שושנים #31: לא נתקבל

[הערשי]

געב
מיין תכשיט
א חינוך
אין תוך
כ'וויל איר
סקול'ן אידיש
א נעב
פארחשכ'ט
בין איך
דאך
ביל מיר
כ'על צאלן נגידיש

דערציילט מיר
גארנישט
וועגן
דאס קינד
פארוויילסט דיר
אין פאליש
העמיר פגע'ן
אצינד

קומסט נישט
אין שול
צום טיש
אדער אפיעל
שאלות פרעגסטו
די דיינים
קיינמאל נישט
אלעס מעגסטו
טון הפנים
עס יו וויש
מאכסט דיר גרילס
אויף די קעטסקילס
מיט די ווייבער
ברענגסט א מבול
לאז דער שרייבער
שרייבן לא נתקבל

ס'הייסט
דו גייסט
אין שוויץ
אן א קאפל
מ'העצט
דו רעדסט
פון היץ
נאך המפיל
טינקסט כלים
אין מקוה
אן א קארטל
זינגסט צום צלם
התקוה
אן א גארטל

נישט פרום
דיין גיטל
שטייט איר קרום
דאס היטל
זי גייט
די מענער זייט
יונגעלייט קוקן
א תיקון
זי דארף
דאס ווייבל
ער פסק'נט שארף
לא נתקבל

זאגן די שטוב
זאל טון צוליב
אראפציען
איבער די קניען
זי מעג
א סקארף
אויף די קראגן
אירע
פערציג טעג
זי דארף
זאגן
פרק שירה
כארכלען אן איי
גיסן בליי
כולי האי
ואולי

די מאמע
איז אין כעס
מסתמא
ער טרייבט
שפאס
ס'איז קשה
כח הסבל
דער רשע
ער שרייבט
מיט קאנטעמפט אבער
און סטעמפט ראבער
לא נתקבל

זיי בודק'ן
די טאטעס
ווי מראה
שמאטעס
זיי חוזק'ן
פון מאמעס
ווי פרעה
אין פאזשאמעס

מי יתן
א מוסד
א גוטן
וואו מ'גרויס'ט
נישט איבער
דעם ציבור
מ'פרעגט קיין
שאלה
מ'נעמט אריין
אלע
אידן צוגלייך
איין זאך

שכר לימוד
ווייניג
א משומד
אייניג
מיט א גר
מהודר
אחוץ פארשטייצעך
אז מ'דרייעט זיך
ביי דער
רבי'ס ברודער

[אפטעמיסט]

חברה, די פאעזיע'ס ווערן נאר אלס בעסער און בעסער! כ'מיין מ'זאל אפשטיפן די דעדליין.

[ישראל קאפקע]

דער אינהאלט איז גאר גוט, איך כאפ אבער נישט דעם 'ריים און ריטהעם'.

[כוכב]

חברה, די פאעזיע'ס ווערן נאר אלס בעסער און בעסער! כ'מיין מ'זאל אפשטיפן די דעדליין.

די דעדליין איז געווען 3 אזייגער. איך נעם מער נישט אן קיין פאעזיעס. די אלע פאעזיעס וואס זענען אריינגעקומען פאר די דעדליין וועלן צוביסלעך ארויסגעשטעלט ווערן.

[[NAMELESS]]

כ'האב געמוזט אנצינדן רעפ מוסיק צי קענען ליינען דעם שטיקל, מתוק

[פישלע העררינג]

געב
מיין תכשיט
א חינוך
אין תוך
כ'וויל איר
סקול'ן אידיש
א נעב
פארחשכ'ט
בין איך
דאך
ביל מיר
כ'על צאלן נגידיש

זיינע גראמען האבן א שיינע מהלך און ריטהעם. קוק די קאלירען, די זעלבע קאלירן זענען די גראמען. סיסטעמאטיש.

