פארשידענע הלכות וואס איז נוגע שבת ט"ב

[געפילטע פיש]

דיע וואס ווילן מקפיד זיין דעם שבת נישט צו לערנען תורה (חוץ מעניני התענית) האבן אויף וועם זיך צו פארלאזן.

[שמואל הלוי]

אזוי אויך נישט פארגעסן אנצוגרייטן דעם שבת אלע גוטע זאכן "כסעודת שלמה בשעתה", ס'איז די איינציגסטע מאל וואס ווערט דערמאנט אין שו"ע אז מען זאל אנגרייטן אזא סארט סעודה, וזה לשון המחבר:
אם חל תשעה באב באחד בשבת, או שחל בשבת ונדחה לאחר השבת, אוכל בשר ושותה יין בסעודה המפסקת ומעלה על שלחנו אפילו כסעודת שלמה בעת מלכותו. (מיהו צריך להפסיק מבעוד יום).

[לאדיך אפ]

וועגן סעודת שלמה המלך, דער משנה ברורה קען עס נישט אראפשלינגן... ס'דאך דאך די ניין טעג!

[געפילטע פיש]

וואס טוט מען, ווען ברענגט מען די קראקס אין סמעדרעש?

[שמואל הלוי]

וואס טוט מען, ווען ברענגט מען די קראקס אין סמעדרעש?

מ'דארף עניוועי אהיים גיין זיך אנטון וואכעדיג

[אלבערט]

ביז ווען מעג מען עסן שבת נאכמיטאג?

[יידל]

וואס טוט מען, ווען ברענגט מען די קראקס אין סמעדרעש?

מ'דארף עניוועי אהיים גיין זיך אנטון וואכעדיג

אבער שיך איז איינע פון די חמשה עניים! ווי קען מען גיין מיט שיך תשעה באב אויף די נאכט?

[זר זהב]

מ'גייט אהיים פון שול פאר בין השמשות מיין איך. מעריב דאווענט מען שוין מיט די וואכענדיגע בגדים

[zamel]

אין סאקמאר פירט מען זיך אז מען גייט אהיים נאך מנחה און מען פראוועט של"ס אינדערהיים, דערנאך ווערט מען משוגע מיט די צייט פון שקיעה ביזן צאת ווען מען טוט זיך אן וואכענדיג און מען גייט צוריק צו מעריב און איכה.

[שמעקעדיג]

אין סאקמאר פירט מען זיך אז .... מען ווערט משוגע מיט די צייט פון שקיעה ביזן צאת

א חלק פון די עינויים..

[נס קאווע]

וואס טוט זיך וועגן וואשן וועש זינטיג נאכמיטאג ס' דאך שוין י אב נאך חצות און ס' נישט פון די חמשה עינוים וואס ווערן נדחה פון שבת

[שמואל הלוי]

וואס טוט זיך וועגן וואשן וועש זינטיג נאכמיטאג ס' דאך שוין י אב נאך חצות און ס' נישט פון די חמשה עינוים וואס ווערן נדחה פון שבת

איך האב געפרעגט א דיין און ער האט געענטפערט אז זונטאג איז זיכער אסור א גאנצן טאג, און אפילו ביינאכט מוצאי דהיינו אור ליום י"א אב איז אסור מפני כבוד התענית, אבער מאנטאג צופרי מעג מען שוין תיכף און מען דארף נישט ווארטן ביז חצות.

[שמואל הלוי]

ביז ווען מעג מען עסן שבת נאכמיטאג?

ביז א מינוט פאר די שקיעה.

[זר זהב]

ביז א רגע פאר.

[שמואל הלוי]

מ'דארף מוסיף זיין אביסל אזוי ווי יוכ"פ

[געפילטע פיש]

וואס טוט זיך וועגן וואשן וועש זינטיג נאכמיטאג ס' דאך שוין י אב נאך חצות און ס' נישט פון די חמשה עינוים וואס ווערן נדחה פון שבת

איך האב געפרעגט א דיין און ער האט געענטפערט אז זונטאג איז זיכער אסור א גאנצן טאג, און אפילו ביינאכט מוצאי דהיינו אור ליום י"א אב איז אסור מפני כבוד התענית, אבער מאנטאג צופרי מעג מען שוין תיכף און מען דארף נישט ווארטן ביז חצות.

ביזט זעכער? ווייל לויט ווי ס'זעט אויס איז נאר בשר ויין אסור ביינאכט נאך א ט"ב נדחה, כ'וועל מוזן פרעגען.

[שמואל הלוי]

איך זאג דיר וואס דער דיין האט מיר געענטפערט, אז דו ווילסט קענסטו עקסטער פרעגן.

[געפילטע פיש]

איך זאג דיר וואס דער דיין האט מיר געענטפערט, אז דו ווילסט קענסטו עקסטער פרעגן.

איך גלייב דיר אז דו האסט געפרעגט, אבער קוק אריין אין משנה ברורה תקנ"ח סק"ד אבל בלילה אסור וכו': היינו רק באכילת בשר ושתיית יין, אבל בתספורת מותר לכולי עלמא.

[zamel]

אויף דברים שבצנעה איז א שטארקע שאלה אויב עס איז אסור אויף פרייטיג צונאכטס, רמא פסקענט אסור,משנה ברורה האט צדדים להקל, מען ברויך עס דורך שמועסן מיט א מורה הוראה.
אויף זונטאג נאכט איז דא וואס האלטן אז עס איז אסור משום אבילות דיום אבער רוב פוסקים זענען יא מתיר, אבער עס איז נאך אלץ וויכטיג זיך צו דורך שמועסן מיט א מורה הוראה.

[נס קאווע]

וועלכע דיין? אויב כ' מעג וויסן

[קלאר]

וואס טוט זיך מיט נעמען א שויער ערב שבת?
אין גליון מעין גנים ברענגט ער, אז עס נישטו קיין שום היתר זיך צו זייפן געהעריג ערב שבת חזון

[געפילטע פיש]

איך זאג דיר וואס דער דיין האט מיר געענטפערט, אז דו ווילסט קענסטו עקסטער פרעגן.

איך גלייב דיר אז דו האסט געפרעגט, אבער קוק אריין אין משנה ברורה תקנ"ח סק"ד אבל בלילה אסור וכו': היינו רק באכילת בשר ושתיית יין, אבל בתספורת מותר לכולי עלמא.

כ'האב געפרעגט, און מ'מעג אלעס חוץ בשר ויין.

[שמואל הלוי]

געפילטע דו ביסט גערעכט; איך האב נאכגעקוקט, און אלע זענען מתיר בתספורת אום מוצאי ספעציעל היי יאר ווען ס'איז נדחה, נאכמער דער שערי תשובה ברענגט אז ווער ס'פירט זיך מחמיר צו זיין און נישט אפשערן זיך בליל מוצאי ת"ב שנדחה, איז דאס א "מנהג טעות".