בד"ה: הרה"ק אדמו"ר מ'טאהש זצוק"ל

[אויבערלענדער חכם]

דאס איז נישט קיין ברכה.

[ירא שמים]

מקור ?

[קאצקע ציקער]

א"ח אז דו וועסט דיך אוועקגעבן פארן אייבערשטען דיין גאנטצע לעיבן דיין עסן שלאף און אלעס וועסטו קענען דן זיין טאשער רבי זי"ע 'עבירות'

# שעיםאןיו

[ירח בן יומו]

מען זאל נישט פארענטפערען עפעס וואס האט נישט קיין ענטפער.
דרך אגב: עס שטייט נישט אין ערגעץ "הוי זהיר בגחלתן של אדמורי"ם"

איך זעה אז די שרייבסט אז ס'האט נישט קיין עטנפער, איך גלייב אז ס'איז דא א ענטפער אפילו איך ווייס עס נישט. איך האלט זיך אביסל קלוג אבער נישט קיין אויבערלענדער חכם.

[ירא שמים]

דוכט זיך אז אמשינאווער רבי ביים מאכן א ברכה קען ער איבערזאגן עטליכע מאל א אות אבער נישט א ווארט ,
די ווידעא אליינס קוקט מיר אויס אדער פאלש אדער קאלעכט ער .

[קאצקע ציקער]

דוכט זיך אז אמשינאווער רבי ביים מאכן א ברכה קען ער איבערזאגן עטליכע מאל א אות אבער נישט א ווארט ,
די ווידעא אליינס קוקט מיר אויס אדער פאלש אדער קאלעכט ער .

צדיק רעדט נישט קיין שטותים , ס'נישט פאלטש!! איך בין דארט געווען און עס געזעהן (געהערט) און ער האט נישט געקאלעכט דעמאלטס ער טוט דעיס שוין יארן!

[ירא שמים]

כהאב נאר געזאגט וואס ס׳קוקט מיר אויס , ס׳מאכט זיך טאקע ווייניג אבער צומאל קען אפילו איך א טעות האבן .

[רויטע וואנצעס]

קורצע קליפ פון די לויה.
https://www.facebook.com/boruch.lowy.12 ... nref=story

[דורכגעטראכטער]

איך געדענק שוין פון בערך 15 יאר צירוק ווען איך בין געווען א א קליינע בחור פלעגט ער אויך אזוי זאגן. ער האט דעמאלץ נאכנישט געקאלעכט.

Sent from my SAMSUNG-SM-G900A using Tapatalk

[[NAMELESS]]

וואס הייליג ווען הייליג??? מוציא זיין שם שמים לבטלה אזוי פיל מאל איז טמא טמא יקרא, און עסן אן קיין ברכה איז גוזל מהקב"ה וכנסת ישראל. זאת התורה לא תהא מוחפלת ולא תהא תורה אחרת תחתיה!!!

העי, בארואיגט אייך!

קיין חסיד'ישער איד זענט איר נישט, און דאס איז בסדר. אבער אביסל דרך ארץ און הכנעה פאר איינער וואס האט געלעבט מער פאר גאט ווי דיר, מעגסטו האבן.

און ניין, כ'האלט נישט אז מ'מעג טון אזא זאך, כ'האלט נישט אז ער האט געמעגט טון אזא זאך. אבער כ'האלט אויך נישט אז ער איז לכבוד דעם א 'טמא טמא יקרא'. ענדערש וועל איך פרובירן צו טרעפן א פתח היתר - נישט אויף צו מעגן טון אזא זאך, נאר אויף צו פארענטפערן אזא התנהגות.

ביזטו א ליטוואק [אדער קאלטער חסיד], לייג דאס ארויף אויף OCD, ממילא קענסטו נישט באשייגעצן אזא התנהגות, קענסט שאקלן מיטן קאפ און זאגן 'נעבעך'... אבער מכאן ועד 'טמא טמא יקרא' איז פאלג מיר א גאנג.

ביזטו א חסיד וואס זוכט דעם כף זכות, דאן קען מען טרעפן א פתח היתר פון תוך כדי דיבור.

בין כך ובין כך, א ברכה לבטלה איז דאס לכאורה זיכער נישט.

