פאסירט טאקע ביי אונז אזוי סאך ווייניגער גט'ין?

[געפילטע פיש]

ס'קומט אסאך מאל אויס צו שמועסן וועגן די ענין פון חתונה מאכן ביי אונז, צו מ'רעדט וועגן די עלטער, אדער דאס אז דאס יונג פארפאלק איז נישט צוגעגרייט, קענען זיך קוים, שטייען נישט פינאנציעל אויף די אייגענע פוס, און נאך פראבלעמען, און אסאך מאל רופט זיך איינער אן אז די פאקט באווייזט אז מיר שטייען סאך בעסער ווי די וואס האבן חתונה שפעטער, בעסער צוגעגרייט, מתוך אהבה הדדית, שוין נאכן האבן אויפגעשטעל א קאריערע, וכדו', קוקט נאר אויף די גט ראטע ביי זיי, און ביי אונז, קוקט נאר וועמענ'ס הייראט האט בעסערע אויסזיכטן מאריך ימים צו זיין?

די סיבות וואס מ'גיבט אן דאס מסביר צו זיין אין אדער ווייל ס'איז באשערט, (איי ביי זיי איז דאך אויך באשערט? און ווען ס'ארבעט זיך נישט אויס דערמאנט מען זיך פונעם שמא יקדימנו אחר אז ס'קען אמאל זיין אז מ'זאל חתונה האבן מיטן אומבאשערטן, אבער נישט דאס איז אונזער שמועס, מער איבער דעם א צווייט מאל) אדער טאקע ווייל מ'האט חתונה יונג וואקסט מען אויף צוזאמען און מ'פאלט אין ליבע שוין נאכן חתונה, אדער ווייל ביי די גוים ווערן די עיני חכמים נשחד פאר די בלינדע אהבה און מ'זעט נישט די חסרונות ביז ס'איז שוין צו שפעט, דאגעגען ביי אונז ווערן די עלטערן'ס אויגן נישט פארבלענדעט ביים זיך נאכפרעגן אויפן פארגעשלאגענעם תכשיט'ל\ה.

דאס איז אלעס געזאגט אויפן הנחה אז ביי זיי איז די דיווארס ראטע 50%, איז פאריגע וואך ארויסגעקומען אן ארטיקל אין די נ.י. טיימס וואס לדעתי צוווארפט אסאך פון די געביידעס. קודם ברענגט ער אז די ראטע האלט שוין לאנג נישט דארט, און אז די לעצטע פערציג יאר האלט די ראטע אין איין אראפגיין. אבער נישט דאס איז די עיקר פון וואס איך וויל ארויסברענגען, אונזער גטין ראטע איז נאכאלץ נידעריגער ווי זייער נידעריגע ראטע (אפשר גייט אונזערס ארויף בשעת זייערס גייט אראפ? קען זיין, אבער פארדעם דארף מען שוין האבן שטודיעס צו בעקן די השערות), נאר די סיבות וואס צייגן אן פארוואס די ראטע האט זיך אזוי שטארק אפארגענידערט ביי זיי, זיי צייגן צו די היפך פון וואס מיר האבן פריער פראבירט צו זאגן זענען די סיבות פארוואס ביי אונז האלטן זיך די הייראטן יא אן. למשל ער צייגט צו אז הייראטן ביי די מער עדיוקירטע און העכערע פארדינערס האבן בעסערע אויסזיכען אויף אריכת ימים ווי ביי די ארעמע און ווייניגער עדיוקירטע, ס'הייסט אז האבן א פעסטע עקאנאמישע יסוד פארזיכער בעסער אויסזיכטן אויף שלום בית. אויך זאגט ער אז די סיבה פאר די הויכע דיווארס ראטע אין די זיבעציגער-אכציגער יארן איז געווען וויבאלד פאר די פעמיניסטישע רעוועלוציע האבן מענער געזוכט בעיקר א פרוי וואס קען גוט באקן, קאכן, פירן א שטוב, האבן קינדער, זיין א גוטע מאמע, און פרויען האבן געזוכט גוטע פארדינער, אבער שפענדען צייט צוזאמען? ליבע? דאס זענען שוין געווען גרויסע השגות וואס רוב המון עם האט זיך נישט געקענט ערלויבן. דאס האט זיך אלעס געטוישן אין די שפעטע זיבעציגער יארן, ווען מאשינען האבן איבערגענומען א גרויס חלק פון די הויז ווירטשאפט, און פרויען זענען אריין אין די ארבייטס קראפט, און מענער און פרויען האבן אנגעהויבן שפענדען מער צייט צוזאמען, פלוצלים האט מען אנגעהויבן עקספעקטן ליבע אין א רילעישענשיפ, אבער ווען מ'האט נאר געטראפן א ווייב וואס קען גוט שוואנגערען, אדער פרויען האבן זיך געטראפן מיט מענער פיינע פארדינער אבער א סענס אוו יומער ווי א בעזעם, זענען אסאך הייראטן צוזאמגעפאלן.

