כוכב און מה הוא פרעזענטירן: "ספר האישים"

[בן נריהו]

יצחק לאווי - דער באשרייבן איבער עם - איז ארויסגעפאלן? עמדה לו חמה ליהושע איז פילייכט - אויך - ארויסגעפאלן.

[מה הוא]

עמדה לו חמה ליהושע איז געהעריג דא

[מה הוא]

דער ארטיקל איבער ר' וועלוול שמעלצער איז ספעציעל פארן ספר האישים, אדער איז עס שוין אמאל געווען אין שטיבל?

יא

[[NAMELESS]]

יא. על הרישא קאי או על הסיפא קאי..?

[[NAMELESS]]

חדש

[כוכב]

נישט פארגעסן אפצוגעבן דעם ערליך פארדינטן אנערקענונג פאר הרבני הנגיד המפואר רב פעלים מקבציאל מוה"ר [tag]שטילע אינגערמאן[/tag] וואס פון די ערשטע מינוט האט ער גענומען אויף זיך א באדייטנדע טייל פון די הוצאות וואס האט שטארק ארויסגעהאלפן פאר'ן פראיעקט.
און א האנט פאר [tag]רויטע וואנצעס[/tag] וואס האט אריינגעלייגט שעות פון אינוועסטיגעטיווע ארבעט מיט שאפן רוב פון די בילדער. מיינטס נישט אז עס איז געווען א לייכטע ארבעט. אויך האט רויטע וואנצעס גענומען אויף זיך א ספאנסאר-שיפ. גיטס אים אלע א סלעפ פייוו.
די ערשטע דארף מען זיך באדאנקען פאר [tag]מאראנצןזאפט[/tag] וואס האט שטארק באגלייט דעם פראיעקט און (לכבודי, נאכ'ן שטיין אויפ'ן קאפ...) באווייליגט צו שרייבן דעם הערליכן נייעם ארטיקל.
א דאנק פאר [tag]טאמבל סאס[/tag] פאר'ן צושטעלן די בילדער פון הרב ראפאפארט.
א דאנק פאר [tag]פלאוויוס[/tag], [tag]אבטולמוס[/tag], [tag]ונבנתה העיר[/tag] און [tag]שמעקעדיג[/tag] פאר'ן צושטיין בעצה ובתושי' ובסיוע שיש בו ממש פאר דעם פראיעקט.
לעסט באט נאט ליסט, די שטענדיגע גרייטקייט פון די צוויי מנהלים [tag]סדרן[/tag] און [tag]קעלנער[/tag]. סארי מנהלים, איך נעם אייער הילף פאר גרענטעד, ממילא פארגעס איך אייך צו באדאנקען, אבער זאל דער עולם וויסן וויפיל איר זענט ארויס פון וועג ארויסצוהעלפן פאר דעם ספר האישים.
אן אזא מיטארבעטנדע טים פון עליטיסטשע חברה וואס פארשטייען אן עסק וואלט דא גארנישט געווען. גיטס זיי אלע א טאמבס אפ.
[tag]מה הוא[/tag] וואס זאג איך אויף מה הוא, דארף איך אים באדאנקען? עס איז זיין פראיעקט. ער קען מיך באדאנקען.
וויפיל בין איך אים געשטאנען אויפ'ן קאפ. וויפיל האב איך אים משוגע געמאכט אויף קלייניגקייטן. וויפיל מאל האט ער געמוזט מיטטאנצן מיט מיינע קאפריזן ווייל איך האב געטוישט מיין מיינונג. ווי שווער איז געווען צו באזייטיגן אן ארטיקל נאכ'ן אויסשטעלן ווייל איך האב אים נישט געזאגט גענוג פרי דאס ארויסצונעמען. וויפיל כוחות האט ער אריינגעלייגט אין דעם דעקל אז עס זאל אויסקומען אזא פראכט. ווער נאך ווי איך ווייס וויפיל אפציעס פון 'דעקלעך ער האט ארויסגעשטעלט אז עס זאל זיין צו מיין געשמאק. ווער נאך ווי איך ווייס אז "גאנץ" ספר האישים איז שוין געווען גרייט, און ער האט אנגעהויבן פון "אלף", אהערשטעלנדיג א מהודרא בתרא פון די גאנצע ארבעט, ווייל ער האט מיך געוואלט צופרידנשטעלן. וויפיל מאל איז ער אויפגעשטאנען פארטאגס ארבעטן אויף דעם פראיעקט.
רבותי דער איד איז א מסירת נפש איד. גיטס אים אפ דעם ריכטיגן כבוד, פנו מקום, מאכטס פלאץ פאר רבי מה הוא.
דער ארטיקל "כי ביצחק יקרא" האב איך באין ברירה ארויסגענומען די לעצטע מינוט אויפ'ן פערזענליכן פארלאנג פון [tag]מאראנצןזאפט[/tag], דערנאך וואס ער האט נישט געקענט קריגן רשות פונעם בעל דברים גענוג אין צייט.

