איבער קאווע שטיבל, חסידישקייט, סדום, און דער געטליכער צענזור

[Big Boss]

First of all I would like to tell you that I feel your pain and I agree that under no circumstances should child or parent be denied to see each other. I disagree with you that this is the widespread community problem. I rather see it as an evil act by some individuals and it's unfortunate that sometimes they involved their community leaders. You will find this problem where ever there is humans there’s some self centered people that will manipulate their surroundings to suit them with all the means available to them without considering the damage they are doing in my case It was inappropriate touching of the kids in your case it's so called Frumkit (she monitors me with a microscope the second I will do any mistake she will claim frumkit as well). regardless who is right on the above, we need to tackle this problem by its head and speak out that using kids for personal gain is not acceptable under any circumstances. although it might not be cheap or easy but the good news is since you live in the state of New York there is no such a thing as taking away kids from one parent you should put up a fight and you will win. Besides the point history has shown that this tactic usually backfires and the ones that try to control their kids usually end up losing them.

If I may il give you some advise as a friend with experience;
From the way you talk I see you're going through a lot of stress and a somewhat turned you in to a hater. You need to take control of the situation and focus more positive.
The following is what you should do write on a piece of paper what your goals are, like;
1 having a good relationship with the kids
2 keeping your kids happy
3 helping them grow up normal
4 ETC….
And before you do anything make sure its in line with your above goals! Never ever allow yourself to be entangled in an emotional fight with your ex (keep in mind that’s what she wants)

In order to deal with the stress I've seen a lot of different ways you could handle it, for myself every time she got me angry I took that energy and turned it into a business deal and let me tell you something I made more money the last two years then some of you would make in a lifetime. Some people enjoy exercise, art. there is a beautiful world open for you out there, just do Whatever you enjoy and use that energy to accomplish stuff in your life rather than to hate people

[הקטן]

כ'האלט נישט אז דאס איז די פלאץ פאר אן עסק וואס אינוואלווד קינדער, אן אומשולדיגע קאלעטערל דעמעדזש, אבער כ'זעה אז ביג באסס ווייסט במה דברים אמורים.

איך ווייס אויך. איך זאג פשוט אז מ'זאל וויסן אז מ'רעדט דא פון עכטע מענטשן. הרב וואזנער פון מאנסי איז געפערליך אין דער נושא כידוע ליודעים.

און די גייסט פין פרייהייט פין ווארט פארוואס זאל מען נישט דא ברענגען הרב וואזנער'ס מיינאנג פאר וואס ער האלט אז דאס איז טובת הילד און לאמער דאס דעבעטירן וואו מענטשן

"ער איז געפערליך אין דער נושא" איז א מיינאנג נישט א פאקט
איך בין זיכעכר אז ס'דא וואס האלטן ער איז געוואלדיג אין דער נושא

קען זיין דאס האט צוטון אויב מען גלייבט פין א גהנים אדער נישט
און יעדען פאל, מען דארף פארשטיין א צווייטע צד אויך און קענען זעהן זאכן פין א צווייטענס פרעספעקטיו
דו שרייסט אז הרב וואזנער טרינקט בליט און הרב וואזנער שרייט אז די טאטע טרינקט בליט.
א יעדער זעט וואס ער זעט נאר פין זיין פרעספעקטיו

[קול דודי]

יש״כ געפילטע. טאקע דאס וואס די ברענגסט ארויס האב איך געמיינט.

[הקטן]

יעצט קומט אלע שרייען צוזאמען פוי! אוועק, סדרן, קום מעקן, פעקי, תחת, בעלי-באטען!

פארוואס זאל מען דאס צענזערירען - ס'דא וואס מאכן זייער פוינט דארך שרייבן כשרע בליט שעמפא און ס'דא וואס לאזן זיך הערן דארך שרייען פוי פוי
אביסעל טאלערענץ

[איך אויך]

איינער האט געשריבן עס איז דא א טעיפ פון דעם רב ווי ער פראוועט רשעות ,איז מעגליך עס אהערצוברענגן? (פארשטייט זיך מיט פארמעקן פריוואטע אינפארמאציע) ונזכה ונחיה ונשמע.