נאך א סיבה פארוואס מ'גט זיך ווייניגער היינט ווי אמאל איז ווייל מ'האט חתונה שפעטער, בשעת וואס אין די פופציגער יארן איז די דורכשניטליכע גיל חתונה צו האבן געווען 23 פאר בחורים און 20 פאר מיידלעך, האלט עס שוין היינט ביי 27 און 26, ממילא ווייסן שוין די חברה בערך וואס זיי ווילן אין לעבן, און האבן נישט חתונה מיט די מיידל וואס זיי האבן געמיינט זיי האבן ליב ביי די אכצן יאר אלט.

ווי אויך צייגט ער צו אז מעגליך דאס אז אסאך פארפעלקער "וואוינען" צוזאמען אפאר יאר בעפארן מקשר זיין קשרי נישואין, קומט אויס אז די אלע רילעישענשיפס וואס וואלטן סייווי נישט געהאלטן מער ווי א יאר צוויי הייסן שוין היינט נישט קיין דיווארט, נאר פשוט'ע ברעיק-אפ'ס. ווי אויך איז שוין היינט וויייגער דא די פעלער וואס רופן זיך 'שאטגאן' חתונות, ווען מ'מאכט אפאר פאלק שנעל חתונה צו פארמיידן בושות ווייל זי טראגט שוין א קינד, וואס די רילעישענשיפס האבן קיינמאל נישט געהאט די בעסטע אויסזיכטן.


ממילא קומט אויס, לויט די ארטיקל און די שוטדיעס אויף וואס זי איז געבויעט, אז די אלע תירוצים פארוואס אונזער שידוכים וועג איז בעסער ווי ביים אלגעמיינע באפעלקערונג זענען מופרך, וועט מען מוזן בלית ברירה זוכן נייע תירוצים.

______

פארגעסן צו לינקן צום ארטיקל. דא: The Divorce Surge Is Over, but the Myth Lives On.

[[NAMELESS]]

מ'קען אויף דעם שפעקולירן וויפיל עס לאזט זיך.
מיר דוכט זיך אז די מערידזש רעיט ביי די אלגעמיינע וועלט איז היבש געפאלן, ממילא קען מען גארנישט בויען אויף די נידריגע דיווארס ראטע וויבאלד ס'איז מער דעם מעיקרא חתונה ליתא, ווארשיינליך איז דאס טאקע צוליב דעם הויעכן דיווארס ראטע האט זיך די אינגע דור אויסגעלערנט אז ס'איז בעסער נישט חתונה צו האבן.
ביינונז ווידער האט זיך די חתונה האבן כמעט נישט געמינערט, ווידעראום די פראבלעמען האט זיך געהויבן און אינאיינוועגס די גיטין ראטע.

[שמעקעדיג]

מאכסט מיר לאכן, ווען מען זאגט 50% מיינט דאך דאס קאמפערד צו וויפיל עס האבן חתונה!

