איך האב אייך שוין טויזענט מאל געזאגט! שוין געכאפט? !

[[NAMELESS]]

יעדע אויפגעוואקסענע אין א אידיש רעדענדע הויז ווייסט אז ווען מען שרייט 'איך האב דיר שוין געזאגט 10 מאל 100 מאל' מיינט עס נישט מער ווי אז דער איז נערוועז אין אויסגעלאפן פון געדילד,
איז אז אני הקטן שטעל מיך יעצט אויף אין שריי דא לפני כל הקהל ועדה 'איך האב אייך שוין געזאגט א טויזענט מאל איר כאפט שוין?' וועט מען מיר אנקיקן ווי איך לייד פין א טאטאלע געדולד אויסלויף,

אבער איך זאג אייך טייערע באליבטע חבירים וידידים חברי שטיבעלינו הקדוש, דאס מאל זאג איך עס מיטן פולען רואיגקייט און צופרידענהייט איך האב אייך שוין געזאגט טויזענט מאל אז איך 'לייק' אייך אין איך האף עס צי זאגן נאך א טויזענט מאל בקרוב, נאר איך האף אז איר האט פארשטאנען ווי שטארק מיין אהבה צו אייך איז,

איך האב אייך ליב...
די ארכי קליגע וואס זענען מאציל מהוד חכמתם אין געבן זיך אפ מיט די מער אומוויסענדע פון זיי...

די מעגע ידענים וואס פילען אן ליידיגע קעפ מיט אינטערעסאנטע סחורה...

די עמקנים וואס זענען קיינמאל נישט זיכער אז זייער דעות זענען די שפיץ ריכטיגע...

די שארפע קריטיקירע וואס שטייען מיט אויסגעשארפטע פענעס טיף אפצילערנען יעדע טריקענע נייעס אין בלאסע דבר יום אנאנסען...

די איפכא מסתברא'ניקעס וואס זענען בכח צי נעמען יעדע סברא צום אינפיניטי פארקערטקייט...

די טיף געפילישע וואס זעען אין א אומזעעבארע בילד ימ'ן מיט מחשבה...

די קינסטליכע וואס זענען בכח מיט עטליכע קלאפען אויפן קיבאורד אפילו בערגער פין די כלים ארויסנעמען...

אין די צימעסדיגע פארן צישטעלען דעם אריגינעלען היימישע פארב צי א חסידישן קאווע שטיבל...

אין אייך אלע צוזאמען פאר צוזאמפארן אזא הערליך קאלירפולע רעגן בויגן צו קענען צוזאמען, שמועסן, פארברענגען, טראכטן, רעדן, פרעגן, זינגען, ליינען, וויינען, רעגן, לאכן, שפרינגען, אין נישט פארגעסן די עיקר צי טרינקען קאווע...

א ישר כח פאר אייך אלע באזונדער און צוזאמען! איך 'לייק' אין ליב אייך פון טיפען הארצען,

[כוכב]

גראדעמעכעלע איז שוין היינט א באקאנטע ברענד אין קאווע שטיבל אלס א ניק געבענטשט מיט כל מדות ומעלות שמנו בו חכמים.
זייט קאפקע האבן מיר נישט געהאט א נייע ניק וואס זאל זיין אזא עססעט צו די שטיבל ווי אייער מאיאסטעט.
חילך לקאווע שטיבל!

[שמעקעדיג]

אני לדודי ודודי לי,
כמים פנים אל פנים,
מיר ליבען אייך אויך פון טיפן הארצן, אנגעקומען שטיל איידל ווי א גראדע מעכעלע, און שטילערהייט גענומען שרייבן איבעראל פון אלץ און אלעמען, מלא וגדוש, קנקן חדש מלא ישן, מיר באלעקן זיך מיט דיינע שיינע אשכולות און הודעות, אלץ מיט די ברילן אויף די שפיץ נאז קוקנדיג אין א ספר,

אלזא האלף לך מעכעלע, דעזערווסט טויזענט לייקס און נאך מער, האלט אן מיט דיין שיינעם פעדער מיר זאלן ווייטער קענען נהנה זיין מאורך הבהיר.

כוכב האקט.

[פליקער]

מורהדיגע שיינע מידה, הלוואי אויף מיר געזאגט, דערפרייט יעדען מיט זיין לייק, האקט תגיבות ווי ס'ברויך צי זיין מיר ווערן אלע געבעיטן זיך צי לערנען פון זעלעכע

[יאיר]

קאנגראטולאציעס, גראדעמעכעלע. עס איז מיר א שטאלץ און א כבוד צו שרייבן אויף איין פארום מיט דיר און מיט אלע חכמים ונבונים וועמען דו האסט צוזאמגעלייקט.

