Gun Control

[שמואל הלוי]

איך האב געהערט א מורא'דיגע מעשה פון א יונגערמאן בנוגע סוירטשן אויפן אינטערנעט "געווער", איך בין מסופק צו איך זאל עס ארויפשטעלן דא אין דעם אשכול, אדער זאל איך עפענען א באזונדערע אשכול דערוועגן, מה דעתכם?

[פראפעסאר שפירא]

שטעל עס ארויף דא ביטע,

[שמואל הלוי]

שטעל עס ארויף דא ביטע,

גוט, איך וויל אבער הערן די מיינונג פון אמווייניגסטענס דריי אידן, עמיר צווארטן נאך אביסעלע.

[זר זהב]

לייג עס דא

[ברוין]

נישט קיין חילוק. שטעל נאר

[ידען]

לייג עס ארויף, און מע קען עס אלעמאל אפטיילן אויב סע ווערט א נייע נושא.

[שמואל הלוי]

ערלעדיגט וועל מיר עס דא ארויפשטעלן.

[זר זהב]

אקטואלי מאך יא א באזונדערע אשכול. איין מינוט, איך קען נישט דעסיידן! געמיר אפאר מינוט.

[שמואל הלוי]

א היימישער אינגערמאן פון וויליאמסבורג וואס איז איינגעשטעלט אין א גרויסע געשעפט, און זיין ארבעט דארט איז ארויפצולייגן פראדוקטן פון די קאמפאני אויפן געוועב, האט דערציילט א מעשה שהיה וואס האט פאסירט מיט אים אליין, ומעשה היה כך היה:

באחד הימים איז ער אריין אין א סייט וואס פארקויפט רייפעלס, ער לייגט אריין זיין איידי, און ער האט אביסל באטראכט וואס זיי פארקויפן דארט, ער האט מורא געהאט צו זיין דארטן צו לאנג ווייל ער איז דאך א איינגעשטעלטער און זיינע בעלי בתים לאזן דאך נישט סתם אזוי זיך שפילן אויפן קאמפיוטער, איז ער שנעל אוועקגעגאנגען.

דריי טעג שפעטער קומען אן אין געשעפט עף בי איי אגענטן, און זיי ווייזן אויף זייער בעדזש אז זיי ארבעטן פאר די אנטי טעראר גרופע, און זיי ווילן דא ארעסטירן איינעם ווייל דער האט זיך אומגעקוקט זוכן געווער.

ס'האט זיי נישט געדויערט צו לאנג צו וויסן וועלכע שטוב, און וועלכע מענטש, די ערשטע זאך פאר מען הייבט אן צו רעדן, מען קייטלט אים...

דער אינגערמאן איז געווארן ווייס ווי קאלעך, ער האט געוואוסט וואס ער האט געטוהן, אבער ער האט דאך געוואוסט דעם אמת אויך אז ער האלט נישט ביים קויפן קיין געווער, און ער איז נישט קיין טעראריסט, ער וויל נישט מאכן קיין באמבעס, אבער דאך האט ער גאר שטארק געציטערט פון די חברה.

הכלל מ'הייבט אים אן אויסצופרעגן הונדערטער און הונדערטער שאלות דארטן אויפן פלאץ, און ער הייבט אן צו פארציילן אזוי: איך האב געליינט אן ארטיקל פון די מלחמה אין אפגאניסטאן, און איך האב געזעהן דארטן אז די אמעריקאנע מיליטער האט געטראפן עפעס א רומענישע רייפל, און זיי האבן עס אויפגעכאפט ווייל ס'איז מורא'דיג א גוטע כלי, און זיי מאכן עס נאך, בין איך געווען נייגעריג צו זעהן וואס איז דער רומענישע רייפל, וועגן דעם איז ער אריינגעגאנגען, אבער מער נישט.

זיי האבן אים געזאגט ס'איז אמת, אונז האב מיר דיר נאכגעקוקט פון דעמאלס ביז יעצט, מיר האבן געוואלט זעהן צו דו גייסט עס באשטעלן, צו דו ווילסט עפעס אנווערטשאפטן, און זיי האבן אים געזאגט אז זיי ווייסן אז ער איז געווען אויף דעם סייט נישט מער ווי צוויי מינוט מיט עטליכע פערציג סעקונדעס, ניטאמאל קיין גאנצע דריי מינוט, אבער דאך כדי צו זיין זיכער אז ס'האנדלט זיך נישט פון קיין טעראריסט זענען זיי אים געקומען ארעסטירן און אויספרעגן.

מ'האט אים אראפגעטראגן אונטן, און מ'האט אים געזאגט אז מ'גייט אים אוועקפירן, ער קומט אן אונטן זעהט ער שטייט אן אמבולאנס, זאגט מען אים געזעצליך דארף מען דיך קודם טראגן אין שפיטאל זעהן צו דו ביסט נארמאל.

