ארויסהאבן א ניק'ס לעבן לויט זיין געשרייבעכטץ

[moshav zekeinim]

פאר די וואס טוען אין אור-אלטע היסטארישע פערזענליכקייטן, איז באקאנט אז דער וועג וויאזוי מען האט ארויס דעם מענטש, זיין לעבן און זיין מהות איז ע"פ רוב לויט זיינע מאמרים. און ריזיגע חלוקי דעות זענען פארהאן איבער טייל גרויסע פערזענליכקייטן, וויאזוי מען לערנט אפ זיינע מאמרים אויף צו ארויסצוהאבן זיין לעבן'ס שטייגער, היסטאריע, און מהות.

איז מיר איינגעפאלן אן אינטרעסאנטער איידיע. לאמיר מאכן א טעסט צווישן אונז קאווע שטיבל שרייבער ווי ווייט מיר קענען ארויסהאבן א ניק לויט זיין געשרייבעכטץ. און לויט אונזער סוקסעס וועלן מיר קענען האבן אן איידיע ווי ווייט ריכטיג די חוקרי אנשי השם בימים קדומים האבן געקענט ארויס באקומען א מענטשן'ס כאראקטער און לעבן פון זייערע מאמרים.

אודאי זענען פאראן חילוקים צווישן א טעסט אויף אן אמאליגער פערזאן און א טעסט איבער א היינטיגער ק"ש פערזאן.

מצד אחד איז אן אמאליגער פערזענליכקייט שווערער ארויס צו האבן צוליב די מרחק אין זמן און אין קולטור, בעת דעם ק"ש שרייבערס קולטור איז קלאר (אז ער רעדט אידיש און לעבט בדורינו, וואו און וויאזוי קען ער שוין וואוינען, וואס קען ער שוין עסן, וואספאר א עסקים קען ער שוין האבן וכו').

מצד שני איז דעם ק"ש ניק שווערער ארויס צו האבן צוליב וואס עס פעלט אונז די ריכטיגע טאלס וויאזוי צו צוגיין צו אזא פארשונג, בעת די חוקרים איבער אישים קדמונים זענען מער געלערנט איבער דעם. און ווי אויך זוכט זיך דער ניק צו באהאלטן, בעת דער אמאליגער האט עס נישט געטון.

אבער פארט איז אינטרעסאנט צו פראבירן און זעהן וואס די תוצאות וועלן זיין.

דער פראבלעם איז נאר אז כדי צו נעמען איינעם אויפן צימבל מוז יענער געבן רשות. און איך גלייב אז זייער ווייניג ניקים וועלן זיך מתנדב זיין זיך צו לאזן ארינצוקריכן אין די קישקעס, און נאכדעם זאגן דעם אמת ווער עס האט די מערסטע צוגעטראפן צו זיין ריכטיגער אישיות און לעבנס שטייגער.

וואלט איך פארגעשלאגן אז דער מתנדב זאל געבן באגרענעצונגען ביז ווי ווייט מען קען אריין גיין אין אים. למשל ער קען אפהאלטן פון פראבירן אויסצופיגערן זיין נאמען, משפחה, שטאט, קאמיונעטי א.א.וו. געוואנדן אינעם מתנדב.

פארשטייט זיך אז עס דארף זיך האלטן אויף א ערנסטע לעוול און נישט סתם ארום ליצעווען אדער אטאקירן דעם ניק בלי טעם. די מסקנות דארפן אויפגעוויזן ווערן דורך'ן ציטירן שטיקער פון דעם ניק'ס שרייבעריי, בקיצור אזוי ווי אן ערנסטער מחקר.

נאך עטליכע ערנסטע השערות און מחקרים איבער דעם מתנדב ניק, זאל דער ניק קומען און אויסרעכענען יעדנס טעות אדער סוקסעס.

נו חברים, וואס זאגט איר דערצו?

[רוסישער]

נאך א חילוק, לדעתי א גרויסער, איז אז די ניקס דא האבן די פרייהייט צו זיך באהאלטן הינטער זייער ווירטיאלער איידענטיטי. מצד אחד קען דאס גאר העלפן דערגרונטעווען זיינע אמת'ע פארשוין, ער האט ניט וואס צו מורא האבן וואס מ'וועט זאגן. אבער בעיקר שרייבט א מענטש זאכן וואס ער אליין האלט ניט, שרייבט זיך אמאל ליופי המליצה ווייל אזוי האט זיך עם געשמעקט אויפן מינוט. וועט מען זאגן אז אדרבא אט דאס איז 'ער', איך בין ניט אזוי זיכער.
לדעתכם וואו קען זען די אמת'ר קאלירן, אין א ניק אדער אין 'ריל לייף'?