[בן תמליון]

לא נביא אנכי אבער עפעס שמעקט דא פון [tag]הערשי[/tag] צו מיר.

[הערשי]

ווילאנג דער מחבר איז בעילום וועל איך נעמען די קרעדיט...

[פישלע העררינג]

ווילאנג דער מחבר איז בעילום וועל איך נעמען די קרעדיט...

אל תיקח ללב, [tag]הערשי[/tag]. יעדע גוטע זאך וואס מ'האט ארויפגעשטעלט איז געוועהן א מאן דאמר וואס האט קאמענטירט אז ס'דיינס.

[פלאוויוס]

הערליך שיין!! ס'געפעלט מיר. וועט מען אמאל געוואויר ווערן ווער די מחברים זענען?

[כוכב]

הערליך שיין!! ס'געפעלט מיר. וועט מען אמאל געוואויר ווערן ווער די מחברים זענען?

אוודאי, באלד נאך די וואלן!

[פלאוויוס]

גוט, וועל איך מיר איינהאלטן דעם נייגער ביז דעמאלט

[מאטי]

יעצט איבערגעקוקט, דאס איז עפעס לא מעלמא הדין!! כ'וואלט נישט געלייגט קיין רעפ-מוזיק ברקע, ענדערש אזא לייכטע היפ-האפ ריטם, ס'הערט זיך זייער גוט מיט דעם צינישער פליסיגקייט.

[לעיקוואד]

און אויב
איך זעה
איך נישט
ביז יאר
אריבער
האסטו גארנישט
פארפאסט
ווינטש איך
שוין יעצט

א גוט
מארגען
און גוטן
מיטאג
אווענט
און נאכט

א פריילעכן
פורים
כשר'ן פסח
לעכטיגן חנוכה
א גוטער אתרוג
א חתן
א תכשיט
אייניקלעך
ברית מילה
חתונה בר מצווה

קענסט אריבער
יארען פופציג
גארנישט אנדערש
נאך
פון די זעלבע
ווערטער
קאמפלעינטס
שבחים
אוועררעיטעד

[הערשי]

לא נביא אנכי אבער עפעס שמעקט דא פון [tag]הערשי[/tag] צו מיר.

הגם בן תמליון בנביאים?

[פישלע העררינג]

מזל טוב [tag]הערשי[/tag]!

כ'בין געוועהן דער ערשטער מפענח צו זיין דיין מהלך...

הערליכע שטיקל.

[מאטי]

הערשי האסט נישט אנטוישט! געשטימט פאר דיר ביידע רונדעס.

[בן תמליון]

לא נביא אנכי אבער עפעס שמעקט דא פון [tag]הערשי[/tag] צו מיר.

הגם בן תמליון בנביאים?

לא נביא אנכי ולא בן נביא. עס איז געווען די פראזע "אין תוך" וואס האט מיר דערמאנט כ'האב זי געזען אין איינע פון אייערע פריערדיגע מאמרים דא אין שטיבל, (אפשר אבלה הארץ?) עס איז נישט אזוי באניצט. ווי אויך די גאונישע מהלך האט אנגעזאגט א שטארקער בעל כשרון איז דערינטער.

כ'האב געשטימט פאר דיזן פאעמע ביידע מאל.

[מי אני]

זיי בודק'ן
די טאטעס
ווי מראה
שמאטעס

דאס קען מרמז זיין צו דעם אז איינע פון די ה׳ דמים טמאים באשה נדה איז ״אדום כדם המכה״ וואס דאס מיינט כדם שור [שחוט] (נדה יט ע״ב). און די גמרא זאגט (ב״ב כא ע״א) ביי די סוגיא ווי ווייט מ׳דארף זעהן להושיב מלמדים און זיי זאלן זיך אפגעבן מיט תשב״ר (היפך דעם ״לא נתקבל״ נגע), מכאן [מבר שית] קביל ואספי ליה [תורה] כתורא.