החסידות על העליונה = דידן נצח = חסידים vs מנגדים

[ליטוואק פון בודאפעסט]

דער רייץ אויף עוה"ז איז נישט קיין חסידיש'ע ערשיינונג דוקא. אבער דער אומבאגרעניצטע רייץ אויף געלט איז אן אמעריקאנער ערשיינונג. איך בין נישט קיין אמעריקאנער געבוירענער, און ענק קענען נישט פארשטעלען וואס דער אמעריקאנער גוי האט געטוהן צו ענק. דאס בויען גאנצע ביזנעסער אויף שקר און באגנבנ'ען די רעגירונג, דאס בויען לופט עסקים וואס קיינער פארדינט נישט קיין זאך דערפו, נאר דרוקען געלט, דאס נישט זיין גרייט זיך צוריקהאלטען פון מאכען א דאללאר פאר קיין שום מאראלישקייט, די זענען אמעריקאנער ערשיינונגען, וואס האט נישט איהר גלייכען אין דער וועלט.
און לעיקוואוד, אפילו די אנדערע דריי פערטלעך, איז ווייט ווייט אונטערשטעליג פונ'ם וומס"בג יונגערמאן אין דער הינזיכט.
און איך ווייס נישט וואס פיי"וו טאונ"ס ודעימיה האבען מיט ליטוואקע'ס. טאמער זיי אדער זייער טאטע'ס האבען געלערנט אין ישיבות, איז א גרויסע פערצענט, עכ"פ אין פלעטבוש, אויסגעשפיגענע פון חסידישע מוסדות ווי קלויזענבורג נייטרא חתן סופר ועוד, כידוע ליודעי דבר. און אפילו די ווא סנישט, האבען קיינמאל נישט געלערנט קיין עבודת ה' אז דער לעבען זייערע קען גערעכענט ווערען ווי א נאטירליכע תוצאה פון דער ליטווישע מהלך.
יא, די פעטש אין פאנאוויעזש איז א פארווייטאגטע נושא, א נטע זר במחנינו, אבער רעד דיר נישט איין אז ס'קומט צו צו א מחלוקת ביי חסידים. דער ערגסטע וואס די צוויי פארטייען רעדען איינער אויף די צווייטען איז 'זקן ממרא' וכדו'. א חסיד פון הרב"צ איז גרייט נאכצוגעבען אזוי פיל פאר'ן הרמ"ד? אדער פארקערט? אדער אין סאטמאר צו אין בעלזא-בילגורייא\בעלזא-מאכנובקא ועוד ועוד? ס'איז געפערלעך טאקע, אבער נאך נישט דארט.

אז דו ווילסט פארשטעלען דער חילוק מאך אזא חשבון: פון הרב חיים וואלאזהינער ביז ר' אליה בער וואכטפויגעל איז דער וועלט געפאלען, יא? יעצט פונ'ם רבי'ן ר' אלימלך מליזענסק ביז הרי"ד רוקח מבעלזא-בילגורייא איז דער וועלט געפאלען אויך. יעצט זאג נאר, ווער איז געפאלען ווייטער?

[איש את רעהו]

איך האב גע'ענטפערט נעכטן נאכט, נאר מיין פאון האט שוואכער סערוויס ביי מיר אינדערהיים, און טאפפאטאל"ק האלט נישט דער שרייבאכץ ביז ער קען זיך געהעריג באהעפטען.