לא לחינם ווערט דאס אנגערפן 'מדעי הרוח', מערסטע מאל איז טאקע א לופט געשעפט, אבער אפשר איז דא יא עפעס אין דערויף - נחי' ונראה

[נהורא נפישא]

גוטער איינפאל, שוין געטראכט אמאל דערפון, אלזא לאמיר געבן א שטיקל קריטיריע וויאזוי צינויפשטעלן א פראפייל, כ'וועל שרייבן ראשי פרקים, האפענטליך כולל צו זיין אלעס, אבער ס'יעדע איינע קען מען שטארק מרחיב זיין.
געשטעל
קליידונג
געזונט צושטאנד
יארגאנג
פאמיליע לעבן
פינאנציעלע צושטאנד
באוועגונג
כאראקטער
סאציאלע באנעמונג
וויסענשאפטליכע אינטעליגענץ
עמאציענעל אינטעליגענץ
אפשטאם
אויסקוק אויפן לעבן
אינטערעסעס
טאלאנטן
שטימונג
איינדרוק
דערגרייכונגען

[[NAMELESS]]

ווייטער?

[רויטע וואנצעס]

דער עולה על המוקד איז זיך מתחייב צו באשטעטיגן געוויסע הנחות, אדער ס'איז א guessing געים וואס בלייבט ביים guess'ן?

[moshav zekeinim]

דער עולה על המוקד איז זיך מתחייב צו באשטעטיגן געוויסע הנחות, אדער ס'איז א guessing געים וואס בלייבט ביים guess'ן?

איך האב אויבן געשריבן:

"נאך עטליכע ערנסטע השערות און מחקרים איבער דעם מתנדב ניק, זאל דער ניק קומען און אויסרעכענען יעדנס טעות אדער סוקסעס.

[רויטע וואנצעס]

סאיז א שטארקע סתירה מיט'ן אנליין הסתרה. ס'קען נישט ארבייטן צוזאמען. די הסתרה דא איז נישט בלויז די נאמען מיט די אדרעסס, ס'איז די נאטור וכדומה. רוב ניקים זוכן רעספעקט און אמאל אנטענעשאן וואס זיי קענען נישט באקומען ווען מ'קען זיי ווי די חבר אין מקוה. אויב גיסן זיי אויס די בונדלעך, דארפן זיי א נייע ניק צו ערפילן די חלל פון רעספעקט דאס וועט שאפן.

[moshav zekeinim]

צווישן די אמאליגע מחברים זענען אויך פארהאן אזעלעכע וועמענס אידענטיטעיט איז פארהוילן, ווי דער כלבו, חינוך, משלי שעלים.
אנדערע מחברים וועמענס אידענטיטעט עס איז יא באוואוסט קען מען אבער שווער ארויס האבן זייער מענטאליטעט און לעבן מחמת מיעוט החומר, אדער איינגעהאלטענע שפראך, אדער וועגן די צענזור.

טאקע דערפאר איז נישט יעדן פערזענליכקייט די זעלבע גרינג ארויס צו האבן. אבער די עיקר חכמה איז טאקע ארויס צו האבן "צווישן די שירות", און וואס א גרעסערער מומחה אלס א בעסערער "ליינער" איז מען.

[moshav zekeinim]

נו חברה, ווער איז רעדי זיך צו לאזן אבסערווירן אויף כאטש א טייל פון נהורא ופשט'ס פראפייל?

[אפטעמיסט]

איך

[moshav zekeinim]

עטליכע טיפס וואס צו נעמען אין באטראכט פון א ניק אויסער דאס שרייבן גופא:

דער ניק נאמען; זיין רעדאגירן זיינע זאכן די צאל וויפיל מאל ער רעדאגירד א תגובה, ווי אפט ער רעדאגירד בכלל; אותיות מיסטעיקס; ווי אפט ער שרייבט; די שעות און תקופות פון זיין שרייבן; ווי ספאנטאנישט ער איז מיט אן ענטפער.

איר קענט צולייגן נאך סמנים. דאס איז אבער גענוג בעיקר אויף ארויס צו האבן זיין פסיכאלאגישע כאראקטער. די סמעטענע סחורה דארף מען ארויס נעמען פון זיין שרייבן גופא.

[moshav zekeinim]

איך

מיט דיינע איבער צוויי טויזנט תגובות דארף מען דינגען א מכון דיר צוצונעמען. אבער צו מאכן די ארבער גרינגער לאמיר מאכן א פאלעסי אז עס איז גענוג צו נעמען די ערשטע הונדערט און פופציג תגובות, און ווער עס וויל קען נעמען מער אדער אלע.

הכלל, געשלאסן געשעפט?

[רויטע וואנצעס]

ערשטע 150 איז לכאורה זייער פעיק, מ'זוכט נאך יעדעם צו געפעלן. מ'פירט זיך אויך ווי ביי די באשאו.

