אן אצבע משולשת לכבוד לעיקוואד

[בר דעת]

אין אומרים בפני המת אלא דבריו של מת, יעצט אז לעיקוואד האט אונז איבערגעלאזט קענען מיר רעדן איבער אים און אים מחיה מתים זיין מיט די טל של תחיה וואס ארבעט פאר אט דעם גאון משונה.

צוערשט א עובדא וואס בדידי הוי עובדא מיט מרן:
יום כיפור ביי ונתנה תוקף קום איך אריין אין שול, די גאנצע שול איז פארדבקות'ט און מען וויינט, בנפשו יביא לחמו, אוי לחמו, אבער מרן לעיקוואד זיצט אויפן בענקל, זיין טערקישע טלית פארווארפן כמעט ביז טערקיי, זיין קיטל אויסגעטון, ער זיצט אין די ריזן געלע טלית קטן, די רש"ש סידור פארקלאפט, אין די הענט האלט ער א מי השילוח און ער שמייכלט. איך פרעג לעיקוואד וואס איז די שמייכל, פארוואס צייגסטו א מיטלסטע פינגער פארן גאנצן ונתנה תוקף, פארן גאנצן מושג פון תשובה?

לעיקוואד געט זיך א רייס אויף און הייבט אן גיסן פעך און שמאלץ "איך קאפוטיליר נישט, איך באוויין נישט מיין עבר, איך גלייב אז וואס איך האב געטון איז געווען רצון ה', דער איזשביצער זאגט, און אוודאי איז ער גערעכט אז גאט איז דער וואס שטופט מיר צו עבירות, און די סייענס פון גענעטישקייט צייגט אזוי, איך האלט נישט ביים זיך משפיל זיין מיין צלם אלקים און וויינען.. יא, אויב איך האב געטון עפעס ראנג דארף איך זעהן וועגן צו פארריכטן, אבער אסאך זאכן איז נישט אין מיין קאנטראל, ווי אדם האט געזאגט אכלתי ואוכל עוד, און בפרט על פי קבלה איז מיין חלק הזכרות מנשמת קין, עס איז א ביזיון האדם והשפלת צלם אלקים צו וויינען, איך בעט נישט איבער גאט, איך בין העכסטנס גרייט צו איבערבעטן זיך מיט גאט, איך וועל ארבעטן אויף אביסל מער קאנטראלירן זיך, אבער גאט מוז אויך ווייזן מער זיינע חסדים הנגלים והנסתרים און אויפהערן מיט די הסתרת פנים.... די גאנצע וויינען דא האט נישט קיין פשט"

די לעיקוואדגעיט סומאטאכע איז פארצווייגט און שווער, הללו מחייבים והללו מזכין. געוויסע זאגן אז ער האט זיך אויפגעפירט ווי א ראגעטשאווער אין א כולל אברכים (ניין, נישט ווי א נארמאלער מענטש אין א כיתה ג', שאץ זיך נישט אונטער, און אויטאמאטיש וועט נישט יעדער זיין א כיתה ג' יונגל) און געוויסע זאגן אז לעיקוואד מוז מען באהאנדלען מיט זיידענע הענטשוך. עד כדי כך אז הוגה און יאיר שרייבן קינות, מען בעט איבער, פעטיציע דרייווס און הוגה נעמט אפיר פון גירסא דינקותא בוידעם סיפורי קודש פון סאטמאר רב. אנדערע קאנסיפראטארן זאגן אז זינט אין אנשי שם איז ערשינען א פולע ביאגראפיע איבער לעיקווד, פארשטייט זיך למורת רוחו, כידוע שבורח מן הכבוד כמטחוי, האט ער שוין באקומען זיין כבוד האחרון און ער קען שוין גראדואירן פון כיתה ג', גוד לוק מיט טרעפן נבונים אויף דיין לעוועל.

אבער וואס איז די געוויינעכץ דא פאר לעיקוואד? ער קוקט און ווייזט א מיטלסטע פינגער. אזוי צו אראפלאזן זיך? שעלט אים, שפעט אים אפ, אפשר וועט ער צוריקקומען. וואס איז די בקשת מחילה און התנצלות המוני? לעיקוואד איז געגאנגען, די אבידה איז גרויס, אבער דער עקשן דקדושה לאזט נישט וויינען.
הערסט לעיקוואד, נאדיר א מילסטע פינגער!
זיך בעטן ביי דיר איז א השפלה, העכסטנס זיך איבערבעטן, אפשר.

[[NAMELESS]]

כ'געדיר די לייק. דברים נפלאים.



כ'נעם אבער ארויס די ווערטער

גאט האט אויך וואס צו פארריכטן....

נישט קיין חילוק וואס איך האלט, און וואס איז אמת, קען איך מיך נישט טרויען צו שרייבן אזוי שארף.