[זוכער]

גערעכט @געפילטע פיש. אבער דער טיימס ציטירט אן אנדערן פיינדינג אז 42 מיליאן אמעריקאנער האבן "בכלל" נישט חתונה! 20 פראצענט איז נישטא אינעם בילד - אוודאי גט'ן זיי זיך נישט אז זיי טייען נישט די קנאט!

זעה דא פונעם טיימס:
Twenty percent of adults older than 25, about 42 million people, have never married, up from 9 percent in 1960, according to data in a Pew Rese

[כוכב]

נישטא וואס צו לאכן שמעק. אין א פאלק וואס נאר א געוויסע שניט האט כהיום חתונה, די עליטע, די רייכע, וכדומ' וכדו' איז קיין וואונדער אז די ראטעס פאלן. ופשוט הוא.
שטעלט אייך פאר א נאר רויעאלע מענטשן פון די קעניגליכע משפחה אין לאנדאן וואלטן חתונה געהאט וואו וואלט די גיטין ראטע געהאלטן היינט?@!...

[[NAMELESS]]

מאכסט מיר לאכן, ווען מען זאגט 50% מיינט דאך דאס קאמפערד צו וויפיל עס האבן חתונה!

לאכסט פון מיר אדער פון געפילטע?

[איך אויך]

שמעקי ,ריכטיג האט געזאגט א ריכטיגע נקודה נישטא וואס צו לאכן דערפון. באט די וועלט זאגט טאקע אז דער עיקר גורם צו דיווארס איז חתונה האבען.

[[NAMELESS]]

דערווייל בין איך דן שמעקעדיג לכף זכות אז ער לאכט פונעם גויאישן שרייבער וואס האט געצויגן א מסקנא בלויז פון די חתונה ראטע, און ער מיינט לעולם די זעלבע נקודה ווי מיר.

[מאטי]

מ'דארף ארייננעמן אין פאקטאר אז ביי אידן גט מען זיך פיל שווערער ווי ביי נישט-אידן. די סטיגמע פון נעבעכדיג, מוסדות, שידוכים, וכדו' איז א ריזן פאקטאר וואס נייגט א פארפאלק צו בלייבן אונטער איין דאך אונטער שווערע אומשטענדן ביי וואס א יעדער נארמאלער מענטש וואלט שוין לאנג אפגעגאפלט מיט די נשמה אין טאש.

אין ליכט פון דעם איז דער העכערער מעריעדש ראטע גאר א ערגערע פראבלעם, אויב שוין יא א סטאטיסטיק, דאן זאל מען מאכן א סערוועי פון וויפיל וואלטן זיך ווען צוטיילט אויב די היימישע מניעות וואלטן ווען נישט רובץ געווען צו בלייבן. מיין אינטואיציה זאגט מיר אז די רעזולטאטן וואלטן געווען זייער אומבא'טעמ'ט.

[ירח בן יומו]

מ'פראציילט אז אמאל איז א עלטערטע פארפאלק געקומען צום בית דין און געזאגט אז מ'וויל זיך גט'ן,
פרעגט די רב דעם מאן ווי אלט ביסטו? זאגט ער בלי עין הרע 103 יאר צו לאנגע געזונטע יארן
פרעגט די רב די פרוי ווי אלט ביסטו זאגט זי 99 יאר אלט (קאניינארע!)
פרעגט זיי די רב וואס איז יעצט געשען, אין די יאר'ן זיך צו שלאגן?
זאגן זיי אז בעצם איז דאס א אלטע שלעגעריי פון 60-70 יאר צוריק, נאר מ'האט זיך נישט געוואלט זיך גט'ן צוליב די קינדער.
פרעגט די רב און וואס איז יעצט געשען?
זאגן זיי יעצט זענען די קינדער שוין אויסגעשטארבן, קענענן מיר זיך שוין גט'ן.