[קול דודי]

דורך א אומטאלעראנטן אומקולטוריזירטן חרדי בנפש, אן עקסטרעמיסט אין א מאדערנע שלייער

הא, דאס האט געקאסט א לאך. ס׳איז היפש פאני ווען איינער וואס נעמט זיך אן (דאכט זיך? שווער צי וויסן...) פאר די חרדישע געזעלשאפט ניצט חרדי אלטס א שטעך-ווארט. ווי געזאגט, ״די רעדסט שלעכטס אויף די גאנצע חרדישע געזעלשאפט? די פארשטינקענע חרדי! טאקע אזוי פירט זיך א חרדי אויף!״

[גאנצל]

איך קען די מעשה פון @יואליש ס'איז א משפחה מיינע און זייער א נאנטע משפחה מיט וועם איך רעד יעדן טאג

און אזוי ווי יעדע לה"ר וואס מ'וויל ס'זאל זיין נתקבל על הלב שרייבט מען נאר איין זייט פון די מעשה מיט א כלומרשטע טאן פון איך האלט מיך צוריק פון רעדן איך רעד נאר ברמיזה און מ'רופט שוין אן א רב שוחטי ילדים עפ"ל און מ'שרייט בלוט פארגיסעכץ און דער עולם ווערט פארגאפט

וואס איז ? דער טאטע האט נישט קיין בלוט ? אים מעג מען יא באשמוצן ? און פראבירן אוועק נעמען די רעכט צו די קינדער אין קארט ?
דו האסט גערעדט צו דעם טאטן ? צו האסט גערעדט צו די קינדער ? אוודאי נישט איך יא גייט דאך יעצט קומען די תי' אז די קינדער זענען שוין אנגעהעצט אויפ'ן זעלבען סטיל וואס די סיקריקים טוען ווער ס'זאגט אנדערש פון זיי איז אטאמאטיש א ציוני

בקיצור @יואליש טוט דא פונקט ווי די נטורי קרתא חומת הדת און אינטערנעט פארפירער מ'מאכט א האלבע מעשה און אויף דעם רייט מען שרעקטס ענק נישט ס'איז גארנישט אזוי פשוט

דאס האב איך נאר געשריבען עס א סייד נאוט איך רעד נישט יעצט פון די נושא

[געפילטע פיש]

יעצט קומט אלע שרייען צוזאמען פוי! אוועק, סדרן, קום מעקן, פעקי, תחת, בעלי-באטען!

פארוואס זאל מען דאס צענזערירען - ס'דא וואס מאכן זייער פוינט דארך שרייבן כשרע בליט שעמפא און ס'דא וואס לאזן זיך הערן דארך שרייען פוי פוי
אביסעל טאלערענץ

פונקט פארקערט! איך לאדען זיי אלע איין אויסצוגיסן זייער שופכין דא, צו ענטפערן אויף די איינציגסטע שפראך וואס זיי קענען אדער פארשטייען.

(בד"וו, אויסשפארן טראללס פון א פארום האט אזוי סאך מיט צענזור צו טון ווי ארויסווארפן א משוגענער וואס מאכט אויפן פלאר אין בית מדרש נאר צו זען די רעאקציע פונעם עולם.)

[שמעקעדיג]

קוואט פונעם יאר:

(בד"וו, אויסשפארן טראללס פון א פארום האט אזוי סאך מיט צענזור צו טון ווי ארויסווארפן א משוגענער וואס מאכט אויפן פלאר אין בית מדרש נאר צו זען די רעאקציע פונעם עולם.)

[קאווע טרינקער]

די אשכול פארט אין גאנג פון ערשטען תגובה... מ'מישט הנחות און השערות מעניין לעניין שלא מן המניין.

[הוגה]

דו ביזט הונדערט פראצענט גערעכט, [tag]גאנצל[/tag]. א יעדע מעשה האט צוויי זייטן. איך פערזענליך קען נאר די מאמע'ס צד און נישט די טאטע'ס צד, און פארדעם וויל איך עס נישט שרייבן, ווייל עס איז נישט ריכטיג צו נעמען א צד אין פריוואטע מחלוקת. איך וואלט אין מיין לעבן נישט גענומען די מאמע'ס צד איבער דעם טאטענ'ס. הרב וואזנער האט אבער יא גענומען א צד און זיין צד איז צו גענצליך אפשניידן די קינדער פון די מאמע. די סיבה וואס ער גיבט איז רעליגיע. דא נעם איך יא א צד. אפילו אויב עס וואלט געווען אמת די אלע accusations וואס ער מאכט, האט ער נאך אלץ נישט א רעכט צוצונעמען א מאמע פון קינדער.

