שושנים #22: העלע געדאנקען

[נהורא נפישא]

שטראלן פון האפענונג צום אפטעמיסט זיך אנגעקערט
א ליכט אינמיטן טאג וואס איז זי ווערד
איז פאר'ן נאטור לייכטער זיך אומצוגיין פריי
פון יושר זיך פארהוילן, גיי פארשטיי

אויב בין איך פריי
פארוואס געבינדן איך שפיר
אז איך בין יעדן טאג פונדאסניי
פארוואס דעם עבר געדענקט זיך מיר

האט די נעכטן דאס היינט געברענגט
דאן ווי איז די נעכטן פארשוואונדן, אוי עס בענקט
די נעכטן פונעם היינט וואס טוט זיי פונאנדערשיידן
אויב אן אילוזיע פון צייט טוט זיי באקליידן

כ'האב פון מיין חומר אפגעריסן מיין געדאנק
אוי, כ'האב פארלוירן פארבינדונג מיט איר גאנג
זי טוט אין דער הייעך ארומשפאצירן
ווי א רעגנבויגן צעטיילט אירע קאלירן

איז האפענונג אן אילוזיע גלאט
דאן פארוואס קען מען פון איר נישט ווערן זאט
צי וואקסט האפענונג פון דער ערד
דאן וואס איז נארקאטיק ווערד

צי קען איך אנטלויפן פון מיר
דאן פארוואס איז פארמאכט די טיר
א שפאלט ארויסצולויפן איך זוך
נאר געוואויר צו ווערן אז איך בין איך

איז דאס לעבן פאר מיר אן איינמאליגער וואונדער
אדער לעב איך אין יעדן דור באזונדער
האב איך א פליכט זי אויסצופילן
אדער קען א צווייטער פאר מיר שפילן

אויב היסטאריע חזר'ט זיך איבער
דאן וואס איז ווערד די פלאג דעריבער
די וועלט'ס מיסטקאסטן וויפיל קען זי פארנעמען
אז אזויפיל אריינווארפן אין איר קען מען

[אפטעמיסט]

זייער פאעטיש! ... און שכויח פאר מיר טעגן...

[שמעקעדיג]

הערליך שיין... און היימיש... שפילט איבער מיינע געדאנקען אין גראמען..

[רויטע וואנצעס]

נאקעטע מחשבה ביופיה.

[לית דין בר נש]

דא רעדט איינער ווערטער
וואונדערבאר

[יאיר]

מאכטפול!
איך מיין אז דערווייל איז דאס דער שטערקסטער פאעם אין דעם פארמעסט.

[מאטי]

יאיר האט א פאינט. פאעזיע מיט א טוויסט, שפילט זיך מיטן געדאנק, לאזט דאס נישט ווערן טיפיקל פאר א סעקונדע. מיסטעריעז אבער נישט צו.

[פישלע העררינג]

מאכטפול!
איך מיין אז דערווייל איז דאס דער שטערקסטער פאעם אין דעם פארמעסט.

פון די פאעם'ס איז דאס אפשר טאקע פון די שענסטע.

עס זענען אבער אויך דא:

> הומאריסטישע שטיקלעך (כדוגמת דער בריוו פון בית הכבוד)

> פיוטים (כדוגמת שאון השעון)

> הארציגע שטיקלעך (כדוגמת אוי חברותא)

> חרוזים בלשון הקודש (כדוגמת ימי בינה)

וואס זענען פונקט אזוי "דער שענסטע" אין זייער genre ווי דער פאעם איז אין זיין genre.

[נהורא נפישא]

פישעלע האט זייער א גוטע נקודה ס'איז זייער שווער צו וועלן צעווישן אזויפיל ערליי דזשאנרעס

[ונבנתה העיר]

דער יונגאטש זאגט דאך אזוי גוט, אין די יעצטיגע מינוט איז ער מיין פעוואריט.

רייכע מחשבות וואס פארלאנגען ניטאמאל א שלייער פון פאעזיע און גראמען.

[לעיקוואד]

פרעגט גאר גוטע קשיות. די גראמען איז נישט צו מיין טעיסט דווקא. אבער דער תוכן, מ'דארף רוהיגער ליינען יעדער שטיקל עקסטער.

[לית דין בר נש]

ווער איז די בעל מחבר?
געשטימט פאר דעם

[יואב]

ווער איז די בעל מחבר?
געשטימט פאר דעם

[ישמעאל הכהן]

ווער איז די בעל מחבר?
געשטימט פאר דעם

[אפטעמיסט]

ווער איז די בעל מחבר?
געשטימט פאר דעם

[נהורא נפישא]

דומעס און הארן.
אנטשולדיגט יעדער איינער פארן באווייזן זיך אזוי שפעט, איך וויל זיך באדאנקען פון טיעפן הארצן פאר אלע וואס האבן געוועלט פאר מיר, און פאר אלא וויילער וואס האבן אין גענעראל אנטיילגענומען אינעם פארמעסט, די פארמעסט איז געווען א שווערער, אבער די גייסט פון די ק"ש חברים זענען שטארק און פאראייניגט היינט מער פון אייביג ווייטער לטובת דעם שטיבל.
צו דעם געלעגנהייט וויל איך זיך באדאנקן פאר מיין פאמיליע און גוטע פריינד וואס זענען אזוי געטריי געשטאנען צו מיין רעכטע האנט, "הער נאר" אן דיין שטיצע וואלט איך נישט אנגעקומען ווי איך בין אנגעקומען.
אויך וויל איך קאנגראטילירן די געווינער פונעם פארמעסט, איך האף אז איך וועל קענען זיי צו העלפן אינעם צוקונפט מאכן דעם שטיבל א בעסער פלאץ
מעי גאד בלעיס אמעריקא און די חברי הק"ש און א גוטע נאכט.

[אפטעמיסט]

!This is impressive, נישט געוואוסט דו יכול'סט אזוי!