העלפט! מיין דריי יעריג קינד איז פארכאפט.

[[NAMELESS]]

יא איר האט גוט געליינט מיין דריי יעריג יונגעל איז פארכאפט געווארן אלץ א משכון פאר א געוויסער בלוט צאפער, א בלוט דורשטיגער פארשוין, פון די זעלבע קליקע וואס פלעגן נאך שרייען מיין ווייב ווען זי האט געטראגן מיט די עירוב נאכדעם וואס איר דיין האט איר געלאזט, אין דער זעלבע וואס האט באשלאסן אז מיין שכן טאר נישט האבן א גראסערי ווייל מפארקויפט א צייטונג פון א אנדערע חסידות, די זעלבע וואס האבן פארשפארט מיין זיידעס געשעפט ווייל ער האט פארקויפט פיצא אין וויליאמסבוירג (דעמאלטס אסור געווען), די זעלבע וואס האבן צוגענומען מיין חבר׳ס פרנסה ווייל ער האט פארקויפט סושי אין מאנרא (א עכטע מעשה פון די חודש), די קליקע, האבן אפגעמאכט אז אז אזוי ווי איך האב אינטערנעט אויף מיין טעלעפוין גייט מיין קליינער פון דריי יאר נישט קענען גיין אין א אידישער מוסד.

היות גארנישט גייט מיר מער נישט אן, אז זיי וועלן מיר נישט אריינלאזן אין בית מדרש וועל איך פלעין נישט קומען, שייגעץ ארויס וועט מען אויף מיר נישט קענען שרייען, אויב זיי וועלן הייבן הענט וועל איך זיי שיקן א הזמנה צו דער פלאץ ווי זיי זענען זיך מתפשר ווען זיי קריגן זיך מיט זייערע קרובים וואס פון דארט פארט מען מיט א ווייסע באס אין חד גדיא, במילא האבן זיי אפגעמאכט אז דאס איינע זאך ווי מ׳קען מיר טערארזירן אז ביי מיין קינד האבן זיי אים גענומען אלץ א משכון, זיי האלטען אים האסטידזש ביז איך וועל מיך בייגן צו זיי, אויסטאהן מיין שיך, פאלן צו זייער קני, קישן די ערד וואס האט די זכיה אז זייער שיך טרעט אויף איר, און זאגן בפה מלא איך בין גארנישט ווערד, און איך גיי פאלגן וואס די וועסט מיר הייסן טוהן.

צווישן יעדע צוועלעף איז דא א חלבנה, שטעלט אייך פאר אין א קהלה פון טויזנט יודן וויפל חלבנה׳ס סאיז דא, אט די חלבנה׳ס וואס זענען סתם אזוי מאוס פון לעבן, רוב מאל מחמת זיי זענען אויס געשפילטע מענטשן אנע פרנסה און נישט גוט חתונה געהאט, אדער פלעין זיי באקומען נישט אויפמערקזאמקייט ערגעץ אנדערשט, שוין אין חדר זענען זיי געווען די וואס די נאז איז זיי שטענדיג גערינען, די חברה האבן אפגעמאכט אז זיי גייען נישט שטיין אין די זייט קוקנדיג ווי פאר יעדעם גייט גוט חוץ פאר זיי, זיי גייען מער נישט אויס גיין פאר קנאה נאר זיי גייען זיכער מאכן אז קיינער האט נישט קיין גוט לעבן.

יא די שייגעץ שטיק און טעראר פון אמאל גייט נאך געהעריג אן, סהאט זיך אביסעל געטוישט די מהלך אבער סגייט נאך אן און אפילו שטערקער פון אמאל. אמאל פלעגט מען רודפ׳ן די מענטשהייט זאגענדיג אז מוועט דיר נישט באערדיגן אין אונזער בית החיים וכדומה ( פארוואס? ווייל די גייסט מיט א געשניצטע בארד. איי זיין טאטע זיידע עלטער זיידע אלע זענען אזוי געגאנגען און גראדע געווען פיינע יודן? דאס גייט מיר פרו״מ׳ער נישט אן) בקיצור מ׳האט געטרעטן אויפן עולם אויף אנדערע דרכים. היינט האט זיך די טעראר אויף געהערט. האט מען אפיר גענומען די קינדער און דערמיט טוט מען טערארזירן דעם עולם, אויב האסטו אינטערנעט וועט מען ארויסווארפן דיינע קינדער פון די מוסדות, איי וואס איז מיין זון שולדיג? א קליין קינד סך הכול דער טאטע פרובירט צו ברענגן פרנסה דארף ער האבן א טעלפוין מיט אימעיל, אדער וויל איך סתם אזוי נישט אז דער יונגאטשעס וואס ארבעטען אין די פילטער אפיס זאלן קענען ליינען מיינע טעקסט מעסעדזשעס מיט מיין ווייב, איך פיל מיר פשוט נישט באקוועם ווען נאך איינער ״קען״ מיטהאלטן מיינע פריוואטע ענינים, וואס דערפאר וויל איך נאר די קעי 9 פילטער, און נישט די קהלישע פילטערס, אבער דער אלטער שייגעץ זאגט ניין מיר וועלן דיר ווייזן ווער סאיז בעל הבית.

