על פי בקשת אחד מחברינו היקרים...
עפלעך מיט מאראנצן
קעפ פול מיט וואנצן
שפרינגען, זינגען, טאנצן
מיאוס צודרייט אינגאנצן
שיינע אידן עגאאיסטן
באגראבן אונז אין די מיסטן
אידיש בלוט האלט אין איין גיסן
אינטרעסירט זיי נישט די סאדיסטן
על מי יש לנו
להשען
אלא על אבינו
שבשמים
מיר האבן נישט קיין צדיקים
מיר האבן נישט קיין מנהיגים
מיר האבן נאר,
מסיתים ומדיחים
אדמורי"ם חמורים
רבנים חמסנים
ראשי ישיבות
א באנדע מגלי פנים
על מי יש לנו
להשען
אלא על אבינו
שבשמים
ברודערלעך איך בעט אייך
קאפ פון א רעטאך
הארץ פון א קארטאפל
פארשטייט ווי א פאנטאפל
שלעפט זיך ווי א וויידל
בלאנדזשעט ווי א דריידל
עפנט אויף דעם שיידל
טרעפט מען דארט א קניידל
על מי יש לנו
להשען
אלא על אבינו
שבשמים
ווער האט געזאגט די דרשה?
דער שגץ דער רשע!
ווער האט געבלאזן שופר?
דער אפיקורס, דער כופר!
ווער איז דער שליח ציבור?
דער מתבולל מיטן חיבור!
די צוויי פיסיגע חמורים
לויפן נאך די אדמורים
על מי יש לנו
להשען
אלא על אבינו
שבשמים
ווער פסקנט אונז די שאלות?
דער המספיק מיטן מעלות!
ווער איז אונז מעורר?
דער גרויסער בן סורר!
ווער זאגט צו הבטחות?
דער מומר להכעיס!
תורה מלומדים
אסימילירטע משומדים
רחמי שמים
מלך חי וקים
אל תעזבינו
ואל תטשנו
על מי יש לנו
להשען
אלא על אבינו
שבשמים
א חיי מהר"ן
ארויף אויפן עראפלאן
פרעסט אפעטיטלעך
זיך מוחל מיט די צען קאפיטלעך
נישט קיין הלכות תשובה
נישט קיין רבינו יונה
אינגאנצן כופר
אין די השגחה עליונה
מזיד כאונס
נישטא קיין שכר ועונש
ויקומו לצחק – אחדות
דער רבי שלעפט ארויס פון שאול תחתית
מוליך ומביא
אמונת שבתי צבי
א מכה וועט העלפן די מקוה
ולמלשינים אל תהי תקוה
על מי יש לנו
להשען
אלא על אבינו
שבשמים
גילוי עריות, שפיכת דמים
עבודה זרה
אמעריקע חולעריקע
אמעריקע היסטעריקע
דער קאנסטעטאציע
א מיסט בלאט פול מיט שמוציע
אמעריקאנער דעמאקראטן
ביידע פארשטונקענע ראטן
על מי יש לנו
להשען
אלא על אבינו
שבשמים
שפרינגען זינגען טאנצן - פאעזיע
דער אשכול פארמאגט 11 תגובות
איר דארפט זיין א רעגיסטרירטער מעמבער און איינגעשריבן צו זען די תגובות.
רעגיסטרירן איינשרייבן