פארק'ס ארום מאנסי אפגעשפארט פאר יודן!

[[NAMELESS]]

יא איר האט גוט געליינט, ס'איז נישט קיין טעות אדער סתם א וויץ, ס'איז די טריקענע פאקט אויב דו ליינער ביזט א איד מיט פיאות גייט מען דיר ארויסשיקן פון פארק!

אפאר שונאי ישראל האבן עס געבעטן קוים א וואך צוריק, און היינט האט עס שוין די פאליציי אפיציעל געמאלדן.

ווער ס'האט מיטגעהאלטן דעם חול המועד די שטורעם אין ראקלענד וועגן די פארקס ווייסט צו זאגן די העיטפול קאמענטס פון עטליכע שונאי ישראל דירעקט צו עד דעי אז מ'מוז פארטרייבן די יודן פון די פובליק פארקס.

איר מיינט אוודאי אז און אמעריקא קען אזא זאך נישט געשעהן, אבער יעצט הערט און שטוינט.

היינט מיטוואך האט די קלארקסטאון סופערווייזער (וואס איז אגב זייער נאנט מיט עד דעי און ארבעט כסדר מיט אים) אפירגעקראצט א געזעץ וואס זאגט אז א פארק איז נאר געמאכט פאר די לאקעל רעזידענס, במילא נאר איינער וואס קומט פון קלארקסטאון וועט אריינגעלאזט ווערן אין פארק, זיי זאגן קלאר אז זיי גייען בעטן א איי.די. פונעם עולם.

ס'איז אונטערסאנט אז פונקט יעצט נאכן שטורעם האט מען זיך דערמאנט פון דעם געזעץ, ווי אויך איז די געזעץ נאר אין קלארקסטאון אז דרויסענדיגע טארן נישט אריינקומען, משא"כ אין די מאנסי פארקס מעג נאך דער קלארקסטאון גוי אריינקומען.

ווי אויך איז אינטערסאנט אז די נייעס קומט נישט פון די פארק'ס דעפארטמענט - וואס זיי מעלדן נארמאל די פארק רול'ס, ס'קומט פון די טאון וואו ס'זיצען די וואס האבן מורא פן ירבה, אריינגערעכנט עד דעי, און ס'קומט שוין אויך פון די פאליציי. זייט ווען מעלדט די פאליציי רעגולאציעס פון די פארק'ס? אינטערסאנט אז די לאקעל קאורט אדער גאר די קאררעקשאנס דעפארטמענט מעלדט עס נאך נישט.

יא מ'קען חוזק מאכן נאצי ארויף נאצי אראפ, איר גייט יא אדער נישט און בונקער וכדומה, אבער דאס איז א סעמפל פון אויספלאנירטע רשעות קעגן די היימישע עולם.

איך וויל נישט אריינמישן נאצי דייטשלאנד ווייל אין פאקט איז נישט דאס די מצב, מ'בויעט נישט קיין גאז קאמערן, אבער עפטער אלל דא איז דא א פאליטישען וואס איז געלאפן אויף א טיקעט אז ער גייט אונטערדריקן די יודן, ער רעדט מדי יום ביומו אקעגן אונז אין פובליק אויף סאושל מידיע און אויף די ראדיו, ער אינוועסטיגעיט די היימישע עולם טאג טעגליך, נעכטן האט ער ארום געשיקט בריווען צו מקוואות וואס האבן אייגענע קוועלער אז ס'איז איליגעל, זיין איינגעשטעלטער האט געפענט און פירט אן א בלאג וואס רופט בלאק די בלאק וואוט, וואס די איינציגסטע מיסיע איז צו חוזק צו מאכן פון יודן און העצן קעגן יודן, ער אליין קאמענט דארט אפט, און יעצט פארטרייבט מען אונז פון די פובליק פלעצער, "אזוי האט אויסגעקוקט איירופע פארן קריג".