אויב ביזטו א כולל יונגערמאן וואס באקומט באצאלט 4 צענט א שעה וואס קאללעקט צו 50 דוללער סוף חודש (אויב די נעמסט די זעקס בחינות, און די לערענסט חובות הלבבות) דאן אויב האסטו אפילו טעקסט מעסעדזשעס קריגסטו נישט דעם געהאלט. איי וואס די העק איז שלעכט מיט טעקסט מעסעדזשעס? וואס? ווען? ווי? זאגט מיר א עסקן אז מ׳קען טעקסטן חס ושלום א ...... (אוי וויי) פרעג איך אים אויב אזוי איז דאך א טעלפוין סך ארגער ווייל מ׳קען חלילה רעדן ממש בפועל, נישט נאר א טעקסט נאר טאקע דאס אליין פה אל פה, און ביזדערווייל זעה איך גרויסע פובליק טעלעפוינען הענגן בפומבי אין יעדע בית מדרש. (ווען מפלעגט שיקן טעלעגראמען פארן קריג איז געווען איינער פון די רבנים וואס האבן דאן פארפירט?) סך הכול טעקסט מעסעדזשעס איז ארויס געקומען א תקופה שפעטער פון טעלעפוינען האט מען דאס געטראפן פאר די עוולה הדור. (שטעלט אייך פאר ווען די מעשה איז פארקערט קודם איז דא טעקסט מעסעדזשעס און דערנאך קומט ארויס די טעלפוין, די רבנים וואלטן דאן פארפירט אז חס ושלום וואס דאס קען צוברענגן.)

א קיצור דא האבן זיך ארויף געכאפט אפאר שלעכטע מענטשן, אזעלעכע וואס האבן נאך קיינמאל נישט קיין טובה געטוהן פאר א מענטש, זיי האבן באשלאסן אז אינטערנעט מיט מוסדות פאר די קינדער איז פארבינדען איינס צום צווייטען, די אפשען מחנך צו זיין א קינד אין א היימיש מוסד איז תלוי צו מ׳האט אינטערנעט אויפן קאמפיוטער צו נישט. איינער כאפט די קשר?

ווילסט מוחה זיין קעגן אינטערנעט איך בין מסכים, אבער וואס האט דאס מיט חינוך הבנים?

א קיצור ווי ערווענט און נאכן נאכגיין עטליכע וואס פירן די מערכה האלט איך קלאר אז דאס קומט פון שלעכטיקייט, און פון נישט זיין צופרידן מיט זיך אליין, זייענדיג א אויסגעשפילטע מענטש אמאל (רוב) איז עס שלום בית, קינדער, און אמאל איז עס פשוט א נעבעך א איינזאמער מענטש וואס נאך אין ישיבה האבן זיינע ארומיגע נישט געהאט קיין נערווען צו אים און אצינד טרייט ער צו באקומען אביסל אויפמעקזאמקייט. א קיצור מ׳דארף נעמען די זאך אין די האנט דעריבער הייב איך אצינד אן א סעריע, א פארזעצונג אויף די אלע טעראריסטן, וזה החלי.

מגייט צוזאמנעמען די נעמען פון אלע וואס טערארזירן עלטערן (נישט די וואס זענען מעורר קעגן אינטערנעט, נאר אזעלעכע וואס נעמען די קינדער אלץ א משכון) מגייט נאכגיין פונקטליך וואס מיט די מענטש גייט פאר, וויאזוי זיין שלום בית איז, וויפל פריוואטע הילף ער דארף צושטעלן פאר זיינע קינדער, צו ער טוט עפעס מיטן טאג חוץ רודפ׳ן מענטשן.

