שושנים #7: שובה/השיבנו

[מצטמק ויפה]

האפט און מאנט
קומט צו מיר נאנט
פלעקן אראפנעמען
גארנישט דערקענען

אנדערע וועגן
ווי שניי נישט פארשווארצטע רעגן
ווען שוין ווען
שוין טויזנטער יארן ער האפט צו זען

מיין ארעם איז גרייט
בענקשאפט אויסגעשפרייט
שובה אלי
דערנאך צו ענק זיין געטריי

מיר אבער זענען פארמאכט
קיין פארבעסערונג אינעם טונקעלע נאכט
אלעס ווי אמאל
אפילו מער אין צאל

זענען מיר שלעכט?
אזא אומרעכט?
אוודאי ניין
הער זיך איין

פלאג און מי
ביינאכט ביז צופרי
פארמאטערט ערשעפט
דאגות געשלעפט

צער ויגון
מוט נישט פארמאגן
נישטא די מינוט
צו מאכן דעם שריט

שווימט אין נסיונות
שווארצע חזיונות
דער יצר ברענט
געבינדן מיין הענט

די געשעפט לאמיר פארדרייען
אונז פארצייען
קודם דו שלעפ
ארויף די טרעפ

איינמאל דארט הויך
וועט גיין א רויך
אוודאי זיך אומקערן
נחת דיר באשערן

די טענה אהין און צוריק
קיינער וויל נישט אפלאזן דעם שטריק
יארן גאלאפירן אן אויפהער
ווען למעשה זענען מיר נאך בשק ואפר

טאטע גרויסער
שוין די והותר
זע שוין איין
אזוי וועט נישט גיין

זיי מוותר
קל מסתתר
אן ענדע מאך
צום געפעכט שפראך

א נחמה א טרייסט
א נייע גייסט
נאכגעבן געשווינד
פאר דיין זיס קינד

[פישלע העררינג]

טאטע גרויסער
שוין די והותר
זע שוין איין
אזוי וועט נישט גיין

זיי מוותר
קל מסתתר
אן ענדע מאך
צום געפעכט שפראך

די דאזיגע צוויי בתים זענען א געווינער! עס רעדט ו-ו-ע-ר-ט-ע-ר!

פון די שענסטע גראם צאמשטעל וואס איז נאר געוועהן דערווייל. די אויסדרוק איז שארף און צום פונקט.

[אפטעמיסט]

הערליך!

[פישלע העררינג]

[פון 1 (די ווייניגסטע) ביז 5 (די מערסטע) כוכבים]

חידוש פונעם תוכן: 1 כוכב

חידושים פון חרוזים: 4+ כוכבים

אויסדרוק און געפיהל: 5 כוכבים

ווערטער קאנטראל: 5+ כוכבים

אוועראלל: ביוטיפול און אידיש'לעך!

[בן תמליון]

שיין. א געווינער.

[יואב]

איך גלייך די פאעמע איבער דער נושא, און איבער דעם געפיל, א ממעמקים קראתיך סטיל פאעמע וואס איז גוט.

די כוונה פונעם מחבר איז בכלל נישט באהאלטן, פאר טייל איז דאס א מעלה ביי אנדערע א חיסרון. דאס איז אבער איינמאל קלאר כפנלע"ד אז די גראמען אינעם דאזיגן פאל מאכט מער שאדן ווי נוצן. גראמען איז א סטיל אין דער וועלט פון פאעזיע, ס'קען זיין זייער שיין און צו געבן גאר א סך. ס'איז אבער נישט דער עיקר. איך האלט קלאר אז דער דראנג צו צופאסן גראמען האט אוועקגעשלעפט די קאנצענטראציע פון דעם חשוב'ן מחבר, און אזוי אויך אים געצווינגען מוסיף צו זיין ווערטער וועלכע וואלטן פאר דער פאעמע כשלעצמה נישט אויסגעפעלט. ס'איז היפש מערקוועדיג.

אבער קריטיק אהער קריטיק אהין, ס'איז א הערליך שטיקל.

[ישמעאל הכהן]

איך אויך האב געשטימט פאר שובה

[בן תמליון]

געשטימט פאר השיבנו באמת א הערליך שטיקל וואס איך קלער וואלט גערעדט צום הארץ פון אלע שיכטן פון אונזער צושאקלטן געמיינדע פונעם אויפגעקלערטן קאווע שטיבלער ביז מרת הערש לייב וואס ליינט נישט עפעס אויסער די מעלות.

[אפטעמיסט]

טאקע א הערליך שטיקל! אומגלויבליך וואס דער עולם קען אלס דא.

#רירענד

[[NAMELESS]]

הערליכע פאעמע, פאר וועלכער כ'האב אפגעגעבן איינע פון מיינע דריי שטימעס.