א קיצור דאס איז קלאר אז די אלע וואס פלעגן גיין אין די פארקס ארום מאנסי זענען מער נישט בארעכטיגט דערצו, מ'גייט בעטן א איי.די.

[[NAMELESS]]

די אידישע דזשעי פי מעלדט שוין מיט א פאליטישער פעדער

http://goo.gl/Nz60fm

[יואליש]

כבר היה לעולמים אז מ'האט רעזעווירט פארקס פינאנצירט דורך לאקאלע מוניציפאליטעטן אויסשליסליך פאר אירע איינוואונער און שטייער באצאלער. סמיט קלאוו פארק אין מאנראו האט אויסגעשלאסן מאסן פרעמדע באנוצער (ליין ק"י אידן) וועלכע צאלן נישט פאר איר אויפהאלטונג, און אנגעהויבן פארלאנגן איי די. ק"י האט דערנאך נאכגעטוהן און פינאנצירט איר איינגענע פארק און, הגם מ'אינפארסירט עס נישט אויף די מינוט ווייל פרעמדע (גוים) קומען נישט, די שילדן זאגן אז ס'איז בלויז פאר ק"י איינוואוינער.

אבער אלס עקסטערע caution בעט מען פארט דער עולם זאל קאטאגאריש אפזאגן סיי וועלכע פארלאנג פון די פאליציי אז מיר טוהן אן געלע לאטעס. במשך ימי הספירה זאל מען נישט פארן אין קיין באנען - עם טי עי סובוועי, לאנג איילענד רעילראוד אדער ניו גורזי טראנזיט, אדער די טשוטו טרעין פון די חל המועד ריידס - אלס א חשש אז אפשר וועט די קאנדאקטער עס בייזוויליג פארקירעווען קיין אוישוויץ. האלט מיט ווייטערדיגע היסטערישע אפדעיטס אויף טוויטער און זשעי פי (נישט צו פארמישן מיט א קאנקורענט עי פי) אפדעיטס.

[ישראל קאפקע]

עס איז א אנטוויקלונג וואס דארף לדעתי יא ברענגען זארג. ווי עס קוקט אויס איז עס דווקא געצילט צום לעצטן קאנטראווערסיע איבער די 9/11 געדענקמאל אין א מאנסיער פארק.
עס איז א באהאלטענע באשולדיגונג קעגן/באגרעניצונג אויף פובליק עקסעס אויף אלע מאנסיער אידן צוליב די אומשולדיגע טעות פון איין אידישע פאמיליע, און דאס זאל אונז באזארגן.

פארשטייט זיך אז מען קען לאזן יעדן רעפערענץ צו נאצי דייטשלאנד (אדער "נישט" רעפערענץ-רעפערענץ) וואו זי געהערט, אין היסטאריע ביכל.

[יואליש]

קלארקסטאון פאליציי'ס מעלדונג אויף פעיסבוק.

[יואליש]

ישראל, כ'קען נישט די פארק, איר גרויסקייט, איר נומבער פון באזיכער, וויפיל אידן קומען דארט אהין. אבער די מעלדונג און די געזעץ איז גאנץ קלאר: אויב ביסטו א קלארקסטאון איינואונער (וועלכע צאלט פאר די פארק) ביסטו וועלקאם אין די פארק - צו די ביזט א איד, א חסיד, א ליטוואק, א סוני, א שיאט, שווארץ אדער ווייס. אויב ביסטו נישט קיין קלארקסטאון איינוואוינער, אפי' די ביסט א ווייסע אנגלא סעקסאן פראטאסטאנט מאן ביזטו נישט וועלקאם. זיי צילן אויסצושליסן די דרויסענדיגע וועלכע קומען זיך דארט אנלייגן, גאנץ מעגליך אז די זענען חסידים. געזעצליך איז עס. מענטשליך איז עס "אויב" זיי האבן א מאנגל אין פלאץ פאר זייער איינוואוינער אדער אויב די געסט לאזן איבער א שמוץ וואס זיי ברויכן צאלן צו רייניגן. אויב אבער איז דא ברייט בהרחבה פלאץ און ס'איז נישט דא קיין פראבלעם פון שמוץ און זיי ווילן פשוט נישט זעהן א חסיד פאר די אויגן אז עס ווירקליך פראבלעמאטיש.

