רבנישע ענטערטעינמענט

[כוכב]

שוין יארן (אקעי נישט ממש) וואס איך בעט מיך ביי מיין כוכב'טע יעדע חאלאמויד, קום זיסקייט, לאמיר ארויסגיין אביסל פארברענגען, סדא אזויפיל שיינע אטראקציע פלעצער לעטס גאו אוט עי ליטל ביט, כעל קויפן א מעטרא קארד, מעט איינפאקן אביסל מצה מיט וועקאדא, און ויסעו מוויליאמסוברג ויחנו בדותן.

בת קול: הכלל כוכי, וואו ווילסטו גיין זאג מיר פונקטליך. קום לאמיר גיין צו די ניין עלעווען מעמאריעל מוזעאם.

איך פערזענליך האב א שטארקע געפיל צו די ניין עלעווען מעמאריעל מוזעאום. אויסער מיין פייערדיגן פאטריאטיזם פאר'ן לאנד און אירע געפאלענע, דריי איך מיך ארום מיט א גילט, אזא סודותפולע געוויסנביסן, ווארום כוואוין מיך אזוי באקוועם צען מינוט אוועק פון די טווין טאוערס און נישט אמאל איין מאל איז מיר איינגעפאלן דאס צו גיין באזוכן. פון די גאנצע וועלט קומט מען קוקן אויף דעם וואונדער און מיך אימטערעסירט עס אפילו נישט, און יעצט וויין איך, פריער האב איך געזאלט וויינען. איז אלזא יעצט ווען סאיז נצחו ארעאלים וויל איך כאטשיג גיין באזוכן איר אנדענק.

ווי יעדער שטעלט זיך אליין פאר בין איך אבער יעדע חול המועד ווייטער אנגעקומען אין סע חי, מינעס ישראל, הופער, ראדני, וואו כהאב ערליך זיך גענומען צום אמנות אבותיו פון צעברעקלען א האט קאפ און ממלא זיין דעם גלעזל מחוליתה, אלעס צום פארדאנקען דעם צויבער ווארט: ספאסט נישט.

און זי איז נאך גערעכט אויך. וואס האט א חשובע כולל יונגערמאן זיך צו דרייען אין מאנהעטנער גאסן חאלאמויד.

אבער, לא אלמן ישראל, לעצטנס יאוועט זיך א נייע אינדוסטרי פון רבני'שע אינטערטענמענט. די נקודה איז אין איין ווארט, מעגסט קומען מעגסט גיין, טו עס נאר מיט שכל, מיט די ריכטיגע פעקעזשינג, אזוי סזאל נישט שאטן פאר די ביזנעס.

ווילסט גיין צו א מיזואעם, נאו פראבלעם, זע נאר אז יאנקי מאייער זאל צו גרייטן קאלעי וואסער און בילדער מאכער, און פארגעס נישט פארצוזינגען א קל מלא רחמים. ווילסט מאכן א גרילל נאו פראבלעם, ברענג א שוחט וואס זאל שחט'ן א שעפסל פאר די חבורת יורה דעה אין כולל, זאל זיין גרויסע בילדער וואו די זוכסט א סירחא אויפן לינג, און נאכהער, יאכלו ענווים וישבעו! גענאר אכט זיך נישט צו צעשניידן פון די חלף ביים בודק זיין.
כהנה כהנה, מ'קען גיין צו די תורה מיזואעם, אבער אויך נאר מיט די חברי הכולל צו זען פונקטליכ וואס איז סנפיר און וואס איז קשקשת.
דארט וועט אייך ווארעם אפווארטן דער לאזאניע רבי מיט זיין חלום חלמתי היימישע געבעקסן פון יאנקעב אבינוס לייטער און אלעקסייס פערד.
נאך איידיעס: אנשטאט א קארניוול קען מען מאכן א מעמד פטר חמור, מ'קען פארן מיט א טשערי פיקער בודק זיין די עירוב, קיין אריזאנע שניידן ווייץ, אלץ בעסער ווי ליידיג גיין...

טייערער רבנים, מיר טון פארשטעלן עפארדעבל רבנישע ענטערטעינמענט, סמוז שוין נישט זיין ראדאשיץ און ווילעדניק, איר קענט עס האבן פאר פיל ביליגער,
ביז היינט האט א שיינע איד וואס האט געדארפט אן אוטינג זיך געמוזט באגנונגן מיט ניחום אבלימ'ס, היינט קען א רב אויך ארויסגיין פארברענגען, און עס זאל אים בכלל נישט שאטן פאר די ביזנעס.

ווער סהאט נאך איידיעס זאל זיך ביטע אנרופן, עסקנים העלין ארומגיין מיט רעסיט בוקס, אלע דאנעישאנס זענען טעקס דידאקטעבל.