און צום לעצט, אזויווי איינער האט שוין מעיר געווען [און דו האסט נישט אפגעענטפערט צום זאך]: אויב עבירה גוררת עבירה, וואלט מען געדארפט זען א בעסערע ליסטע פון עבירות, ווי די טיפישע רבי'שע התנהגות שוין אפאר הונדערט יאר פון דאווענען שפעט. גלייב מיר, אז אויב עבריין - ביזטו סאך א גרעסערע עבריין [און כ'האלט נישט אז דו ביזט יא אן עבריין].


צידה לדרך: כ'בין אויך א סארקאסטישע מענטש, וואס ווען איך האב געזען דעם קליפ א שיינע שטיק צייט צוריק האב איך אויך געטראכט אומבא'טעמ'ט איבער דעם, אבער מ'דארף וויסן צוויי זאכן, קודם כל, ער האט זיכער געמיינט דעם באשעפער דערמיט, ואפילו אם טעה אינו טמא טמא יקרא. און צווייטענס, הכנעה שאדט קיינמאל נישט. און הכנעה מוז נישט מיינען אז מ'נעמט אן א התנהגות, ס'קען אויך מיינען אז מ'האלט זיך דאס מויל פארמאכט.

כ'האב אפשר געשריבן א תוכחה גלויה, אבער א צווייטן וואלט איך נישט געענטפערט ווייל זיי וואלטן נישט געווען ווערט אן ענטפער. דיר ווידער בין איך מוקיר, און דערפאר שרייב איך באהבה נסתרת.

[ליטוואק פון בודאפעסט]

דער סברא פון עבירה גוררת עבירה איז לכאורה א נעריש'ע, א מליצה וואס איינער האט א מאל געזאגט. מ'קען גארנישט אויסשפארען דערפון. און ווער ווייסט וואס טוט זיך אונטער'ן פארהאנג. ס'איז אוממעגליך צו וויסען. און ס'פעלט דען שייגעץ שטיק ע"ש טאהש? מ'קען זאגען אז ס'איז די גבאים, אבער דאס איז נאר נאך דעם וואס מ'איז איבערצייגט אז דער רבי איז געווען א צדיק, וואס ע"ז גופא אנו דנים.
אבער לגופו של ענין ווייס איך נישט צו איבערחזר'ן א ווארט לעורר את הכוונה איז אזא פראבלעם אין הלכה. דוכט זיך ר' משה פיינשטיין האט א תשובה אז ס'איז יא, און ער פיהרט אויס 'ואין לחוש על אותו צדיק באנגליה' וואס ער האט עס יא געטוהן. איך געדענק טאקע בימי ילדותי פלעגען קינדער זיצען אונטער דער מאנטשעסטער ראש ישיבה ביים דאווענען צו הערען ווי ער האט אריינגעזאגט טייטשען אין דאווענען. דער קלויזענבורגער רבי ז"ל פלעגט עס אויך טוהן. און אפילו ר' משה האלט נישט דערפון, מ"מ צדיק בלייבט ער ביי איהם. און ס'דוכט זיך (אין הספר לפני כעת) אז ער מאכט נישט קיין חילוק צווישען שם ה' צו אנדערע ווערטער. אז ס'שטימט מעג מען איבערחזר'ן און אויב נישט מעג מען נישט, און ס'מאכט נישט אויס צו ס'איז שם ה' צו אנדערע ווערטער.
און דיין ראיה אז ער איז נישט קיין ת"ח ווייל דו האסט קיינמאל נישט געהערט אז יא איז אויך גאנץ שוואך אויף אויסצושפארען א הלכה דערפון. יא, לגבי איהם זעלבסט האסטו דער סברא פונ'ם חזו"א אז ס'איז דא א רוב און א חזקה אויף יעדער מענטש אז ער איז אן עמהארץ, אבער פון דעם אויף ווייטער אז ממילא יעדער זאך וואס ער טוט קען נישט אויסגעהאלטען איז א שטיקל א מהלך.

איך בין נישט געווארען קיין חסיד, און זיכער נישט קיין טאשער, אבער דער ווידיאו ווייזט גאנץ ווייניג, און זיכער נישט טמא טמא יקרא.