אבער ווי קאווע טרינקער האט אנגעמערקט, נישט דאס איז די נושא דא. די שאלה איז אויב זעלבסט-צענזור און צענזור אין אלגעמיין, פארהארטעוועט מענטשליכע געפילן.


.

[[NAMELESS]]

וואס איז די גורם פון די זעלבסט צענזור? נישט די פארהארטעוועטע געפילן?

[גאנצל]

דו ביזט הונדערט פראצענט גערעכט, [tag]גאנצל[/tag]. א יעדע מעשה האט צוויי זייטן. איך פערזענליך קען נאר די מאמע'ס צד און נישט די טאטע'ס צד, און פארדעם וויל איך עס נישט שרייבן, ווייל עס איז נישט ריכטיג צו נעמען א צד אין פריוואטע מחלוקת. איך וואלט אין מיין לעבן נישט גענומען די מאמע'ס צד איבער דעם טאטענ'ס. הרב וואזנער האט אבער יא גענומען א צד און זיין צד איז צו גענצליך אפשניידן די קינדער פון די מאמע. די סיבה וואס ער גיבט איז רעליגיע. דא נעם איך יא א צד. אפילו אויב עס וואלט געווען אמת די אלע accusations וואס ער מאכט, האט ער נאך אלץ נישט א רעכט צוצונעמען א מאמע פון קינדער.

אבער ווי קאווע טרינקער האט אנגעמערקט, נישט דאס איז די נושא דא. די שאלה איז אויב זעלבסט-צענזור און צענזור אין אלגעמיין, פארהארטעוועט מענטשליכע געפילן.


.

איך וויל נישט פארדרייען די נושא אבער א הערה נכונה

אין אנדערע ווערטער זאגסטו אז בנוגע הר' וואזנער'ס שטעלונג האסטו אויך געהערט נאר איין צד (אפשר האט ער יא געהערט ביידע צדדים און אזויפיל ווייס איך אז ער האט טאקע געהערט ביידע צדדים)

[יואליש]

אים מעג מען יא באשמוצן ? און פראבירן אוועק נעמען די רעכט צו די קינדער אין קארט ?

לויט די פראגס קוקט אויס אז מיר רעדן פון צוויי מעשיות אדער קענסטו נישט די דעטאלן. קאנטעקט מיך אין אישי צו אויסקלארן.

[בר דעת]

לאמיר זיך אויסקלארן:
1) טאלאראנץ איז די יסוד היסודות פון א געזונטע סאסייעטי.
2) צענזור איז א געוואלדיגע שטער צו טאלעראנץ און צו וויכטיגע קאמיויקאציע.
3) עלטערן דארפן האבן קשר מיט זייערע קינדער און מען טאר נישט פייניגן א מענטש נאר ווייל ער איז נישט ערליך.
4) ווען א פארפאלק האט חתונה מיט איין לעבנסשטייגער און איינער טוישט לעבנסשטייגער מוז מען קענען טרעפן א מהלך אז ביידע עלטערן זאלן האבן קשר מיט די קינדער, און קיינער זאל נישט כאפן די קינדער.
5) אין אזא פאל דארפן די קינדער בלייבן מיט די אלטע לעבנסשטייגער, אדער מוזן זיי זיך טוישן? א שווערע דילעמע, ווייל ווער קען פסק'נען וועלכע לעבנסטשייגער איז בעסער. זאל מען זאגן אז מען מוז בלייבן ביים אלטן? אויך ניטש קלאר. אויב דער בן זוג וויל טוישן די קינדער, און אויב ער\זי וועט האבן די קינדער וועלן די קינדער ווערן געטוישט, איז עס א שווערע זאך, און מען מוז אויפקומען מיט א לעזונג.
6) מענטשן וואס מישן זיך אריין אין נאמען פון רעליגיע זענען רוצחים ברשות התורה.
7) די דאזיגע נושא איז קריטיש וויכטיג פאר אונזער עתיד, און ווערט מער און מער וויכטיג מיט די פאקט אז מענטשן לאזן איבער דעם דרך.


יעצט, פארוואס בין איך געווען ברוגז אויף דעם אשכול?
דער כותב שיינט צו זיין עדיוקעיטעט, גאנץ קלאר, א מאטמאטישאן. איך שעץ וויסנשאפט און איך פריי זיך אז ער איז קאווע שטיבל. אבער די אשכול איז געשריבן געווארן ווי א קלאסישער אייוועלט אשכול, נאר אויף די פארקערטער זייט. זיך מאכן בא'טעם'ט און רופן חילול שבת "ווערן אויס חסידיש" און אנרופן הארץ ווייטאגליכע מחלוקת'ן איבער קינדער, וואס איז גאנץ נאטורליך און פארשטענדליך ווי גלאטע רשעות גענוי ווי אייסיס, איז חרדישע, שקר'דיגע, אייוועלט סטיל.

