סמארטפאון געבינדען

[וכדומה..]

וואו מגייט און וואו משטייט, מרירט זיך נישט אן דעם קליינעם לעבנס באגלייטער, מאיז צוגיבינדען דערצו און אזוי אנגעוויזן דערויף, אז אויב מאכטס זיך אמאל, דער אויבערשטער זאל אפהיטן, אז די זאפט לויפט אויס און מהאט נישט וואו איינצושטעקן ווערט מען ממש ווי א וועדשטעבעל אין א ווילטשעיר, מקען זיך נישט רירן און מאיז אויסגעשאלטערט ממש חשוב כמת,

איז אינטרעסאנט צוברענגען געוויסע נומערן און סטאטיסטיקס וואס ווייזן וויפיל מענטשן זענען אין דעם פעקל.

* 60 פראצענט סמארטפאון באנוצערס, גייט נישט דורך א גאנצע שעה אן ארויסנעמען די פאון קוקן וואס טוט זיך.

* 90 פראצענט מענטשן אין די יארגאנג פון 18 ביז 29 גייען שלאפן ביינאכט מיט די סעלפאון אין האנט.

* 95 פראצענט מענטשן בכלל, נוצן זייער טעלעפאון פאר כאטש עפעס הארט פארן גיין שלאפן.

* 50 פראצענט מענטשן, אויב וועקט מען זיך אויף אינמיטען די נאכט, שלעפט מען אפיר דעם טעלעפאון צו כאפן א בליק דערויף.

* די עוורידש סמארטפאון באנוצער, ספענדט איבער 4 שעה א טאג אויף זיין כלי

* איינס פון דריי מענטשן וואלטן ענדערש אויפגעגעבן אויף **** ווי איידער אויף זייער טעלעפאון.

* 85 פראצענט מענטשן זאגן, אז זיי וואלטן נישט געקענט דורכמאכען איין טאג אנעם סמארטפאון.

מען איז אנגעהאנגען דערין פיזיקלי און סייקעלאדשעקלי,

סייענטיסטן האבן אויפגעוויזן אין א סטאדי, אז איינס פון אכט מענטשן זענען קליניקלי עדיקטעד צו זייער טעלעפאון און איז נישט מעגליך זיי זאלן זיך טיילן דערפון אן קיין הילף, פונקט ווי אנדערע עדיקשינס,

ווי אויך רוב מענטשן אויב וועט מען זיי צונעמען דעם טעלעפאון, וועלן זיי שפירן ווי מהאט צו צוגענומען א חלק לעבן, און וועלן זיך ארומדרייען אין א שווערע מוד.