ערשטע סידי פון אלי ביער

[רויטע וואנצעס]

היינט ביים נורסינג האום הדלקה און קאנצערט, האט אלי מודיע געווען אז ער קומט ארויס אויף May 21 מיט זיין ערשטע סידי. איך בין זייער נייגעריג איבער דיטעלס.
[tag]סאשי פיש[/tag] [tag]לאליפאפ[/tag]

ער האט געזינגען היינט נאכט "זה ה'" א גאר געשמאקער קאנטרי סטייל ניגון, משוגע צו ווערן. ס'האט זיך געגאסן פון אים שמאלציגע קיהלקייט און כאריזמע. פארוואס קומט ער ערשט יעצט ארויס מיט זיין ערשטע סידי? ווי איז ער געווען זייט די גאר געלונגענע ויהיו רחמיך קליפ? זיין וועבזייטל און פעיסבוק איז שוין שטיל אפאר יאר.

[סאשי פיש]

ער איז געווען פארנומען מיט זיין חתונה

[moshav zekeinim]

מי מעבד?

[moshav zekeinim]

מי מעבד?

[סאשי פיש]

בילדער פון די מעמד

ImageUploadedByTapatalk1431014708.605928.jpg (227.07 KiB) געזען געווארן 3099 מאל

[רויטע וואנצעס]

http://jewishmusicreport.com/wp-content ... ampler.mp3

[רויטע וואנצעס]

.

[moshav zekeinim]

עפעס קוואליטי מוזיק?

[רויטע וואנצעס]

דער היפישער אלי, האט געלאזט דיזיינען היפישע גראפיקס. די ניגון זה ה' איז עפעס געוואלדיג, ס'איז כלאים פון א לעבעדיגע חסידישע ניגון מיט קאנטרי.

[רויטע וואנצעס]

מי מעבד?

מענדי הערשקאוויטש פון פרייליך בענד.

[Specialist]

די מוזיק אויף דעם איז עפעס מוראדיג גוט אין די ניגנים איז אויך געוולדיג גוט אויף אן דיפרענד סטיל !

[רויטע וואנצעס]

[tag]שמעקעדיג[/tag], דיין פעיווארט ניגון איז אויך אויף דעם. גארנישט געוואוסט אז אלי אליינס האט עס מחבר געווען. בד"וו די גאנצע סידי זענען זיינע אייגענע ניגונים.

[moshav zekeinim]

מי מעבד?

מענדי הערשקאוויטש פון פרייליך בענד.

אהא, מענדי הערשקאוויטש אוז גוט, ספעציעל פאר די סטייל פון אלי ביר.

[רויטע וואנצעס]

1. כי לך
כי לך איז א פרישע, לייכטע, תנועה'פולע ניגון. א געמיש פון קאנטרי, קארבלאך און וואלץ. מתוק לחיך.

2. כי לא לנצח
דער ניגון הייבט זיך אן מיט א טיפיקעל שטאטע אינטורנא, ווי א היימישע ניגון, אבער שוועבט שנעל אוועק און א טיפע קומזיצ'עדיגע דביקות. ס'ליגט נישט דא גרויסע חידושים, אבער די מתיקות פון אלי'ס וואקעלס צוגייט אין די ביינער. ס'גייט לכאורה זיין א גרויסע קומזיץ hit.

3. זה ה'
די ניגון איז לכאורה איינער, אויב נישט די מערסטע מלא חידוש. אלי מיט פריילעך בענד ברענגן אריין א אידישע טעם אין קאנטרי סטייל מוזיק. אידיש מוזיק האט לידיעתי נאכנישט געהאט אזאנס. אלי שפילט מיט די וואקעלס א מחיה, פיל מיט כאריזמע און היפישקייט. די מוזיק איז נישט אונטערשטעלונג, זיי ניצן די אינסטרעמענטון, וואלסט געמיינט דו זיצט אויף א טראקטער אויף א רענטש אין טעקסאס אדער אלאבאמא.

4. יהי חסדך
דער ניגון איז א שטאטע דביקות'פולע ניגון. שירה כאר געבט עס א געפיהל ווי חסידים פארגייען זיך אין הארציגע דערהויבענע תנועה'לע ביים באטע. די ניגון האט אין זיך א שטארקע השתוקקות געפיל ווען מ'האט אינזין פירוש המילות.


5. מה יש לכם לדאוג.
איך ווער משוגע פאר די ניגון. הערט זיך ווי רעגעי סארט ניגון. טאטאל ארויס פון באקס. אלי לאכט אפ אין יעדע תנועה פון די נארישע דאגות די מענשהייט עסט זיך צאם מיט. מלא כאריזמא, לייכקייט, פריילעך, קיהל און היפ. ווי א טיילענאל נאך א שווערע טאג ארבייט.

6.שובה
דער ניגון איז א תפילה סארט ניגון פיל מיט בקשה און האפענונג. כ'האב נישט דערשפירט דא קיין גרויסע חידושים, חוץ אין די מוזיק הער איך אביסל פרישע blues נאטן.