מ'האט אים געטראגן אין א גרויסע שפיטאל, ער איז דארט געווען פינף און א האלב וואכן מיט געקייטעלטע הענט און פיס, און טאמער האט מען אים אביסל יא אויפגעקייטעלט איז ער געווען אין א שטוב פארשפארט, ער האט נישט געקענט בשום אופן ארויסגיין, און דארטן האבן אים די דאקטורים געהאלטן אין איין באקוקן, מה עשה הקב"ה דער אייבערשטער האט אים מקדים געווען די רפואה פאר די מכה, ער איז לעצטענס נישט אזוי געזונט, און ער האט פארשידענע מחלות, און ער האט אפשר צען צו פופצן מעדעצינען וואס ער נעמט, בקיצור די דאקטורים דארט האבן אים פעסטגעשטעלט אז ער האט נישט גענומען ערליך די מעדעצינען, און ממילא די מח איז אים נישט קלאר און דעריבער דארף מען אים גארנישט טוהן, און ער איז באפרייט.

ער קומט אן אהיים אויף וויליאמסבורג, זעהט ער אויף די טיר א גרויסן צעטיל מיט גרויסע אותיות "דא נאט ענטער", און ארויפגעלייגט אזא קארטל פון די עף בי איי, פון א דעטעקטיוו אז פאר מען גייט אריין מוז מען מיך רופן.

יעצט האט ער שוין נישט אזוי מורא געהאט, ער רופט אן דעם דעטעקטיוו אז ער וויל אריינגיין, זאגט אים יענער מ'האט געוואלט אריינגיין דארט איבערקוקן אלעס, אבער אזוי ווי מען זעהט אז דו ביסט נישט בבריאות השלימות און מען זעהט אז דו ביסט נישט ווייטער געגאנגען, וועט מען דיר דאס מאל פארגעבן, אבער מער זאלסטו עס נישט טוהן. עד כאן המעשה.

[זר זהב]

דער שיסער פון קלאראדא איז אויך דאס אלעס דורכגעגאנגען? כ'פארשטיי נישט פשט אין די גאנצע מעשה

[שמואל הלוי]

מסתמא נישט

[שמואל הלוי]

אולי דא אין ניו יארק איז אנדערש, און אולי האט ער געזוכט פאר גרעסערע סארט וואפן.

[זר זהב]

אבער די עף בי איי איז נישט א לאקאלע זאך, זיי אינישט א חילוק צווישן נ.י און ווייאמינג

[פראפעסאר שפירא]

א משוגענע מעשה, דאס מיינט אז אמעריקע איז אויפען וועג צי ווערען סטאלין רוסלאנד,

א מענטש האט אלע רעכטען צי גיין קוקען א וועבסייט פין רייפעלס, אין ס'קומט אים גארנישט דערפאר, כ'האלט ער זאל זיי סוען פאר עים אומלעגאל קייטלען, סארא חוצפה,

אין בכלל וויזוי מעגען זיי וויסען וועלכע סייט ער באזוכט אן א ווארענט, וואסי געווארען מיט די מינימאלסטע פרייהייט אין אמעריקע, ס'פלעין נישט נארמאל, דאס מיינט א "פאליס סטעיט"

טעראריסטען שמעראריסטען, אזאלכע שטותים,

ווי האט בענדשאמין פרענקלין געזאגט עפעס אז: "ווער עס איז מוותר אויף פרייהייטען פאר זיכערהייט, פארלירט ביידע,

[געפילטע פיש]

די מעשה שמעקט נישט אזוי, עפעס מאכט נישט קיין סענס, איך האב שוין געגאגעלט ווי אזוי צו מאכן א באמבע, און פריזען פון געווער, געזעצען אין אנדערע סטעיטס, סתם פאר אינטערעסאנטקייט, קיין FBI אגענט האב איך נאכנישט באגעגענט.
די מעשה סאונד אביסעל מאדנע.

[שמואל הלוי]

איך האב עס געהערט פון ר' נפתלי דוד לייטנער וואס האט עס געהערט פונעם בעל המעשה אליין, אז דו ווילסט קענסטו אנרופן ר' נפתלי דוד'ן ער זאל דיר פארבינדן מיטן בעל המעשה, און קענסט אים אויספרעגן אלע פרטים.