ווי מ'האט שוין מעורר געווען, די איינציגסטע וואב מ'קען אפשר טרויען אויף א דעה פון א גדול איז איינער וואס האלט ביים פאלגען. א סאטמארער חסיד וואס וויל זאגען אז דער חזון איש האלט ווי זיין רבי'ן איז גארנישט ווערט. א תלמיד פון חזו"א, וואס טוט ווי דער חזו"א הייסט איהם, איז אפשר באגלויבט ווען ער האט נישט קיין אגענד"ע.
יעצט דער בריסקער רב האט קינדער און תלמידים און זיין קינדער האבען תלמידים. ט'לערנען זיי דען דברי חיים? ט'זאגט דען דער בריסקער ראש ישיבה נאך פון דברי חיים אין שיעור? איז זיי דען אינטרעסאנט ווא דער דברי חיים זאגט אין איין נושא אין דער וועלט? איז וואס זאל מען זיך לאזען פארפירען פון אדענד"ע מענטשען, וואס אחוץ דעם אז זיי פארשטייען נישט קיין התנגדות צו קענען זאגען אז ס'איז בטל, האבען זיך ווייניג געקענט מיט בריסק און בריסקער רב באופן כללי?
ווען מ'וואלט געוואוסט וואס חסידות איז, וואלט מען געקענט אפשר פארשטייען דער התנגדות, און נאך דעם קלערען צו לערנען דער ספר דברי חיים איז גאר א חזרה אויפ'ן התנגדות. אבער מענטשען וואס מיינען אז התנגדות פון נודע ביהודה צו דער גר"א אויף חסידות איז ענדליך צו דער התנגדות פון הרב"צ מבאבוב (אן א צונאמען) אויף הרמ"ד מבאבוב (מיט א צונאמען) און אלס ווערט געמישט מיט אן 'איסור' בחירות און אריזאנא ווייץ און נאך אזעלכע וויכטיגע נושאים. ביזדערווייל האב איך נישט געזעהן קיין באריכט אויף חסידות, און נישט אויף דער התנגדות פון די מתנגדים און ממילא בלייבט דער התנגדות אין פלאץ, און ווען מ'וועט וויסען אויף וועמן דאס צו צילען, וועט מען עס ארויסנעמען.
דאס וואס מ'לאכט אויף דער תרבות החסידים היינט און דער גאנצע טפשות און עמהארצות וואס האט מיט עפעס ציגאנע גלויבונגען און הנהגות פון אכילה און שנאה צו דער וואס האט שוין איינגעזען דער שקר זייערע מיט תאוות הכבוד והממשלה איז נישט נשתכחה, און טאמער איינער זאגט אז יד חסידים על העליונה קען ער נאר מיינען דער אגרוף רשע, ווייל חוץ פון דעם איז גארנישט פארהאנען. און טאקע איינער פון די נקודות אויף וואס מען לאכט איז דאס אז ווען דער בריסקער רב וואלט נאך געהאלטען אז חסידות איז א טעות מעיקרא, וואלט ער קיינמאל נישט געקוקט אין א דברי חיים! דאס פאסט נאר פאר איינער וואס זעט דער גאנצער וועלט פונ'ם שטאנדפונקט פון פארטיי און מחלוקת און מאכט, און צום בריסקער רב האט עס נישט.
איינער וואס זעט נישט ווייטער ווי דער ענדע פון זיין נאז מיינט אלס איז א ראץ.

שיטן פעך און שוועבל און נאכאמאל שיטן איז נישט גענטפערט

ביטע קוק אריין די עובדות און מימרות פון בריסק אויף די גרויסע לייט פון די חסידים וועסטו כאפן וואס מיין פוינט איז, ער ברענגט דארט שטארקע און קראנטע עובדות אז אין בריסק האט מען זייער שטארק גורס געווען די גדולים פון די כת החסידים

[רוסישער]

די רעדסט פון אויסעווייניג, קוק אריין דארט מבהיל'דיגע סיפורים צווישען די נאנטקייט פון בריסק און די חסידים.

ביטע קוק אריין די עובדות און מימרות פון בריסק אויף די גרויסע לייט פון די חסידים וועסטו כאפן וואס מיין פוינט איז, ער ברענגט דארט שטארקע און קראנטע עובדות אז אין בריסק האט מען זייער שטארק גורס געווען די גדולים פון די כת החסידים

דאס פאלגענדע איז א מבחר פון די "שטארקע און קראנטע מבהיל'דיגע עובדות" וואס די מחבר בריינגט להוכיח "די נאנטקייט פון בריסק און די חסידים":
עמ' ק"ד:

איינער א מקורב באם בריסקער רב פלעגט כסדר דערציילן פאר עם חסידישע מעשיות, זאגט אים דער גרי"ז "איך וועל סיי ווי קיין חסיד ניט ווערן".

עמ' ק"ה:

דער בריסקער רב זעט א קארלינער שרייט אין דאווענען בקולי קולות, גייט ער צו צו עם נאכן דאוונען און זאגט "זאג'שזע וואס הערט זיך" ענטפערט דער חסיד איך בין גלייך דא רעד נארמאל... (עיי"ש מה שביאר)

עמ' ק"ו:

ווען דער ראחמעסטריווקער איז געווארן רבי האט דער בריסקער רב געקלאגט: ווי נעמט מען אזא ת"ח און מען מאכט פון עם א רבי פון חסידים. (אבער דא פארגעסט ער ניט מוסיף זיין תוכ"ד, אז שפעטער ווען דער בריסקער רב האט דערזען, די עילויים ודרגות טמירין ונעלמים וואס זענען ציגעקומען באם רבי'ן, האט ער שוין פארשטאנען)

[Milk shake]

אהא, און וואס איז מיט שטיינמאן ווס. אוירבאך? נאכאמאל חסידים? דו קענסט אפשר אנווייזן אויף סיי וועלכע זאך ואס זענען געטון געווארן ביי חסידים און זענען נישט גענוצט געווארן אקעגן הרב אוירבאך? און וואס איז מיט די בלוטיגע מערכה פון ליטאים אקעגן חב"ד אין בני ברק? דיקע קונקורדנציה סייז ביכער קען מען שרייבן פון די "צדקות" און "קנאות" וואס די ליטאים האבן אנגעארבעט.