נישט חלילה מקטרג זיין בשעת ס'הערשט שוין אזוי אויך א קטרוג, אבער א חלק פון די קריטיק איבער די געשוואלענע דעוועלעפמענטס אן קיין אחריות'דיגע פלענינג פאר טראפיק, פארקינג, און אפעטיטליכע לענדסקעפיג איז אז מ'פילט אן יעדעס לעכעל מיט נאך א סקווער פיס צו פארקויפן און נאך א אינטש צו בויען. פארקס און פלעצער צו "לעבן" איז צי טייער פאר די טאשן פון די דעוועלעפארס. ממילא, גייט די טענה, ווערן די שכינים שותפים אין די אווערדעוועלעפמענט דורך דעם וואס פאר פארקס קומט מען צו זיי, זיי וואס האבן זיך יא געלאזט קאסטן געלט און פלאנירונג.

ס'איז אבער פארהאן פארקס וואס געהערט צו די קאונטי און דאס איז אפען פאר אלע ראקלענד קאונטי איינוואוינער, אריינגערעכענט די העווערסטראו בעי פארק ווי די 911 מעמאריעל געפינט זיך.

[ישראל קאפקע]

ריכטיג, מיר וואלט ווייניגער געשטערט אויב זיי זענען זאט פון די חסידים, אלס אזעלכע וואס וואוינען נישט אין קלארקסטאון, וואס (היפאטעטיש) לייגן אן די פארק און לאזן איבער שמוץ און אלע זיבן זאכן, און זיך יעצט דערמאנען אין אן אלטן געזעץ און עס יעצט אינפארסירן.
עס איז גאנץ פארשטענדליך פאר א לאקאלע שטעטל נישט צו זיין ברייטהארציג צו פרעמדע וואס 'נעמען איבער' צייטווייליג א היימישע פארק (א פאך וואס חסידים קענען גראדע זייער גוט).
מיר שטערט אז עס האט פאסירט יעצט נאך די מעמאריעל קאנטראווערסיע, ווייל עס ווייזט אז זיי זענען פארכאפט אין זייער אייגענע אנטי-חסידים דאגמע, און זיי פראדזשעקטן אן אומוויכטיגע אינצידענט מיט איין חסיד וואס זיי האבן ארויסגעבלאזן פון יעדן פראפארץ, אויף א גאנצע געמיינדע 'בלויז' ווייל זיי געהערן זיך אן צום זעלבן געמיינדע.

אין אנדערע ווערטער, ווען עס איז דא אן אמת'ע פראבלעם אז חסידים (דארף נישט זיין יעדע חסיד) לייגן אן דעם פארק יעדן חול המועד, מעגן זיי אינפארסירן א געזעץ וואס וועט פאררעכטן דעם פראבלעם. ווי לאנג עס איז געזעצליך (עס ווענדט זיך אויב דו ביזט אן איינוואוינער פון קלארקסטאון) אפילו אויב עס איז אן אלטע געזעץ וואס איז נישט אינפארסירט געווארן ביז איצט, צי ווייל די פראבלעם האט פשוט נישט עקזיסטירט, אדער נישט אויף אזא פארנעם אז מען זאל דארפן א לעזונג. אנדערש איז ווען מען באשולדיגט א גאנצע געמיינדע צוליב א נישטיגע פארלעצונג פון א יחיד, א פארלעצונג וואס וואלט אין א צווייטן קאנטעקסט נישט גורם געווען דאס זעלבע רעאקציע.
דאס ערשטע האט נישט דווקא מיט ראסיזם אדער פאראורטייל כאטש עס צילט א געוויסע דעמאגראפיק. די צווייטע ווייזט אויף א אומבארעכטיגטע באציאונג צו איין ספעציפישע גרופע (דא חסידים, אין אן אנדערע צייט און פלאץ קעגן די שווארצע אדער ציגיינער) און א סטאנדארט פון באשולדיגן א כלל אויף אן עבירה פונעם פרט. א סטאנדארט וואס ווערט נישט באנוצט אין אנדערע פעלער. און דאס מעג נישט טאלערירט ווערן.