די תועלת פון אזא פראגרעם איז צוויי פאכיג, איינס אז מוועט וויסן וואס סבאדערט זיי עכט במילא וועט מען וויסן אז מ׳דארף זיי דן זיין לכף זכות. צווייטענס אז מ׳וועט זיי קענען ארויסהעלפן מיט זייערע פראבלעמען במילא וועלן אונזערע קינדער נישט ליידן. מיטן מפרסם זיין די פראבלעמען פון די מענטשן וועט מען געבן א געלעגנהייט פאר אידן רחמנים בני רחמנים זיי ארויסצוהעלפן, אמאל מיט א דוללער און אמאל מיט סתם א גוט ווארט, אביסעל איטענשאן אויף וואס זיי קוקן אזוי ארויס, אדער וועט מען זיי קענען שיקן פאר שלום בית הילף וכדומה.

רבותי סלוינט זיך פאר יעדע פרייז ווייל ווי סקוקט אויס איז דאס די איינציגסטע אויסוועג, לויט ווי די שיגעון טראגט זיי וועלן זיי נאך מארגן אפמאכן אז ווער סגייט מיט א דריי א פערטעל רעקל אדער מיט א ריינהאלד בעקיטשע אדער אויב די ווייב גייט נישט אראפגעבינדן מיט אזא שיסל אויפן קאפ ווי בעלזא רעבעצין קען אויך נישט שיקן די קינדער אין חדר, און אויב די מאמע געט נישט אריין אירע סקירטס און פארשטייט זיך איר מאס אויך פאר א וועד אורך/רוחב השמלה וועלן אירע אייניקלעך נישט קענען גיין אין א אידישע סקול, און יא זיי האבן די ווארט, זיי פירן אויס. מילא לאמיר נישט ווארטן, לאמיר אנאלאזירן די מענטשן, אויסשמועסן וואס ס׳פעלט זיי אזוי אז זייערע ארומיגע זאלן האבן די געלעגנהייט זיי צו געבן הילף. אז נישט וועלן מיר אלע ליידן.

איך בעט דער עולם זאל אנהייבן ארויף צו לייגן די נעמען, מיט ווי מער אינפארמאציע מ׳האט אויף די באטרעפענדע, מיר וועלן נאכגיין די מענטשן, און פרובירן זיי צו העלפן.

און די נאנטע טעג וועל איך מפרסם זיין א אימעיל ווי דרויסענדיגע מענטשן זאלן אויך קענען מיטיילן זייערע ידיעות אויף די פארשוינען.

[משה פראגער]

איך ויל פארלייגען א פארשלאג צום עולם,מיט די טרוריסטען און ליידיגייערס דארף מען גיין אויף זייער שפראך און זיי פארשטייען נאר מיט פעטש און טעראר.
מוועהט ארויפלייגען דא א ליסטע פון די טרוריסטען מיט זייער נומבער טלפוןן און זייער פונקטלעכע אדרעס וי מוועהט קענען אריינשיקען אויפן פאסט (נישט אויף אימייל חלילה) אנוועלאפס מיט אנטראקס, באשטעלען פיצא אויף זייער חשבון,
ווער עס קען צולייגען וועלכע מקווה זיי גייעהן און וועלכע שעה מ׳זאהל זיי אוועקנעמען די וועש, און אפילו וי מקען זיי אוועקנעמען זייער טלית ותפילין ביטע רופט זיך אן ווארעם.

מקען אויך שרייבען זייער נומבער טלפון אז זיי טיילען טיקעטס קיין אומאן פאר פרי וכיו״ב זיי וועלען נישט ויסען פון וי ס׳איז געפאלען אויף זיי

בדו״ו דארך מען די אלע טרוריסטען אריינשיקען צום קראלי רבי זאל זיי מסדר זיין א דשאב און א פעקטערי וי זיי וועלען מאכען זייער 7$ א שעה און אזוי ארום וועלען זיי לאזען דער עולם אטאמען און לעבען

[בעל מדות]

עזריאל די מיט דיינע מאנסטערישע אשכולות נעמען מיר אוועק די אפעטיט פון לעבן, הער אויף צו סעקירן די מענטשהייט.