טו מיר א טובה און זיי נישט נאיאיוו, סדנא דארעא חד הוא, אמאל א ליטוואק אמאל א חסיד, צי מחלוקת צי רייץ נאך עוה"ז, יעדער פארשטייט "זיין" שטעטל ווען ס'איז נוגע פאר "אים". דוק ותשכח.

[ליטוואק פון בודאפעסט]

אדרבה, זאג דו. אן אהרוני רופט אן דער אנדערע רעבע א זקן ממרא, צו אן עם הארץ א גארנישט? ס'האט איינער ארויסגעגעבען פריוואטע טעיפ''ס פון די ווייבער פון די צוויי צדדים? ס'האט איינער געקלאגט אין קאורט צו ענדערען דער מנהיג'ס לעבען פאר זיין אינטערעסען?
האט איינער גערופען פאליציי בלויז אויף צו רוימען דער ביהמ''ד פון זיין שונאים? (אין פאנאוויעזש איז דער פאליציי געקומען אויסצורוימען שלעגער'ס, וואס איז טאקע אויסגעהאלטען)? ס'איז דא איין מעשה רציחה אדער פראבירטע רציחה אין דער פאנאוויזשער מערכה אזוי ווי אין סקווער אדער אין דער חסידיש'ער היסטוריא?
איך ווייס, ס'מאכט ענק באקוועם צו גלייבען אז ס'איז אלס איינס, אבער ביזדערווייל זענען נאך די ליטאים אונטערשטעליג פון די חסידים מיט אסאך יארען

[געוואלדיג]

ס'איז דא איין מעשה רציחה אדער פראבירטע רציחה אין דער פאנאוויזשער מערכה אזוי ווי אין סקווער אדער אין דער חסידיש'ער היסטוריא?

גראדע יא, מען האט ארויס גענומען מעסערס ראין פאנעוויטש.

[ליטוואק פון בודאפעסט]

ווען?

[געוואלדיג]

אביסל נאך די פטירה פון הרב שך איך געדענק נישט יעצט די פרטים אבער ארץ ישראל האט גע'רעש'ט דעמאלטס פון מעשה.

[Milk shake]

מ'האט געשטאכן אין פוניב'זש מיט א מעסער, מ'האט אונטערגעשטעלט א פייפ באמבע ביי ראש ישיבה'ס טיר, פאליציי האט עס געפינען, מ'האט באווארפן א ראש ישיבה מיט לעבען'ס און מיט שטיינער, דאס איז צווישן זיי, אפגעזען די טויזנטער פאשקעווילן, אפזאגן פאסטענס און זרק'ענען מענטשן אין די מאסן. דאס אלעס קומט נישט צו די טעראר וואס זיי האבן געטון צו חב"ד, פיזיש און מאראליש, איין נאכט מ'איז געקומען צו די מקוה טהרה און געפינען אז וואנדאלן האבן עס אויסגעלייגט, ארומשפילנדיג מיט קדושת ישראל און מיט די הייקעלסטע ענינים, ביז שלעק און טעראר.

[[NAMELESS]]

די ליטוואקעס זענען תינוקות שנשבו. זעט אויס אז זיי פארשטייען נישט אויף וואס פונקטליך די מקוואות איז געמאכט פאר.

[Milk shake]

אדרבה, זאג דו.
אין פאנאוויעזש איז דער פאליציי געקומען אויסצורוימען שלעגער'ס, וואס איז טאקע אויסגעהאלטען)?

נאכאמאל, דיינע אויערן הערן וואס דיין מויל רעדט?

ווילסט אפשר מער מאריך זיין וויפיל בחורים "שלעגערס" מ'האט געדארפט ארעסטירן? און וואס זיי האבן געטון?

