ווען דער 'נאצי' איז דא 'דיר' צו באשיצן

[נח בער]

א מעלדונג וואס כ'האב געלייענט ערגעץ:

דריי ביינאכט האט די משטרה געוואלט אפשפארן די מערה. מען האט אפגעשטעלט די מוזיק, און אויסגעריפען אז מען טאנצט נישט ווייטער, ביז זיי גייען ארויס פון ציון, מען האט זיי ארויס געטראקסט און געשריגן נאצי...

ע"כ

די ערד העכער די קברים פון די אידן וואס זענען גע'הרג'עט געווארן ביי הרב וואזנער'ס לוי' איז נאך פריש, און דא שטייען מענטשן און שרייען נאצי אויף פאליציי וואס זענען בסך הכל דא צו באשיצן ענקערע לעבנס.

כלל ישראל איז נמאס און פארעקלט פון די גרויליגע מענטאליטי. דאס ווארט "נאצי" האלטן מיר פאר מענטשן וואס האבן גע'הרג'עט מיליאנען אידן, נישט פאר פאליציי וואס געבן טראפיק טיקעטס און אוודאי נישט פאר פאליציי וואס זענען דא צו באשיצן לעבנס פון מענטשן.

ס'קלינגען נאך אין די אויערן די ווילדע באשולדיגונגען וואס מען האט געווארפן נאך די לוי' פון הרב וואזנער: רבי חיים איז שולדיג ווייל ער האט נישט געהעריג מספיד געווען דעם טאטן, אברומעלע וואזנער איז שולדיג ווייל ער האט נישט גערופן די פאליציי, די פאליציי איז שולדיג ווייל זיי האבן נישט צוגעשטעלט קיין שוץ, די חברה קדישא איז שולדיג ווייל זיי האבן נישט געפאלגט די הוראות פון הרב וואזנער, און נאך און נאך.

דאס אז מענטשן זענען אלע קאלעקטיוולי שולדיג פאר זייער מענטאליטי פון איגנארירן זיכערהייטס רעגולאציעס און נישט פאלגן אויטאריטעט. דאס פאלט זיי נישט איין.

דארט אין ארץ ישראל איז נישטא קיין שום מוראה של מלכות און ליידער קאסט עס לעבנס.

ווען א בילדינג אינספעקטאר זאגט דיר אז דיין הויז איז נישט זיכער און ס'קען גע'הרג'עט ווערן מענטשן, אויב בויסטו נישט נאך א טיר אדער גרעסערע פענסטער וכו' וכו' איז ער נישט נאצי; ווען א פאליציאנט וויל פארשליסן א הויז אדער א בילדינג אדער א מערה ווייל ס'איז שוין דא מער מענטשן ווי די געביידע קען האלטן, איז ער זיכער נישט קיין נאצי!