מעלות - א ברכה אין שטוב אדער א קללה

[מיימון]

איך האב זיך מעגליך נישט גוט ארויסגעברענגט, עס זענען דא צוויי חלקים, די פרוי וואס שרייבט די השקפה ארטיקלען איז זייער פרום און הייליג און האט נאר א קאמפיוטער אן אינטערנעט וכו' אבער דער צד הטוב איז אז דאס גייט צו אויף א ראציאנאלן אופן מיט יישוב הדעת און מיט פארשטענדעניש צום 'פרעמדן' עולם אויך.

דערנאך זענען דא די ארטיקלען בענייני מדע וואס זענען באמת הפלא'דיגע ארטיקלען מיט גאר א געוואגטע ברייטקייט (וואס צומאל איז א בזיון פאר אזעלכע ארטיקלען צו ערשיינען אין אזא אויסגאבע אין די צייט וואס זיי פארדינען א מער מכובד'דיגן ארט ).

[הבא ללמד]

זיי נישט נאריש מרת מעלות איז א פרום ווייבעל מיט שוואצע זאקען און מיטן גאצע שמנה בגדים וואס קימט פין דע פרימסטע שטיבער הן מצד האב והן מצד האם, נאר איין זאך זי איז נישט קיין בלינדע פרימע מיט א פארמאכטע קאפ נאר פארשטייט פינקליך וואס און פארוואס, איינמאל די פארשטייסט עס איז שוין נישטא קיין שום קשיות.

ביי איר אינדערהיים איז קיין אינטערנעט נישט פארהאן (אזוי האט מיר איינע פין אירע צעגעקימענע געזאגט) , אירע קינדער איז זי מחנך אויפן זעלבען וועג מיט דע לבוש, זי איז נתגדל געווארען אז ציונות איז חזיר טרייף , ביי איר אראפ געקיקט דע אלע וואס זייער לעבען איז נאר עולם הזה, זי האלט א לכתחילה דארף מען בלייבן א גאנץ לעבען ביי תורה

יעצט וואס ווילסטי זי זאל שרייבען?

[איך אויך]

הוגה ,וואספארא חומרה איז דא בנוגע דעם מייקראוועיו? כ'האב נאכנישט געהערט דערפון.

[געוואלדיג]

און וואס לערנט מען ארויס פון די מורא'דיגע מעשה?

[מפוזרי]

אז ס'דא מענטשן וואס ס'לוינט נישט צו נעמען זייער שירעם.

[קאמענטירער]

אלטס בחור פלעג איך עס אויסליינען מדאשקע לדאשקע, אבער איינמאל איך האב חתונה געהאט קען איך עס נישט נעמען אין די האנט, סדא נאך אזעלעכע וואס האבען די עקספיריענס מיט די מעלות?

[אדונינו]

אלטס בחור פלעג איך עס אויסליינען מדאשקע לדאשקע, אבער איינמאל איך האב חתונה געהאט קען איך עס נישט נעמען אין די האנט, סדא נאך אזעלעכע וואס האבען די עקספיריענס מיט די מעלות?

אני הקטן.

[מיש-נייעס]

מעלות איז נישט די בעסטע, גאנץ שיין
איך וואלט נישט געזאגט "אין גומרין עליו את ההלל"
אבער אז עס קומט צוצוגלייכן קינדליין צו מעלות איז מעלות א סאך מעלות מער פון קינדליין
די קינדליין שטופט סחורה אן קיין געהעריגע מקורות
די קינדער כאפן עס אפשר נישט
אבער איך ווען איך נעם עס אין האנט זעה איך ווי ער שטופט זיינע אגענדעס אפגעזעהן צו די מקור איז נאמן אדער נישט

בפרט אז ער פאמפט דארטן רבי'ס, וואס דארפן מיינע קינדער וויסן אז האדמו"ר מהאצענפלאץ גייט אדער האט חתונה געמאכט
לאז די רבי גארביטש פאר'ן בליק, וואך כל העולם,
קינדער דארפן האבן ריינע מאטריאל, אן קיין שקר
ממש ווי די מלמדים וואס רעדן איין די קינדער באבקע"ס און נאכדעם ווען מ'ווערט עלטער דראפט מען אלעס

[אביסל צימישט]

אט איז א בריוו די חודש אין די מעלות, א ברכה צו מאכן אויף יעדן ווארט!
(אגב - "אלקיו" איז א גרייז - עס דארף שטיין אלהיו מיט א ה')

מ'דארף מער פין אזעלעכע מעשיות! דעס געט חיזוק אין א וועלט ווי היינט!