[וויל קענען]

עזריאל די מאכסט שפאס אדער עס איז אמת סאיז דא מוסדות וואס ווארפן ארויס קינדער וואס לערנען שוין דארט פון פארדעם?
איך בין נעקסט? כהאב פילטער אבער נישט מזרע ישראל

[moshav zekeinim]

איך טענה שוין לאנג, אז אנשטאט צו וויינען און זיך באקלאגן קעגן די היימישע טעראריסטן, זאל מען זיך פשוט ארגאניזירן קעגן זיי פראפעשענל. איינע פון די ערשטע זאכן וואס מען דארף טון איזנמאכן אן אנקעטע דורך פראגע בויגנס וואס מען זאל ארום שיקן צו יעדער היימישער שטוב, מיט כל ערליי פראגן בנוגע די הנהגת הסיסטעם, און ארויס קומען דורך דעם קליפ און קלאר ביי וואס דער עולם האלט.
פאר רבנים פוסקים זאל מען מאכן א באזינדערע פראגע צעטל. ביי די רבנים זענען זיכער דא צענדליגער אדער גאר הונדעטער וועלעכע וואלטן ארויס קעגן א סך פרטים אינעם סיסטעם נאר זיי זענען נישט פאראייניגט, סיי ווייל זיי ווייסן נישט ווער נאך עס האלט מיט זיי, און סיי ווייל נישט יעדן קוועטשט פונקט דעם זעלבן פוינט.
דעריבער אחי ורעי, עס איז געקומען צייט צו טון למעשה, לאמיר פאראייניגן זיך מיט איין סענטראלער מהלך, און אזוי ארום וויסן אז מיר ארבעטן מיט אפאראייניגטע כח און נישט בלויז יעדער קלאגט אויפן סיסטעם צוליב זיינע פרטיות'דיגע קוועטשענישן. מיר דארפן צו קומען צום נקידה וואס באדערט יעדן אייניג און שאפן א מעכטיגע קערפערשאפט אזוי ווי עס איז מיט די ענגע חברה. און באמת, דאס איז שטענדיג געווען דער מהלך פון א געלונגענע אפאזיציע אפילו א שטילע, וואס כאטש נישט אלע האבן געהאט דעם זעלבן פראבלעם בדיוק האט מען זיך אבער צוזאמענגעשטעלט מיט עטליכע צענטראלע נקידות וואס באדערט א באדייטפולע מספר

אז מיר וועלן זיין פאראייניגט תחת קורת דעה אחד להעביר הראדיקאליזם מן הסיסטעם, און וויסן קליפ אין קלאר וואס פאר א ציבור מיר פארמאגן און וויפיל רבנים עס ווילן טוישן, דאן וועלן מיר האבן מער מוט און מעגליכקייטן זיי צו פייטן. און איינער פון די וועגן איז טאקע אפעציעלע קעגן טעראר (פארשטייט זיך מיט אחריות).

[משה פראגער]

סתם פאר נייגיריגקייט,
דער פארשוין וואס פירט אן די קאמפפ קעגען אינטרנט, מראשי המחבלים בארה״ב מיטן נאמען גאטליב, וואס דינט אלץ יו״ר איחוד הקהילות, וואס טוט דער ליידיגייער ראש כבש מיטן טאג היינט צוטאגס?
וואס איז ער געוועהן עד היום?
וואס איז זיין טלפון נומבער מזאל עם גוט טרעראזירען?

[[NAMELESS]]

חס ושלום דא ארויף לייגן טעלעפוין נומבערס לשם טערארזירן.

מיין כוונה איז סך הכול מסביר צו זיין פארן עולם, און עפענען די אויגן, צו ווייזן קלאר אז הצד השווה שבהן שדרכן להזיק, און דער סיבה דערצו איז ווייל זיי זענען נישט צופרידן מיט זיך. און אויב מ׳קען יענעם העלפען וועט מען אי״ה העלפן. חס ושלום אז מיר זאלן איבער נעמען זייער צד, מיר זאלן ווערן די רשעים.

אויך איז נישט מיין כוונה צו רבנים און עסקנים וואס פירן א מערכה קעגן אינטערנעט, דאס איז נישט אונזער דאגה, אונזער כוונה איז צו אט די קאפויס, עוכרי ישראל וואס נעמען אונזערע קינדער האסטידזש.

בנוגע דעם הרב גאטליעב האב איך געהערט בשם א רב אז עס סבאדערט אים טאקע די אלע אום מענטשליכע צודרייטע רשעות וואס ווערט צוגעלייגט צו זיין מערכה.

