זאכן וואס כ'וויל וויסן

[קאמענטירער]

וואס מיינט דאס וואס סארא פעילין האט געזאגט אז זי קען זען רוסלאנד פון איר פענסטער?
כ׳מיין אז ס׳איז נאר ליצנות האט זי עס געמיינט ערענסט?

[קאווע טרינקער]

וואס מיינט דאס וואס סארא פעילין האט געזאגט אז זי קען זען רוסלאנד פון איר פענסטער?
כ׳מיין אז ס׳איז נאר ליצנות האט זי עס געמיינט ערענסט?

קוק אויף די מאפע וואו אלעסקע געפינט זיך.

[געפילטע פיש]

ווען איך דאונלאוד א ווידעא אין לאו קוואלעטי, מאכט עס א חילוק אויף די מוזיק אויך אדער נאר אויף די ווידעא?

ס'ווענדט זיך שטארק וואו די חמור שטייט איין. רוב ווידיאו פארמאטן וואס דו דאונלאודסט זענען קאנטעינערס, דאס הייסט זיי זענען א סארט פייל וואס האלט אין זיך א קאמפרעסט ווידיאו סטרים, און א קאמפרעסד אודיאו סטרים. און דער וואס האט דאס צאמגעלייגט האט געקענט אריינלייגן HQ אודיאו און LQ ווידיאו, אדער פארקערט. אבער ע"פ רוב וועט די אודיאו קוואליטעט נישט אראפ גיין אזוי שטארק, וויבאלד אודואי, אפילו רעלאטיוו הויך קוואליטעט, נעמט נישט אויף קיין סאך פלאץ קאמפערד צו ווידיאו.

[שמעקעדיג]

פארוואס שרייען מענטשן ביי ספירת העומר און נישט למשל ביי כפרות שלאגן

ווייל דארטן שרייען שוין די כפרות, מ'קען דאך נישט יעדער שרייען צונאזאם.
משא"כ ביי ספירת העומר, וק"ל.

[[NAMELESS]]

פארוואס שרייען מענטשן ביי ספירת העומר און נישט למשל ביי כפרות שלאגן

ווילאנג ווילסטו מען זאל פראווענען א כפרות שלאגן ווען אין א ליאדע מינוט'קעלע לאזט דער הינדל ארויס דאס גאנצע "יציאה" זיינעם אויפן היטל ארויף ...??

[איך אויך]

וואס מיינט נחום ווען ער זאגט אלטע מארמארישע אזיאטישע פערד/וועג ,מארמארישע פערד פארשטיי איך אבער ווי קומט אזיע אריין?

[א איד]

ווען האסטו עם דאס לעצטו מאל געהערט?

[ביליג]

אסאך מאל ווען איך וויל עפעס קויפן אויף עמעזאן טשעק איך זייערע פרייזן און אויך די פרייזן פון די אנדערע סעללער'ס וועלכע האבן געווענליך ביליגערע פרייזן פאר יוזד אדער ריפורבישט פראדוקטן. וואונדערט מיר אבער צו זעהן ווי די דריטע-פארטי סעללער'ס האבן אפט פרייזן פיל טייערער ווי די ברענד-ניו פון עמעזאן, צומאל כמעט דאפעלט! און עמעזאן שיקט מיר נאך פרייע שיפינג.

וויל איך וויסן, וואס טראכטן די סעללער'ס? פאר וועלכע סיבה אויף דער וועלט זאל איינער גיין קויפן פון אן אומבאקאנטן סעללער פאר אסאך מער געלט ווי די אריגינעלע?

לויט ווי איך פארשטיי איז דא אפאר סיבות בנוסף צו די פריעדיגע דערמאנטע 1- זיי מוזן עד פארקויפן פאר טייערער כדי צוריק מאכן זיין געלט (מיט רווח) עמעזאן באקומט עס פאר אסאך ביליגער פון אנדערע סעללערס 2- אפאר מאל לייגט מען ארויף קודם צו פארקויפן און שפעטער רוקט מען די פרייז 3- אמאל מאכט זיך אז איינער פון אויסלאנד וויל עס קויפן עמעזאן שנקט נישט צו אויסלאנד זעה די קאלקולטער וויפול געלט מען מאכט צוריק פון https://sellercentral.amazon.com/hz/fba ... lang=en_US. fba

[ונבנתה העיר]

פארוואס קענען/ווילן נישט קאמערשאל בעקעריעס ערצייגן די זעלבע חלות ווי די וואס ווערן געבאקן פריוואט [דמיתקריא 'היימיש']?