[berlbalaguleh]

מ'דארף ארייננעמן אין פאקטאר אז ביי אידן גט מען זיך פיל שווערער ווי ביי נישט-אידן. די סטיגמע פון נעבעכדיג, מוסדות, שידוכים, וכדו' איז א ריזן פאקטאר וואס נייגט א פארפאלק צו בלייבן אונטער איין דאך אונטער שווערע אומשטענדן ביי וואס א יעדער נארמאלער מענטש וואלט שוין לאנג אפגעגאפלט מיט די נשמה אין טאש.

אין ליכט פון דעם איז דער העכערער מעריעדש ראטע גאר א ערגערע פראבלעם, אויב שוין יא א סטאטיסטיק, דאן זאל מען מאכן א סערוועי פון וויפיל וואלטן זיך ווען צוטיילט אויב די היימישע מניעות וואלטן ווען נישט רובץ געווען צו בלייבן. מיין אינטואיציה זאגט מיר אז די רעזולטאטן וואלטן געווען זייער אומבא'טעמ'ט.

מאטי: די עיקר נקודה איז צוויי פאכיג: ערשטנס. ביי גויים איז די חתונה ראטע מלכתחילה נישט קיין הויכע. ממילא איז די דיווארס ראטע אויכעט נישט הויך.
צווייטנס: ביי רוב ערליכע אידן (אריינגערעכנט מאדערנע) זענען די קאנסעקווענצן און נאכווייען פון גט'ן זיך, א סאך העכער ווי ביי די אלגעמיינע באפעלקערונג. ממילא האלט מען זיך צוזאם אפילו מ'וואלט זיך יא געוואלט גט'ן...!

[איחוד פעלד]

כ'קלער אז מדמה זיין אונז צו גוים איז בכלל נישט קיין דמיון.

די שאלה איז צווישען חסידים און ליטוואקס, אדער חרדים ווערסעס מאדערנער ארטדאקסען.

[[NAMELESS]]

זיך אינטרעסירנדיג ביי עטליכע אינגעלייט וואס שטאמען פון פארשידענע היימישע ישיבות און האלטן איצט די ערשטע פאר יאר נאך די חתונה, איז מיר אויסגעקומען אז מיר האלטן בערך ביי צען פראצענט גיטין ראטע ה"י.
מיינע פראגעס בערך :
א- וויפיל בחורים האבן געלערנט אין דיין כיתה?
ת: ערגעץ ציווישן צוואנציג און דרייסיג.

ב- וויפיל האבן זיך שוין צוטיילט?
ת: צוויי-דריי.

און דאס איז בלויז אין די ערשטע פאר יאר, די ליסטע קען נאך ציוואקסן.

[לא להנאת גופי]

כ'בין געווען פארמושט אין א קעיס לעצטענס [עסקנות, עצה געבער, און סתם נאוזי], און די מדריך-חתן רבי האט מיר געזאגט אז א שאקירענדע 60%-70% זענען נישט ציפרידען די ערשטע צוויי יאר, 50% פון זיי 'וואלטן' זיך גע'גט.

[[NAMELESS]]

איך קען נישט די סטאטיסטיקס אבער בליקענדיג פין צייט צי צייט אויף וויקעפידיע האב איך באמערקט אז ביי רוב אנערקענטע מענטשן ביי די גוים זאל זיין סייענטיסטן פילאסאפן עקטארס זינגערס דירעקטארס וועט ביי spouse שטיין עטליכע נעמען...

