שווערע ווערטער וואס כ׳וויל וויסן

[ידען]

ישר כח געפילטע.

איך האב מיך געווינדערט אז יואליש איז דא געווען און ער האט נישט מסביר געווען.

[גלות יוד]

ווי אזוי זאגט מען "שותף" אין אידיש?

[שמואל הלוי]

איך מיין אז ס'האט נישט קיין ספעציפישע ווארט אין אידיש, פונקט ווי "גלות" און נאך ווערטער.

[גלות יוד]

דעטס וויי איי עסקד

[zamel]

ווי אזוי זאגט מען "שותף" אין אידיש?

אין דויטש איז עס פארטנער, קוקט אויס אז פארטנער איז נישט קיין ענגלישע ווארט

[אלבערט]

הייסט עס ס'איז א ריין ענגליש ווארט

אפאטיש איז א ווארט וואס פיגורירט שוין אין "דער איד" זינט הרב סענדער דייטש'ס צייטן.

"אפאטיש" האט גארנישט מיט ר' סענדער דייטש. דאס ווארט איז גענוצט געווארן נאך פאר עס האט עקזיסטירט אזא צייטונג ווי "דער איד". זעט, צום ביישפיל, דא, ווי דאס ווארט איז גענוצט געווארן אין תרפ"ט אין פוילן.

איך האב דאס געשריבן אין באצוג צו וואס זר זהב האט געשריבן אז ער האט געזען א נייע ווארט אין דער איד.

[ידען]

אין די בלאט זעה איך אזא ווארט: ביליכער. וואס מיינט עס?

מדינת ישראל איז ביליכער אן אפגעשוואכטער אסאד רעזשים.

[שמעקעדיג]

זיי נוצן עס אלס "ענדערש".
(כ'ווייס נישט צי דאס איז דער זעלבער אויסטרעף ווי "אויס-שווארץ" פאר בלעק-אוט..)

[קרעמער1]

בילכער איז אן אלט יודיש ווארט
אינעם ווערטער בוך אשכול האט מען שוין ארומגערעדט איבער זיין באדייט viewtopic.php?p=123113#p123113

-----

פילייכט ווייסט איינער די פונקטליכע אפטייטש פון אַדעקוואַט און קאָגנאַט?

דאס זענען גראמאטישע טערמינען, וועלכע ווערן בעיקר גענוצט אין פארווערטס

[געפילטע פיש]

פון וואו שטאמט די ווארט 'קלאמפיש'?

[הוגה]

פון וואו שטאמט די ווארט 'קלאמפיש'?

דאכט זיך מיר אז עס קומט פון די לשון קודש ווארט 'כלומר'.

[לית דין בר נש]

קלאמפיש און כלומר מיינען צוויי אנדערע זאכן

[פרייוויליג]

פון וואו שטאמט די ווארט 'קלאמפיש'?

קלאמפיש איז קיין ווארט, עס איז כלומר'שט. און די מקור איז פשוט.

[לית דין בר נש]

שרייב מיר כלומ'רשט אין א Sentence און נאכדעם זאג מיר צו די ווארט כלומר קומט בכלל אריין
אדער זא מסביר די פשטות פון די מקור ווייל איך פארשטיי נישט

[ונבנתה העיר]

ע"ד אפשר: ער שאקלט זיך ביים דאווענען כלומר'שט ווי א פרומער = ווי כאילו צו זאגן.

[מנחם אבראמאוויטש]

אין א צווייטע אשכול שרייבט דער געערטער ישובניק די ווארט "מעטאפאריש" וואס באדייט דאס?

https://www.google.com/#hl=en&gs_nf=1&q=define+metaphor

דו מיינסט אז ברוין האט נישט קיין צוטריט צו גוגל?
מעטאפאר איז א צושטעל ע"ד משל (אדער ע"ד דרוש) ווען מ'וויל עפעס ארויסברענגן. לדוגמא, ווען מ'זאגט "ס'געווען א מיליאן מענשטן ביי די חתונה" איז די גוזמא פון מיליאן א מעטעפאר פאר אסאך מענטשן.

יידל דיין משל איז מער א גוזמא ווי א מעטעפאר. א מעטעפאר איז א משל וואס ניצט א פרעמדע באגריף פון א מצב אויפן צווייטן. "ער איז געשטיינען דארט אייז קאלט" איז א מעטעפאר. אויב ניצט מען מען די ווארט "ווי" איז עס נישט א מעטעפאר נאר א סימייל. דוגמא: "זיין פנים האט נישט געצייגט קיין געפילן, ווי אייז אין סיביר."

סימילי

[געפילטע פיש]

קלאמפיש און כלומר מיינען צוויי אנדערע זאכן

גערעכט, פארדעם פרעג איך וואס דאס מיינט.

ע"ד אפשר: ער שאקלט זיך ביים דאווענען כלומר'שט ווי א פרומער = ווי כאילו צו זאגן.

איך מיין אז פאר דעם קומט צו נוצן ענדערש קלאמפיש. א קלאמפישע פרומער איז קיין פרומער. משא"כ כלומר'שט איז וואס מ'לייגט צו פאר'ן עלאבארירן, כלומר'שט געבן א הסבר, אויף א פרידערדיגע ווארט. אזוי ווי i.e. אין ענגליש. דער געשעפטס מאן געט מיר אזא שארפע בליק, מ'כלומר'שט ווי צו זאגן, "פיץ דיר אפ פון דא".

[הערשי]

קלאמפיש איז נישט קיין געשריבן ווארט, עכ"פ נישט ביי אויסגאבעס מיט היימישע דיאלעקטן. דאס געשריבן ווארט איז אלץ כלומר'שט, וואס אין טייל סוב-דיאלעקטן זאגט מען דאס קלאמפיש, קלאמפירשט, מיקלאפירשט, וכו. ענגליש טייטש איז ostensibly. ענגליש טייטש פאר כלומר איז to say, to wit, viz. מכלומר'שט קומט, פארשטייט זיך, פון כלומר, אבער עטימאלאגיע באשטימט נישט קיין זין. די ווערטער מיינען עפעס אנדערש.

[קאמענטירער]

וואס מיינט די (יידיש) ווארט ״אלמער״?

[רוסישער]

וואס מיינט די (יידיש) ווארט ״אלמער״?

closet

[איך אויך]

דאכט זיך אויב איך מאך נישט קיין טעות מיינט עס א סארט בימה וואס מען נוצט אין קלויסטער ביי די דרשות ,ענדליך צו באלעמער.

[רוסישער]

דאכט זיך אויב איך מאך נישט קיין טעות מיינט עס א סארט בימה וואס מען נוצט אין קלויסטער ביי די דרשות ,ענדליך צו באלעמער.

דאס איז א ווארט וואס מ'נוצט טאג-טעגליך וכנ"ל

[קאמענטירער]

כוועל פורבירען אויפצוזיכען אפאר שווערע ווערטער וואס אונזער לעקסיקאן האט. זיי שוין אויסגעשפיגען מיט זייער מעגליכער אפטייטש;

1) אבאנירן?
2)אבצאס
3)אדעקלאן?