[נולד מאוחר]

ווייל ספירת העומר איז א דאורייתא איז דא א ריתחא דאורייתא
כפרות איז א מנהג (יכול להיות אז די מקומות וואס א מנהג איז הארבע ווי א דאורייתא שרייט מען טאקע יא?)

כפרות איז אויך א דאורייתא, צער בעלי חיים

[איך אויך]

ווען האסטו עם דאס לעצטו מאל געהערט?

גילו נאות: כ'האב שוין נישט געהערט נחום לפחות 5 יאר אבער סאמהאו האב איך מיך לעצטענס דערמאנט דיזע אויסדרוק זיינע.

ער גייט נאך אן מיט ערמעדזשענסיס שבערמעדשזענסיס?

[[NAMELESS]]

איז טאקע נישטא קיין וועג צו ניצן די פאונ'ס אינטערנעט פארן קאמפיוטער אויב צאל איך נישט פאר ווייפיי?

[[NAMELESS]]

פון ווי קומען די מרכז הרב סטיל מענטשן פון דערהיים? קומען זיי פון די אייראפעישע שטעטלעך?

[tag]chusid[/tag],
דיין שאלה איז אביסל קאמפליצירט.
דו מיינסט די 'מזרח'יסטן' בכלל?
אדער מרכז הרב'ניקעס בפרט?

די מזרח'יסטן בכלל, איז א תוצאה פון תנועת המזרחי וואס האט זיך טאקע אנגעהויבן אין אייראפע, אבער איז שנעל געווארן א אינטערנאציאנאלע באוועגונג, און עד היום הזה זענען דא ספרד'ישע ווי אשכנז'ישע מזרח'יסטן.

די מרכז הרב'ניקעס, זענען תלמידים פונעם ישיבה שנתייסדה ע"י הרב קוק, און זיי זענען די פרומערע סארט מזרח'יסטן, סיי מיט זייער יראת שמים, און סיי מיט זייער לימוד בעיון גדול, און סיי מיטן דורכאקערן ספרי הרב קוק מער ווי אונז לערנען חסיד'ישע ספרים... כמובן, זענען זיי בעיקר אפשטאמיגע פון אייראפע, כאטשיג מ'נעמט אויך אן ספרד'ישע אפשטאמיגע.

נאך שאלות איבער דעם נושא זענען וועלקאם.

לאחר בקשת אחד מחברים המיוחדים באתרא הדין, באישי, וועל איך ברענגען אפאר לינקס איבער מרכז הרב ורבניהם והמתסעף.

מרכז הרב, און איר פרומערע שוועסטער - 'הר המור':
http://www.yeshiva.org.il/wiki/index.ph ... 7%A8%D7%91
http://www.harhamor.co.il/default.aspx?langID=1
http://he.wikipedia.org/wiki/%D7%99%D7% ... 7%A8%D7%91

די גרויסע ראשי ישיבה פון הרב קוק ביז ימינו אלה:
הראי"ה קוק
ער האט אויפגענומען דער באוואוסטער טשיקאווער מענטש, דער מקובל און פילאזאף, וואס איז געווען א נזיר
דערנאך זיין זון רצי"ה
צוזאמען מיטן ירושלימער גדול וצדיק רי"מ חרל"פ
דערנאך דער כמעט חרדי - רבי אברהם שפירא
ראש ישיבת הר המור איז דער גאון ועניו רבי צבי טאו

אסאך תלמידים פון הרב קוק [ראי"ה] זענען געווען בארימטע חרדישע גדולי ישראל, נישט נאר הרב אלישיב און רש"ז אוירבאך וואס האבן זיך פאררעכנט צו זיין זיינע תלמידים, נאר אויך אזא איינער ווי רבי גדלי' אייזמן, משגיח ישיבת קול תורה, און אנגענומענער גדול אין די ליטווישע וועלט, האט געלערנט אין מרכז הרב. אזוי אויך איז מיט הרב קאפח, טאקע א לינקער [לפי השגתינו], אבער פארט נישט קיין מזרח'יסט מיט זייערע השקפות.

