לאמיר מאכן א קידוש השם

[ישמעאל הכהן]

ch1.jpg

[קאווע טרינקער]

נו, וועלעכע מוסד גייט זיין דאס ערשטע צו honorען דעם הערוישע אינגערמאן??

[נולד מאוחר]

סאיז אן ערנסטע שאלה פון לא תחנם

[שמעון וואלף]

זעץ דיך לערנען וועסטי נישט האבן אזויפיל שאלות.

ס'איז קרוב לוודאי אז א איד וועט אמאל האבן א טובת הנאה דערפון

[נולד מאוחר]

א גוי מאכט א קידוש השם, ראטעוועט ארויס א היימישע איד פון וואסער
http://www.vosizneias.com/203714/2015/05/18/london-cyclist-saves-fellow-jewish-rider-from-drowning-in-london-river/

[קאך_לעפל]

דער אלטער פון קעלם הגה''ק מורינו רבי שמחה זיסל זיו זצוקל''ה האט אמאהל געדארפט זיין אין דייטשלאנד לרפואת גיפו הק', און איינמאל גייענדיג אזוי אין די גאסן פון בערלין, באמערקט ער פון א דייטשער שייגאץ קישט זיין כלב מיט א אויסטערלישע אהבה, האט דער צדיק געגבן א זאג פאר זיינע באגלייטען וואס דער הייליגער נביא הושע האט געזאגט הֵם אֹמְרִים זֹבְחֵי אָדָם עֲגָלִים יִשָּׁקוּן. זיי זאגן די וואס שעכטען מענטשען קישן קעלבער.

עס האט נישט גענומען צו לאנג און די מלחמה האט אויסגעבראכן און די "ענדגילטיגע סלאטציע" איז אריין אין קראפט, און די פיינע, העפליכע, סאלידע דייטשען האבן העפליך אריין געשיקט אונזער זיידעס און באבעס, אנשים, נשים, וטף אין די גאז קאמארן, און זיי געזאגט . "ביטע שעהן מאדאמקע" און דערנאך פארקלאפט די טיר, און אריין געלאזט גאז, און זיך אונטערגעהאלטן פון א קליין ספעציעל לעכעל, ווי די אידן שטיקן זיך אויף טויט. יא הֵם אֹמְרִים זֹבְחֵי אָדָם עֲגָלִים יִשָּׁקוּן. זיי האבן גענומען פיצליך קינדער "אינפענט'ס" און זיי געכאפט ביי די פיסעלך און מיט די בלויזע הענט זיי דערשטיקט צום טויט. יא הֵם אֹמְרִים זֹבְחֵי אָדָם עֲגָלִים יִשָּׁקוּן.

פארוואס זאלן מיר פראבירן נאכצומאכן די זֹבְחֵי אָדָם עֲגָלִים יִשָּׁקוּן ???
דער גוי איז א פאלנער רוצח, דער גוי פארמאגט נישט קיין חובת הלבבות, ער איז א משחת במידת, ער הארגעט זיינע שונאים אן קיין רחמנות. איי ער האלט מיר האפן די טיר? דאס איז איין גרויסע שטיק חיצונות, ער וויל זיך בלויז אהערשטעלן ווי א פיינער מאן, זֹבְחֵי אָדָם עֲגָלִים יִשָּׁקוּן.

מען דארף זיך אויף פירן ארענטליך ווייל דער תורה הק' פארלאנגט אזוי, נישט ווייל דער גוי דער זֹבְחֵי אָדָם עֲגָלִים יִשָּׁקוּן פירט זיך אזוי:

אגב רבינו שליט''א האט אמאהל נאכגעזאגט ביי א דרשה אז דער וועלט האטט א טעות אינעם מושג פון חילל ה' און קידוש ה', ער האט נאכגעזאגט פון א מג''א אין הלכות שבת וואס ברעגנט נאך פינעם הייליגן רמב''ם, אז חילל ה' מיינט אז די גוים זאגן אז אידן האלטן נישט די תורה הק' און קידש ה' מיינט אז גוים זאגן אז אידן האלטן איין די תורה.
איך וויל נישט פארקריכען פינעם נושא, אבער לפי זה, ווער מאכט די גרעסטע חילל ה'? און ווער מאכט די גרעסטע קידש ה'? ווען די גוים זעהן ווי די וואס שטעלן זיך אהער אלס די אידישע פירער און ווארט זאגער זענען פאלנע פרייע כופרים, און האלטן נישט איין די תורה הק', איז דאס די גרעסטטע חילל שם שמים, זיי פארשוועכן דעם נאמען פינעם הייליגען באשעפער. וואס האט אינז ארויסגעצויגן פון מצרים.