[אויבערלענדער חכם]

איך וויל מער נישט ענטפערען ווייל עס רעגט מענטשען אויף ( יא, איך האב טאקע נישט וואס צו ענטפערען אויף די שטארקע טענות און תירוצים) אבער איך וויל קלאר מאכען אז איך האב נישט געזאגט ״טמא טמא יקרא״ אויף דער מענטש, איך האב געזאגט אז כלפי וואס יענער שרייבט ״הייליגע הנהגה״ זאג איך אז די סארט הנהגה איז טמא. סארי שנתגדלתי על ברכי ההלכה אשר ממנה אין לזוז כלל וכלל.
לגבי וואס איינער שרייבט מיר פריוואט אז אויב ער איז גארנישט ״האבען מיר גארנישט, ווייל די היינטיגע...״ זאג איך אדרבה, קיינער טאר נישט זיין above the law, נישט דער תהלים וויינער און נישט דער Cadillac רבי. מיר זענען נישט בהמות! התורה מונחת בקרן זווית, אויף דער וואס מען קען זאגען אויף עם ״קיים זה מה שכתוב בזה״ איז קדוש יאמר לו, ותו לא מידי.
דער מהלך אז ״מיר פארשטייען נישט״ איז א slippery slope. מיר פארשטייען יא! לאזט זיך נישט אנרעדען ביי קיין איינעם אנדרעש.

[ליפא]

rps20150813_102547.jpg

[ליטוואק פון בודאפעסט]

דער ענין וואס מ'רעדט דא איז ווידער די זעלבע זאך איבערגעחזר'ט, נאר יעצט זיך פארלייגט אויפ'ן ווידיאו. דער תורה הקדושה זאגט אונז
(יג) תָּמִים תִּהְיֶה עִם ה' אֱ-לֹהֶיךָ:
(יד) כִּי הַגּוֹיִם הָאֵלֶּה אֲשֶׁר אַתָּה יוֹרֵשׁ אוֹתָם אֶל מְעֹנֲנִים וְאֶל קֹסְמִים יִשְׁמָעוּ וְאַתָּה לֹא כֵן נָתַן לְךָ ה' אֱ-לֹהֶיךָ:
(טו) נָבִיא מִקִּרְבְּךָ מֵאַחֶיךָ כָּמֹנִי יָקִים לְךָ ה' אֱ-לֹהֶיךָ אֵלָיו תִּשְׁמָעוּן:
(טז) כְּכֹל אֲשֶׁר שָׁאַלְתָּ מֵעִם ה' אֱ-לֹהֶיךָ בְּחֹרֵב בְּיוֹם הַקָּהָל לֵאמֹר לֹא אֹסֵף לִשְׁמֹעַ אֶת קוֹל ה' אֱ-לֹהָי וְאֶת הָאֵשׁ הַגְּדֹלָה הַזֹּאת לֹא אֶרְאֶה עוֹד וְלֹא אָמוּת:
(יז) וַיֹּאמֶר ה' אֵלָי הֵיטִיבוּ אֲשֶׁר דִּבֵּרוּ:
(יח) נָבִיא אָקִים לָהֶם מִקֶּרֶב אֲחֵיהֶם כָּמוֹךָ וְנָתַתִּי דְבָרַי בְּפִיו וְדִבֶּר אֲלֵיהֶם אֵת כָּל אֲשֶׁר אֲצַוֶּנּוּ:

ווען אונז זענען באנקראט, ערום ועריה, דארף מען אפיר זוכען קאלירטע בעקעשע'ס מיט מופתים, קונץ ארבעט און שוי-שפילער'ס. אבער דער אייבישטער האט אונז דערבארעמט מיט א תורה וואס איז מחכימת פתי, עס לאזט נישט דער מענטש זיך פארנער'ן אין די סארט מינדערוויכטיג'ס. דער וואס זוכט קען זוכען אין תורה און דארט ווערען נאנט צום באשעפער, דארט וויסען ווער איז דאס א צדיק און ווער איז א דערהויבענער מענטש.

נאר דער יצר הרע וויל דאס נישט, רעדט ער איין א מענטש אז ער טוט גאר א מצוה ווען ער רעדט גרויס אויף א מענטש, הגם אז קיין שום גדלות וואס דער תורה פאררעכנ'ט פאר א גדלות האט ער נישט דארט געזען. נישט געזען קיין תורה, נישט קיין מדות טובות (ער רעדט זיך איין אז אויפנעמען מענטשען פון א באקוועמער בענקעל מיינט עפעס מדות טובות. ער האט אמאל געשלעפט א תומכי שבת פעקעל? געבארג'ט פון די אייגענע פארדינטע געלט פאר אן ארימאן? געהאלפען א קינד אריבער גייען די גאס? אליינס גענומען א באס צו באזוכען אן אלטע פארגעסענער איד?), נישט קיין דקדוק המצוות און נישט קיין העכערע השגות. נאר וואס יא? מופתים. אויף דעם זאגט די תורה הקדושה; שרעק זיך נישט פון גארנישט, מיין תורה און מיין נביאים זענען וואס רעדט צו דיר, נישט שטערענ'ס און קונצען.

