היסטאריש, קובא, אמעריקע באנייען דיפלאמאטישע פארבינדונגען!

[ישראל קאפקע]

אין גאר היסטארישע נייעס, וועט קובא און אמעריקע אנפאנגען געשפרעכן צו באנייען און נארמאליזירן דיפלאמאטישע באציאונגען מיט אמעריקע.

נאך פערציג יאר פון גענצליך אומסוקסעפולע אמעריקאנער פינאנציעלע און פאליטישע עמבארגא קעגן די קליינע ארימע אינזל לאנד דרום פון די פלארידע האלבאינזל, וועט אבאמא אנפאנגען די פראצעדור גענצליך אראפצונעמען דעם עמבארגא.

אמעריקע און קובא וועלן אנהויבן געשפרעכן צו עפענען אמבעסאדעס אינעם צווייטן לאנד.
אמעריקע זוכט צו עפענען אן אמבאסאדע אין האוואנא אין די קומענדע חדשים, לויט ווי אמעריקאנער דיפלאמאטן געבן איבער פאר די צייטונגען.

די גאר ווייטגרייכענדע טויש אין אמעריקאנער אויסערן פאליטיק איבער קובא איז א טייל פון א דיעל וואס וועט באפרייען דעם אמעריקאנער איד אלען גראס פון א קובאנער טורמע וואו ער שמאכטעט שוין איבער פינף יאר, און דריי קובאנער וואס זיצן אין אמעריקע אויף שפיאנאזש וועלן ארויסגעלאזט ווערן אין אויסטויש.

פרעזידענט אבאמא גייט אדרעסירן די נייעס פונעם ווייסן הויז אין עטליכע שעה.
ראעל קאסטרא, דער אינגערן ברודער פון די לאנגיעריגן קובאנער 'פרעזידענט' פידעל, און די פאקטישער פירער פונעם רעגירונג די לעצטע עטליכע יאר, גייט אפהאלטן א פרעסע קאנפערענץ אביסל שפעטער.

דער אמעריקאנער איד אלען גראס, 65 יאר, וואס איז געווען אין קובאנער טורמע פאר פינף יאר, פארן ארבייטן צו צושטעלן אינטערנעט פארבינדונג פאר די אידישע געמיינדע אין לאנד.

[[NAMELESS]]

וואס איז טאקע פשט? האבן זיי דען פארבעסערט זייערע מענטשן רעכט פראבלעמען אדער זייערע העצע קעגן אמעריקע

[רויטע וואנצעס]

אלען גראס איז שוין אויף אמאריקאנער באדן.

איך זעה נישט פארוואס בעסערע פאליטישע באציאונגען וועט ברענגן טויש צו קובא ווילאנג די קאסטרא ברודער וכתם זענען אין קאנטראל. די סיבה איך טראכט אזוי איז ווייל אן עמבארגא פון 50 יאר האט גארנישט געברענגט פארלייכטונגען צו אירע מענטשן. יעצט די סיבה פארוואס ס'איז אזוי איז ווייל כמעט יעדע אנדערע לאנד אין די וועלט אינקלודינג אלע גרויסע מערב לענדער טוען ביזנעס מיט איר כאילו לא היה (אזוי ווי אמעריקא טוט מיט כינע וואס האט אן ערגערע ראעקארד ווי קובא. היפאקריטס) ממילא האט זי נישט געהאט א סיבה צו טוישן. יעצט אויב מיט אמאל וועט אמריקא טוען ביזנעס מיט איר וועט עס אויך גאר נישט טוישן, והא ראיה די פריינטליכע קשרים פון אסאך פרייע לענדער ביז היינט האט אויך נישט געברענגט טויש. סך הכל ביידע מהלכים האבן ווייניג אויפגעטוען מיט עכ"פ די קאסטראס.

[מאטי]

וואס איז טאקע פשט? האבן זיי דען פארבעסערט זייערע מענטשן רעכט פראבלעמען אדער זייערע העצע קעגן אמעריקע

קובא האט נישט פארבעסערט קיין סך, אבער אמעריקע האט בעגעגנט קובא א האלבן וועג.

[ישראל קאפקע]

אבער פארוואס זאל נישט די קובאנער באפעלקערונג האבן א גרינגער לעבן, אפגעזען צי די קאסטראוס בלייבן אין מאכט.
פילע קובאנער אפשטאמיגע אין אמעריקע, האבן שוין נישט געזען זייערע נאנטע פאר צענדליגע יארן, און קובאנער האבן נישט געזען זייערע קינדער פאר יארן און קיינמאל נישט געזען זייערע אייניקלעך וואס וואוינען אין אמעריקע.
די עמבארגא איז די הויפט גורם צו די שווערע פינאנציעלע צושטאנד אין וואס רוב פון די קובאנער באפעלקערונג געפונט זיך.