[ישמעאל הכהן]

מורהדיגע שיינע מידה, הלוואי אויף מיר געזאגט

גאר א גרינגער ''הלוואי''. עס איז מונחת בקרן זוית, ס'פעלט זיך בלויז אויס איין קליינע דרוק מיטן מייז

[[NAMELESS]]

שוין, האב איך ערפינדען א נייע וועג וויאזוי צי ציען אויפמערקזאמקייט אין באקימען א קלאפ אויפן פלייצע..
ישר כח פאר אלע מגיבים, איך האף אז דער עולם וועט ווייטער אריינארבעטען כדבעי אזוי בקרוב צי האלטן ביים אלף השני,

אין צי די אלע וואס זענען מזלזל אין דעם גרויסען ענין פין געבן א דריק... יא דאס קליינע הענטעלע אויבן... סיי בשיטה אין סיי מחמת עצלות צי מיט די לומדישע טענה אז אפילו די אובערחכם קאמפאניס וואס.אקצעפטירן.שוין ביטקאונס האבן נאכנישט אנערקענט לייקס אלץ א וואלוטע, וויל איך מצטט זיין מדברי החכם @יואב געשריבן אין א טיילווייז פארשטיפטן אשכול, אלס ענטפער צי א טענה וואס איז שוין מיין לייק ווערד?

קודם כל, אזוי אמת ווי איר שפירט זיך ווי א זבוב קצוץ כנפיים אזוי אמת איז אז "קיינער" ברויך נישט אייער קליינטשיגע הענטעלע. אויב האט איר נישט "געגלייבט אזוי" וויל איך זאגן אז ביודעי ומכירי קאמינא. כ'האב אפשר נישט קיין לינק צו גוגל דערפאר, אבער איך ווייס דאס ערשט-האנטיג.
איך וויל זיך דוקא אננעמען יעצט פאר די "נישט גרויסע" שרייבער, ניקס וואס זיי זענען נאך אין די תשעה ירחי לידה פון וועלן ווערן אפילו "א קליינעם שרייבער". עמיצער שרייבט זיך איין אין שטיבל, ביי זיך קלערט ער אז ער איז א קנאפער שריפטשטעלער, דאך וויל ער לאזן זיך הערן. יעדעס לייק ער קריגט גיבט אים חיזוק. "נאך איינער האט מסכים געווען צו מיין מיינונג; נאך איינער האט הנאה געהאט פון מיין שרייבן וכדו'." ס'ווערן נאך היי עמען נישט געבוירן ששה לייקס באישי-קעסטל אחד; ער ווארט שוין אז ידען, ראשעקאל, שמעקעדיג אדער א צווייטער גוט-הארץ זאל שוין טעגן זיין ניק אין דעם אלף-לייקס אשכול.

יא, איך בין עדות צו מיר אליינס, אודה ולא אבוש, בימים ההם, דעמאלט ווען דער טערמין "אייסיס" האט נאך רעפרעזענטירט א הויכראניג-באליבט זיסווארג, כ'האב קיינמאל בעפאר נישט געהאט געשריבן, און כ'בין געווען זקוק ללייקס מרובים. כהיום בין איך שוין אדער דאס אויסגעוואקסן, אדער פשוט שוין נמאס געווארן – ואף על פי כן גלייך איך דאס נאך (צומאל) . איך וועל לאזן אנדערע מיך בא'טיטול'ן, אבער די לייקס און קאמפלימענטן (און אויך קריטיק) פון דעמאלט האבן מיך אויסגעשארפט א סך אין שרייבן.
הקיצור, אט פאר יענעם לייק קוקט ארויס א גר, צו אן אזרח אפילו ווען ער פלאגט זיך אן פאר א לענגערן ארטיקל . און דאס איז אפילו ווען ער קריגט דאס מזבוב קוצץ כנפיים. על אחת כמה וכמה ווען עמיצער מאריות שבחבורה דריקט אויף עמען דעם, נו, וויאזוי רופט מען דאס נאר אין כעלעם... אה, "דאס גשמיות'דיגע לייק קנעפל".

הכלל זאלט איר וויסען מיט יעדעם דריק אויפן קליינעם אגדול טוט איר אויף.גדולות ונצורות סיי פערזענליך פאר דעם חבר וואס האט אםגעגעבן עטליכע מיניט צילענדיג צו שרייבן עפעס גוט, אין דורך דעם שטיפט איר פאראויס דעם גאנצן שטיבל, (וכאן רמז רבינו לסוד קנאת סופרים תרבה וכו' ומי יעמוד וכו'),

[berlbalaguleh]

גראדעמעכעלע איז שוין היינט א באקאנטע ברענד אין קאווע שטיבל אלס א ניק געבענטשט מיט כל מדות ומעלות שמנו בו חכמים.
זייט קאפקע האבן מיר נישט געהאט א נייע ניק וואס זאל זיין אזא עססעט צו די שטיבל ווי אייער מאיאסטעט.
חילך לקאווע שטיבל!

