היטלער מיט פיאות

[רויטע וואנצעס]

קלאגן, קלאגן, קלאגן
אויף דיין שלאגן, שלאגן, שלאגן
קיין הארץ געטוען פארמאגן
אין גהנים דיר יאגן.

פארשפארט, פארשפארט, פארשפארט
דיר נישט געארט, געארט, געארט
ווי איך קליין קינד דיין פיינט
ביים ווינקל פון וואנט.

פארשעמט, געקלאפט מיין זיך
געטרויטן מיט דיין ערוואקסענע שיך
דיין רשעות, דיין איך
א דיקע פיינפולע בוך.

היטלער מיט פיאות
מקפיד אויפן כזית
על פי דרכו מיט ראיות
מטורפים און חיות.

ביסט שוין אויף די זייט
אבער עס יאגט מיר נאך דיין שד
איך קען נישט לויפן צו ווייט
ארום מיין געוויסן גאר טייט.

אבער מיין הארץ ווי א טיגערס געשריי
הייב דיך אויף און גיי
לאז די רשעות און וויי
שטארק דיר אויף זיי.

שייל דיר ארויס פון די בלוט
ברעך דורך די יון און טיט
בוי איבער, זוך די גוט
אין זכרון קעלער לאז די שיה*.

[שמעון וואלף]

העי, די לעצטע זאץ גראמט נישט

[רויטע וואנצעס]

געשריבן לע"נ איינע פון מיינע מלמדים.

[שמעקעדיג]

לכבוד פרשת משפטים?..

[נופת צופים]

העי, די לעצטע זאץ גראמט נישט

נאך ווי עס גראמט. איך מיין די לעצטע זאץ איז נאך די בעסטע.

[רויטע וואנצעס]

[tag]ישראל קאפקע[/tag], איך ווארט צו הערן פון דיר.

[פרייוויליג]

דיין מלמד האט געדארפט זיין גאר גרויזאם אז דו טראכסט נאך אפילו פון אים.

[רויטע וואנצעס]

נארמאל נישט, נאר יעצט אז ער האט געהוילעכט טראכט מען מער. קאפקע האט מערער געווען אויף א אנדערע פלאץ אויפן אויסדרוק פון "היטלער מיט פיאות". ס'איז געניצט מער בלשון גוזמא לשבר את האוזן, אבער ס'איז נישט א שרעקליך גרויסע גוזמא. איינער וואס צאפט בלוט און הארץ פון אינגע קינדער על לא דבר איז א אכזר סוכ"ס.

[אחד העם]

בין כך ובין כך. איז דער אויסדרוק א פאעטישער. און עס האט מיר געברענגט הרהורים. הגם סאיז גאר אנדערש ווי דיין מכוון. אבער דער אויסדרוק זאגט אסאך.

[רויטע וואנצעס]

אדרבה, לאמיר הערן דיינע הרהורים.

[ישראל קאפקע]

[tag]ישראל קאפקע[/tag], איך ווארט צו הערן פון דיר.

וואס שייך צו זאגן? איך האלט ווייטער אז דער אויסדרוק איז נישט אקעי.