[מצטמק ויפה]

[justify]כוכב, הערליך, ביסט אייזן!

אבער וויצן אין א זייט, דו מיינסט די רבנים זענען עפעס נישט קיין בשר ודם? זיי דארפן דען נישט א טשענט"ש א"ף סינער"י יעדע שטיק צייט? פונקט ווי מיר אלע פּייגערן צו זיצן חול המועד פיר פינף שעה ביי א מייעמי קאנצערט, אדער ביי א SPAF / אונטערן שפיל. און מיר קענען ליידער נישט ווייל סעעעפאסט נישט, און מיר מוזן זיך באגענוגן צו נעמען די קינדער צו פראספעקט פארק זאָ און פטור א עסק, אזוי ווילן זיי אויך, זענען זיי דען נישט בארעכטיגט?

נאר וואס דען? מיר לויפן אויך וואו נאר מ'קען אריין כאפּן עפעס קאשע"ר אינטערטעימענ"ט, א שטייגער ווי א געפּאקטע זאל ווען פינקי זינגט מיט זיין זון ביי בוני עולם, אדער ווען א"ן טיי"ם סטודיאוי"ס שטעלט פאר א דרעמאטישע ווידעאוי פאר הצלה, אדער פרייליך מיט די ווערדיגערס ביי RCCS. עכ"פ דער עולם איז אויסגעהונגערט נאך אביסעל אינטערטעימענ"ט, נאר עס איז דאך דא די שרעקליכע לאו פון "לא לעשות דבר שפּאַסט נישט" ממילא כאפט מען זיך אן אין די פּאר וואוילטעטיגע ארגענעזאציעס וואס שטעלן דאס צו בחינם אויף א תורהדיגע פארנעם, דארט וואו דער אויבער דערמאנטע לאו איז נישט אקטועל.

עכ"פ מיר דארפן זיך זארגן פאר די גאנצע כלל, נישט נאר פאר די רבנים, און מען דארף זען צוצושטעלן מער אפט אזאלעכע קאָשע"ר אינטערטעימענ"ט פאר די היימישע #פאסטנישט סטראטעגיע. אפשר דארף מען זיך פארבינדן מיט קלאַר ודעמיה, אז ביי די פראטעסטן זאל מען מאכן א שפיל ארויס צו ברענגען די הרבקייט פון ציונות, אדער פארפאסן א נייע ניגון לאור די שרעקליכע גזרות גיות וכו' וכו'
"ובשם השם נעשה ונצליח"[/justify]

[געשוויסטער]

עס קען מעגליך אויסזען, פון איין זייט, ווי סיי גייען סתם פאר אן אויספלוג. איך בין זייער נאנט מיט מיין רב, ה'ה הרה'צ ר' יהושע רובין שליט'א אבד'ק באבוב.
איך האב גערעדט מיט עם איבער דער נושא, און לויט ווי איך האב פארשטאנען, האבן עטליכע רבנים עם געבעטן מיטצוקומען.

מיר אלע ווייסן אז מיין רב זאל לעבן איז היינט א גרויסע פוסק, און מערערע גדולי ישראל קומען מיט זייערע שווערע שאלות צו עם.

ממילא, האלט איך אז עס איז זייער נישט בכבודיג, דער אשכול.

[דולה ומשקה]

סערעט רבי פארט ארויף און אראפ א טשעיר-לופט
רבנים גייען צום מאוזיאום פון ליאזנע רבי
אנדערע גייען צום 911 מואוזיאום
אנדערע מאכן די שלאכט הויז פאר א אוטינג
עטליכע גייען קוקן ווי אזוי האט-קאפס ווערן פרודעצירט
גרויסע געלטער פאר ןוויקאציעס און ביטשעס
עטליכע האבן ליב יעדע צווייטע יומא דפגרא אנצוטהן מיט א נייע קאסטיום (געפארבטע טיש בעקעטשיס)
אנדערע לייגען זיך אריין ראשו ורובו אויף די ביין אונטער די האלדז בשעת אנדערע גייען פאר פרויעישע פוס
אנדערע האבן ליב צו באטראטען דער פארום פון דער פרוי
יעדער מיט זיין תאוה דער פאר שמירעכטס אויפן פנים, יענער איבער די לענג פונעם שייטעל
פריוואטע פליגערס צו קענען דאווענען ביי א קבר
דער מערסטע לוקסוס'דיגע קאר אבער מיט א שטענדער אריין געבויט

וכהנה וכהנה רשימה אריכתא הוא,
הצד השוה יעדער איז איינגעזונקען אין זייערע פרעזענטליכע תאות גדולות [עי' ערך פרץ הורוויץ בן ר' יעקב ר"י בית מאיר],
אבער אלעס מיט א מסוה דקדושה, כאילו מ'מיינט דער רבונו של עולם.