[שמעקעדיג]

דער באשעפער אליינס וויינט דאך אשר הרעותי... און בעט זיך ביי אונז תביאו עלי כפרה... וכדומה.

[[NAMELESS]]

דער באשעפער אליינס וויינט דאך אשר הרעותי... און בעט זיך ביי אונז תביאו עלי כפרה... וכדומה.

פיין און וואויל, אבער נישט אלס וואס גאט טרויעט צו זאגן אויף זיך, טרוי איך מיך צו זאגן אויף אים...

און באמת איז דאס פשוט. צו קען מען דען זאגן אז גאט מאכט א טעות? א גאט איז נישט פון דער סארט וואס מאכט טעותים. אלזא ווען ער זאגט הרעותי, תביאו עלי כפרה, מיינט דאס בחינות און מידות וואס איך האב דערין קיין השגה. אבער ווען איך זאג אז גאט האט אויך וואס צו פארריכטן, דאן מיינט דאס לויט מיין נארישע הבנה. און דאס קען איך נישט ארויסזאגן פון מויל.

[בר דעת]

בכל אופן, עס איז נישט מיין זאך, דאס האט דאך לעיקוואד געזאגט, וואג זיך נישט אים צו צענזורירן, ער וועט נאכאמאל אוועקגיין... עניוועי, איך האב עס געטוישט

[הוגה]

אבער ווען איך זאג אז גאט האט אויך וואס צו פארריכטן, דאן מיינט דאס לויט מיין נארישע הבנה. און דאס קען איך נישט ארויסזאגן פון מויל.

א יעדע טאג ווען דו קלאפסט סלח לנו זאגסטו אז גאט האט וואס צו פארריכטן.

[tag]בר דעת[/tag], don't be such a p*ssy!

[בר דעת]

איך זעה אויך גבורה אין נאכגעבן, טאלערירן, מוותר זיין און מאכן אנדערע מענטשן באקוועם. מען קען שרייען "כיתה ג' יונגלעך" אדער קען מען טראכטן אז אנדערע מעגן האבן זייערע מיינונגען און קפידות, זאל זיי זיין צום געזונט. א ערוואקסענע ביטול געמישט מיט טאלעראנץ

[ישמעאל הכהן]

מיין לייק איז געקומען נאכ'ן רעדאגירן

[הוגה]

איך זעה אויך גבורה אין נאכגעבן, טאלערירן, מוותר זיין און מאכן אנדערע מענטשן באקוועם. מען קען שרייען "כיתה ג' יונגלעך" אדער קען מען טראכטן אז אנדערע מעגן האבן זייערע מיינונגען און קפידות, זאל זיי זיין צום געזונט. א ערוואקסענע ביטול געמישט מיט טאלעראנץ

זייער גוט, איך האב הנאה צו וויסן אז דו וועסט טאלערירן די פאקט אז איך האלט דיך פאר א פו*י...

[יאיר]

בר דעת, ווער ווייסט, אפשר ווען דו וואלסט ארויסגעשטעקט דיין אצבע משולשת פאר זר זהב וואלט ער צוריקגעקומען

[[NAMELESS]]

וואס הייסט? זר האט אפגעפוצט לבלי שוב?!

[געוואלדיג]

רעדאגירט געווארן צום לעצט דורך שמערל אום דאנערשטאג אפריל 30, 2015 4:01 pm, רעדאגירט געווארן איין מאל בסך הכל.
סיבה: צענזור גייט אן אין פולן קראפט! אין כתה ג' געט מען פאר מיאוסע ווערטער פעפער!

[הוגה]

ROT*L

וואו קען איך געבן א לייק פאר שמערל?

[שמערל]

דא

[בר דעת]

נו

[הוגה]

כ'האב נאר געמאכט אן אבזערוואציע, נישט קיין דזשאדזשמענט. אדרבא, איי ל*וו יו מאר נאו...

[פארוואס?]

און באמת איז דאס פשוט. צו קען מען דען זאגן אז גאט מאכט א טעות? א גאט איז נישט פון דער סארט וואס מאכט טעותים. אלזא ווען ער זאגט הרעותי, תביאו עלי כפרה, מיינט דאס בחינות און מידות וואס איך האב דערין קיין השגה..

בדרך אגב, דערמאנסטו מיר א שמועס וואס כ׳האב געהאט מיט א באקאנטן לעצטנס.
אונז האמיר פראבירט שפאקולירן וואס מיינט עס ״א בחינה״? ווען נוצט מען עס? און וואס איז די פונקטליכע דעפינאציע.

די מסקנא איז געווען, אז א בחינה איז אזא מין שליסל-ווארט, וואס אויב מ׳זאגט עס, דארף די קומענדיגע פאר זאצן נישט מאכן קיין סענס.

[נולד מאוחר]

איך קען א גאנצע סאסייעטי וואס אפי' מזאגט נישט די ווארט "בחינה" דארף אויך נישט מאכן סענס וואס מזאגט