[ליטוואק פון בודאפעסט]

בחיי הרב שך איז נשט קיין ראיה. הרב שך האט נאכאנאנד פארדאמט די מעשים, און יעדער האט געוואוסט אז ער האט עס עכט נישט געוואלט. בלייבען בלייבט עס היצקעפ וואס טוהן געפערליכע זאכען. ביי חסידים האט מען נאך קיין ווארט נישט געהערט פון די מנהיגים פון די שלעגער'ס קעגען זייערע שלעגעריי. ס'אהט איינער געהערט פונ'ם בעל דברי יואל פארדאמען דער פארברענען כתבי הרי"ד עפשטיין? ס'האט איינרע געהערט פון איהם א ווארט וועגען פייער-לעשער'ס אין קלז"ב? און דאס איז יארען פאר א ליטוואק האט זיך אויף עפעס געשלאגען. אבער היינט זענען די מנהיגים ביי די ליטווישע טאקע שולדיג, זיי פארדאמען דאך נישט און האלטען בכלל נישט צוריק זייער מענטשען פון די זאכען. אבער נאך אלס ווייט ווייט פון חסידים.יא, מ'שלאגט זיך און ס'איז א ווייטאג, אבער נישט אויפ'ן שטאפעל פון א רעבישע מחלוקת. דיין מעסער מעשה גלייב איך נישט, און די באמבע האט דאך נישט געדארפט קיינעם באשעדיגען. ס'איז געפערלעך טאקע, אבער ביז אייזיק לעפקאוויטש מיט משה פר"מ קומט עס נישט, ובפרט אז דארט האט מען עס נאר פארדאמט דורך די וואס האבען געליטען. מ'האט נאך טאקע נישט מערער געווען אויף א יחוס ביי די ליטווישע. ס'איז נאך שטארק אונטערשטעליג, אבער אויף א גליטשיגע וועג, רח"ל.
ב"ה אין אמעריקא זענען די ליטווישע נאך ווייט פון די זאכען. ר' חיים וואלאזינער האט דאך געזאגט אז די לעצטע סטאנציע פון תורה וועט זיין אמעריקא, נישט א"י. דעריבער זענען די עכטע דאהי, און טאקע מ'קען נישט חלומ'ען פון אזעלכע זאכען אין לעיקוואוד. הלוואי ווייטער.

[[NAMELESS]]

הייסט עס אז די ריכטיגע ממשיכים פון רבי חיים וואלאזשינער זענען נישט די בני ברק'ע ליטאים, נאר טאקע די לעיקוואד'ע.
זייער פריצות, רדיפה אחר הכבוד וה'שטעלע, קולות אין יעדן צווייטן דבר שבקדושה, און העכסטע שטאפל פון OTD, איז א ריכטיגע המשכה דירעקט ביזן גר"א.

ליטוואק, כ'רוף מיך דא ווייניג אן, ווייל אין כמעט יעדן תגובה זאגסטו עפעס זאכליכס, אבער געמישט מיט אזעלכע נארישע שטותים, אז כ'האב נישט קיין נערוון צו זיין א מברר אוכל מן הפסולת. ועל הכלל כולו יצא, אז דו האסט צומאל גוטע נקודות, מאך זיכער נישט צו פארפאטשקענען דעם געדאנק מיט איבערגעטריבענע רעטאריק אן קיין דעקונג.

[משה פראגער]

אוי, דער יונגערמאן? סתם א סקווערער טעמבעל.

די סקווערעס זענען טאקע טעמבלים און בהמות אבער דער אינגערמאן האט מיט זיי איינגעשטויסען פונקט וי די האסט איינגעשטויסען מיט פאלטישאן

[משה פראגער]

הייסט עס אז די ריכטיגע ממשיכים פון רבי חיים וואלאזשינער זענען נישט די בני ברק'ע ליטאים, נאר טאקע די לעיקוואד'ע.

און די בני ברק׳ער לוטפאקעס זענען יא ממשיכים פון ר׳ חיים וואלאזשינער?
מאכסט מיר לאכען, זיי זענען און בעסטען פאל צומישטע שאך׳ניקעס בני תורא וואס האבן מיטן ר״ח וואלאזשינער גארנישט, אלעס האט זיך אפגיהאקט ביים אותו זקן וואס האט געשפילט שאך מיטן ליטווישע וועלט און זיי משוגע געמאכט כהוגן

[I'm back]

דער שך האט פארדאמט???

ער איז געווען די הויפט טעראריסט!!!!

[[NAMELESS]]

הייסט עס אז די ריכטיגע ממשיכים פון רבי חיים וואלאזשינער זענען נישט די בני ברק'ע ליטאים, נאר טאקע די לעיקוואד'ע.