פון די גאר באוואוסטע תלמידי ישיבת מרכז הרב, זענען מזרח'יסטישע רבנים פון די סאמע רעכטע ביז די קלי הדעת שבהם.
פון איין זייט איז דא דער באקאנטער קאנטראווערסיעלן רב שלמה אבינר, וואס פון איין זייט האט ער געפירט א מערכה קעגן די יונגל-מיידל געמישטע תנועת בני עקיבא, און פון די אנדערע זייט האבן חרדישע און געוויסע מזרח'יסטישע רבנים געפירט א שארפע מערכה קעגן אים - אפיציעל צוליב קולות (אדער שארפערס) אין דיני נדה, ועי' כאן.
פון די אנדערע זייט, איז דער מייסד תנועת בני עקיבא זעלבסט, הרב נריה, א תלמיד פון ישיבת מרכז הרב.
נאכמער, דער שיעור געווארענער לינקער [רב] דוד סתיו, וואס פירט אן דעם לינקן רבנים ארגעניזאציע צהר - וואס האקט אונטער אפילו די האלב נארמאלע רבנישע אויטאריטעט פונעם רבנות הראשית - איז אויך א תלמיד פון מרכז הרב. אגב, אין א גאר טשיקאווער ליכט, איז דער סתיו אן אייניקל פון הרה"ק ר' שלמה'קע זוויעלער זצ"ל (לעצטע וואך געווען זיין יארצייט). דאס איז בערך אזוי פאני ווי דער פאקט אז דער שייגעץ יאיר לפיד איז אן אייניקל פון ר' שמעלקע סעלישער זצ"ל.

נאך בארימטע רבנים זענען ר' חיים דרוקמן, טרויעריג בארימט מיט זיינע גיורים וואס האבן נישט קיין האפט לפי דעות רוב גדולי ישראל. אויך ר' יעקב אריאל, נשיא ארגון רבני צהר, אבער גראדע מער אן ערליכער טיפ. אויך ר' זלמן מלמד איז א באקאנטער רעכטער מזרח'יסטישער רב וראש ישיבה. און צום לעצט דער גאון אדיר רבי דוב ליאור, וואס איז דער הרב אלישיב ביי די מזרח'יסטן, און גלייכצייטיג א שטארק רעכטער רב.

און צום לעצט, דער וועבזייטל צו רוב ישיבות אויפן פרומען נוסח פון מרכז הרב.

[ונבנתה העיר]

איז טאקע נישטא קיין וועג צו ניצן די פאונ'ס אינטערנעט פארן קאמפיוטער אויב צאל איך נישט פאר ווייפיי?

http://pdanet.co/
[tag]גראדעמעכעלע[/tag]

[קאמענטירער]

צו איז די יידישיסטישע באוועגונג אויפן וועג אראפ (אזוי איז משמע פון זייערע הספדים אויף יידיש אז סאיז דא ווייניג מענטשען וואס פארשטייען יידיש)?
און אויב יא פ״וו?

[[NAMELESS]]

מאכן א רעזערוואציע ביי די DMV טוט עפעס אויף אדער מ'דארף ממילא ווארטן?

[יואב]

בנוגע דעם פראצעס פון פלאנעטארי-דיפערנישיעישאן. אז ס'שטעלט זיך ארויס אז ווי העכער די density פון עלעמענטן זענען דאס מער זינקען זיי אראפ, און טאקע דערפאר געפינען זיך כמעט אלע אייזן נישט אויף דער סקארע, דאן פארוואס איז א קליין פראצענט יא איבערגעבליבן, און פארוואס האט זיך דאס אפגעשטעלט דוקא ביי דעם.

[ונבנתה העיר]

לכבוד די יום הולדת, הא?

[ונבנתה העיר]

כ'קען נישט די סוגיא, אבער, מסברא, ווער זאגט אז עס האט זיך שוין אפגעשטעלט? פערהאפס דארפן מיר שמועסן אין עטליכע ביליאן יאר ארום.

[קאמענטירער]

(סנאך דא אפאר אומפארענטפערטע קשיא׳ס אבער מעגליך אז סטאקע נישטא קיין תירוצים פאר זיי וועלן מיר גיין ווייטער)

איינער ווייסט פ״וו די מוסלימענער פארבען זיך די האר מיט אזא אומנארטורליכע ארענזשע קאליר?

[בעל מדות]

ווי קען איך זיך איינהאנדלען די סעט פונעם אמאליגן "צייטשריפט" מאגאזין?

[מרדכי]

איינער ווייסט פ״וו די מוסלימענער פארבען זיך די האר מיט אזא אומנארטורליכע ארענזשע קאליר?

ס'הייסט אפיציעל אז מוחמד האט עס געטיהן און זיי ווילן גיין און זיינע וועגן. וואטעווער.

[chusid]

וואסי פשט פון שרייבן 'האדמו"ר- האדונינו מורינו ורבינו מ------שליט"א? ער איז דאך נישט רבינו