועט זאגען איי דאנט קעיר לעס, האסט געשריבען ליגענט גיי אין חד גדיא

אויך ביים ארויסנעמען א קרעדיט קארד זאגט יעדער טוטער יונגערמאן אז ער מאכט 50,000 און ער נעמט די זעלבע צייט פוד סטעמפס וואו עס האט איינגעגעבען אז ער מאכט נאך 8,000 א יאהר = אויף דעם גייט מען אויך אין חד דגיא?

[קאסטנער]

די שאלה איז צו דער שופט וועט עס פארשטיין ווען א איד וועט אנהייבען וויינען און עם עקספלעינען וואס עס קאסט אינס אלס דאס יודיש לעבען? אדער ער וועט זאגען איי דאנט קעיר לעס, האסט געשריבען ליגענט גיי אין חד גדיא

אויך ביים ארויסנעמען א קרעדיט קארד זאגט יעדער טוטער יונגערמאן אז ער מאכט 50,000 און ער נעמט די זעלבע צייט פוד סטעמפס וואו עס האט איינגעגעבען אז ער מאכט נאך 8,000 א יאהר = אויף דעם גייט מען אויך אין חד דגיא?

ניין די שופט גייט דיך קיין טראפ נישט נאכגעבן וועגען די האסט א גרויסע בודזעט, געזעץ איז געזעץ.
עס איז נאר הסבר פארוואס א אינגערמאן זאל מאכן די ריסק אז מען זאל אים כאפן.

[מאטי]

די שאלה איז צו דער שופט וועט עס פארשטיין ווען א איד וועט אנהייבען וויינען און עם עקספלעינען וואס עס קאסט אינס אלס דאס יודיש לעבען? אדער ער וועט זאגען איי דאנט קעיר לעס, האסט געשריבען ליגענט גיי אין חד גדיא

אויך ביים ארויסנעמען א קרעדיט קארד זאגט יעדער טוטער יונגערמאן אז ער מאכט 50,000 און ער נעמט די זעלבע צייט פוד סטעמפס וואו עס האט איינגעגעבען אז ער מאכט נאך 8,000 א יאהר = אויף דעם גייט מען אויך אין חד דגיא?

ניין די שופט גייט דיך קיין טראפ נישט נאכגעבן וועגען די האסט א גרויסע בודזעט, געזעץ איז געזעץ.
עס איז נאר הסבר פארוואס א אינגערמאן זאל מאכן די ריסק אז מען זאל אים כאפן.

לאו דוקא, דער שופט רעכנט זיך גראדע יא מיט דעם פאקט. ס'איז א גרויסע חילוק אויב איינער האט גע'גנב'ט פאר פלעזשור אדער נעסעסיטי. הגם ס'איז ווייט נישט קיין גענצליכע התנצלות.

[קאסטנער]

איך האב אים געשאסן וויל איך בין באמת א ארעמאן אין איך האב געדארפט זיין בערזעל.

[berlbalaguleh]

איך האב אים געשאסן וויל איך בין באמת א ארעמאן אין איך האב געדארפט זיין בערזעל.

דו דארפסט זיין בערזל? יא. דאס יא. אבער נישט שיסן. פרעיג עני שחור וואס טוט די ארבעט. אין סובוועי אדער אויף די גאס...!