איך האלט אז די סיבה פין די קלענערע צאל גיטין ביי היימישע אידן איז ווייל דער גאנצע ציל פין חתוה האבן, אין וואס מען עספעקט פונעם שותף איז אנדרעש ווי ביי די גוים , ביי די גוים זעט עס אויס ווי ביי אונז ווען מיר זוכן א חברותא אין ישיבה , ראשית כל דארף מען זיך ליב האבן אין מדארף זיין געשמאק אין פארשטענדליך בקיצור מען זאל זיך אינדזויען איינער דעם צווייטן מילא אויב אינדזויט מען נישט אזוי שטארק אין נאכדערצו ווען מען האט געלייגט אן אויג אויף א צווייטן אז מען קען ארויסנעמען מער הנאה ביי יענעם איז משום איזה סיבה זאל מען בלייבן?
משא''כ ביי אונז איז די חלק פין אינדזויען לייף בלייבט בייים מאן צווישן די חברים פין ישיבה כולל ביהמד אין ביים פרוי מיט די פרענדס אויפן פאון, אין די מאן-וויב דארף מען בעיקר אויפציבויען א בית נאמן בישראל וכו' , איז אוודאי דארף מען זיך קענען דורך קימן אין 'בעיסיקלי' פארשטיין , אבער ביז ווילאנג מען קריגט זיך נישט פארוואס זאל מען טוישן? (אין נאכדערצו אז מען לייגט צי @מאטיס טענה )

[[NAMELESS]]

די סברא איז ריכטיג אבער די סטאטיסטיק איז נישט קיין ראיה ווייל דער גוי גייט סתם אזוי גרינגער צו צום גט ווי דער איד, קינדער איז נישט דער איינציגסטער סיבה.

[אויסגערוט]

דעס איז גראדע נישט דוקא אמת. לעצנטס הערט מען מער און מער פון גיטין וואס זענען אנדערהאלבען צו צוויי יאר נאך דער חתונה און מיט א בעיבי. דער סיבה דערפון איז אז די שלום בית קאונסלערס זאגן אז איינמאל סאיז דא א קינד וועט זיך אלעס אויסגלייכן...

נישטא ווער זאל לאכן....

[כוכב]

זיך אינטרעסירנדיג ביי עטליכע אינגעלייט וואס שטאמען פון פארשידענע היימישע ישיבות און האלטן איצט די ערשטע פאר יאר נאך די חתונה, איז מיר אויסגעקומען אז מיר האלטן בערך ביי צען פראצענט גיטין ראטע ה"י.
מיינע פראגעס בערך :
א- וויפיל בחורים האבן געלערנט אין דיין כיתה?
ת: ערגעץ ציווישן צוואנציג און דרייסיג.

ב- וויפיל האבן זיך שוין צוטיילט?
ת: צוויי-דריי.

און דאס איז בלויז אין די ערשטע פאר יאר, די ליסטע קען נאך ציוואקסן.

כ'מיין אז די ראטע איז פיל ווייניגער.
אין חדר זענען מיר געווען הונדערט קינדער, פון דעם איז דא איינער צעטיילט נאכנישט געגט.
אין ישיבה האבן מיר געהאט אומגעפער 72 בחורים אין מיין כיתה פון דעם איז דא איין גרוש.
צען פראצענט מיינט איינס פון יעדע צען יונגעלייט, סארי, נישט אין מיין כולל און נישט אין מיין ביהמ"ד.

[דריידל]

כ'בין געווען פארמושט אין א קעיס לעצטענס [עסקנות, עצה געבער, און סתם נאוזי], און די מדריך-חתן רבי האט מיר געזאגט אז א שאקירענדע 60%-70% זענען נישט ציפרידען די ערשטע צוויי יאר, 50% פון זיי 'וואלטן' זיך גע'גט.

דאס אז מ'איז נישט ציפרידן מיינט בסך הכל אדער אז מ'איז סעלפיש און מ'ווייסט נישט וואס מיינט שעירן מיט א צווייטן, אדער אז מ'רעדט זיך איין אז א צווייטער וואלט געווען בעסער מיט דאס און מיט יענץ. ביידע זאכן זענען נישט א תוצאה פון די אופן וואס די שידוך איז געשען ווייל בפשטות וואלט קיין איינער נישט גוט געווען פאר זיי.

