א בירגער-קריג אין דער אידיש-יידיש וועלט (ואיה וענה)

[יתרו]

מבין ריסי מכתבו שיינט אז דער איה וענה איז א היימיש אינגעל אדער מיידל(אין זיינע ווערטער: ער שרייבט גלייך צום פינטעל און נישט ארום און ארום מיט געקינצעלטע פראזן) טא פארוואס שרייבט ער אין אזא וועג כאילו ער אין שלום זענען פון איין לאגער און ער באטראכט די חסידים פון אינדרויסן, קאט די קרעפ מר. אדער מרת איה.

[געוואלדיג]

פונעם מכתב איז אויך ניכר אז עס איז נישט געשריבן געווארן מיט די זעלבע אידישע אויסלייג ווי שלום ברגר,
עס איז מיר אינטרעסאנט צו זעהו ווי מען פארדרייט פאקטן אנשטאט צו באצייכענען אז די קאווע שטיבלניקעס זענען געווארן אויפגעברויזט ווען ער האט זיי באטיטלט נידריג און מיט ביטול שרייבט מען כאילו אז עס האט געבאדערט די עצם קריטיק

[ישראל קאפקע]

עס איז נישט קיין 'בירגער-קריג'. עס איז א קריג צווישן עליטע ייִדישיסטן, סנאבס, און דער פשוטער אידיש באנוצער.

עס וואלט געווען טשיקאווע ווען נישט די קאמישער פאקט אז רוב עליטע ייִדישיסטן קענען נישט רעדן אדער שרייבן דעם שפראך האלב אזוי פליסיג ווי די פשוט'סטער טאג-טעגליכער אידיש באנוצער.

[פלאוויוס]

ס'איז א "בערגער-קריג", נישט קיין בירגער קריג...

[פליקער]

איך גלייב אז ביז פיר וואכן גייט דער איד באריכטן א בירגער קריג וואס דער פארווערץ האט אינטער גענימען און אינטערגעצינדען א העץ קאמפיין קעיגן חסידים

[שלום בערגער]

נאָך נישט געהאַט אַ געלעגנהײט זיך אָפּצורופן װי געהעריק אױף דעם אַרטיקל. על רגל אחת - ס׳איז גוט געשריבן און שכלדיק. ער מאַכט נאָר אײן גרױסן טעות - ער ציטירט פאַלש עפּעס אַ זאַץ פון מײן אָריגינעלער זאַך. ער שרײבט אַז כ׳האָב כלומרשט געזאָגט אַז די ק“ש־פּאָעטן „האבן קיינמאל נישט גענומען א פאעזיע-בוך אין דער האנט, אויסער די גרעניצן פון ארטאדאקסישע שרייבער‟.

דאָס איז אַ בילבול. כ׳האָב קלאָר און דײטלעך געזאָגט - קוקט צוריק אין אַרטיקל אױב איר גלײבט מיך נישט - אַז כ׳בין אױסן *יענע פיל פרומע פּאָעטן און שרײבער פון פריערדיקע צײטן* װאָס האָבן געשריבן אין אַ גאַנצער גאַמע סטילן און מיט אַן עמאָציאָנעלער ברײטקײט, װאָס ס׳איז כדאַי זיך צו באַקענען מיט זײ. אַפילו מע װיל בלײבן צװישן די גרענעצן און נאָר לײענען פרומע שרײבער, װאָס כ׳פאַרשטײ איז בײ טײל פון אײך אַ כלל, איז אַדרבא - נאָר לײענט עפּעס נײס!

די װאָס זײנען אױף פײסבוק זײנען אױק האַרציק פאַרבעטן צו לײענען אַן אױסטױש װאָס מיר האָבן דאָרט פאַרפירט:

https://www.facebook.com/zackary.berger/posts/10153110449699711?pnref=story

אַ גוטן חודש!

[שמערל]

פארוואס איז שלום דער איינציגסטער וואס גריסט א גוטן חודש, איז עס אַ יידישיסטישער מנהג?

[בר דעת]

שיינע ארטיקל. איך מיין אז עס איז צייט צו אפיציעל ענדיגן די בערגער קריג און שליכטן די קלאגעס אינדרויסן פון פובליק געריכט. שלום בערגער איז א היזיגער, אחד מבני החבורה, און ער האט זיך אנטשולדיגט און אויפגעקלערט זיין קוק ווינקל. מיר זענען צוריק גוטע פריינט, און מיר ווארטן אויף מער קריטיק און הערות, אבער זיי זאלן ביטע זיין איינגעוויקלט אין א ביסל וואזאלין אז עס זאל זיך לייכט אריינגליטשן.

[פידלער]

פארוואס איז שלום דער איינציגסטער וואס גריסט א גוטן חודש, איז עס אַ יידישיסטישער מנהג?

[tag]וועטערבאריכט[/tag] גריסט אויך א גוטן חודש.

viewtopic.php?f=3&t=8116&start=425#p254613

[לעיקוואד]

איין זאך מיט וואס די אידיש און יידיש שרייבער זענען אייניג איז דאס שאפן א בארג פון א מוריטשקע בערגל, און אן עלעפאנט פון א לעידי-באג. האבען זיך אפאר צולייגער אין א קיפקע ערגעץ געדינגען, איז דאס שוין א בירגער קריג, האבען צוויי אידען ערגעץ עפעס נישט מסכים געווען, איז דאס א נייע טיילונג, האט איינער געזאגט א שלעכט ווארט אויף זיין פריינט, איז ער שוין א פארראטער. יעדער יונגערמאען וואס האט א בית מדרש איז שוין א גאון א צדיק, און טאמער האט זיין זיידע אויך געהאט א בית מדרש איז ער א קדוש וטהור אויך. אולי איז דאס א חסרון פון שרייבער אין אלגעמיין, ווי דער צורך צו דראמאטאזירען פשוט'ע געשיכטעס פאר א בוך אדער צייטונג מאכט זאכען אויסזעהן גרעסער ווי זיי זענען.

[פלאוויוס]

@לעיקוואד, דער אידיש-יידיש שרייבער האט געשריבן מיט א שמעק פון הומאר ("בירגער קריג" איז נישט ווייניגער חוזק ווי "דיפלאמאטישע כוחות" צו שליכטן דעם קריזיס). ס'זעט נישט אויס אז ער האט געמיינט אזוי ערנסט ווי דו האסט עס אנגענומען. נעקסט קומט אן ארטיקל אין פארווערטס אז קאווע-שטיבל פארשטייט נישט צו הומאר...