מאכלי שבת קודש

[ר' שלמה אבן גבירול]

כידוע מפי ספרים וסופרים, אז איינע פון די יסודות פון בויען יודישקייט, איז געפיהל, אינעם ספר חובת התלמידים מהרב מפאסעצא ווערט דא אביסל קלארער אויסגעשמועסט, וז"ל: זה יסוד החסידות, שיתפעל ויתלהב, ובדברים נמוכים יתחיל, והתרגשיות גופניות יסגל להתעורר בהן לקדשה, ואף אם רק התעוררות גופני היא, הנפש תעורר לרוח והרוח לנשמה, ... כשתית היי-שרף בין החסידים, ... והנער שמתרגש בליל פסח מן נקיון החדר, מן רבי הנרות ומן השלחן המסדר יפה, גם כן טוב הוא, כי גופו מתרגש מזה ונפשו פנימה מבצבצת ומתרגשת באמירת ההגדה לאמרה מעט בהתלהבות לד' אף שאינו יודע מה זה ועל מה זה וזה.

כ'מיין מען דארף נישט אויסשמועסן, וואו ס'ווערט דערמאנט אין פוסקים אז שבת דארף מען אנגרייטן מלכות'דיגע מאכלים, וואס דער מענטש האט ליב, און דערמיט איז מכבד דעם הייליגן לעכטיגן שבת. וואו אויך איז פשוט אז ווען מען גרייט אן אמת'דיגע מלכות'דיגע עסן, וואס איז גוט און מען האט עס ליעב, גיבט עס אסאך מער צו פאר'ן שבת, ס'העלפט אז די קינדערלעך, זאלן שוין פון דארנערשטאג ארויסקוקן פאר'ן שבת, די מצב אין די הויז ווען מען גרייט צו די אלע עסן פאר'ן שבת גיבט גאר אסאך צו די אטמאספערע, אז מען גרייט פאר'ן שבת.

משא"כ ווען מען עסט יעדע שבת די זעלבע 'פשוטע' עסן, וואס געשעהנט איז, טאקע ווי מען זעהט אז קינדער קענען קוים ווארטן אויף מוצאי שבת צו עסן , אדער וועל אסאך ענדערש ווארטן אויף א מיטוואך'דיגע סאפיר' אדער עני אנדערע גוטע סאפיר, וואו זיי וועלן ווארטן אויף הייליגן שבת.
פארוואס זאל מען נישט ארויסלייגן ביי די הייליגע שבת סעודה, די בעסטע עסן וואס מיר פארמאגן? פארוואס דייקא אין א פשוטע דאנערשטאג זאל די קינדער מער ליב האבן די סאפיר, וואו די סעודת שבת?


איך וויל באטאנען, איך זאג נישט אז מען זאל איבערלאזן די מסורה, און עסן אנדערע מאכלי שבת. אבער אין די מסורה אליינס, מוזט נישט יעדע וואך עסן די זעלבע רעסעפי פיש. און לאמיר טאקע איבערגיין די מסורה. ביינאכט עסט מען חלה, פיש, טשיקן זופ, פלייש, פערפל, קוגל. ווילסט אריינברענגען א געשמאק אינעם שבת, קענסט יעדע וואך מאכן דיפרענט גאר גוטע געשמאקע פיש, אנדערע סארטן זופ, פארשידענארטיגע פליישן מיט צושפייז. ווידער צופרי, דארף מען נישט יעדע וואך האבן די זעלבע סארט אייער צוויבל, אדער טשולענט, אינדערצייט וואס ס'זענען דא טויזענטער סארטן וועגן וויאזוי עס צו מאכן. וואו לדוגמא, סאשי, קען מען אנגרייטן זייער גוט און עלעגאנט, אבער ס'איז לאו דוקא דאס, ס'איז דא ב"ה גענוג און רעסעפיעס, מען דארף עס נאר צוזאמענעמען.

וויל איך דא פראקלאמירן א אשכול, ווי יעדער זאל קענען ארויפלייגן זיינע איידיעס, און רעסעפיעס, צו באשיינען דעם שבת טיש.

