פארוואס א שטעיטל

[ליטוואק פון בודאפעסט]

ער מאכט זיך נעריש. יעדער גוי קען ארויס מופע"ן?! יעדער גוי דארף כשר'ע עסען? יעדער גוי האט חתונה ביי די אכצען און האט קינדער? און טאמער יא, דארף ער דען א חדר? אוודאי איז 'עסקנים' א נערישקייט, און מענטשען זאלען נעמען די לייצעס אין די הענט אריין, אבער סתם מופען אינדער וועלט אריין איז נישט קיין עצה לכל מי אשר יש לו מח בקדקדו.

[שמעון וואלף]

ב"ה אז ס'קומט אריין גוטע נייעס אז 9 משפחות גייען בקרוב זיך אריבערציען קיין וואודריטש צו וואינען דארט א גאנץ יאר. ווי איך האב געהערט פון איינעם וואס איז אינוואלווד, שטייט אינטער דעם ר' חיים מאיר ניימאן, פון גיבערס, וואס איז אינסטראמענטל אז דער היימישער עולם זאל זיך באזעצן אין די קעטסקילס א גאנץ יאר.

ס'איז איבעריג מסביר צו זיין די פראקטישקייט פון אהינגיין ווערסעס די אנדערע געפלאנטע ישובים. בעיקר איז עס אז מ'קען אהין מופן פון איין מינוט אויפ'ן צווייטן. מ'דארף נישט ווארטן פאר דעוועלאפמענטס אויפגעבויעט צו ווערן אדער שטאטישע פערמיטס. ס'זענען דא דארט הינדערטע הייזער וואס מ'קען דינגען און קויפן פאר שפאט ביליג. אויך איז דא דארט א פולע כשר'ע סופערמארקעט (און צוגאב צו "יגדיל" אין ס. פאולסבורג , א נישטיגע 5 מינוט דרייוו), דריי בתי מדרשים, הצלה. די אנדערע געשעפטן פון סענטער וואן, זענען אלע וויליג צו זיין אפען אגאנץ יאר ווי נאר ס'איז דא א פארלאנג (זיי צאלן סייווי רענט פאר אגאנץ יאר). אויך איז ד אן אויסוואל פון מוסדות פאר די קינדער, וויזניץ - גיבערס 10 מינוט אוועק און סאוט פאולסבורג (ליטוויש) 5 מינוט אוועק.

די 9 משפחות וואס ציען זיך אהין האבן באקומען סעקשאן 8 אין סאליווען קאונטי, אבער ס'איז זייער מסתבר אז איינמאל זיי וועלן זיין דארט, וועלן אסאך אנדערע נאכטון די זעלבע. מ'קען דארט קויפן הייזער פאר פעניס. למשל, אביסול ארויסציר פון טאון איז דא א גאנצע דעוועלאפמענט מיט אסאך הייזער פאר סעיל צווישן 50 און 130 טויזענט דאללער, די הייזער זענען געבויעט געווארן אין די 1980 יארן. אין טאון זענען דא אסאך אלטע הייזער פאר סעיל פאר ווייניגער ווי הונדרעט אלפים, וואס פאר א 20-30 אלפים קען מען שיין איבערבויען.

ווער עס קען די פלאץ פארשטייט פארוואס ס'איז נישט דומה צו town & country וואס האט נישט מאריך ימים געווען.

וחפץ ה' בידם יצליח

[בן נריהו]

שטייערן זענען (ש)טייער?

[שמעון וואלף]

ביליגער ווי א קאנדא אויף די אכטע שטאק אין וויליאמסבורג

[[NAMELESS]]

עס איז נישט די ערשטע מאל וואס א מנין ציען זיך צו די מאונטענס מחמת סעקשן עיט, און די מציאות ווייזט אז ווי נאר די יאר ענדיגט זיך ציען זיי צוריק,
האפענטליך אז אין די פאל וועט אנדערש זיין

[שמעון וואלף]

ס'איז די צווייטע מאל. ווי כ'האב געשריבן, איז די ערשטע מאל איז געווען אין לאק שעלדרעיק, אין town & country. יענץ איז געווען in middle of no where, און האט געהאט לעגאלע פראבלעמען מיט די באנק. ווען מ'האט געסעטעלט מיט די באנק, זענען די יוניטס געווארן פארקויפט און די נייע איינגעטימער האבן עס געוואלט פאר זיך, אלץ א זימער הויז. און ציגאב, זענען טייל owners בכלל נישט געווען צופרידן פון די גאנצע זאך. ס'זענען נישט געווען דארט קיין געשעפטן, בתי מדרשים, וכדומה איז קיין עכטע פאטענטשיל קיינמאל נישט געווען דארט.

וואודריטש איז אן עקזיסטירענדע שטעטל מיט אלעס גרייט אז מ'זאל זיך קענען דארט באזעצן און מ'קען זיך אויסשפרייטן וויפול מ'וויל. אויך איז א מעלה אז מ'וואינט נישט פארמאכט צווישן די זעלבע 10-20 מענטשן ווייל יעדע שבת זענען דא דארט צענדליגער געסט און יום טוב ווי סוכות און שבועות זענען דא א דריי פיר הונדאעט משפחות דארט

[ליטוואק פון בודאפעסט]

אלס אונטער כ''ק הגאב''ד שליט''א?