[רויטע וואנצעס]

אקעי, [tag]אפטעמיסט[/tag] האט געבעטן, היידא.. איך ארבייט אויף דעם לפי זכרוני. (קענסט דיך נוקם זיין אויף מיר)

[רויטע וואנצעס]

געשטעל
מער צו די העכערע זייט, לאמיר זאגן 5.10
קליידונג
ר"ת גאטשעס ווען אין ווילי. אויף ביזנעס און וואקאציע גייט מען אריבער צו באקסערס. אדערווייז זייער צאמגענומען און ריין. אביסל פעשליך, בערך נאר 20 פונט איבעוואגיג.
געזונט צושטאנד
געזונט ב"ה ווי א בקר אין די גאסן פון מאדריד.
יארגאנג
צווישן 32-34
פאמיליע לעבן
חתונה געהאט מיט 5 אדער 6 קינדער.
פינאנציעלע צושטאנד
צווישן באקוועם און שיין פארמעגליך.
באוועגונג
א גאר פלייסיגע ענערזשייסט מענטש
כאראקטער
א שטיק כארוזמע און געשמאק, א שטיקל טעמפור ווען מ'קריכט אויפן גיד הנשה.
סאציאלע באנעמונג
א דאנאמיק פערסענעליטי
וויסענשאפטליכע אינטעליגענץ
פארשטייט אין יעדע נושא לכה"פ ראשי פרקים, אבער פארשווענד נישט צו אסאך צייט מיט דעם
עמאציענעל אינטעליגענץ
פארשטייט צו מענטשן זייער גוט.
אפשטאם
בעקיש טשאבא פון די מאמע'ס זייט, און געמיש פון ארץ ישראל מיט אויבערלאנד פון די טאטע'ס זייט.
אויסקוק אויפן לעבן
עפ"ר שטארק אפטעמיסטיש. חוץ ווען די לעבן שפייט אין פנים ווי אונז אלע. האט שטארקע פרינציפן אויף וואס ער וועט קיינמאל נישט טרעטן.
אינטערעסעס
ק"ש, ביזנעס, שרייבן, ליינען, וואקאציע. תורה, מדע, סאציאלע געזעהלשאפט, וואקאציע מיט די ווייב, מוזיק, הומען סייקאלעזשי.
טאלאנטן
שרייבן, הומאר, פאעזיע, ביזנעס סטראטעגיע און סקילס.
שטימונג
פריילעך און קאנפעדענט עפ"ר
איינדרוק
גאר א גוטע צאמגענומענע קאנפעדענט איינדרוק.

אפטעלע, יעצט אדער הארגע מיך, אדער זיי דיך נוקם...

[אפטעמיסט]

וואנצעס, ביסט גוטע נייעס! דאס גרעניצט זיך שוין מיט ערענסטע גילוי. כ'מיין אז דאס איז עס, מיינע קינדער פליען פון די מוסדות!

איין זאך נאר, הרג'ע נישט מיינע קינדער. מ'האמיר שוין געשמועסט אז כ'האב קע"ה 13 קינדער (ועוד ידי נטויה).

לאמיר הערן וואס נאך דער עולם האט צו זאגן.

[moshav zekeinim]

פארשטייט זיך אז עס דארף זיך האלטן אויף א ערנסטע לעוול און נישט סתם ארום ליצעווען אדער אטאקירן דעם ניק בלי טעם. די מסקנות דארפן אויפגעוויזן ווערן דורך'ן ציטירן שטיקער פון דעם ניק'ס שרייבעריי, בקיצור אזוי ווי אן ערנסטער מחקר.

[קאצקע ציקער]

איך

viewtopic.php?p=289933#p289933

[yatzmachp]

נו חברה, ווער איז רעדי זיך צו לאזן אבסערווירן אויף כאטש א טייל פון נהורא ופשט'ס פראפייל?

איך.

איך האלט קלאר אז עס אוממעגליך צו וויסן וועגן דעם מענטש אליינס. מענטשן האבן מער ווי איין פערסאנע, אינדערהיים, ביי די עלטערן, ביים שוער, אויף וועקעישן, שול, ארבעט, אויף די געוועב בגלוי און נאכדעם בסתר.

[[NAMELESS]]

לעולם יהא אדם וכו' בסתר ובגלוי ומודה על האמת

[חקרן]

בין איך גרייט צו זיין אויפן טיש.

[יעקב מענטש]

איך בין גרייט צו גיין אויפן טיש, אבער איך מיין אז איך בין א אומאינטערסאנטע בחור,
אלעס פארווע

קוקט אויס ווי מיין מאמעס תפילה בי ליכט צינדן איז מער ווייניגער געענטפערט געווארן (נישט צו שיין, נישט צו מיאוס, און אזוי ווייטער)
אויסער ביי די נישט צו קלוג נישט צו נאריש חלק פון די תחינה, דארט האט זי מיאוס געפלאפט, (פיגור אליינס אויס צו וועלכע זייט)

[סקרן]

יעצט אריינגעבאמפט אין די אשכול און געקלערט אז ס'וואלט נישט געווען קיין שלעכטע געדאנק
אפשר וויל זיך איינער אנטראגן ארויפצוגייט אויפן טיש?