ולא תחללו את שם קדשי ונקדשתי בתוך בני ישראל: אני ה' מקדשכם. המוציא אתכם מארץ מצרים להיות לכם לאלהים אני ה' ......

[איך אויך]

אנדערע פארציילן עס אויף ר' ישראל הוסיאטענער.[און ער איז טאקע ארומגעפארן זיך בעטעהן אן ווארענען די חסידים מען זאל עולה זיין קיין ארץ ישראל אזוי ווי ער האט אויך געטוהן]

דא אויף ק''ש זעהט מען כסדר פערפעקט עקזעמפעלס פון די הנהגה וכמו שכתבו אחרים באשכול אחר.

[א איד]

אגב רבינו שליט''א האט אמאהל נאכגעזאגט ביי א דרשה אז דער וועלט האטט א טעות אינעם מושג פון חילל ה' און קידוש ה', ער האט נאכגעזאגט פון א מג''א אין הלכות שבת וואס ברעגנט נאך פינעם הייליגן רמב''ם, אז חילל ה' מיינט אז די גוים זאגן אז אידן האלטן נישט די תורה הק' און קידש ה' מיינט אז גוים זאגן אז אידן האלטן איין די תורה.

סתם אויף צו מעורר זיין ביי דיר אין ביהמ"ד ווייסט מען ווער רבינו שליט"א איז, אדער אויב דער אשכול האט א קעפל מיטן נושא פון דיין רבין שליט"א.
אבער סתם אזוי אין א פשוטן אשכול, שרייב ביטע א נאמען.
ייש"כ למפרע
א איד

[קאך_לעפל]

אגב רבינו שליט''א האט אמאהל נאכגעזאגט ביי א דרשה אז דער וועלט האטט א טעות אינעם מושג פון חילל ה' און קידוש ה', ער האט נאכגעזאגט פון א מג''א אין הלכות שבת וואס ברעגנט נאך פינעם הייליגן רמב''ם, אז חילל ה' מיינט אז די גוים זאגן אז אידן האלטן נישט די תורה הק' און קידש ה' מיינט אז גוים זאגן אז אידן האלטן איין די תורה.

סתם אויף צו מעורר זיין ביי דיר אין ביהמ"ד ווייסט מען ווער רבינו שליט"א איז, אדער אויב דער אשכול האט א קעפל מיטן נושא פון דיין רבין שליט"א.
אבער סתם אזוי אין א פשוטן אשכול, שרייב ביטע א נאמען.
ייש"כ למפרע
א איד

יו. פון ווי האסטו געוויסט וועמען מען מיינט?

[א איד]

ווער זאגט אז איך ווייס?, גראדע ווייס איך נאכאלץ נישט.
איך בין אביסל נייגעריג צו וויסן, נאר להערה בעלמא האב איך עס ארויסגעברענגט בדרך מוסר.

[וויל קענען]

איך וויל דא מיטטיילן מיטן עולם א מעשה וואס כ'האב לעצטענס געהאט און לדעתי דארף מען עפעס דראסטיש טוען פאר דעם,

מעשה שהיה כך היה, לכבוד זומער ירום הודו האב איך געוואלט קויפן קליידער פאר מיינע קינדער, א פרישע סיזען מיט פרישע קליידער. מיין בני בית איז געוואר געווארן אז ס'איז דא א קאמפעני מיטן נאמען OLIVE JUICE און זיי האבן פאר ביליג סוף סיזען זאכן
געזאגט און געטוען, כ'האב אויפגעהויבן דעם טרייבל און זיי אנגערופן, אבער אין קול ועונה זיי הייבן נישט אויף, נא אז נישט איז נישט לא פיללתי,

נאך אפאר מינוט קאלן זיי מיר צוריק, און אנשטאט צו נעמען מיין קאל און מיר סארווירן ווי א נארמאלע מענטש האב איך באקומען א פארציע אויפן קאפ,

זיי זאגן מיר אז אסאך מענטשן פון מיין קאמיוניטי באשטעלן ביי זיי 30 אדער אפילו מער זאכן אויף סעיל און שיקן צוריק כמעט די גאנצע, און דאס איז נישט קיין וועג צו מאכן געלד ועוד ועוד. כ'האב נישט געהאט די געדולד אים אויסצוהערן, און ער טענה'ט אז נאר דווקא די קאמיוניטי פירט זיך אזוי אויף צו אים, און ער האט מיר געבעטן אז איך זאל עס אויפמערקזאם מאכן פארן עולם.