כוכב: דא האסטו א טיילווייזן לייק (איך בעט נישט קיין טשענדזש... (. ווייל איך בין נאר טיילווייז מסכים מיט דין אפשאצונג. וועלכע טייל זאג איך נישט....

[berlbalaguleh]

גראדעמעכעלע: איך האב אדורכגעליינט אלע קאטעגאריעס וואס דו רעכנסט אויס. איך האב מיך נישט געזעען אין קיין איינס פון זיי. אפשר האסטו א נייע קאטעגאריע פאר מיר. איך בין גרייט צו הערן אדער ליינען מיט גרויס שפאנונג...!

[שעפטל]

בעל הסמיילי'ס

[לית דין בר נש]

בעל הסמיילי'ס

מלפנים בעל הסמיילי'ס
אדער
בעל הסמיילי'ס ז"ל

[שעפטל]

אזוי מלפנימיג האט ער נאך ממש צוויי דריי תגובות ארויף אריינגעריקט צוויי שטיק

[שמעקעדיג]

אזוי מלפנימיג

[[NAMELESS]]

@בערל עליך אמר קרא, גדול מרבן שמו,

[[NAMELESS]]

יעדע אויפגעוואקסענע אין א אידיש רעדענדע הויז ווייסט אז ווען מען שרייט 'איך האב דיר שוין געזאגט 10 מאל 100 מאל' מיינט עס נישט מער ווי אז דער איז נערוועז אין אויסגעלאפן פון געדילד,
איז אז אני הקטן שטעל מיך יעצט אויף אין שריי דא לפני כל הקהל ועדה 'איך האב אייך שוין געזאגט א טויזענט מאל איר כאפט שוין?' וועט מען מיר אנקיקן ווי איך לייד פין א טאטאלע געדולד אויסלויף,

אבער איך זאג אייך טייערע באליבטע חבירים וידידים חברי שטיבעלינו הקדוש, דאס מאל זאג איך עס מיטן פולען רואיגקייט און צופרידענהייט איך האב אייך שוין געזאגט טויזענט מאל אז איך 'לייק' אייך אין איך האף עס צי זאגן נאך א טויזענט מאל בקרוב, נאר איך האף אז איר האט פארשטאנען ווי שטארק מיין אהבה צו אייך איז,

איך האב אייך ליב...
די ארכי קליגע וואס זענען מאציל מהוד חכמתם אין געבן זיך אפ מיט די מער אומוויסענדע פון זיי...
די מעגע ידענים וואס פילען אן ליידיגע קעפ מיט אינטערעסאנטע סחורה...
די עמקנים וואס זענען קיינמאל נישט זיכער אז זייער דעות זענען די שפיץ ריכטיגע...
די שארפע קריטיקירע וואס שטייען מיט אויסגעשארפטע פענעס טיף אפצילערנען יעדע טריקענע נייעס אין בלאסע דבר יום אנאנסען...
די איפכא מסתברא'ניקעס וואס זענען בכח צי נעמען יעדע סברא צום אינפיניטי פארקערטקייט...
די טיף געפילישע וואס זעען אין א אומזעעבארע בילד ימ'ן מיט מחשבה...
די קינסטליכע וואס זענען בכח מיט עטליכע קלאפען אויפן קיבאורד אפילו בערגער פין די כלים ארויסנעמען...
אין די צימעסדיגע פארן צישטעלען דעם אריגינעלען היימישע פארב צי א חסידישן קאווע שטיבל...

אין אייך אלע צוזאמען פאר צוזאמפארן אזא הערליך קאלירפולע רעגן בויגן צו קענען צוזאמען, שמועסן, פארברענגען, טראכטן, רעדן, פרעגן, זינגען, ליינען, וויינען, רעגן, לאכן, שפרינגען, אין נישט פארגעסן די עיקר צי טרינקען קאווע...

א ישר כח פאר אייך אלע באזונדער און צוזאמען! איך 'לייק' אין ליב אייך פון טיפען הארצען,

לרגל דעם בעפארשטייענדן יובל האלף, ווען ידידינו החשוב, איש האשכולו"ת, מורינו רבי [tag]גראדעמעכעלע[/tag] וועט אנקומען צום טויזנסטן תגובה [ער האלט שוין יעצט ביי 998], איז פאסיג צו דערמאנען דעם אראפגעברענגטן פריערדיגן יובל האלף וואס ער האט געפראוועט: דורכן געבן טויזנט לייקס פאר אנדערע.

אויב ווילט איר, דאן האט איר דא משנת חייו של הרב גראדעמעכעלע. א פיינער בא'טעמ'טער שמועסער, א קאפ אויפן פלייצע, א רייכע פעדער, און א זעלטן גוטער מענטש!

גראדעמעכעלע, מיר ווארטן מיט שפאנונג אויפן 'טויזנסטן תגובה'. עס גייט אודאי געוויס זיין גאר אינטרעסאנט!!!