מ'זאגט אז ער עסט נישט און שלאפט נישט פאר עבודת ה'. אנטשולדיגט אבער איידער דו ווייזט מיר די עבודת ה' איז דער נישט שלאפען און נישט עסען סתם זיך געפייניג'ט. יעצט פרעג איך נאכאמאל; וואס איז די עבודת ה'? שטאמערען איבער א ברכה? קוק אריין אין דער עבודת עבודה זיינער, זעט מען וואס ער האט געקענט אין עבודת ה'. א בעל עגלה א תהלים איד במלא מובן המלה. א פליינער מענטש, וואס פאר עפעס א סבה טוהן מענטשען אויף איהם ארויפלייגען זייער דמיונות.

נאך עפעס: אסאך אידען זיצען און ווייטאגען. זיי קוקען אן זייערע רעבע'ס און פארטייען און באקלאגען זיך אויף פרעסער'ס און רויבער'ס וואס זיצען אויפ'ן ציבור און באראבעווען זיי, נאר זיי האבען א ווארט אין הלכה אין חינוך אין פירערשאפט און אין פאליטיק. און מ'שפירט אומבאקוועם. מיט אט דער אומבאקוועמליכקייט קען מען בויען גדולות ונצורות. מענטשען קענען אנערקענען די פראבלעמען און דאס לעזען, אויפבויען א נייעם ווערטשאפט מיט א בעסערע לעבען. אבער וואס טוט מען? מ'פארט קיין טאש און סקולען, מ'אנטלויפט פון זיך אין די פלעצער. מ'פארט פופצען שעה אויך א באס צו זען גארנישט, נאר זיך איינצורעדען אז 'ס'איז נאך דא עפעס אין דער וועלט'. דעריבער רעדט מען זיך איין און מ'לייגט אלע דמיונות אוף דער רעבע און יענעם, וואס קיינער קען זיי נישט מכחיש זיין, און אזוי בארו'איגען זיי זיך אז ס'איז נאך דא אויף וואס צו לעבען. ווען מ'וואלט נישט גענוצט די אלע placebos וואלט מען גוט איינגעזעהן ווי אונז זע'מיר, וואלט מען געקענט עפעס אויפטוהן.

טאמער 'ווען נישט איהם איז גארנישט דא', גיי מאך עפעס. ארבעט אויף זיך און זיי מחנך דיין קינדער צו עבודת ה' באמת ובתמימות, לערן דיר אפ אין ספרים וואס צו טוהן און ווי אזוי צו טוהן. מאך נישט קיין גולם פון ערד ווייל 'ס'מוז זיין עפעס'. און נאך א סוד; שכינה במערב מיינט אז ביי די מזרח אידען טרעפט מען עס נישט. זוכט ארום שטילעהייט, ביי 'פלעינע אידען' קען מען טרעפען דיאמאנטען, תלמידי חכמים און עובדים, וואוילע אידען און אויסגעהאלטענע אידען, מענטשען וואס רירען נישט צו קיין דאללאר ווילאנג זיי ווייסען נישט זיכער אז ס'קומט זיך זיי, מענטשען וואס האבען חומרות אין בין אדם לחבירו נישט אין עסען, מענטשען וואס שעצען זיך נישט און פאדערען נישט. דער מזרח איז נישט דער פלאץ פאר אנשים גדולים וועגן דער סבה און דער מסובב. ערשטנ'ס ווייל דער דזשוליק איז דער וואס לויפט אלס צום מזרח און ער לאזט נישט קיין פלאץ פאר'ן ערליכע איד. אבער צווייטענ'ס ווייל אפילו ווען אן ערליכע איד קומט אן אין מזרח, ווערט ער קאלייע. ער ווייסט אז ער איז נישט דער גרעסטע חכם און נישט דער גרעסטע מבין, נאר מ'רעדט איהם איין אז ער ווייסט אלס, הייבט ער אן פסקנ'ען און פלוידערען, דערנאך מוז ער זיך פאר'ענטפערען און ס'פארט א גאנג פון שטותים. און נישט נאר דעם, נאר ברגע ער איז אין מזרח איז דער ערשטע זאך מקומך אל תנח, און יעדער החלטה זיינער איז געמאכט דורכ'ן פערספעקטיוו פון דער פחד פון פארלירען זיין פלאץ. פוק חזי וועסטו זען. אין דער ליטווישע וועלט איז עס אזוי, און ביי די חסידים (ווי מ'איז נישט צוגעאוואוינט צו ביקורת) איז געוויס אזוי. ווען ער איז א נארמאלע איד אין ביהמ"ד וואס לערנט און דאווענ ערליך, איז ער אסאך מער אויסגעהאלטען ווי ווען ער קומט אן אין מזרח.