ווייסטו וואס? לאמיר אנטייטלען ווי די שפראך האט מיר דערמאנט פון אייוועלט, און וואס איז שלעכט ווען איינער וואס האט געזעהן דעם אור, בלייבט אבער אן עקסטרעמיסט אין זיין שרייבן. די גאנצמע שפראך איז אזוי ווילד און גוזמא'דיג, אבער איך וועל אנצייכענען נארוואס איז שקר אדער זלזול, און אפשר וועט דער געערטער, געלערנטער פותח האשכול פארשטיין וואס איז שלעכט.

ס׳האט זיך לעצטענס אנטוויקלט א שמועס וועגן די מנהג סדום פון דער חסידישער געזעלשאפט פון פרובירן אפרייסן קינדער פון עלטערן וועלכע געהערן מער נישט צי חסידישקייט. די וויי-געשריי פון אט דער מנהג איז אין לשער. די צער, יגון ואנחה וואס דאס פארשאפט איז אומעגליך ארויסצושרייבן אויפן פאפיר, ווי אלע וואס האבן דאס דורך געמאכט וועלן מעיד זיין. די רשעות און אכזריות איז בוקע רקיעים. גויל אילו רקיעי קני כל חורשתא וואלט נאך אלס נישט מעגליך געווען ארויסשרייבן א שמינית שבשמינית פון די הארצווייטאג, אן אחד בששים פון די טרערן און גארנישט פון די אומבאגרייפבארער מעסער-שטעך און ברענענדיגער אייביגער ווייטאג ווען אן אייגן קינד וויל פלוצלינג נישט קענען איינעם פון די עלטערן. אפט קומט דאס צי א מצב פון מוצא אני מר ממות את החיים. און ערגער פון אלעם איז דער ענטפער פון אסאך וואס לייגן די שולד אויף די באטראפענע, לאמר: פארוואס זענט איר אוועק געגאנגען? איר זענט זיך אליין שולדיג. איר וואלט דאך געברויכט וויסן אז אויב מ׳נעמט אריין געסט אין סדום וועט מען רעיפ״ן אייער טעכטער, פארברענען אייער הויז און אפהאקן די פיס פון אייער געסט. איז וואס קומט איר יעצט וויינען כ׳קאזאק הנגזל? וואלט איר זיך אויפגעפירט ווי ס׳פאסט פאר סדום וואלטן דאך די אלא זאכן נישט געשען.

באמת איז נישט דאס דער איינציגער מנהג סדום און דער חסידישער געזעלשאפט, ווי איך האב שוין געשריבן דא אמאל. יא, דער חסד איז געוואלדיג. אבער פיל (צופיל) מאל איז עס ווי דער חסידה שעושה חסד (אך ורק) עם חברותיה -- אן אויפירונג וואס איז חזיר-טרייף מדאורייתא. וויבאלד איר ווערט מער נישט גערעכנט אלס חברותיה (דער פונקטליכער פונקט ווען דאס פאסירט איז נישט דער זעלבער ביי יעדן) דאן איז מער נישט דא קיין פראבלעם אריין צושטעקן א מעסער אין רוקן אדער גאר אפשניידען דעם קאפ ווי אייסיס רח״ל. ס׳טייטשט, דאס איז דאך סך הכל א גוי / שגץ / שיקסע, אז מה בכך? די האסט נאך רחמנות?

די קשיא איז, פון ווי נעמט זיך דער שוידערליכן אכזריות ביי מענטשן לגבי אנדערע מענטשן? פון ווי נעמט זיך די שנאה צום ״אנדערן״, צי איינעם וואס איז (מער) נישט קיין חסידה-שר איד?