כ'מיין אז אין די נושא זענען מיר היפש געשלאגן און מ'דארף זעהן עפעס צו טוען דערוועגן. באמת איז עס נישט די ערשטע מאל וואס איך שטויס מיר אן אין דעם. אפאר יאר צוריק איז מיר אויסגעקומען צו שמועסן א לענגערע שמועס מיט א מענידזשער פון די home depot געשעפטן, און ער האט גע'טענה'ט די זעלביגע זאך, און ער האט מיר פארציילט אז איינמאל נאך סוכות האבן אסאך אידעלעך צוריקגעברענגט טול'ס און אלע ערליי בוי געצייג צו די סטאר נאכן נוצן, זאגנדיג אז ס’איז נישט אזוי גוט ווי מ'האט געמיינט וכדומה, און ער האט זיי נאכגעקוקט און געזעהן אז זיי קויפן נישט קיין אנדערע וואס וועט יא גוט זיין פאר זיי, האט ער געזעהן אז זיי נוצן סתם אויס די סטאר פאליסיס פאר זייערע אינטערעסן.

ברוך השם אז דעמאלטס איז געווען נאכדעם א שטיקעלע אויפשאקלונג אין די נושא,
די חילול השם איז גרויס. מיר זענען אונטער ראדאר, די גוים קוקן אויף אונז מיט גרויסע אויגן, און מיר דארפן זיך היטן.

[berlbalaguleh]

אנדערע פארציילן עס אויף ר' ישראל הוסיאטענער.[און ער איז טאקע ארומגעפארן זיך בעטעהן אן ווארענען די חסידים מען זאל עולה זיין קיין ארץ ישראל אזוי ווי ער האט אויך געטוהן]

דא אויף ק''ש זעהט מען כסדר פערפעקט עקזעמפעלס פון די הנהגה וכמו שכתבו אחרים באשכול אחר.

אני הקטן. בערל בעל עגלה האב אמאל צו געזעהן די פאלגנדע סצענע אויף איינס פון די גאסן אין בארא פארק. א שייגעץ פון בערך 14-15 יאר. האט זיך געשפיעלט מיט זיין כלב. געלעקט איהם און געטאנצט מיט איהם. אין א מינוט ארום איז אריבער געגאנגען (להב') א אידיש יונגעלע, האט דער זעלבער שייגעץ איהם אנגעהויבן נאכיאגן און געוואלט שטויסן מיט א שרעקליכע שנאה...!

[berlbalaguleh]

אגב רבינו שליט''א האט אמאהל נאכגעזאגט ביי א דרשה אז דער וועלט האטט א טעות אינעם מושג פון חילל ה' און קידוש ה', ער האט נאכגעזאגט פון א מג''א אין הלכות שבת וואס ברעגנט נאך פינעם הייליגן רמב''ם, אז חילל ה' מיינט אז די גוים זאגן אז אידן האלטן נישט די תורה הק' און קידש ה' מיינט אז גוים זאגן אז אידן האלטן איין די תורה.

סתם אויף צו מעורר זיין ביי דיר אין ביהמ"ד ווייסט מען ווער רבינו שליט"א איז, אדער אויב דער אשכול האט א קעפל מיטן נושא פון דיין רבין שליט"א.
אבער סתם אזוי אין א פשוטן אשכול, שרייב ביטע א נאמען.
ייש"כ למפרע
א איד

א איד: ייש"כ פאר מעורר זיין. אבער באמת ווייסט א יעדער בר בי רב ד'קאווע שטיבל דחד יומא ווער קאך לעפל'ס רבינו הק' שליט"א איז...די פראבלעם איז נאר אז א צווייטנ'ס רביה"ק שליט"א טוט ער נישט אנערקענען...!