[[NAMELESS]]

עזריאל די מיט דיינע מאנסטערישע אשכולות נעמען מיר אוועק די אפעטיט פון לעבן, הער אויף צו סעקירן די מענטשהייט.

דאס איז גאר די מענטשהייט?
איך סעקיר די מענטשהייט, אדער די מאנסטערס סקירן די מעטשנהייט?

[moshav zekeinim]

ר' עזריאל, עס איז קלאר אז מיר וועלן מוזן ניצן טעראר קעגן געוויסע חברה, נאר מען דארף פארזיכטיג זיין נישט צו שעדיגן קיין אומשילדיגע.

[יוחנן הסנדלר]

באמת א וויכטיגער נושא ר' עזריאל און ווי מושב זאגט מען מוז טוהן למעשה. ווי חברים האבן דערמאנט מען מוז מאכן א סיסטעם, קודם אן אימיעל וואו קרבנות קענען זיך פארבינדן. די חברה געווענטליך הייבן נאר אן מיט שוואכע וואס קענען נישט צוריקפייטן. אז מען פייט צוריק איז די מעשה גאר אנדערש. מען דארף מאכן א דאטע בעיס מיט נעמען ווער און פארוואס האט ארויסגעווארפן וועם. דאקומעטירן וואס מען קען און האבן א שטיקל מהלך תורה'דיג און דינא דמלכותא נישט צו צולאזן א הפקר וועלט אנגיין אז מען נעמט משפחות בישראל דבר יום ביומו און מען צוקוועטשט זיי פאר טאמאטעס.

[Kool man]

ברגע וואס מ'בארעכטיגט טעראר [אפילו פאר גערעכטע סיבות] האסטו מתיר געוועזען אלע מיני טעראר, פאר ברענען מענטשען על קידוש ה' ווייל זיי זענען נישט אין אינקלאנג מיט די חסידות, נאכשרייען מענטשען וואס טראגען שבת, ועל כולם ארויסווארפען קינדער וואס די עלטערען האבען אינטערנעט, אדער גאהר אויב די טאטע דאווענט נישט בזמן תפילה, אויב איז טעראר מותר, וועט עס יעדער נוצען פאר זיין צוועק, אם כן מה הועילו חכמים בטערארותם?

[moshav zekeinim]

ר' קולמאן, דו זאגסט אז טאמער בארעכטיגט מען טעראר קעגן טעראריסטן וועלן די טעראריסטן זיך שפירן בארעכטיגט צו ווייטער אנגיין מיט זייער טעראר, ווייל והא ראיה זייערע געגנערס מאכן אויך טעראר?
קען זיין דו זאגסט א פוינט. אבער דער דרך העולם איז אז קעגן טעראריסטן מאכט מען טעראר אדער נאך בעסער, אפענע מלחמה, און דאס דארפן מיר יעצט טון, עס האנדלט זיך דא פון א ריזן ציבור וואס האלט מער נישט ביים נאכטאנצן די קאפריזן פון א מינאריטעיט.

[ירא שמים]

און ווער גייט נעמען אחריות אז אומשולדיגע מענטשן זאלן נישט פארשעמט ווערן,
יעדער העט זיך אריינשוקען אויף זיין שונא,
סוועט זיין נאך א שאולזאן /נ׳ ראזענבערג בלאג,
און סדאך נאך אנאנים אויך,
דארפסט האבן אויף דעם אן אטאריטעט עפעס א רב וכדו׳ וואס זאל שטיין אינטערדעם
און נאר מפרסם זיין אמת׳ע טעראריסטן.

[לית דין בר נש]

איז איין מינוט ווי איז דיין זון פארכאפט? מיר זעהט אויס ווי נישט נאר ער איז נישט פארכאפט נאר די טעראריסטן פון וועמען די רעדסט לאזן אים ניטאמאל קומען אין די זעלבע בנין ווי זיי דרייען זיך.
און יעצט זיי זענען טעראריסטן זיי ווארפן ארויס קינדער? סך הכל שרייבסטו זיי ווילן אים נישט לאזן קומען אין א אידישע מוסד. נא מה כל הרעש שיק אים טאקע דוירט ווי דיין עלטער באבע האט גילערנט פארן קריג (יא עס הייסט עפעס פובליק סקול) דוירט גייט נישט פאר די גאנצע טעראר מען גייט דיר נישט אהיימשיקן קיין פראגע בויגנס. און לאז נאר די טעראריסטן טערארזירן דער וואס לאזט זיך, און שיקט צו זיי.