לדעתי האט די טויש צוטון מיט די צווייטע אפציע. די פארשטויבטע געזעץ איז נישט איצט געצייטיגט געווארן, און די מנהג פון גיין כאלעמוידהאלטן איז אויך מער ווי א האלבע יאר אלט, וואס דאס שליסט אויס די ערשטע אפציע. פון די צווייטע זייט איז דא אפציע נומער צוויי וואס איז מער אקטועל אויפן מינוט און איז פיל מער קאמפעלינג אלס די דירעקטע אורזאך.

[עדיאל]

אז קלארקסטאון וויל נישט די חסידים איז עס נאציזם. אז קרית יואל וויל נישט די גוים איז עס ווייל זיי זענען אן אפגעזונדערט העכער פאלק. אופס...
ביטע ערקלער פארוואס קרית יואל מעג יא.

[העלא]

צוויי זאכן,
ווייל די גוי האט נישט קיין פראבלעם מיט הלכה,
ווייל דער וואס האט באצאלט די פארק גייט באמת נישט אהן צו דו ביזט א איד אדער א גוי,

אויב איינער האט א פארק, און האט א אמת'ע סיבה פארוואס ער וויל נישט קיין אידן איז ער גערעכט,

קרית יואל האט א אמת'ע סיבה פארוואס ער וויל נישט קיין גוים,

מ'מעג טוען מיט די אייגענע געלט וואס מ'וויל

[עדיאל]

און וואס איז מיט די הלכה בידוע?
ערנסט גערעדט, ס'גייט נישט אזוי. מיין טעם איז אן אמת'ר און דיינער נישט. אויב איינער מעג, מעגן אלע, ודברים שבלב אינו דברים. איז פאר מ'שרייט נאצי, קוק אויב דו האסט נישט קיין האקנקרייץ ביי דיר אין שאפע.

[שמעקעדיג]

וואו איז דאס קלארקסטאון?

[shem-tov]

עטליכע רואיגע פאקטן.

1. דאס איז שוין אן אלטער געזעץ וואס יעדע שטיק צייט קומט אפיר א חכם וואס רעגט זיך אויף און זאגט אז מען גייט עס אינפארסן אבער לאמיתו קען מען עס נישט אינפארסן.

2. שרייען אז די פארק איז אפגעשפארט פאר יודן איז בלויז נאך א שקר פון די מאנסי יונגעלעך ווייל יודן וואס וואוינען אין קלארקסטאן קענען דאך ווייטער רואיג גיין און האבן גראדע הנאה פונעם געזעץ.

3. אין קרית יואל האט פאסירט די זעלבע זאך שוין מיט 20 יאר צוריק. סיי סמיט קלאוו און סיי וואדבערי פארק לאזט נישט אריין נאר זייערע תושבים. איז קרית יואל געלאפן קיין אלבעני און נאך לאנגע שתדלנות כדרכם בקודש האבן זיי באקומען א מעכטיגע גרענט און אויפגעבויט די וועלט בארימטע רוח החיים פארק און אזוי איידערלערהייט גיבן זיי צו פילן די טעיסט פאר די מאנרא גוים פון זייער אייגענער מעדיצין.

4. מערקט ווייטער אן אז אין ק"י האט מען נישט געשריבן די ווילדע העדליין נישט געוויינט אדער געקאפעט מען האט בלויז געטאן וואס מען ברויך צו טאן און ווי אלעמאל ב"ה מצליח געווען

5. מאנסי האט גענוג און נאך פארקס ווי דער עולם קען רואיג גיין חוה"מ האלטן.