און יעצט, א פעטיציע פון שמעקעדיג.

[[NAMELESS]]

ביסט גערעכט אז דער עולם האט א קרענק צו קלעבן צו די מופתים, פשוט ווייל דאס איז למעשה גארנישט מחייב. אבער לאז אפ דעם טאהשער רבי, ער איז גארנישט שולדיג, אויף די אלע רעטארישע פראגעס וואס דו שטעלסט אין די איינגערינגלטע איז די תשובה: יא, און נאך א סך מער פון דעם.

די עבודת עבודה לדעתי איז אדרעסירט טאקע צום תהלים איד, אבער ס'איז מיר מסתבר אז אזא פארשוויצטע טאג וואס ער פלעגט אריינהארעווען קומט פון גרעסערע השגות ווי דעם.

[[NAMELESS]]

אין די גמרא געפינען מיר א מושג פון א תלמיד חכם און א מושג פון א צדיק
@ליטוואק קענט איר דאס מגדיר זיין?

[ליטוואק פון בודאפעסט]

יא אזוי? ווי אין דער גמרא? וואס זאגען די ראשונים? פארוואס דארף מען עס צושטעלען צו א מענטש מיט א קאלירטע רעקעל? ווען ער שערט זיך די בארד איז ער עפעס ווייניגער צדיק?

[ירא שמים]

מגלה פנים בתורה!!! עס איז נישט אויסגעהאלטען על פי הלכה.

ער איז געווען ווייניגער הייליג ווי די גר"א אדער די קאמארנע, וואס האבן געטוישט די הלכה לפי דעתם?

עפ״ל.

[ליטוואק פון בודאפעסט]

מגלה פנים בתורה!!! עס איז נישט אויסגעהאלטען על פי הלכה.

ער איז געווען ווייניגער הייליג ווי די גר"א אדער די קאמארנע, וואס האבן געטוישט די הלכה לפי דעתם?

עפ״ל.

דער עפ"ל מהלך איז דיר נישט געלונגען די לעצטע זיבעציג יאר, אבער האלט נאך אן פעסט און קלאר, ריר זיך נישט קיין זיז כלשהוא, צאי לך בעקבי הצאן, זיי א נער און גלייב, איך וויל ענדעריש זיין מיט מיין טאטע און זיידע אין ג..... ווי מיט זיי אין גן עדן וכו' וכו' וכו'.

[ירא שמים]

איינער ווייסט וואס באדערט פארן ליטוואק ?

[פרייוויליג]

איינער ווייסט וואס באדערט פארן ליטוואק ?

שונא ישראל. נעבעך א תימענע יונגעל וואס לעבט איזאלירט אין זיין וועלט.

[ליטוואק פון בודאפעסט]

ביסט גערעכט אז דער עולם האט א קרענק צו קלעבן צו די מופתים, פשוט ווייל דאס איז למעשה גארנישט מחייב. אבער לאז אפ דעם טאהשער רבי, ער איז גארנישט שולדיג, אויף די אלע רעטארישע פראגעס וואס דו שטעלסט אין די איינגערינגלטע איז די תשובה: יא, און נאך א סך מער פון דעם.

אפילו ווען יא, דער וואס פארט אהין זעט עס נישט. ט'וואס פארט ער?

[[NAMELESS]]

הוא אשר דיברתי, דיין טענה איז לכל היותר אויפן עולם, לאז אפ דעם רבי'ן.

דאס איז אפילו לשיטתך. אבער בספרי חסידות איז א גרויסע ענין א נסיעה צו א צדיק, און דאס פארען אליין איז א תיקון פארן מענטש. אויב האסטו א פראבלעם דערמיט בין איך זיך טאקע מצרף צו שמעקעדיג'ס פעטיציע.