[Kool man]

מושב זקנים, להוי ידוע לך אז פונקט ווי דו שרייסט אז זיי זענען טעראריסטען, און דו ביסט גאר דער וואס איז לוחם מיט טעראר קעגען די טעראריסטען, שרייען זיי גענוי דאס זעלביקע, אז דו ביסט דער טעראריסט, און זיי נוצען פשוט טעראר אקעגען טעראריסטען, יעדער בארכעטיגט זיין שטאנד, אם כן וועט יעדער אויספירען זיין טעראר מיט זיין אייגענע בארעכטיגונג, וכדעיל.

[בן תמליון]

קאאל איר האט עס נישט ריכטיג. זיי שרייען נישט יענער איז א טעראריסט נאר ער האלט ביזט נישט גענוג הייליג פאר איהם און ממילא מחויב מיתה הם ובניהם ובנותיהם נוסח אייסיס. ווען אמעריקע ענטפערט אל קאידע אדער מדינת ישראל גיבט צוריק פאר ראקעטס וואס זיי שיסן אויף ציווילע איז עס נישט טעראר פאר טעראר עס איז הכרחית'דיגע ענטפערס אפצושטעלן טעראר. נישטא קיין דרכי נועם מיט זיי.

[moshav zekeinim]

מושב זקנים, להוי ידוע לך אז פונקט ווי דו שרייסט אז זיי זענען טעראריסטען, און דו ביסט גאר דער וואס איז לוחם מיט טעראר קעגען די טעראריסטען, שרייען זיי גענוי דאס זעלביקע, אז דו ביסט דער טעראריסט, און זיי נוצען פשוט טעראר אקעגען טעראריסטען, יעדער בארכעטיגט זיין שטאנד, אם כן וועט יעדער אויספירען זיין טעראר מיט זיין אייגענע בארעכטיגונג, וכדעיל.

דו מיינסט צו זאגן אז זיי "וועלן" שרייען אז מיר זענען טעראריסטן. נו, לאמיר זיך שוין דערלעבן די רודפים צו מאכן שרייען אוו וויינען וועגן אונזער קעגן אטאקע.

[האמת לאמיתו]

מיך האט מען דאכט זיך אויס געלערנט אז טא ראנג'ס דאזענט מעיק וואן רייט

[האמת לאמיתו]

וחוץ מזה אויב יענער איז א טעראריסט און די ווילסט דיך נישט לאזען באהערשן פון אים
קומט אויס אז דורכען ניצען זיינע מיטלען איז ער פאקטיש ווייטער בעה"ב אויף דיר ווייל די ביסט פארנומען מיט אים
נאר וואס דען גיי דיר דיין וועיג און פרוביר אים נישט צו שטיין און וועג וועסטו מצליח זיין מיט א אמת
למעשה זאגט מען נאך פון איינע פון די פריערדיגע אז לכאורה אינז (ארטאדאקסן) קענפן מיר דאך פארן אמת און זיי (נעאלגען) פארן שקר נו פארוואס זענען זיי מער מצליח ווי אונז???
נאר די תי' איז אז מיר קעמפן מיר פארן אמת אבער נישט אינגאנצען אמתדיג אבער זיי קעמפן פארן שקר מיט א אמת !!!
(אגב יעצט פארשטייסטו מיין ניק ???)

[moshav zekeinim]

וואס הייסט דאס נישט זיין פארנומען מיט זיי? זיי האבן זיך דאך אריין געזעצט אין אונזער לעבן ווי א ביין אין האלז.ניין, מיר דארפן זיי באקעמפן בכל חומר הדין וויפילמעס איז מעגליך, און טאקע מיט אן אמת.