6. מיר וואלטן לכאורה אויך נישט געוואלט אז שכינים טונקעלע צו מעקסיקאנער קומען אריין אין מאנסי זיך שפילן אין אונזערע פארקס מיר וואלטן גערופן די פאליציי אז עפעס איז דא פארדעכטיגט.

7. האסט פארגעסן צו זאגן אז דער טאון אפישעל איז א נאצי און אז ממש אזוי איז געווען פאר די צווייטע וועלט מלחמה און אז ער איז שוין ערגער ווי עד דעי. אוי. אנטשולדיגט האסט יא געזאגט. שעור נישט געווארן דיסעפוינטעט. זיי מיר מוחל

8. ווי יואליש און עדיעל האבן שיין ארויסגעברענגט קענען מיר נישט טאן וואס מיר ווילן לגבי דיסקרימינעישאן און נאכדעם שרייען אויף אנדערע.

9. דאס אינפארסן דעם געזעץ קומט ליידער א חודש נאך די טרויעריגע נאצי ווידיאו וואס די זיסע יונגעלעך האבן געמאכט. און אויך נאך די מעכטיגע עדיטאריעל פון א צווייטען חכם "הענדס אף די חסידים" זעהט אויס אויס טאקע אז דאס איז דער דרך. וואס. רח"ל

[ביבער]

אז קלארקסטאון וויל נישט די חסידים איז עס נאציזם. אז קרית יואל וויל נישט די גוים איז עס ווייל זיי זענען אן אפגעזונדערט העכער פאלק. אופס...
ביטע ערקלער פארוואס קרית יואל מעג יא.

מ'קען נישט ממש פרעגן פון קרית יואל ווייל דארט האבן די ארומיגע אנגעפאנגען מיט אפשפארן קודם און דאס האט געצוואונגען קרית יואל צו עפענען א אייגן פארק, ס'נישט מער ווי נארמאל אז זיי זאלן יעצט אויך אפשפארן, ס'נישט מוכרח אז קרית יואל וואלט ווען אפגעשפארט אויב ארום וואלט נישט געווען, בקיצור מ'מוז קוקן אויפן גאנצן בילד.

אבער ווי יואליש זאגט סנישט מוכרח אז מ'מיינט די אידן חלק, ווען ארומיגיע אפילו ווייסע גוים וואלטן זיך צופיל אנגעלייגט אויפן פארק וואלטן זיי מסתמא אויך געטהון די זעלבע זאך.

אופס, שם טוב האקט

[נופת צופים]

און וואס איז מיט די הלכה בידוע?
ערנסט גערעדט, ס'גייט נישט אזוי. מיין טעם איז אן אמת'ר און דיינער נישט. אויב איינער מעג, מעגן אלע, ודברים שבלב אינו דברים. איז פאר מ'שרייט נאצי, קוק אויב דו האסט נישט קיין האקנקרייץ ביי דיר אין שאפע.

א לייק פאר די האקנקרייץ אויסדריק

[הוגה]

רבותי, ומודה ועוזב ירוחם. איך וויל ברבים צוריק ציען פון מיינע סארקאסטישע באמערקונגען ביז יעצט. ליידער בין איך איבערצייגט געווארן אז פאלעטשעק הצדיק ואני ועמי הרשעים. איך זאג דאס נאך דעם וואס ראמעפאו פאליציי האבן געמאלדן נעכטן אז זיי וועלן מאכן א קרעקדאון אויף די וואס באנוצען זיך מיט סעלפאונס ביים דרייווען. די רשעים ימ"ש האבן טאקע נישט ארויסגעזאגט קלאר אז זיי מיינען די אידן. אבער וועם נארן זיי אויס? א יעדע ווייסט אז מערסטענס סעלפאון באנוצער זענען אידן. היינט צופרי האב איך מיטגעהאלטן דריי באזונדערע אקציעס. פאליציי מיט שטרום-אוטאוס האבן אפגעשטעלט אידן און שטרענגערהייט פארלאנגט אז זיי זאלן ווייזן זייערע לייסענס און רעדזשיסטרעישאן. איר הערט? לייסענס אליינס איז נישט גענוג פאר זיי, זיי דארפן רעדזשיסטרעישאן אויך. דאס דערנידערונג איז אין לשער. די מצב איז ביטער! רייסט איין ווייטער פאר די רעטונג פון די מאנסי אידנטום. א גרויסע יום תפילה ווערט שוין געפלאנט אין די קומענדיגע טעג אפצושרייען די שרעקליכע גזירות. (אוי, פארוואס האב איך געדארפט געבן דער עצה פאר די ראצערס?)