[ראוונע]

איך האב היינט מיטגעהאלטן (נישט צום ערשטן מאל) ווי א אידל קומט ארויס פון א געשעפט און פארקלאפט דעם טיר אין פנים פון דעם גוי וואס איז געקומען צו גיין ממש הינטער אים. כ'האב געזען ווי יענער קוקט אים אן מיט גרויסע בייזע אויגן. ער האט נאך געשאקלט דעם קאפ פון רעכטס אויף לינקס און צוריק זיבן מאל און געבליבן קוקן אויף יענעם ווי פון דער לבנה ביז ער האט זיך אריינגעזעצט אין קאר. עס האט מיך געבאדערט, (אפילו איך קען יענעם פארשטיין אז ער איז אויפגעוואקסן אין אן אנדערער אטמאספערע און באגרייפט נישט אפשר געהעריג די אמעריקאנער קולטור און ווי די קלייניגקייטן קענען זיי נעמען זייער ערנסט).

גענוג האבן שוין מיטגעהאלטן אזעלכע סצענעס ווי א צווייטער אידל מאכט א "לאקאלע" חילול השם, צי ביים זיך אריינכאפן אין דער ליניע, צי זיך שטעלן טענה'ן מיט'ן קעשיער א האלבע שעה אז ער האט געזען אן אנדערע פרייז אויפ'ן שעלף, ריטוירנען ראסטיגע עירקאנדישאנס נאכ'ן זומער, אן קיין רעסיט, טענה'ן מיט'ן באנק מענעדזשער א האלבע שעה וועגן א געקראכטע טשעק ווייל ס'געווען פרייטאג נאך די שקיעה, שיסן באנאנעס אין חיות-גארטן טראץ די בייזע וועכטער, צי אנדערע מטעמים אין פאבליק. עס איז קלאר אז מיר זענען ווייט נישט די איינציגע וואס קענען זיך צומאל אויפפירן "מאדנע", אבער למעשה זענען מיר אידן און דארפן זיך אלס דער עם סגולה מער היטן זיך אויפצופירן דוקא נאר ווי עס פאסט.

אבער אנשטאט זיך סתם נעמען באשעלטן די "פרומאקעס", האב איך היינט באשלאסן צו טון עפעס קאנסטרוקטיוו. שפעטער אין טאג האב איך אריינגעסטאפט אין א גאז סטאנציע (אין א היימישער געגנט) ווייל איך האב געדארפט "ארויסגיין". פונקט איז "ארויסגעקומען" אן אנדערער היימישער איד. איז מיר אריינגעטאנצן א מחשבה'לע אז מסתמא קומען דא כסדר אריין אידעלעך און באניצן זיך מיט דעם ביה"כ לרחצה, מיט אלע קינדערלעך אין די רייע, און אנטלויפן. אפי' עס איז אפשר נישט ממש טעכניש קיין "חילול השם" און אפשר איז עס נישט סטריקטלי געמאכט בלויז פאר קאסטומערס, שמעקט עס מסתמא נישט אזוי פאר'ן גויאישן אייגנטימער.

אלזא, ביים ארויסקומען בין איך צוגעגאנגען צום קעשיער און איך האב אים דערלאנגט א פינעווער, זאגנדיג "איך האב גענוצט די טוילעט, דו האסט מיר דערמיט צוגעשטעלט א סערוויס, און איך וויל דיר באצאלן דערפאר."

איר וואלט געמוזט זען ווי נאך א סעקונדע פון דעם שאקירטן בליק האט ער ממש אויפגעלאכטן מיט א שיינענדיגן פנים. ער האט מיר אויסגעשטרעקט די האנט און שטארק געדריקט, זאגנדיג מיט גלאנצענדיגע אויגן פיר מאל "טעינק יו, טעינק יו."

גלייבט מיר, איך האב נאך געשפירט בעסער פון אים (יותר ממה שהעגל רוצה לינוק וכו', אויך וויסנשאפטליכע שטודיעס באשטעטיגן די טיפע אלטרואיסטישע הנאה).

אבער בעיקר האב איך געשפירט אז אויף א געוויסע אופן האב איך דא עפעס "געטאן" קעגן יענעם טיר-פארקלאפער. עפעס "אויפגעטאן". און אזוי דארפן מיר אלע פרובירן טון. מיר דארפן פרובירן זיך אויפפירן ספעציעל איידל, דזשענטעל, געלאסן, צו מאכן א קידוש השם ווי נאר עס קומט אונטער. מיט אזעלכע קלייניגקייטן קען מען אנקומען ווייט.