[diff]

מאכסט מיר לאכן, אזוי קליינקעפיג זענען אונזער קאונסלערס

[לא להנאת גופי]

אוי דריידעלע דריידעלע, די דערמאנטסט מיך פון א שמועס וואס כ'האב געהערט פון א ווייבעל מוט איר מאמע:
מאמע: שרה'לע פארוואס ביסטו נישט צופרידען, די מיזט דיך מער מסביר זיין.
שרה: איך ווייס נישט, ס'איז עפעס נישט קיין 'מעטש'
מאמע: וואס רעדטסטו שטותים, ווער האט דיך אריינגעלייגט אזעלעכע פייגעלעך אין קאפ
שרה: מיין מאן..
מאמע: אוי אביסעלע מדות, די היינטיגע מיידלעך, ער איז דאך געווען דער תכשיט פון ישיבה, די ווייסט וויפיל מענטשען וואלטען זיך געווינטשען אזאי מאן
שרה: נו, פארוואס זאלען 'זיי' עס נישט האבען..
מאמע: שרה'לע די דארפסט אפאר גוטע פעטש!! goodbye!!

[יאיר]

איך זע נישט וואס די ניו יארק טיימס ארטיקל איז משנה לגבי די חילוקים צווישן חרדים און גויים. די סיבה פארוואס ביי אונז איז דא ווייניגער גיטין איז טאקע ווייל מענטשן זענען ווייניגער פארנומען מיט וואס זיי ווילן און וואס זיי שפירן, און פרובירן ענדערש זיכער צו מאכן אז זייער לעבן שטימט לויט געוויסע וועליוס. א חסידי'שע קאפל וועט זיך געווענליך גט'ן נאר אויב איינער איז אן אביוזער אדער אויב זיי פארשטייען זיך ממש אינגאנצן נישט. ביי די גויים איז דאס אסאך מער תלוי אין די פערזענליכע געפילן און שטימונגען.
אויב עס איז ריכטיג אז גיטין ביי חרדים זענען געשטיגן, קען זיין די סיבה איז אזוי ווי ביי די גוי'אישע וועללט, אז מענטשן זענען געווארן מער אפן צו דעם געדאנק אז א מעריעזש איז נישט נאר געמאכט צו אויפשטעלן א בית נאמן בישראל און האבן איינעם וואס זאל קאכן סאפער אדער ברענגען פרנסה, נאר אויך צו ערפילן פערזענליכע געברויכן.
באמת וואלט איך געזאגט אז עס איז נישט קיין גרויסע נפקא מינא וויפיל גיטין געשעען, דער עיקר איז, וויפיל צופרידענע חתונה געהאטע מענטשן זענען דא, אפגעזען אויב דאס איז זיווג ראשון אדער שני אדער שלישי. אויב זענען ביי חרדים פארהאן מער מענטשן וואס זענען מער-ווייניגער צופרידן פון זייער חתונה לעבן, איז דאס א שיינע דערגרייכונג און איז ווערד צו אנערקענען. דער גט איז פשוט א סימפטאם אז דער חתונה לעבן האט נישט געטויגט.
דערביי דארף מען אויך דערמאנען אז ביי חרדים וועלן רוב גיטין רעזולטירן אין א צווייטע חתונה פאר ביידע צדדים ביז א רעלאטיוו קורצע צייט. מה שאין כן אין די גוי'אישע וועלט קען מען פארבלייבן סינגל יארן לאנג.

[פארוואס?]

מאכסט מיר לאכן, ווען מען זאגט 50% מיינט דאך דאס קאמפערד צו וויפיל עס האבן חתונה!

לויט ווי איך פארשטיי רעדט מען פון וואטעווער פראצענט פון די מערידזשעס. כלומר ווען מ׳זאגט אז 50% מערידזשעס ווערן געענדיגט אין דיווארס, רעכנט עס איינע/ר וואס האט מקדש שביעי געווען פאר זיבן מערידזשעס.