[כוכב]

הרב האראוויץ איז אן ערליכע יונגערמאן און ביטע פארמעקן.

--
נ.ב. שכויעח גבאי

[געפילטע פיש]

האסט פארגעסן פון די רבנים וואס ציפן אראפ פון זייער טייער צייט צו גיין באזוכן דעם צוקונפטיגן מחותן'ס נייע מקוה? וואו מ'באווייזט זיך מיט די נייעסטע סאפיסטיקירסטע חומרות, די שיינע סערעמיק טיילס, (ס'זאל נישט זיין זוחלים חלילה).

[שרייבער]

הרב האראוויץ איז אן ערליכע יונגערמאן און ביטע פארמעקן.

--
נ.ב. שכויעח גבאי

אזוי האלטסטו, אנדערע האלטן אזוי אויף אזעלכע וואס דו האלטסט נישט אזוי

ווען מ'עפענט די קראן ווערט יעדער באגאסן

[כוכב]

למעשה בין איך מסכים מיט מצטמק אז סאיז א וויכטיגע זאך, נעם אזא איד ווי ר' חזקאל ראטה, א איד וואס זיצט בד' אמות של הלכה כל ימיו, יאנקי מאייער קויפט זיך א מצוה ער נעמט אביסל ארויס צו א מעזועאם, מקדיש זיין א בית החיים קומען קוקן א פירות פירות בוים, שלוח הקן, וכו.

[כוכב]

צום באוואונדערן די קריעטיוויטי ווען אין א געוויסע כולל האט מען געשחטן א שעפסל נישט מער און נישט ווייניגער נאר פאר א ראש כבש לכבוד ראש השנה.
איך זאג אייך, די רבנישע ענטערטעינמענט אינדוסטרי איז אויף אן אלל טיים היי...

[רויטע וואנצעס]

יארן צוריק איז אמאל נישט געווען א לבנה אויף קידוש צו מאכן. די רבנים האבן דעמאלסט געהאט א היסטארישע געלעגנהייט צו גיין אויף א העליקאפטער רייד. מי יתן ימינו כקדם.

[berlbalaguleh]

יארן צוריק איז אמאל נישט געווען א לבנה אויף קידוש צו מאכן. די רבנים האבן דעמאלסט געהאט א היסטארישע געלעגנהייט צו גיין אויף א העליקאפטער רייד. מי יתן ימינו כקדם.

ס'איז אמאל געוועין אן עת צרה ווען ס'נישט געוועין צובאקומען פיש אויף שבת קודש. די מעשה איז זיך פארלאפן בימי תלמידי תלמידי הבעש"ט הק'. האבן זיך צוזאמגענימען עטליכע חסידים ואנשי מעשה, מיט זייער רבי'ן בראשם און מ'האט אפגעדינגען א מאטאר שיפל פון א גוי'אישן פיש כאפער. אין א געוויסן דאנערשטיג נאכמיטאג ווען דער רבי מיט זיינע חסידים האבן געענדיגט צו פאסטן תענית בה"ב און זאגן קפיטלעך תהילים האבן זיי זיך ארויפגעזעצט אויפ'ן שיף. און אזוי ווי זיי זענען ארויף איז דער גוי'אישער שיפ'ס קאפיטאן איינגעשלאפן און די שיף האט זיך געהויבן העכער די וואסער און געפלויגן מיט קפיצת הדרך איבער ישובים און בערג און טאללן, ביז ס'איז אנגעקומען אין דעם גרויסן אוקיינוס. דאמאלס איז די רבי ארויף אויף די דעק פון די שיף און ער האט מייחד געוועין ייחודים און מצרף געוועין צרופי שמות הקדושים. פלוצלינג האט אנגעהויבן צו קומען פישן, קליינע און גרויסע גאלדענע און זילבערנע. און אלע האבן זיך געוואלט אריינכאפן אין די נעצן פון די שיף. אזוי אז די שיף איז געוועין אין א סכנה אז ס'זאלל ח"ו איינזינקען. מיטאמאל האט דער רבי אזו ווי אויפגעוועקט פון א חלום און ער האט געגעיבן א געשריי. און די פישן האבן אויפגעהערט צו קומען. און די שיף האט זיך צוריקגעקערט צו זייער שטעיטל מיט די זעלבע קפיצת הדרך וואס זיי זענען געקומען. און ווען די שיף איז אנגעקומען בשלום האט זיך דער גוי'אישער שיפ'ס קאפיטאן אויפגעוועקט. און די גאנצע שטאט האט געהאט פיש אויף א סך שבתים מיט גרויס שפע. ויהי לפלא.
(ארויסגענימען פון דעם הייליגן ספר שבחי הצדיקים, מיט רשות פון די אייניקלעך פון דעם מחבר, זי"ע.(...