[berlbalaguleh]

מיש-נייעס: דו ביסט גערעכט. אבער איינס פון די טעמים פארוואס קינדליין איז אזוי פאפולער ביי קינדער, (פון דערוואקסענע ווייס איך נישט.) איז ווייל ער געט זיי א סאך סחורה אויף די קינדערישע לעוול. פארשטייצעך, ס'קומט אויכעט געמישט מיט די היינטצייטיגע אגענדאס, ווי די צייכענונג אין וועיטינג רום פון קינדער דאקטאר. וואו ס'איז דא טאטעס און יונגלעך. אבער נישט קיין מאמעס. און די צייכענונג פון פ' ויצא וואס ער רופט אן יעקב טרעפט זיך מיט רחל ביים ברונעם. אבער מ'זעהט אלץ און א יעדן אויסער רחל. זי איז עפעס א זכר פון א מענטשליך געשטאלט ווייט אוועק אין האריזאנט, מיט א קליינע סטאדע שעפעלעך...!

ס'איז אזוי ווי רש"י ברענגט דעם משל פון דעם דאקטער וואס האט יענעם אנגעזאגט וואס ער זאלל נישט טון...,"שלא תמות כדרך שמת פלוני"...! ווייל זיי האבן געזעהן וואס א פאר פאררוקטע בעלי תשובה האבן אנגגעדרייט אויפ'ן שטערן/שפאקטיוו. זיי האבן גענומען א שיינעם אידישליכן מעגעזין וועלכער האט געברענגט וועלטליכע ידיעות פאר די אידישע קינדער. און זיי האבן געמאכט א קאליקע פון איהם. ולא נתקררה דעתם...זיי וויללן איהם נאכאלץ אונטערברענגען...!

[מיש-נייעס]

מיש-נייעס: דו ביסט גערעכט. אבער איינס פון די טעמים פארוואס קינדליין איז אזוי פאפולער ביי קינדער, (פון דערוואקסענע ווייס איך נישט.) איז ווייל ער געט זיי א סאך סחורה אויף די קינדערישע לעוול. פארשטייצעך, ס'קומט אויכעט געמישט מיט די היינטצייטיגע אגענדאס, ווי די צייכענונג אין וועיטינג רום פון קינדער דאקטאר. וואו ס'איז דא טאטעס און יונגלעך. אבער נישט קיין מאמעס. און די צייכענונג פון פ' ויצא וואס ער רופט אן יעקב טרעפט זיך מיט רחל ביים ברונעם. אבער מ'זעהט אלץ און א יעדן אויסער רחל. זי איז עפעס א זכר פון א מענטשליך געשטאלט ווייט אוועק אין האריזאנט, מיט א קליינע סטאדע שעפעלעך...!

ס'איז אזוי ווי רש"י ברענגט דעם משל פון דעם דאקטער וואס האט יענעם אנגעזאגט וואס ער זאלל נישט טון...,"שלא תמות כדרך שמת פלוני"...! ווייל זיי האבן געזעהן וואס א פאר פאררוקטע בעלי תשובה האבן אנגגעדרייט אויפ'ן שטערן/שפאקטיוו. זיי האבן גענומען א שיינעם אידישליכן מעגעזין וועלכער האט געברענגט וועלטליכע ידיעות פאר די אידישע קינדער. און זיי האבן געמאכט א קאליקע פון איהם. ולא נתקררה דעתם...זיי וויללן איהם נאכאלץ אונטערברענגען...!

האסט א פוינט

[ליטוואק פון בודאפעסט]

[אבי גערעדט]

כל הכבוד פאר מעלות

[אברך משי]

מיר געפעלט דאס מערסטע ווי זיי ווייסן אונטערצושרייבען "משפחת טירנויער" פונקט ביי אזא ווארט! זיי וואלטן קיינמאל נישט בטעות געלייגט "ראובן" נאך אזא דזשאוק!

[ליטוואק פון בודאפעסט]

דאס מוז שוין זיין אן אונטערגעשטעלטע מעשה. איינער גייט ארום פאדערען פון די אויסגאבעס אז מ׳זאל שרייבען דערוועגען, און מעלות איז געווען דער נחשון

Sent from my LG-K373 using Tapatalk

[[NAMELESS]]

ס'איז נישט אונטער געשטעלט. מאמענט האט א קאלום ווי זיי ציטירן אונטערעסאנטע אויסצוגן, מודעות און אנאנסן פון ווי עס לאזט זיך נאר.

[[NAMELESS]]

ווען נישט [tag]אבטולמוס[/tag] דערמאנט דא די מעלות וואלט די מאמענט נישט געוויסט דערפון, די מעלות האט עס געשריבן און ראובן האט עס מפיץ געווען.