דער תירוץ דאכט זיך איז היפש פארצווייגט און איך וויל נישט יעצט אריינגיין און דעם. וואס איך וויל ארויסברענגען איז די וועג וואס מ׳קען עס, בדרך אפשר, אנהייבן פאררעכטן. מעשה שהיה: איך האב געהערט אזא שמועס לגבי איינעמס קינדער, ווי עטליכע האבן געטעה׳נט אז דאס איז א געפערליכע רשעות, באלד ערגער ווי רציחה. האט זיך איינער אנגערופן, וואס הייסט, ער איז דאך א מחלל שבת? און... וידום אהרן. קיינער האט נישט געענטפערט (כאטשיג זיי האבן אין הארץ נאך אלץ נישט מסכים געווען), ווי גלייך ס׳איז טאקע זייער לאגיש אז איינער וואס צינדט אן א לעקטער אין שבת ברויך מען אפשניידען דעם קאפ און איינער וואס איז גע״י ברויך מען אראפווארפן פין א הויכן שטאק, כמנהג הקדושי אייסיס. אדער כאטשיג נוצן א גוטן פייניגונג מיטל כמנהג האינקוויזיציה, לכל הפחות!

פארוואס טאקע האט קיינער געענטפערט? דאכט זיך אז דאס איז וועגן די שטארקע זעלבסט-צענזור וואס הערשט ביים כלל. לדעתי איז דאס איינע פון די גרעסטע יסודות פאר מנהגי סדום זיך צי קענען פארשפרייטן. אז מ׳ברויך שטענדיג אכטונג געבן וואס מ׳זאגט אז ס׳זאל חלילה נישט שאטן פאר שידוכים, דעמאלטס איז ניתן רשות למשחית להשחית. אז מ׳ברויך אין קאווע שטיבל מעקן ווען איינער זאגט ״לייט״ און ״שבת״ און איין זאץ, דאן ווערט דער ניווא פונ׳ם געזעלשאפט אסאך נידריגער. אז מ׳ברויך דן זיין און איעדע זאך צו מ׳קען עס ארויסזאגן, צו ס׳הייסט יא אדער נישט כפירה, דאן ווערט דער געזעלשאפט צוביסלעך פארפוילט פון אינעווייניג, אין די ווערים וואס האבן ליב שימל פארמערן זיך.

כמעט אלע געזעלשאפטן האבן שוין איינגעזען די סכנה פון א געטליכען צענזור. נישט נאר איז עס אפט דער גורם אז מנהגי סדום זאלן זיך פארמערן, נאר עס ברענגט צו א גענצליכער דערשטיקונג פון חכמה און קונסט, וואס דאס איז דער אמת׳ער געטליכקייט אויף דער וועלט. עס ברענגט צו א בלבל המוחות, צי א מין געזעלשאפטליכן מח-קרענק וואס איז אומעגליך צו היילן. עס ערלויבט נישט אויסצושמיעסן אנדערע איינזעענישן, אנדערע דעות, און עס ערלויבט שטערבליך-קראנקע פארפוילטע דעות צי מארשירן אומגעשטערט. עס האלט אפ די מענטשהייט פון כל הקודש, פון מדות אזוי ווי רחמנות און ביישנות וואס איז אונזער ריכטיגע ירושה.

אשר על כן אליכם אישים אקרא, אויב באדערט אייך דער מצב פונ׳ם חסידיש׳ן געזעלשאפט, הערט אויף מיט דעם געטליכען צענזור, דא און קאווע שטיבל אדער אונ׳ם אמת׳דיגן קאווע שטיבל. אז איינער זאגט אז ער צינדט אן א לייט אום שבת, אז ער זאגט אז ער גלייבט נישט אין דיין באשעפער, אז ער זאגט ער טרונקט חלב עכו״ם, אז ער האלט אריסטוטל איז גערעכט נגד הרמב״ם, אז זי זאגט אז זי שלאפט מיט א שגץ, אז זי זאגט אז זי גייט מיט א קאלירפולן שירצל פרייטאג צונאכט, אז זי האלט אז תוספות אין מסכת סוכות האט א טעות געהאט אונ׳ם פייטאגארעס טעארם, דאן שמועס עס אויס. זעי ווער עס איז גערעכט. אויב האסטו מורא יראת אלוקים ויראת אנשים, דאן דריי זיך אויס און הער נישט אויס, אדער ליין נישט ווייטער. אבער הער אויף מיטן צענזור, סיי אויף דיר אליין אין סיי אויף אנדערע. ומובטח אני אז מיט די צייט וועט דורך דעם בעסער ווערן די אלגעמיינער מצב. וואס זאגט איר צו דעם?

