החסידות על העליונה = דידן נצח = חסידים vs מנגדים

[איש את רעהו]

החסידות על העליונה= דידן נצח

א נייער חיבור וואס באשרייבט איבער די פולמוס וואס איז אנגעגאנגען יארן צווישן די חסידים ומנגדים איז נארוואס ארויס פון דרוק
ווי באקאנט איז יארן לאנג ארומגעגאגען לעגענדעס און טעאריעס ביי די מנגדים אז די חסידים זענען עפעס א נייע באוועגונג וואס זענען חלילה א סכנה פארן יהדות הנאמנה וואס דאס יהדות קען חלילה ליידן גרויסע שאדענס ברוחניות פון די כת החסידים, היינט איז נאך אויך דא א מיעוטא דמיעוטא וואס גייען מיט יענע לעגענדעס דא אינעם שטיבל דרייט זיך אויך אזוינע
דער חיבור ''החסידות על העליונה'' ברענגט פילע ציטאטען פון גרויסע לייט און עובדות ווי מען זעט דעם ענדע אז לבסוף פון די גאנצע פולמוס צווישן חסידים ומנגדים האט זיך אויסגעלאזט א זייפען בלאז און די אלע עלילות שוא וואס מען האט מעליל געווען אויף די חסידישע ציבור זענען שוין היינט אפגעפרעגט ביי אלעמען
עס איז כדאי עס צו ליינען דעם חיבור בפרט די מאמרים פון די גדולי ליטא וואס האבן אין די שפעטערע יארן געזאגט להדיא אז אסאך מקומות ביי אידן וואלט דאס אידישקייט נישט געהאלטן ווען נישט די כת החסידים וואס האבן מיט זייער אידישע כח געראטעוועט דעם מצב

[tag]ליטוואק פון בודאפעסט[/tag] עס וואלט כדאי געווען צו הערן דיינע תגובות והערות אויף דעם חיבור

[איש את רעהו]

[ליטוואק פון בודאפעסט]

שיק מיר א pdf.
אבער צווישען יורשי בתי מארמעראש און ת''ח דארף מען נישט קיין חרם און נישט קיין פולמוס. יעדער זעט שוין היינט איין אז חסידות איז באנקראט.

[matovu]

שיק מיר א pdf.
אבער צווישען יורשי בתי מארמעראש און ת''ח דארף מען נישט קיין חרם און נישט קיין פולמוס. יעדער זעט שוין היינט איין אז חסידות איז באנקראט.

זיי נישט אזוי שארף.
מען קען מיינען אז די שטאמסט פין גראדנא אדער ראדין.
קען זיין ביסט א למדן, אין האסטעך אויסגעלערענט אין לעקוואד ווי אזוי מען העלפט דייקא נישט אינזערע ברידער...
קאפ אן, ביסט א באטשי ווי אינז אלע, צי אונעגוריש צי נישט וויס איך נישט, באט קאט די קרעפ.

Sent from my SM-G900V using Tapatalk 2

[[NAMELESS]]

ווי האט יענער געזאגט?
"זייט ס'איז 'נשתכחה תורת הבעש"ט' איז 'יד החסידים על העליונה' "...

ודפח"ח.

[רוסישער]

קענסט אפשר אהערבריינגען די אמרות שיש בהם משום חידוש, (איך האף אז ס'איז ניט ווי וואלפא'ס 'שמן ששון מחבירך' אין וואס צווישן די גאר נאענטע געפינט מען לא אחר ממהר"י ט"ב... )

[קאווע טרינקער]

געזעהן דעם בוך, היות דער מחבר איז מעלים שמו, איז עס נישט קיין רכילות צו זאגן אז ער ווייסט נישט וואס חסידות איז, צווייטענס, וואו ער האט נאר געטראפן די ווארט חסידות אין אוצר החכמה האט ער עס אריינגעליינגט נישט כאפענדיג אז יענע ווערטעל מיינט פונקט דאס פארקערטע.... ועוד, זיין קונץ איז צו מאכן יעדע גדול פאר א מתנגד, אזוי אז ווען ער רעדט בשבח החסידים איז עס ממש א ראיה גמורה אז חסידות האט געווינען.
אלע חסידישע הויפן האבן היינט ישיבות און כוללים און מ'האראוועט אריין אין בריסקע שיעורים... די אמאליגע מתנגדים האבן אונטער געריסען אזוינע חסידים וואס מ'טרעפט דורכאויסן טאג אין 770 אדער אין אומאן אוקראינה, און אין אזוינע פעלער זענען זיי גערעכט געווען, והראיה, אפילו ביי חסידים איז די סארט הנהגה נישט וועלקאם.

[פארוואס?]

איינער וואלט אפשר געדארפט מאריך זיין און מסביר זיין לאלו שאינם יודעים, די איראניע אז די היינטיגע אזוי גערופענע חסידות (בעיקר די אונגארישע) איז נענטער אין השקפה צו דעמאלסיגע מתנגדים ווי די היינטיגע ישיבי׳שע.

[לית דין בר נש]

וואס חסידים זענען ווייס איך אבער וואס איז דאס מנגדים? קיינמאל אזא ווארט נישט גיהערט
איש את רעהו די האסט אין דיין גאנצע תגובה קיין איינמאל נישט געשריבן דער ווארט ריכטיג

[חסיד]

כידוע ווען די מתנגדים האבן געמאכט דעם חרם אויף די כת הקארלינאים וחסידים, האבן די תלמידי המגיד געמאכט א מעשה בעצמם בצירוף מיטן בעל התניא, און ווען דער מגיד איז אריינגעקומען האט ער געזאגט קינדערלעך וואס האט איר געטון, מיט דעם האט איר פארלוירן דעם קאפ (המגיד נסתלק לחעוה''ב לאחמ''כ) אבער מיט דעם האט איר אויפגעטוהן אז ווען אימער עס וועט זיין א מחלוקה צווישן די חסידים ומתנגדים וועלן די חסידים זיגן

[קאווע טרינקער]

וכך הוה?