[איחוד פעלד]

מיט דער מהלך וואלט מען געקענט כשר'ן פיש כאפען, אדוערטייזמענט בערך אזוי, מצוה בו יותר מבשלוחו, אונז נעמען אייך אויף א שיף מיט א פיש כאפער ווי איר קענט אליין כאפען פיש אויף שבת כמבואר בספרים הקדושים. כאפט אייך מיט און ברענגט מטט די בני בית.

[רויטע וואנצעס]

אז מ'איז שוין אויפן שיף קען מען שוין אפשטאטן פאר א באזוך ביי מרת ליבערטי. די מעשה איז אזוי, מרת ליבערטי איז שוין יארן געשטראנדערט אינמיטן די וואסער און זי ווארט רבנים זאלן קומען דן זיין אירע פילע שאלות, ווי, איז זי א נקיבה אדער אן אנדרוגנוס, האט זי א דין פסל, איז עס א מתנה על מנת להחזיר, איז זי א פנויה אדער א זונה, אן עגונה אדער א אשת איש. און פארשטייט זיך פילע צניעות שאלות.

[ונבנתה העיר]

קול באשה...

[כוכב]

זענט איר א רב און איר זענט לאנגווייליג? רופט סנדר ראפאפארט פון המשביע היינט!
ער וועט אייך אפווארטן מיט א גרויסע טאפ זופ, מיט פריש געבאקענע קיכעלעך, מיט א בילדער מאכער, איר וועט פירן א שטיקל טיש דארט, שמייכלען צו די קאמעראס איבער פריש געוואשענע טרויבן, עס וועט אייך זיין צום פארגעניגן, צופרידנהייט גאראנטירט.

[[NAMELESS]]

און אויב די זיכט דער רב אביסל גרעבערע אינטערטעימענט קען מען אריין כאפן א רקידה לפני הכלה נאה וחסידה ביים גבאי'ס ברידער'ס שכן'ס עלטער פעטערס איר אייניקעל מקיים צו זיין מנהג ישראל פון מצוה טאנץ, און ס'איז נישט נאר עפארדעבעל ער קריגט נאך א טיפ פונעם מחותן פארן טאנצען מיט זיין טאכטער.
אויב ס'איז ספירה קען מען מאכן א אונטערנעט אסיפה פאר די עזרת נשים,

[ציבעלע-קיגל]

דארט וועט אייך ווארעם אפווארטן דער לאזאניע רבי מיט זיין חלום חלמתי היימישע געבעקסן פון יאנקעב אבינוס לייטער און אלעקסייס פערד.

.

גראדע האב איך יעצט געהערט אז ער איז געוועהן אין מצרים און האט אפגעקויפט אפאר ביינער פון דו קוה וואס פרעה האט געחלום'ט.

[סאשי פיש]

עס איז שוין דא א אשכול איבער זיין מוזיאום, לאמיר ציען די שמועס דארטען ווייטער.
viewtopic.php?f=4&t=4814

[[NAMELESS]]

זייער נישט קיין שיינע זאך @כוכב מאכט א שיינע אשכול און די שלעפסט אוועק דעם עולם

[Big Boy]

זייער נישט קיין שיינע זאך @כוכב מאכט א שיינע אשכול און די שלעפסט אוועק דעם עולם

This thread is about sheine yiden with kosher entertainment. Mr.Sushifish was saying that the discussion about The Living Torah museum doesn't belong here.

[כוכב]

פרישע אויסוואל פאר ענטערטעינמענט צוגעקומען, דאסמאל גיין אין מוזעאום.
דער בארימטער קדוש וטהור שליט"א האט אפגעשטאט א באזוך אין א לאקאלן מוזעאום.
אינטערעסאנט ווי איך האב נישט קיין צייט צו פארן אינמיטן ווינטער פון איין לאנד צום צווייטן באזוכן מוזעאומס.

[ציבעלע-קיגל]

און וואס איז מיט די רעבנים וועלעכע לויפ'ן און שפרינגען ארום ווי א פארסם'טע מויז און מאכען יאמערליכע קולות ווי אן עגלה ערופה?

[שמעקעדיג]

אה, זיי קען מען נישט בלעימען, מסתמא טאנצן זיי נאכן @שמעקן שארפע @ציבעלע קוגל.
אבער דא רעדט מען פון ענטערטעינמענט, נישט פון הוויות און מנהגים.