די אמעריקאנער עמבארגא איז אן אומנויטיגע שוועריגקייט פאר אלע זייטן, און ברענגט נישט סיי וואספארא נוצן נישט פאר אמעריקע און נישט פאר די קובאנער ציווילע באפעלקערונג.

[רויטע וואנצעס]

גערעכט. איך האב מיר באצויגן צו די סיוויל רייטס אספעקט. מיין פוינט איז אז היסטאריש גערעדט זעהט מען נישט אז דאס זאל זיך אסאך טוישן. סיי אויב מ'גייט מיט בייזן ווי אמעריקא און סיי אויב מ'גייט מיט שיינעם ווי רוב וועלט.

[berlbalaguleh]

ישראל קאפקע: לויט ווי איך האב ערגעץ געליינט, אז די הויפט טשארדזש אקעיגן מר. אללען גראס וואס די קובאנער רעגירונג האט געהאט איז אז ער האט עריינגעברענגט און סופלייד סאטעליט טעלעפאנען פאר עטליכע מענטשן אין די אידישע קהילה אין האוואנא. און דאס איז אומלעגאל צו האבן און פארשפרייטן...!

[[NAMELESS]]

די דארטיגע רעגירונג אליינס האט נישט קיין אינטערעס אין האבן נארמאלע באציאונגען מיט אמעריקא? פארוואס זאל נאר אמעריקע נאכגעבן און נישט זיי?

[ישראל קאפקע]

די דארטיגע רעגירונג אליינס האט נישט קיין אינטערעס אין האבן נארמאלע באציאונגען מיט אמעריקא? פארוואס זאל נאר אמעריקע נאכגעבן און נישט זיי?

איז אזוי וויכטיג אנצוהאלטן א ווערטלאזע שלעכטע (אוממאראלישע) פאליסי נאר וועגן איך וויל נישט זיין דער וואס גייט זיך ברעכן דער ערשטער?
בכלל וואס זאל קובא טון? זיי האבן נישט קיין סאנקציעס אויף אמעריקע (און אויב יא האט עס קיינעם קיינמאל נישט געשטערט, אדער געמאכט אומבאקוועם) די איינציגסטע זאך וואס קובא קען טון איז אין קובא, וואו זיי קענען רעפארמירן זייער רעגירונג, און פארבעסערן די צושטאנד פון זייער פאלק, און דאס איז פארשטייט זיך געווען אמעריקעס ציל, סאו פארוואס אנהאלטן מיט א פאליסי וואס גייט קעגן די ציל פארוואס דיין פאליסי איז געצילט צו עררייכן, נעמליך צו פארבעסערן די עקאנאמישע און פאליטישע צושטאנד פון ציווילע קובאנער?

[רויטע וואנצעס]

אבאמא האט גערעדט מיט ראעל 45 מינוט אויפן טעלעפאן!

פאליטיש איז עס געוואלדיג פאר אבאמא. ער האט נאר וואס אוועקגענומען יעדעמ'ס קאפ פון שווארצע פראטעסטן, אימיגראציע און נאך א הויפן פראבלעמען. ער האט נאר וואס געגעבן נייע לעבן צו זיין פרעזידענטשאפט.

[לייב פאללאק]

דער פרעזידענט האט געהאלטן א מעכטיגע איינדרוקספולע דרשה איבער די אמעריקאנער פאלעסיס מיט קובא
http://www.whitehouse.gov/issues/foreign-policy/cuba
מישט ביז 27:03
https://www.youtube.com/watch?v=m6MgATBZMII

פארפאלן יעצט רעדט ער דברים של טעם......

[chusid]

fox news calls cuba a sponsor of terror, whats under these words? i

[petergrifin]

fox news calls cuba a sponsor of terror, whats under these words? i

אפשר מײנען זײ די אלטע קאמיוניסטשע טעראר.

[chusid]

אין קאנטרי קויף איך אלץ קובאנע ציגארן און עס פלעגט קאסטן זייער טייער ווייל עס איז געווען אומלעגאל. פאר מיר איז די נייעס גוט

[לייב פאללאק]

fox news calls cuba a sponsor of terror, whats under these words? i

אפשר מײנען זײ די אלטע קאמיוניסטשע טעראר.

זיי מיינען זיכער קאמוניזם, ווייל ביי די מלחמה קעגן טעראר איז קאסטראו פיין צוגעשטאנען

איך זעה אז די רעפובליקאנער זענען טאקע שטארק דערקעגן
http://yiddish.forward.com/articles/183 ... uban-jews/

אומרעאליסטישע שוטים וואס זיי זענען