[וועלט׳ס פארזארגער]

וואס גייט פאר מיט אמעריקע?
מענטשן שטארבן און ווערן געהארגעט רעכטס און לינקס. מערדער דרייען זיך ארום מיט די ערגסטע כלי משחיתים און די הענט און גארנישט!
אמעריקע האט די שוואכסטע גאן געזעצן פון יעדע נארמאלע לאנד אויף די וועלט! און נישט נאר דאס, נאר די גאנצע וועלט דארף ליידן דערפאר. קרוב צו פופציג פראצענט אומלעגאלע גאנס פון רוב לענדער ארום די וועלט, אריינגערעכנט קאנאדע, ענגלאנד, בראזיל, פראנקרייך און אפילו אין עסטראליע קומען פון אמעריקע. און ווער רעדט נאך פון אונזער שכינות'דיגע מעקסיקא, איבער אכציג פראצענט פון זייערע וואפן, פון די ערגסטע סארט קומען פון אמעריקע! מ'האט נישט צו לאנג צוריק געכאפט א סאמאליע ים רויבער וואס זיינע וואפן זענען געקומען פון... אמעריקע!
און עט'ס זאלטס נישט מיינען אז מיר ליידען נישט דערפאר. אמעריקע האט די העכסטע צאל מארדן טעגליך פון יעדע נארמאלע לאנד און די וועלט! איך האב לעצטענס געזעהן ערגעץ וויפיל מענטשן ווערן געהארגעט יערליך און לענדער, עס איז ממש א שאק! אסטראליע 35, דייטשלאנד 194 קאנאדע 200 און אמעריקע 9,484!!
עס איז לעצטענס ארויס געקומען א שטודיע אז אין אמעריקע איז זיבעציג מאל גרינגער פאר א מעשוגענער זיך צו אייהאנדלען א גאן ווי צו באקומען מענטעל קעיר!
עס גייט כמעט נישט אדורך קיין יאר אן קיין מאסן שוסערייען, מיט צענדליגע געהארגעטע און פארוואנדעטע אין אמעריקע. ווען איז דאס לעצטע מאל וואס איינער האט געהערט פון א מאסן שוסעריי אין פראנקרייך אדער ענגלאנד?? קוים אפאר וואכן צוריק האט איינער זיך ציווילדעוועט אין א טיאטער אין קאלאראדא, און זיך גענומען שיסן. ער האט אויפן פלאץ געהארגעט 14 און פארוואנדעט נאך איבער 50!! די גאנצע לאנד האט גערודערט. אבאמא ראמני יעדער האט פארפירט. אבער נייע גאן געזעצן?? אפילו נישט געטראכט דערוועגן!
און היינט, אודך! איינער האט זיך צעלאזט אין א אינדיאנע קלויסטער, און געהארגעט 6 און פארוואנדעט נאך 20!
און אין ביידע פעלער האבן די מערדער געקויפט זייערע געווער 100% לעגאל! אזוי גרינג ווי איך קויף מיינע פרעצעלס אין גראסארי!
אבער נייע געזעצן? חס ושלום! ס'זאל אפילו נישט קומען און באטראכט!

פרעג איך. וויפיל נאך מענטשן דארפן געהארגעט ווערן?
גייט אמעריקע זיך נאך אמאל דערמאנען עפעס צו טוהן???s

[ניו יארק]

זייער פיין געשריבן, אבער עס איז שוין דא א אשכול דערוועגן

[שמואל הלוי]

דער גראביאן לאזט זיך וואויל גיין מיטן גאן

[youtube]http://www.youtube.com/watch?v=8jgGK4NJ8Hk[/youtube]

[No_name]

זייט נישט ברוגז אבער די מעשה קלעבט עפעס נישט, איך האב שוין געזוכט ערגערע זאכן ווי דאס.
און ס'איז 100 לעגאל צו זוכן אויף די אינטערנעט וואס מ'וויל (חוץ אנדערעידזש פארנאגראפיע) עס איז נישט במציאות אז מ'זאל מיך ארעסטירן פארן "קוקן" אויף געווער..

[שמואל הלוי]

האב איך שוין געזאגט פון וועמען איך האב די מעשה געהערט, און עני קוועשטאן קען מען אים אנפרעגן.

[No_name]

יעצט שרייבנדיג קלער איך אז ס'קען זיין אז יענער האט טאקע געקוקט די איינציגסטע זאך וואס מען טאר נישט קוקן אנליין, נעמליך: טשיילד פארנאגראפיע...

צוריק צום נושא'ן

[העי נאו]

די אמת איז אז די מערסטע גאן קריימס ווערט געטון מיט נישט ליגאלע גאנס למשל און שיקאגא א נארמאלער מענטש קען דארט בשום אופן נישט באקומען א גאן אין דאך די מערסטע שאטונגס קומט דארט פאר . דו קענסט עס נישט זען עכט אויף די גלאבאלע מידיע וועגן סנישט אזוי אינטערעסאנט אבער אז די וועסט נאכקוקען וועסטו זען אז כמעט יעדע וואך ווערן דארט געשאסען ארום דרייסיג מענטשן אזוי ווייט אז און געוויסע געגענטער דערוואגט זיך נישט די פאליציי אריינצוגיין. סאוי איך האלט אז סאיז א גיטע זאך צו האבען א גאן אזוי אז נישט נאר די פאליס אין בעד גייס האבן