אלזא, לאזט וויסן ווען איר מאכט אמאל עפעס א לאקאלן קידוש השם. אפשר אז איר וועט וויסן פון פאראויס אז איר וועט עס דערנאך דא אראפשרייבן, וועט עס געבן מוט צו אויספירן דעם נאבעלן אקט.

אוי זאגסטו גוט רבי שרגא
אני כשלעצמי ווען איך זעה א גוי שטיין ביי די זייט פון די ראוד פראביר איך מיך אפצושטעלן אין פרעגן צו איך קען מיט עפעס העלפען (איך האלט שטענדיג אין קאר booster cables אין שוין מקדש שם שמים געווען כמה פעמים)
ווי אויך ווען די גייסט אין געשעפט פרעג דעם קעשיר how are you today? אפילו אויב סאיז א אשה סוועט דיר גארנישט געשעהן אין די וועסט מאכען א קידוש השם
ווען די נעמסט געז אדער עני אנדערע סערוויס די באקומסט פון א גוי באדאנק דיך (דעס נעמט אויך אריין די גוי וואס פאקט צוזאם דיין ארדער ביים רעדזישסטער)
אז די קענסט געבן א טיפ מה טוב ומה נעים
כהנה וכהנה

[שמעקעדיג]

וכן אני נוהג (חוץ מיט די בוסטער קעיבלס, איך בין נישט קיין פאכמאן דערין).

[ראוונע]

וכן אני נוהג (חוץ מיט די בוסטער קעיבלס, איך בין נישט קיין פאכמאן דערין).

מדארף נישט זיין קיין פאכמאן אין דעם עס איז זייער סימפל אין קען שפארען אסאך עגמת נפש. קאסט אויך נישט קיין סאך

[[NAMELESS]]

אפאר יאר צוריק איז מיר אויסגעקומען צו שמועסן א לענגערע שמועס מיט א מענידזשער פון די home depot געשעפטן, און ער האט גע'טענה'ט די זעלביגע זאך, און ער האט מיר פארציילט אז איינמאל נאך סוכות האבן אסאך אידעלעך צוריקגעברענגט טול'ס און אלע ערליי בוי געצייג צו די סטאר נאכן נוצן, זאגנדיג אז ס’איז נישט אזוי גוט ווי מ'האט געמיינט וכדומה, און ער האט זיי נאכגעקוקט און געזעהן אז זיי קויפן נישט קיין אנדערע וואס וועט יא גוט זיין פאר זיי, האט ער געזעהן אז זיי נוצן סתם אויס די סטאר פאליסיס פאר זייערע אינטערעסן.
ברוך השם אז דעמאלטס איז געווען נאכדעם א שטיקעלע אויפשאקלונג אין די נושא,
די חילול השם איז גרויס. מיר זענען אונטער ראדאר, די גוים קוקן אויף אונז מיט גרויסע אויגן, און מיר דארפן זיך היטן.

ר' וויל קענען, ביזט אזוי גערעכט.
אבעאר דיין סוף פסוק ווייזט אליינס אויפן חורבן פון אונזער סיסטעם.

מיר דארפן אויפהערן צו טון די שקאצעריי צו home depot משום חילול ה'?
וואס איז מצד 'מענטשליכקייט'? אונז זענען שוין אזוי לקוי אין די מינדנסטע פארשטאנד אין וואס איז מענטשליך און וואס נישט, אז אן אריינריקן גאט וועלן מיר נישט פארשטיין וואס איז ראנג מיט די סארט געמיינע אויפפירעכץ כלפי home depot וכדומה?!!!

[שמעקעדיג]

מסתמא מיינט ער בבחי' לא זו אף זו קתני,
אדער בבחי' אם אין אתה יוצא בגינך, צא בגין אשתך ובניך.

[ראוונע]

אפאר יאר צוריק איז מיר אויסגעקומען צו שמועסן א לענגערע שמועס מיט א מענידזשער פון די home depot געשעפטן, און ער האט גע'טענה'ט די זעלביגע זאך, און ער האט מיר פארציילט אז איינמאל נאך סוכות האבן אסאך אידעלעך צוריקגעברענגט טול'ס און אלע ערליי בוי געצייג צו די סטאר נאכן נוצן, זאגנדיג אז ס’איז נישט אזוי גוט ווי מ'האט געמיינט וכדומה, און ער האט זיי נאכגעקוקט און געזעהן אז זיי קויפן נישט קיין אנדערע וואס וועט יא גוט זיין פאר זיי, האט ער געזעהן אז זיי נוצן סתם אויס די סטאר פאליסיס פאר זייערע אינטערעסן.
ברוך השם אז דעמאלטס איז געווען נאכדעם א שטיקעלע אויפשאקלונג אין די נושא,
די חילול השם איז גרויס. מיר זענען אונטער ראדאר, די גוים קוקן אויף אונז מיט גרויסע אויגן, און מיר דארפן זיך היטן.