[שמעון וואלף]

גארנישט מיט אים. פארשטייט זיך אז דאס איז א זייטיגע באנעס וואס די איינוואינער וועלן האבן אז מ'וועט קענען נהנה זיין פון אים.

[ליטוואק פון בודאפעסט]

ווי גייט מען דאווענען?

[שמעון וואלף]

ס'דא די שטאטישע שול, ווי ס'דא מנין יעדן טאג, אדער קען מען מאכן א מנין אין קהל יראים. שבת איז דא מנין כמעט יעדע וואך ביי טאבאק.

[Kool man]

קהל יראים האט אויך כמעט יעדע וואך מנין פון די וועקעישענערס, אויך פון טאבאק איז דא וואס שפאנצירען אריבער צום פייערדיקען וואדריזשער רב שליט"א

[ליטוואק פון בודאפעסט]

ס'איז דען מעגליך צו בויען א שטאט פון סעקשין - עיט? דאס בויען פון א שטעטעל איז נאר אז מענטשען האבען אן עכטע סיבה צו זיין דארט און בלייבען דארט. נישט מיט א שיינע פאנאראמא צו וואס. יעצט א כולל קען זיך ציען ווי אימער. מענטשען מיט סעקשען - עיט גייען ווי זיי באקומען דאס געלט. ווען מ'קען עס אריבערפירען קיין וומסב"ג, גייען זיי גלייך דארט. נאר מיט א ביזנעס א פרנסה מיטעל קען מען ברענגען און האלטען מענטשען. אבער סעקשען - עיט מענטשען האלטען נישט ביי דעם. אז מ'עפענט א ביזנעס דארט, וואס פאבריצירט עפעס עכט אדער שטעלט עפעס צו, נישט 'לכו והתפרנסו זה מזה' נאר עפעס וואס מאכט א חילוק פאר די וועלט, קען מען האפען אז אנדערע וועלען קומען און צושטעלען זאכען פאר די וואס מאכען געלט פונ'ם ערשטע'ן ביזנעס און א דריטע וועט קענען מאכען א נייע ביזנעס צו געניסען פון די ערשטע צוויי קבוצות, און אזוי פארט א גאנג. אבער פון סעקשען - עיט שנארערס האט מען גארנישט.

[לית דין בר נש]

א אנהייב קען עס זיין
א שטופ פאר אנדערע צו וועלן אהינגיין קען עס זיין ווייל ווי נישט ווי גייען יעצט אהין צעהן אינגעלייט פון מיין שמאלץ טאפ

[ליטוואק פון בודאפעסט]

ווען אן אנדערע וויל אהין גייען, וואס העלפט עס איהם אז זיי זענען שוין דא? זיי מאכען נישט קיין דזשאב"ס, מ'קען זיי נישט נעמען אין די ביזנעס, מ'קען נישט פארלאזען אויף זייער געלט און זייער צוקונפטיגע ביזנעס. סתם פלייש צו מאכען א מנין און פאר די קינדער צו שפילען. א גאנץ שוואכער מיטל מיט וואס צו בויען א ווערטשאפט.

[שמעון וואלף]

די סעקשאן 8 געניסער וואס ציען זיך ארויס וועלן נישט אזוי שנעל אנטלויפן ווייל ווען זיי וועלן זיך אינטערעסירן אויף א דירה אין וויליאמסבורג וועלן זיי געוואר ווערן וואס מ'דארף אלץ צולייגן צו סעקשאן 8, און מ'וועט עס טון נאר בלית ברירה. איך קען מענטשן וואס ארבעטן אנליין וואס קענען גערן באשטיין צו גיין וואינען מחוץ לעיר, ווינאר ס'מאכט זיך א שטיקל ישוב. ס'נישט קיין נפקא מינה טאמער די ערשטע איינוואינער האבן סעקשאן 8 אדער נישט, די עיקר איז אז איינער הייבט אן די מאוומענט.

און לגבי זשאבס, פארשטיי איך נישט וואס די זאגסט. דארפן סעקשאן 8 געניסער דען נישט קיין פלאמבערס, עקסטערמינעטערס, און קאר מיקעניקס וכדומה? אויב איינער איז אביסול הענדי, קען מען זיין גאר ביזי אין די מאונטענס, אבגערעט פון פסח ביז נאך די זומער, נאר א גאנץ יאר אויך. ס'זענען מסתמה דא צוויי טויזענט אידישע ווינטערייזט הייזער וואס ווערן באניצט דורכ'ן יאר און יעדער דארף עפעס מעינטענענס. איך קען איינער א פלאמבער וואס וואינט דארט און ער איז ביזי א גאנץ יאר.

[ליטוואק פון בודאפעסט]

אוודאי דארפען זיי סערוויס, אבער פון ווי קומט דער געלט? נאך דעם וואס א פערצענט פונ'ם ציבור האט פרנסה פון עפעס טוהן פאבריצירען צו צושטעלען פאר'ן וועלט, איז דאס רווח בנמצא פאר ביזנעסער

[שמעון וואלף]

האפענטליך, נאך דארט זיין פאר איין יאר וועט נישט שמעקן צוריק צו קומען.

טעמו וראו כי טוב