[[NAMELESS]]

וכך הוה?

יא

[איש את רעהו]

אלע חסידישע הויפן האבן היינט ישיבות און כוללים און מ'האראוועט אריין אין בריסקע שיעורים...
בריסקע שיעורים איז שוין סתם אבי אין די וועלט די מנגדים שרייען דאך אז דאס איז ניטאמאל די דרך פון די גאוני ליטא
דאס איז שוין א נשתכח פון ביידע זייטן, אגב די בריסקע האבן זיך אסאך משדך געווען מיט חסידים
די אמאליגע מתנגדים האבן אונטער געריסען אזוינע חסידים וואס מ'טרעפט דורכאויסן טאג אין 770 אדער אין אומאן אוקראינה,
אבי געזונט,
קוק אין די פארצייטישע פאשקעווילען קעגן די גרויסע אידן פון די כת החסידים מען רעדט בכלל נישט פון א שטייגער ווי די משיחיסטען און נא נאחס

און אין אזוינע פעלער זענען זיי גערעכט געווען, והראיה, אפילו ביי חסידים איז די סארט הנהגה נישט וועלקאם.

[ליטוואק פון בודאפעסט]

ס'איז דא א ספר 'אלו ואלו דברי א-להים חיים' פון הרב צבי אינפלד וואס גיבט א שיינע בליק אויפ'ן גאנצע נושא. ער האט געטוהן דער ארבעט וואס הרב אליאך האט געדארפט טוהן, אפגעלערנט דער חרם פונ'ם גר''א, נאכגעפארשט די מליצות פון פסוקים און געקוקט אין ביאור הגר''א אויף יענער פסוקים צוזאמען מיט'ן באקאנטע בריוו פון בעל התניא צוריק צו ענטפערען און דערמיט אפגעלערנט דער חרם. ער איז מאריך הרבה יותר מדי, אבער דער געדאנק איז געוואלדיג און דאס איז דער אמתדיגע מכובדיגע צוגאנג אפצולערנען דער שיטה פון רבינו הגאון החסיד מווילנא. מ'קען זיך דינגען אויף איהם אין אפאר זאכען, און ס'האט גארנישט מיט די נערישקייט אין וואס כאסידעס האט זיך פארוואלגערט, אבער זיכער ראוי צו ליינען.

[חכם עתיק]

געווען בילדער ווי זיי טראגן ארום די ספר צו הרבנים מסקווער און צאנז קלויזענבורג.

אויפן בילד זעה'ן ביידע נישט אויס צו פרייליך, אפשר פעהלט דאס ארומרעדן פון זיי ספעציפיש..

[[NAMELESS]]

געווען בילדער ווי זיי טראגן ארום די ספר צו הרבנים מסקווער און צאנז קלויזענבורג.

אויפן בילד זעה'ן ביידע נישט אויס צו פרייליך, אפשר פעהלט דאס ארומרעדן פון זיי ספעציפיש..

ווי קען מען זען דעם בילד? כ'האב געזען דעם ספר, קיין גרויסע חכמים קענען זיי נישט זיין. ועיין למעלה בתגובה של קאווע טרינקער.

[ליטוואק פון בודאפעסט]

מ'דארף בילדער ביי מתנגדים אדער נשתכחה'ניקס. פארוואס דארפען חסידים ראיות?!

[[NAMELESS]]

אוי ביסטו א ליטוואק. די ראיות זענען דאך נישט פאר די חסידים, נאר פאר די ליטוואקעס...

[ליטוואק פון בודאפעסט]

דאס האב איך דאך געמיינט. פארוואס פארקויפען זיי די ספר פאר חסידים? ווען זיי האבען בילדער ביי הרב חיים קניבסקי און הרב אליה בער וואכטפויגעל פארשטיי איך, זיי דארפען אזא ספר. לויט אסאך קאמענטירער דא האבען זיי דאך א צלם אין הארץ. נאר סקווערער רעבע'ס הארץ איז שפאט ריין. פארוואס דארף ער די מוסר?

[[NAMELESS]]

איך ווייס נישט צו זיי זענען געקומען פאר א הסכמה אדער צו טרינקען לחיים. אבער די ספר איז זיך גארנישט ווערט. איך ווארט אויף עפעס בעסערס.

[ליטוואק פון בודאפעסט]

און איך ווארט אויף בעסער ווי 'הגאון', 'עלען מיר ווארטען צוזאמען.

[[NAMELESS]]

איך וועל מפרסם זיין ווער דער מחבר איז. מו"ה ארי אויסטערליץ ני"ו משב"ק בפאלטישאן-ב"פ ,
איך האב קוים געבלעטערט דערין אזוי דא דארט , איך זע דארט א מעשה אז דער חפץ חיים האט געלערנט אין דפוס סלאוויטא . נו , וואס וויל ער דא פארציילן ? אז דער ח"ח האט געהאלטן אז זיי זענען מער ערליך ווי די ממשיכי דפוס ווילנא ? ווער האלט דען פארקערט ? און וואס האט דאס מיט עליונה איינגעלייגט ? , אקיצור ווי עס קוקט מיר אויס האט שוין @קאווע ארויסגעברענגט די תוכן הספר ..!
דארף מען נאר פארשטיין וואס דער ציל פונעם מחבר איז (אויב ער האט בכלל..)

[[NAMELESS]]

ווי אלט איז ער?