ובזה יצאתי ידי חובתי. והנראה לעיני כתבתי, והשם ישמרינו מהמאמינים בו

די ווייסט זייער גוט אז אין חסידישע געזעלשאפט נעמט מען נישט צו קינדער פארן אפלאזן חסידות. די ווייסט זייער גוט אז מען וויל נישט הרגענען און פארשטיינערן געי'ס אדער מחללי שבת, די קאמף איבער די קינדער איז געווענליך א קאמף צווישן א מאן און א ווייב, און א לעגיטימע מערכה איבער די עתיד פון די קינדער. טראץ וואס אסאך מאל מישן זיך מענטשן אריין מיט א פרומע אכזריות.
זאגן צווישן א פרומע ציבור אז די עכטע גאט איז קונסט, איז א שיינע חידוש ביי די עטליכע פראצענט מענטשן וואס זענען אטעאיסטן, אבער צווישן די וואס זענען אויסגעוואקסן פרום, און יא, זיי עפענען זיך צו אלע דעות, אבער זענען דאך פרום מלידה, איז נישט די פאסיגע זאך צו שרייבן ווען די ווילסט אז מען זאל הערן דיין פוינט.
די וווייסט אז מען טוט חסד אויך מיט אידן וואס זענען נישט טאטאל חסידים, און יא, מען העלפט נישט קיין גויים אדער פרייע, און מען קען דן זיין דערין, אבער זאגן שקר איז נישט שיין.
רופן יעדע זאך שימל, קענסער, און נוצן די סארט שפראך ווי ווערים און פאראזיטן איז אפשטויסענד און צייגט מער אויף א שטיבל ווי א אוניווערסיטעט.
דיין צאמקלאפן חלב עכום מיט אטעאיזם, חילול שבת מיטן זיין א רמבמיסט, און אריינווארפן דיינע ידיעות אין מאטאמעטיקס ווערסוס א תוספות, בנשימה אחת מיט א שירצל ווייזט אז די ביסט מזלזל אין אונזער אינטעליגעץ און איז די העכסטע סתירה מיט דברי חכמים בנחת נשמעים.


[tag]הוגה[/tag] און [tag]געפילטע פיש[/tag] און אנדערע, טוישט אפאר ווערטער אין די אשכול, און דוכט זיך אייך אז עס האט עס געשריבן בדחן, אדער אתא קלילא, וועט איר פארשטיין מיין פוינט. איר מוזט נישט אננעמען אן אשכול לויט די סייז רעקל אדער אמונה אנשויאונג פונעם שרייבער. די דאזיגע ארטיקל איז געווען חרדיש געשריבן, טראץ וואס דער שרייבער גלייבט נישט און דעריבער האב איך אים אטאקירט.

[בר דעת]

און איך וויל איבערבעטן פאר מיין נעכטיגע שרייבן שנעל, אויבערפלעכליך און רייצנדיג, איך האב פשוט נישט געהאט צייט האב איך געשריבן מיט גרימצארן אן יישוב הדעת

[איך אויך]

מיין פריינט דארפסט דיך גארנישט אנטשולדיגן. ווען איינער קומט זיך אויסמייכענען מיט אטיעסטישע עקלשאפט אויף א חשובע ציבור מאמינים בה' (''דיין באשעפער'' בלע''ז) איז מען מצווה להקהות את שיניו.

[גאנצל]

ווי א עכטע בר דעת כמה דאת אמר אם אין דעת הבדלה מנין די פראבלעם ביי אזעלכע נושאים איז אלעמאל די זעלבע דהיינו אז מ'כאפט זיך ארויף אויף עקסטערעמיזעם דהיינו צו שרייבן אז א מחלל שבת איז "בלויז" אוועק פונעם חסידישן מהלך איז עקסטרעם ועוד יותר כאשר דברת היטיב פשט איז אזוי ווילסט ארויסברענגען א פוינט נאו פראבלעם אבער פארברייטער עס נישט 1000 מאל מער ווי ס'איז און מאך נישט כאילו אז מ'נעמט צו קינדער וואס די מאמע וויל אז די קינד זאל זיך טוישן פון א ביבער הוט ביז א שטאפענע

מ'נעמט צו קינדער _איך זאג נישט אז ס'איז גערעכט _ אבער מ'נענט צו ןווען א מאמע וויל ווילדערהייט דראסטיש טוישן דעם אנגענומענעם מהלך ביי די קינד וואס דאס באדייט אז די פרוי למשל, איז אומסטאביל און פאר איר יעצט מינוטיגע רוגזה וויל זי פארביטערן איר קינדס לעבן