[פלאוויוס]

כוכב, ווען ס'קומט מיר א דאנק נעם איך עס גערן. אבער פאר בלויז געבן אפאר הערות אויף איין ארטיקל קומט מיר גארנישט.

איך האב מיך אסאך צו לערנען פון דיין און מה הוא'ס מסירות נפש. מי יתן איך זאל אמאל אנקומען אהין.

[[NAMELESS]]

נאך מיין שיר שבח אויף הרב [tag]כוכב[/tag] דא,
און נאך כוכב'ס פריערדיגע לויב רייד אויף הרב [tag]מה הוא[/tag],
האב איך מקדיש געווען א ספעציעלן שיר שבח פאר הרב מה הוא:

מודים אנחנו לפניך חברינו היקר

העוזר בסתר ולגדולתו אין חקר.


הו"א הוא הגבר אשר הוקם על

ולעולם נביט עליו כאיש משכמו ולמעל

אמרי פינו מלא שבח על כל אשר פעל.

[אפטעמיסט]

אין א דיסקוסיע וועגן שטארבן, נעלם גיין און פארשוואונדען ווערן אין ים אריין, האט מיר מאראנצןזאפט געשריבן אין אישי ווי פאלגענד:

איך בין נישט אנטלאפן חלילה, איך קום דא אריין פון צייט צו צייט. אבער איך בין מורא'דיג אנגעשטרענגט אין פערזענליכן לעבן און דערנאך וואס קאווע שטיבל איז צו געשמאק און קאסט צופיל צייט האב איך עס געמוזט אויפגעבן.
איך שרייב נאך פון צייט צו צייט, איך האב געשריבן אויף סוכות דעם ומרדכי רצוי לאחיו, ערגעץ אינמיטן ווינטער איבער שלום אין סטוטשין און כי ביצחק יקרא, איך האב געשריבן לכבוד פורים אן אינטערוויו מיט קופערניקוס וואס האט אויך גענומען עטליכע שעה, איך העלף ניקים דא און דארט, איך האב געשריבן דעם אריינפיר פאר ראשעקאלס אינטערוויו און געלאזט שמעקעדיג נעמען די קרעדיט, פאר פה סח האב איך גענצליך איבערגעארבעט די ארטיקל איבער הרב שלעזינגער פון יין שרף, און יעצט האב איך ארויסגעהאלפן (אביסל) מיט ספר האישים און געשריבן דעם נייעם מאמר, וואס איז אריינגעגאנגען דערין אסאך שעות. איך האב נישט געציילט אבער אפשר אפילו צען שעה(!). איך בין א פערפעקשאניסט, זאכן נעמען מיך אסאך צייט און דאס איז אויך א צוריקהאלט פון שרייבן.
איך בין נישט אנטלאפן נאר באגרעניצט, איך מאך זיכער פון צייט צו צייט צו שרייבן עפעס אינהאלטסרייך און אינטערסאנט און איך קום אריין גענוג אפט מיטצוהאלטן מהנעשה והנשמע.
איך בין טאקע שטארק נייגעריג צו הערן אייערע קאמענטארן אויף מיין נייע ארטיקל אין וועלכע סאיז אריינגעגאנגען אזעלכע כוחות.
און אויב איר פילט אז ס'איז וויכטיג קענט איר מיטטיילן דעם אישי אין דער עפנטליכקייט

איך טייל עס מיט ווייל איך פיל ס'איז וויכטיג אז דער עולם זאל וויסן אז ק"ש איז נישט קוראפט ויש לנו תפוז זקן ומאראנצן שמו, וואס אפילו ווען ס'זעט אויס אז ער איז בהסתרה, שטייט ער פון אויבן און האלט זיין האנט.

גוט יום טוב.