החותם בדמע
הוגה פון די בונקער


.

[הוגה]

[justify]

סנישט מוכרח אז מ'מיינט די אידן חלק, ווען ארומיגיע אפילו ווייסע גוים וואלטן זיך צופיל אנגעלייגט אויפן פארק וואלטן זיי מסתמא אויך געטהון די זעלבע זאך.

זיי מיינען לכאורה יא אידן, לאמיר זיך נישט נארן. אבער זיי מוזן זיך היטן עס נישט ארויסצוזאגן אויף אן אופן אז מען זאל קענען אנצייגן דערויף אז זיי צילן נאר אידן, ווייל דאס איז אומלעגאל. פארוואס בין איך אזוי זיכער? ווייל עס זענען דא עטליכע פארקס אין די געגנט וואס האבן שוין אזעלכע rules פאר אסאך יארן. קלארקסטאון אליין האט שוין דער rule פאר יארן, זיי האבן עס פשוט נישט אינפארסירט.

עס איז זייער פארשטענדליך. פאליטישאנס פון א געוויסע געגנט ארבייטען שווער צו שאפן געלטער פאר א פארק פאר די לאקאלע איינוואוינער'ס באנוץ. עס שטערט זיי נישט אז עטליכע איינוואוינער פון די דערנעבנדע שטאט קומען אהין. אבער ווען עס הייבט זיך אן א פארפלייצונג א יעדע פרייטאג און זונטאג, עד כדי כך אז מער מענטשן פון אנדערע שטעט זענען דארט ווי די לאקאלע איינוואוינער, דאן איז א פראבלעם.

אין העוועסטראו פארק זעהט אויס פרייטאג און זונטאג אזוי ווי לי עוועניו אין וויליאמסבורג. די זעלבע איז מיט יודזשין ליווי אין הילקרעסט. עס איז גאר פארשטענדליך אז ס'שטערט די לאקאלע איינוואוינער. שטעל דיך פאר ווען קרית יואל פארק ווערט ווען פארפלייצט א יעדע פרייטאג און זונטאג מיט לאטיינישע, פאטריקאנער און שווארצער, וואלט מען דען נישט אינפארסירט אז ס'איז נאר פאר קרית יואל'ער איינוואוינער?

נעבן העוועסטראו איז דא א פארק (נישט די באקאנטע) וואס אין די זומער האבן זיי א rule אז מען מעג נאר קומען דארט מיט צוויי קינדער. דאס גייט שוין אן פאר יארן און א יעדע ווייסט וואס די ציל פון דער rule איז און עס איז פארשטענדליך. אויך איז דא א פארק אין א דערנעבנדע נו דזשערזי שטעטל וואס לאזט נאר אריין לאקאלע איינוואוינער אין די זומער. עס איז נישט קיין נייע זאך.

איך זאג נישט אז עס איז גערעכט וואס זיי טוען, איך זאג אז עס איז פארשטענדליך און ווייט נישט די גרויסע שרעקעדיגע העדליין מעשה וואס מען וויל דא אויפקאכן.

איר קענט אויסזייגן וויפיל מעשיות איר ווילט און איך וועל מיך האלטן ביי מיינס. איך האב מער מורא פאר די צרות וואס מיר וועלן אפליידן פון געשטעטנער, פאלעטשעק ודעמם, ווי פון עד דעי וחבריו.