איך פאר מיר האף יעדע וואך ארויפצולייגן איינס אדער צוויי רעסעפיעס

[געוואלדיג]

כידוע מפי ספרים וסופרים, אז יודישקייט איז געבויעט אויף געפיהל, [/size]

נישט אמת אידישקייט ניצט געפיל אבער איז נישט געבויעט אויף דעם, סארי פאר מיין שארפקייט איך מיין נישט פערזענליך

[ר' שלמה אבן גבירול]

כידוע מפי ספרים וסופרים, אז יודישקייט איז געבויעט אויף געפיהל, [/size]

נישט אמת אידישקייט ניצט געפיל אבער איז נישט געבויעט אויף דעם, סארי פאר מיין שארפקייט איך מיין נישט פערזענליך

שוין, געכאפט ביים ווארט . אקעי, כ'האב עס שוין פאראכטן

[ר' שלמה אבן גבירול]

אינגרידיענטס

אייער
אוואקאדא
רויטע צוויבל
זאלץ
שמן זית

צושנייט די רויטע צוויבל אויף קליינע שטיקלעך
צוקוועטשט די אייער און די אוואקאדא
מישט אריין די צושניטענע צוויבל, מיט די זאלץ און די שמת זית,
און מישט אלעס גוט אויס

[[NAMELESS]]

שמעו נא רבותי.
צו איר קענט קאכן צו נישט מאכט זיכער נישט צו שטיין ביים טאפ ווייל דערנאך וועט עס ווערן אייער עול, מאכט זיכער אז די ווייב זאל נישט וויסן אייערע קענטעניסן, אשרי לו פאר וועם די ווייב האלט אים פאר א שלום מזל.

[איחוד פעלד]

די אווקאדא, אין שבת, וויאזוי צוקוועטשט מען אויף א אופן המותר?

[ירח בן יומו]

ואיך בין אויך געווען געוואוינט אז שבת מיינט א שטיקל ווייט פיש, מיט א שטיקל געפילטע באקרוינט מיט א מיירען, באצירט מיט א פאר הופענעס חריין און שבת הוא לה'.

אבער ווען איך בין געווען אין א"י האב אויפגעפיקט אז וידגו לרוב בקרב הארץ, ביי אסאך משפחות איז איינגעפירט צו מאכן יעדען שבת אן אנדערע פיש, און די חידוש איז מיר געווען אז ס'איז געווען געבאקענע פיש, געשמאק און ווארעם פון די אויבען (בלעך), ממש א מחי', ווען איך האב דאס געזען האב איך אויך דאס נאגעמאכט מיר האבן שוין א גאנצע סדר פון אלע סארט פיש וואס מ'באלעקט זיך די פינגערס.

וועגען די טענה אז די סאפערס זענען בעסער ווי די שבת'דיגע מאכלים, ביי מיר איז דאס בכלל נישט אזוי, מיינע קינדער ווארטן א גאנצע וואך אויך די שבת'דיגע עסען, איך ווייס נישט צו ס'איז ווייל די קעכערין טויג, צו מיינע מעשים טובים (עפענען די טאפ, טעיסטן, שמעקען, טעיסטן, שמעקען אא"וו), אדער גאר די תבלין ששמה שבת כמבואר בגמ', אלזא כל דכפין ייתי וייכול און וועט זיך שוין איבערצייגען.

[ר' שלמה אבן גבירול]

שמעו נא רבותי.
צו איר קענט קאכן צו נישט מאכט זיכער נישט צו שטיין ביים טאפ ווייל דערנאך וועט עס ווערן אייער עול, מאכט זיכער אז די ווייב זאל נישט וויסן אייערע קענטעניסן, אשרי לו פאר וועם די ווייב האלט אים פאר א שלום מזל.

וכן אני הקטן נוהג, כ'ריר נישט צו אין קאך, אלעס וואס כ'שרייב דא און וואס איך גיי שרייבן, איז וואס נאות ביתי איז מיר מזכה.

[נקודת החבדית]

בענין מאכלי שבת