און די בני ברק׳ער לוטפאקעס זענען יא ממשיכים פון ר׳ חיים וואלאזשינער?
מאכסט מיר לאכען, זיי זענען און בעסטען פאל צומישטע שאך׳ניקעס בני תורא וואס האבן מיטן ר״ח וואלאזשינער גארנישט, אלעס האט זיך אפגיהאקט ביים אותו זקן וואס האט געשפילט שאך מיטן ליטווישע וועלט און זיי משוגע געמאכט כהוגן

די ב"ב ליטוואקעס זענען אויך נישט די ממשיכים.
אבער צו זאגן אז לעיקוואד איז מער 'ר' חיים וואלאזשינער'דיג' ווי בני ברק איז, איז אבסורד.
סך הכל האבן די לעיקוואד'ע פוסטאקעס אביסל תעירא, און מיט דעם זענען זיי זיך זאגאר מתייחס צו ר' חיים וואלאזשינער?! א מין חוצפה והתרסה.
אין ב"ב - מיט אלע זייערע חסרונות, און ס'זענען דא דארטן גרויסע - האבן זיי פארט עפעס מער צו פארקויפן. ס'דא דארטן א ים מיט פרומקייטן ודקדוקי הדין, זייער צניעות איז אויסצוהאלטן, זיי זענען זיך באמת ממית באהלה של תורה, און זוכן זיך נישט 18 יעריגע בתולות אלס כלה פאר א 25 יעריגע חזיר וואס לערנט ע"מ זוכה צו זיין באשה יפה פלוס געלט, און אסאך זענען ערנסטע עובדים. נא קען איך כאטש פארשטיין אביסל אויב זיי וועלן זיך גרויסהאלטן אלס ממשיכי דרך הגר"א, אבער די לעיקוואדע???

דיינע איבעריגע ווערטער זענען ריכטיג לפי דעתי, אפילו כ'וואלט נישט געשריבן דערווייל אזוי גראב.

[רוסישער]

זאגט איינער צו הרב שך: "ווען דער ראש ישיבה וועט קומען למעלה וועט דער גר"א אליין ארויסקומען מקבל פנים זיין בזכות די מלחמת מצוה אייערע" רופט זיך אפ הרב שך "דער גר"א? דער בעל התניא!" ודפח"ח.

[משה פראגער]

.

[[NAMELESS]]

ריכטיג אז דער בעל התנייא וועט קומען עם מקבל פנים זיין, אבער די קבלת פנים וועט זיין צום שאול תחתית און נישט צום גן עדן ודפח״ח
בדו״ו צום גיהנום האט ער נאך א לאנגע וועג ודפפחחחח״חחחחח

אנטשולדיגס, מחוצף. כ'בין גאנץ א קנאפער חסיד פון הרב שך, אבער אזא נידריגע שפראך??!! שעם דיך!

ער איז פארט געווען א ת"ח גדול ויר"ש גדול, און דו מיט דיין טאטן און זיידן קענען זיך פארפאקן אין די ווינדלען פאר אים. און אפילו אז ער האט געהאט געמאכט טעותים אין זיין לעבן, ווערט ער נישט קיין רשע מרושע וועם דו זאלסט באשמוצן אזוי נידריג.

וחוץ מזה, אזאנס באלאנגט אין צימעס - אויב נישט אין גארבעדזש קען, אבער נישט דא!

נישט יעדעס מאל איינער רעדט חוצפה'דיג, מיינט דאס אז מ'איז קלוג און ערוואקסן. ס'קען מיינען א מאנגל פון מינימאלע מענטשליכקייט.

[משה פראגער]

קודם כל ווער האט דיר דערציילט ווער מיין טאטע איז און ווער איז מיין זיידע אז זיי זאלען זיך שעמען פון הרב שאך וואס איז טאקע געוועהן א גרויסער ת״ח (ויש גורסים תענית חלום) אבער איז געוועהן א גרויסער מחוצף צו גרויסע חסידישע רעביס וועם ער האט בלינדרהייט פיינט גיעהט שנאת מוות נאר פאר׳ן זינד פון זיין חסידיש געשטימט, מיט דעם איז ער געוועהן א גרעסערער מחוצף וי מיר
והשנית שוין איך וועל אויספירען מארגען.

[matovu]

פיר נישט אויס
לאמיר רעדען ווי ערוואקסענע מענטשען
לאז דער לשון מדברת גדולות פארען בודאפעסטער לוטוואק

[משה פראגער]

לאמיר טאקע רעדען וי ערוואקסענע מענטשען,
נישט יעדער אלטער מענטש וואס איז זיך משתלט על הישיבה בכח הזרוע און קען א ביסל לערנען און דרייען מיטן זרת און טראגט א פראק אדער א המבורג איז ראוי לאותו איצטלא, אויך נישט אויב איז ער 104 יאר אלט און אפילו ער האט א לויזען צונג וי רב שאך