[איך אויך]

פשוט אזוי.

[berlbalaguleh]

מיין טענה צו ר' יהושע כהנא שליט"א איז, אז אויב ווילל ער רעדן א נארמאללן אידיש. נישט א אידישיסטישן, באלשעווויסטישן יידיש. דאמאלס מוז ער---ווי ער טוט טאקע אליינס--- אריינמישן ווערטער פון לשה"ק/ העברעאיש . ווי ער טענה'ט...! אנישט. האט עס א פנים ווי א גוף אן א נשמה. אזוי ווי די אידישיסטן (די פיוריסטן) האלטן...!

אויך. ער (ר' יהושע כהנא שליט"א) טענה'ט אז דאס גערעדטע אנטווערפענער אידיש איז די נאנטסטע צו ריין אידיש. אן אריינגעמישטע ווערטער פון א פרעמדע שפראך. אזוי ווי ענגליש אדער מאדערן היברו. פרעג איך איהם א קשיא. אז די אנטווערפענער אידן זאגן פאר א ביה"כ/שאוער, ..."באאדע ציממער"...נישט באד שטוב...! אויך זאגן זיי , ווען זיי וויללן זאגן אז מ'גייט איהם אויפפיקן..."ער וועט מיך אפ-הויללן"...!

דער תירוץ איז... אז אויב מ'לעבט און מ'אטעמט א תורה'דיגן לעבן. קענמען רעדן א ..."היימישן"... נארמאללן , זאפטיגן און לעבעדיגן אידיש. משא"כ (מה שאין כן. פאר די אומוואוסנדע. און תינוקות שנשבו, ל"ע) אויב מ'לעבט און מ'אטעמט א פאר'גוי'אישטן פוסטן, אמעריקאנער לעבן. רעדט מען א אידישיסטישן /באלשעוויסטישן יידיש...!

די איינציגע מענטשן וועלכע רעדן נאך א זאפטיגן אידיש און זענען נישט מער קיין היימישע אין חיצוניות, זענען די אפגעפארענע היימישע יונגלעך און מיידלעך. וועלכע ווערן אנגערופן אויף די פאפולערע שפראך, או. טי. די.'ס...!

ס'איז זייער געשמאק צו הערן פון מאל צו מאל איינער וואס זעהט לגמרי (אינגאנצן) נישט אויס ווי א איד. ווען ער מאכט אויף זיין מויל און ס'קומט ארויס א שיינע, זיסע זאפטיגע, היימישע שפראך. דאס איז ממש מוזיק פאר די אויערן...דער תירוץ איז, אז אין פנימיות פון זייער נשמה זענען זיי נאכאלץ היימישע, וואוילע לעכטיגע אידישע קינדער. פון וועם דער אייבישטער האט א סאך נחת. זיי האבן נאר צייטווייליג (א ריין אידיש ווארט) געביטן זייער חיצוניות...! א גוטן טאג...!

[ליטוואק פון בודאפעסט]

זיי זענען אנציקט פון אנטווערפענער אידיש, ווייל זיי ווייסען נישט אז אלע ווערטער וואס אין אמעריקא בארגט מען פון ענגליש און אין א"י פון לשוה"ק, נעמען זיי פון פלעמיש. וויבאלד דער עולם קען נישט קיין פלעמיש, מיינט מען אז עס איז אידיש. עס איז פונקט אזוי אומריין ווי סיי וועלכע אידיש.

[berlbalaguleh]

נאך איין ווארט צו ר' יהושע כהנא שליט"א. און די אלע מבינים אויף די אידישע שפראך...ביטע אפטייטשן אויפ'ן היימישן לשון דאס ווארט אין אידיש..."אומאייגננוציג"...וואס איז דער אפטייטש פון דעם ווארט. אויך. וויאזוי זאגט מען דאס ווארט אויף ענגליש...?!...!

[[NAMELESS]]

וועלכע עד?

[berlbalaguleh]

נאך איין ווארט צו ר' יהושע כהנא שליט"א. און די אלע מבינים אויף די אידישע שפראך...ביטע אפטייטשן אויפ'ן היימישן לשון דאס ווארט אין אידיש..."אומאייגננוציג"...וואס איז דער אפטייטש פון דעם ווארט. אויך. וויאזוי זאגט מען דאס ווארט אויף ענגליש...?!...!

איך זעה אז ר' יהושע כהנא און ר' בעריש פייגלשטאק האבן זיך נישט אנגערופן. וועלל איך מיך מוזן אנרופן...דאס ווארט..."אומאייגננוציג"... איז אידיש. אין ענגליש זאגט מען עס...Selfless...די פארקערטע פון סעלפיש...!