7. ויהיו רחמיך
ויהיו רחמיך איז די באקאנטע וועלט שאקעלנדע ניגון, וואס אלי האט מחבר געווען און ארויסגעבן אין מוזיק ווידיאו מיט פריילעך בענד. כ'ווייס נישט, אפשר זענט איר שוין בארד דערפון, מיר כאפט נאך די טשילס יעדע מאל איך הער עס. דא איז א אשכול איבער דעם hit ניגון. כ'קען מיך נישט אפרייסן פון עס הערן, אבער מ'דארף גיין צו די נעקסטע ניגון...

8. מיילעכ'ס ניגון.
פונעם ביכל: די ניגון האב איך געשריבן אסאך יארן צוריק אין ארץ ישראל. ס'איז זייער יוניק מוזיקאליש און איז זייער לעבעדיג און upbeat. די ניגון האב איך א נאמען געגעבן לכבוד מיין חבר מייליך, וואס האט מיר געשטופט אריין צו לייגן די ניגון אינעם סידי.

דער ניגון איז אן ווערטער. ס'נישט אבער א טיפיקעל טאנץ/שמחה ניגון. ס'איז רואיגער ווי טאנץ, אבער זייער טיף פרייליך. כ'קען עס נישט מסביר זיין.. ס'לאזט א גוטע טעם אויף די לעפצן.

9. הרחמן
דער ניגון איז א שטיק מעדעטעישאן. מ'הערט וואסער פליסן. אפילו די אזיאנער פלוט פייפט. הערליך רייך און שיין. א חלומ'דיגער בענקעדיגער סארט ניגון, וואס פאסט טאקע זייער ווען די ווערטער זענען איבער ימות המשיח. די ניגון'ס עיקר חידוש איז אין די מוזיק.

10. אל תשליכינו
א קארבלאך/ישראלי/מזרחי סארט ניגון. יהודה סאלאמאן פון מושב בענד שמירט די רעדער, בעת אלי רייט מיט'ן בייטש. זיי קוועטשען יעדע תנועה וואס לאזט זיך נאר קוועטשן. נישט מיין גלעזל טיי, אבער צו סאך קאווע איז אויך נישט גוט.

[קוקה קולה...]

שטריקטס ענק אלע גארנישט קומט נישט צו צי ויהי רחמיך אפילו עס איבלט שוין איז עס במציאות א היט פון א ניגון!!אדרבה מאך דיר צו דיינע אויגן און זינג עס.... אאהה מעין עולם הבא!

[שמעקעדיג]

יעדע שורה אראפגעלייגט מייסטערהאפטיג, מיט די ריכטיגע שפראך און אויסדרוקן, עס ברענגט דיר אריין אין דעם גייסט פונעם ניגון, א מינוט בינעך ביים וואסער, א מינוט שפעטער זיץ איך אויפן טראקטאר, א מינוט בין איך פאר'דביקות'ט און גלייך דערויף לאך איך פון די וועלט מיט אירע פראבלעמען.
אין כוואנצענינו.

[רויטע וואנצעס]

שטריקטס ענק אלע גארנישט קומט נישט צו צי ויהי רחמיך אפילו עס איבלט שוין איז עס במציאות א היט פון א ניגון!!אדרבה מאך דיר צו דיינע אויגן און זינג עס.... אאהה מעין עולם הבא!

א ניגון איבלט ווען מ'קייעט און קייעט. שיינע ניגונים וואס מ'וויל ס'זאל בלייבן פריש, זינגט מען איין מאל א יעדע שטיק צייט. חוץ אויב מ'איז א העווי באטייליגטער אויף דינערס און טיי אווענטס, ווערט מען פארכאפט אין boredom.

[יענער פויגעל]

כי לא לנצח אין יהי חסדך וועלן לכאורה זיין שטארקע קומזיץ סחורה אין די נעקסטע פאר חדשים

[קוקה קולה...]

נו פון דעם רעד איך מען קייעט נישט עפעס וואס איז נישט גוט
ווי מער עס איבלט אלס בעסער איז עס (געווען)!!

[סאשי פיש]

א הערליכע סידי.
די זעקסטע ניגון שובה איז נישט קיין אלטע ניגון?

[נולד מאוחר]

איך ווער משוגע פאר מה יש לכם לדאוג

[רויטע וואנצעס]

מה יש הערט זיך זייער פריש. קודם וויבאלד ס'איז א הערליכע ניגון, און אויך וויבאלד ס'איז א reggae ניגון. reggae איז געווען זייער שטארק אין די 70'גער יארן. אה, ווער ס'האט אמאל געהערט א שטיקל באב מארלי ווייסט וואס מ'רעדט. ס'איז לעצטענס צוריקגעקומען אין סטייל, ממילא הערן זיך אירע ביטס זייער פריש. מתתיהו און ליפא האבן איר אנגעהויבן מישן מיט מוזיק חסידי אין די לעצטע יארן, אבער די ניגון שטייגט איבער לדעתי, וואס זיי האבן מחבר געווען.

דער ניגון'ס פראגרעסיע דערמאנט מיך פון דעם אלט'ן reggae ליד. אלי'ס מה יש, אפילו אויב אינספייערד דורך דעם, איז ווערד ברכה לעצמה.

[moshav zekeinim]

רויטע. ממך ילמדו וויאזוי צו מאכן א ריוויו אויף א סידי, אראפ געברענט די אייגנשאפט פון יעדן ניגון, אן קיין ליידיגע רעטאריק.