[[NAMELESS]]

ישר כח [tag]כוכב[/tag]
[tag]מה הוא[/tag]
[tag]מאראנצןזאפט[/tag] (איך באוויין דאס וואס איך האב נישט זוכה געווען צו זיין דא בימי נעורייך)

ענק האבן געמאכט מיין יו''ט, דאס מאל איז עס געווען א ריכטיגע לכם אריינגעשטופט צווישן די שווערע תיקון טשיז קעיק און אויסגעצויגענע דאווענען,

[[NAMELESS]]

געווען א אמת'ע עונג יו"ט. ס'האט אפגעקלינגען איבעראל. אין ביהמ"ד האט איך געהערט פון כאטש צעהן מענטשן וועגן די ספר האישים

[געוואלדיג]

א הארציגן יישר כח פאר די עוסקים בצרכי ציבור באמונה, הני תרי צנתרי דדהבא ה"ה כוכב ומה הוא אשר משימים לילות כימים צו צושטעלן כשר'ע ליין מאטיראל על טהרת הקודש מיט פיל זאפט און תוכן,
כה לחי
געוואלדיג

[כוכב]

ברוך השם
פרינטס ארויס פאר אייך און נאנטע
און האט הנאה

ארויסגעפרינט.

[[NAMELESS]]

אלץ א נייער דא אין קאווע שטיבעל וויל איך זיך פערזענליך באדאנקען פאר כוכב, מה הוא, מאראנצן זאפט און אלע אנדערע וואס האבן אנטיילגענומען אין די געוואלדיגע מוראדיגע הערליכע ארבעט פונעם ספר האישים,
אזוי ווי איך בין נאכנישט געווען אריינגעשריבן פסח וויל איך זיך יעצט אויך באדאנקען פארן מוראדיגע וכו׳ וכו׳ פה-סח וואס אזויפיל יודען האבן הנאה געהאט דערפון
כה לחי כן יתן השי״ת כח ומרץ בהעתיד

[רויטע וואנצעס]

ברוך השם
פרינטס ארויס פאר אייך און נאנטע
און האט הנאה

ארויסגעפרינט אבער וואס קען איך טון אז עס איז איבר דריבא שטותים מיט לאקשען

וואס איז "איבר דריבא"? שוין אריין אין מאחורי.

[בונדל]

.

[[NAMELESS]]

ווי פלעגט רבי יענקעלע זאגן ? אזא גראבע לשון הרע (אויף גאנץ ק"ש) האב איך שוין לאנג נישט געהערט.

[מנשה לוסטיג]

.

[בן נריהו]

.

[מה הוא]

ברוך השם אזוי אומוועלענדיג (נישט וויסנדיג אז איך בין דאס) באקומען אסאך גוטע גריסן דער עולם האט זייער הנאה געהאט,
און געהאט די זכי' פאר אסאך צוצושטעלן א ריכטיגע שמחת יו"ט

[גרויסע מענטשעלע]

כודם כל א גרויסער ישר כח פאר @כובב @מה הוא @מאראנצןזאפט

הערליך שיין די ארבעט אין די קאנטענט.
אבער זאגטס מער ענק נעמען קרוטיק אויך.
כהאלט אז פה סח איז געוועהן א שטערקערע היט אין יעצט איז מען געפאלן א ביסעל (ביטע מיך נישט קריטעקירען אז די האלטסט אנדערש לאמיר זיך אדורך שמיסען ) איז אזוי פה סח האט איז געוועהן מלא וגדוש מלא תוכן הערליך ארבעט נישט בארעדט קיינעם. דאס מיינט אז א מענטש וואס קומט נישט אריין דא ביי אינז האט עס אונגעטראפן איז ארויס פין התפעלות וואספארא רייכע גליון אינז האבן צוזאם געשטעלט. משאכ ספר אישים האט בארעדט אסאך יחידים פערזענליך וואס כהאלט אז אפי סאיז טערעסאנט צו ליינען אבער דאך קרומט יעדער מיט די נאז ווייל סאיז א זאפטיגס לשון הרע.
למשל קול מבשר ארטיקעל איז גיוואלדיג אבער ווען משרייבט די אינטערוויאערס שיסט מען רעכטס אין לינקס נאכאמזל איך בין נישט קיין אינטערוויאר. ווי אויך אביסעל די לשונות וואלט מען ווען געדארפט אביסל מגיע זיין ווי למשל גירלפרענד וואלט ווען דא אויך אריין מאחורי.

שכח נאכאמאל אלע סאיז א שיינער ארבעט דא אלץ א דרויסענדיגע בליק האלט איך אז אמפרכעט די קלייניגקייטן קענען מיר זיין #1 אויסגאבא

[[NAMELESS]]

עס פארמאגט לשון הרע גמור, וואס איז שקול אקעגן די דריי הארבסטע עבירות

ווי שטייט אז לשון הרע איז שקול קעגן די דריי הארבסטע? (איך וויל באמת וויסן, איך מיין נישט קיין ליצנות יעצט)

[מנשה לוסטיג]

די מינומאלסטע מאמר חז''ל געדענקסטו נישט?
בלעטער איבער א חפץ חיים, וועסטוו זעןן די צענדליגע מקורות אין חז''ל