הוי, איר פינסטערע יונגען
וויפיל איז דער שיעור יענעמס בלוט צו שלינגען
לאמיר אלע אויסשרייען
איר וועט קיין טעראר מער נישט אנזייען

[berlbalaguleh]

עזריאל די מאכסט שפאס אדער עס איז אמת סאיז דא מוסדות וואס ווארפן ארויס קינדער וואס לערנען שוין דארט פון פארדעם?
איך בין נעקסט? כהאב פילטער אבער נישט מזרע ישראל

וויל קענען: איך בין מיט מזל וברכה געווארן דער מנהל פון א מוסד וואו מ'קוקט נישט אויב דער פילטער (אדער די פילטערין) איז מזרע ישראל. ווילאנג די קינדער, די צאן קדשים זענען מזרע ישראל (פארשטייצעך, פון א אידישע מאמע. אדער א פרוי וועלכע האטזיך מגייר געווען.) נעמט מען זיי אן אין אונזערע מוסדות. זיי מעגן האבן קאליר טעלעוויזשן אינדערהיים, קעיבל און אפילו אינטערנעט. און אלע אנדערע טמא'נע כלים. אזוי ווי די רבי שליט"א האט שוין גערעדט דערפון ביי די אסיפות. מ'מוז אונטערחתמ'נען אז מ'האט די אלע, אדר לכה"פ איינס פון די טמא'נע כלים שטייצעך, ווען מ'פארט אין קאנטרי אדער קיין פלארידע. אבער אין שטאט נישט. בפקודת כ"ק מראן אדמו"ר שליט"א וועט מען נאכקוקן און שטרענג פארסירן די אלע אויבנדערמאנטע תקנות. און דער וואס וועט זיך נישט צו שטעלן, וועט מען אהיימשיקן די קינדער. יהי' מי שיהי'. מעג ער זיין אפילו דער ראש הקהל. (איך קען א חשוב'ן ראש הקהל פון א גרויסע, חשוב'ע קהילה וועלכער האט נישט אזעלכע כשר'ע געשעפטן, און ער וואשט זיינע געלטער בי אונזערע מוסדות. און דאך זיצט ער אויוון אן ביי אלע אסיפות אקרו"ט....!

[וויל קענען]

עזריאל די מאכסט שפאס אדער עס איז אמת סאיז דא מוסדות וואס ווארפן ארויס קינדער וואס לערנען שוין דארט פון פארדעם?
איך בין נעקסט? כהאב פילטער אבער נישט מזרע ישראל

וויל קענען: איך בין מיט מזל וברכה געווארן דער מנהל פון א מוסד וואו מ'קוקט נישט אויב דער פילטער (אדער די פילטערין) איז מזרע ישראל. ווילאנג די קינדער, די צאן קדשים זענען מזרע ישראל (פארשטייצעך, פון א אידישע מאמע. אדער א פרוי וועלכע האטזיך מגייר געווען.) נעמט מען זיי אן אין אונזערע מוסדות. זיי מעגן האבן קאליר טעלעוויזשן אינדערהיים, קעיבל און אפילו אינטערנעט. און אלע אנדערע טמא'נע כלים. אזוי ווי די רבי שליט"א האט שוין גערעדט דערפון ביי די אסיפות. מ'מוז אונטערחתמ'נען אז מ'האט די אלע, אדר לכה"פ איינס פון די טמא'נע כלים שטייצעך, ווען מ'פארט אין קאנטרי אדער קיין פלארידע. אבער אין שטאט נישט. בפקודת כ"ק מראן אדמו"ר שליט"א וועט מען נאכקוקן און שטרענג פארסירן די אלע אויבנדערמאנטע תקנות. און דער וואס וועט זיך נישט צו שטעלן, וועט מען אהיימשיקן די קינדער. יהי' מי שיהי'. מעג ער זיין אפילו דער ראש הקהל. (איך קען א חשוב'ן ראש הקהל פון א גרויסע, חשוב'ע קהילה וועלכער האט נישט אזעלכע כשר'ע געשעפטן, און ער וואשט זיינע געלטער בי אונזערע מוסדות. און דאך זיצט ער אויוון אן ביי אלע אסיפות אקרו"ט....!

מ׳מעג דארט האבן א קאלערט סעל אויך אדער נאר די טעלעווישן –כ׳גענענק נאך מ׳האט כמעט ארויס געווארפן קינדער פארן האבן קאלערט סעלפאנס נאך אביסל וועט מען עס זאגן אויף דעם
מ׳קען נישט צוען א שטריק מער ווי מ׳דארף און מ׳מעג וואס האט מען אונז אויסגעלערנט תפסת מרובה ... נא זאג שוין .... און תפסת מועט .....

[למדן]

דו ווילסט שיקן אין א יודישע מוסד אדער צו די יעניגע וואס ווילן האבן קאנטראל אויף דיר?