.[/justify]

[ביבער]

[tag]הוגה[/tag], דאס זאג איך דאך אויך, מ'מיינט נישט די 'אידן' חלק כלומר די עטניק חלק, זיי מיינען זיך, זייער פארק זייער רואיגקייט, עכ"פ אזוי קענען זיי אננעמען אפילו פאר זיך אליינס, און נאר די אידן מיט זייער נארישע מידיא קאמפיין וועלן זיין די איינציגסטע וואס וועלן עס מאכן פאר א אפיציעלע אידן פראבלעם און דערנאך וועט מען שוין טאקע מיינען אידן, נישט נאר אין פארק נאר איבעראל, יעדער גוי וואס האט פארדעם נישט געהאט קיין מיינונג וועט שוין אויפאמאל האבן .

[הוגה]

די לאקאלע מידיע באריכט שוין איבער די אקציעס.

H@MonseyAlerts: Alert! 4 SV cops stationed & giving tickets.
1) Charles & Yale.
2) Dana & Yale.
3) Jill & Bluberry Hill.
4) S. Regard & Merric.

[קינד_אן_קייט]

ס׳וואלט געווען אינטערעסאנט צו זעהן וויאזוי דער אפגעשטויבטער געזעץ וועט ווערן אינפארסירט פאר פרעמדע וואס זענען נישט אידן (מ׳קען אפילו אונטערשטעלן דרויסענדיגע גוים צו קומען באזוכן און דאס רעקארדירן).

אויב וועט דאס אינפארסירן זיין אנדערש לגבי א גוי ווי א איד, קענען זיי זיך דערזעהן אין א ריכטיגער קאנטראווארסיאלער פלאנטער.

[זייגער]

איך האב א לעזונג!!

די סיבה פארוואס עד דעי האט געוואונען די עלעקשאן, איז וויבאלד עס זענען דא מער נישט אידן ווי אידן.

אפשר קען מען ערלעדיגן אז די מוסדות זאלן אויפהערן מיט די סעלעקציעס, וועלן מער מענטשן אהינמופן, אזוי וועט מען האבן די רוב, און ערוויילן די שר השתדלנים אצל סעודת חנוכה בחצר גינת המלך, מורנו רבי בעני נרו יאיר.

[יואליש]

ס'איז לכאורה דא א סיבה פארוואס די נייעס איז געשריבן אויף אידיש פאר די וועלכע ליידן ממילא פון א הלכה בידוע קאמפלעקס. וויאזוי גענוי גייט איינער מסביר זיין אז מיר דרויסענדיגע איינוואינער שפירן זיך באקריוועדט פארן נישט האבן די רעכט זיך אנצולייגן אויף יענעם'ס פריוואטע פארק? אינטערעסאנט אז אלע אנדערע דרויסענדיגע איינוואינער שפירן זיך נישט געטארגעט, איז עס ווייל זיי בויען זיך זייער אייגענע פארק און שפירן זיך נישט ענטייטעלט צו צווינגן אנדערע אויפצוהאלטן פארק פאר אונז?

ס'פאדערט זיך דרינגענט א בלעק ענד ווייט בילד פון די באקאנטע "נישט אידן נישט הינט ערלויבט" שילדן און פארקירעווען די נושא to stir up debate.

[אוהב ספרים]

נאך א מזל אז יואליש און שם-טוב און זייער גלייכען האבין נישט געלעבט אין 1930 אין דייטשלאנד, זיי וואלטען שוין געטראפען דעם וועג רעכט מאכען היטלער'ס שריט

[הוגה]

That's right. Because in Germany jews were also in control of the local town council as in Ramapo, shuls and mosdos were also building right and left with no issue. Jews in Germany were also building developments all over town with no issue from zoning boards. Jews in Germany were also closing the streets every second day for a rebbishe wedding or hachnosas Sefer Torah. It's mamash the same.

You make a lot of sense, book lover. Just say Hitler ten more time, maybe then we'll be convinced.

.