ר' וויל קענען, ביזט אזוי גערעכט.
אבעאר דיין סוף פסוק ווייזט אליינס אויפן חורבן פון אונזער סיסטעם.

מיר דארפן אויפהערן צו טון די שקאצעריי צו home depot משום חילול ה'?
וואס איז מצד 'מענטשליכקייט'? אונז זענען שוין אזוי לקוי אין די מינדנסטע פארשטאנד אין וואס איז מענטשליך און וואס נישט, אז אן אריינריקן גאט וועלן מיר נישט פארשטיין וואס איז ראנג מיט די סארט געמיינע אויפפירעכץ כלפי home depot וכדומה?!!!

הרב משזר איר זענט ביטער גערעכט
אין אויב כלל ישראל וואלט נישט געווען אונטערען ראדאר מעג מען זיך יא אזוי אויפפירען?
מיר כלל ישראל זענען א איידעלע פאלק סאיז נאר א שאד אויף די יעניגע וואס טוען אונז כסדר פארשווארצען דאס פנים
בכלל מיין איך אז היינטיגע צייטען אנשטאט לערנען מוסר מיט די קינדער אין חדר דארף מען פשוט לערנען הלכות מענטשליכקייט
מוסר האט צייט אויף שפעטער אין לעבן

[וויל קענען]

ערעב שש איר זענט100% גערעכט און איך האב טאקע געטראכט צוויי מאל פארן עס שרייבן ווייל מיין עיקר פיונט איז טאקע דאס אז ס’איז נישט אויסגעהאלטן צו אויסנוצען שלא ביושר א סטאר פאלעסי וכדומה נאר וואס זאל מען טוען אז די עולם גולם וויל נישט פארשטיין און אפשר מיט אפאר אידישע ווערטער וועלן זיי פארשטיין אולי ואולי

[וויל קענען]

בעיקר וויל איך פארשטיין פארוואס טאקע זענען מיר געשלאגן מיט אזא מידה גרוע אסאך מער ווי דער גוי
קומט עס מכח ווייל א איד האט בהכרח געוויסע הוצאות למעלה מיכלתו אדער?

[berlbalaguleh]

וכן אני נוהג (חוץ מיט די בוסטער קעיבלס, איך בין נישט קיין פאכמאן דערין).

שמעקעדיג: אפשר גיימיר צוזאמען אין ביזנעס...?...
איך בין נאר אן עם הארץ אין קאמפיוטער-טעק והמסתעף. אבער אין מעקעניקל און עלעקטראניקס ביניך ב"ה גאנץ אינדערהיים...פארגעס נישט איך בין א פארצייטישער איד...נאך פון פאר די חרם דרבינו גרשון...

[[NAMELESS]]

בעיקר וויל איך פארשטיין פארוואס טאקע זענען מיר געשלאגן מיט אזא מידה גרוע אסאך מער ווי דער גוי
קומט עס מכח ווייל א איד האט בהכרח געוויסע הוצאות למעלה מיכלתו אדער?

קוק נאך, וועסטו זען אז וואס פרומער מען איז, אלס מער איז מען לקוי דערינען [קרית יואל, למטה הימנו וומס"ב, למטה הימנו ב"פ].
לדעתי איז די סיבה דערצו, וויפיל מער מצומצם מען איז, אלס מער האט מען דער געפיל פון אני ואפסי עוד כלפי דעם גוי. דאס זעט זיך ארויס כלפי צענדליגע אנדערע ערליי אופנים, ולדוגמא: ווער וועט זיך די מערסטע באנוצן מיטן צויבער שטעקעלע 'אנטיסעמיטיזם', ווער וועט אמת'דיג האלטן אז יעדע גוי זוכט דיך צו באגראבן, און ווער עס וועט זיין איבערצייגט אז ס'איז אסור ליב צו האבן א גוי. דו"ק ותשכח אז אלעס איז צונויפגעבינדען.