בד"ה: הרה"ק אדמו"ר מ'טאהש זצוק"ל

[[NAMELESS]]

@שש גיי רוה דיך אויס.....
קודם פארצייל אונז וויפיל מאל די ביסט געוועהן אין טאהש דיין גאנץ לעבען?
#2) האסט בכלל געקענט דעם איד?
#3) טעם וריח אין להתווכח...
ניין נישט יעדער זעהט דעם פאצעריש ארבייט דא!
ווער עס האט גיט געקאנט דעם הייליגען טאהשער רבי זצוק"ל איז זייער ציפרידען מיט אט דעם נוסח - סארי טו דיסעפוינט יא....
#2) די הייליגע בעש"ט האט אויך נישט זוכה געוועהן צי די נוסח וואס מ'האט געשריבען אויף דיין באבע! ווארום עס שטייט גארנישט אויפ'ן מציבה בלויז זיין נאמען....

כ'ווייס איך האב אנגערירט שלמה המלך'ס קרוינדל, אבער איך מיין אז דו דארפסט דיך אויסרוען.

כ'האב געשריבן:

אן אריינגיין אין די תוארים וואס דער בעש"ט האט נישט זוכה געווען דערצו...

און פונקט אויף דעם האסטו מחליט געווען זיך מתייחס צו זיין. כ'גיי זיך נישט מתווכח זיין מיט דיר איבער דעם, זעט אויס אז די מוחות פון די וואס האבן אים גוט געקענט אזויווי דיר, האבן א בעסערע פארדייאונגס סיסטעם אויך. עכ"פ לא לזה תגובתי.

איך האב בעיקר געשריבן, אז אפילו אויב די שפראך זאל נישט זיין מוגזם, איז דאס פארט אן אומגעלונגענער לשון, פון א יאקיש פייבוש וואס קען נישט גוט קיין דקדוק, מליצה, און חריזה. דאס איז שוין על צד אז אלעס וואס ס'שטייט איז פונקט צוגעפאסט צום הייליגן דמות פונעם טאהשן רבי'ן זצ"ל.

[[NAMELESS]]

[tag]אדנירם[/tag] זיי נישט קיין נער, שטעל אהער שנעל א שיין לשון, שיק עס אריין צו זיי, און די קרעדיט וועט זיין דיינס!!!

שלמה האקט עפעס

בלי שום ספק וואלט איך געקענט מאכן א בעסערע דזשאב אין חריזה, מליצה, און אפילו פשוט'ע דקדוק הלשון. אבער כ'וואלט נישט געוואלט אננעמען א דזשאב צו שרייבן אזעלכע טיטלען וואס שיקן מיר ארויף די שיריים פון מיין לעצטן מאלצייט דורכן מויל.

[petergrifin]

איך האב בעיקר געשריבן, אז אפילו אויב די שפראך זאל נישט זיין מוגזם, איז דאס פארט אן אומגעלונגענער לשון, פון א יאקיש פייבוש וואס קען נישט גוט קיין דקדוק, מליצה, און חריזה.

דו האסט עפעס קעגן יאקיש פייבוש? [emoji57]

[שעפטל]

ווער רעדט פון א דזשאב, מ'רעדט דא פון נארמאלקייט

נאך א מזל ער האט נישט געהייסן משה, ווייל דעמאלטס וואלט זעכער געשטאנען ממשה עד משה וכו'...

סארי שלמה, אבער די קינדערישקייטן האט שוין יעדער מער ווייניגער אויסגעוואקסן, כמשה מפי הגבורה שרייבט מען נישט! ער איז נישט געווען דער חנינה בן דוסא! איך קען גראדע גזירותיו וואס זענען נישט מקיום געווארן... און איך וואלט אים נאך אלס נישט באטיטעלט פארן יחיד בדורו וואס ממש כמוהו לא נראה.

אבער וועמען פונקטליך גייט אן וואס אפאר צודריקטע צוקוועטשטע מענטשן רעדן זיך איין אז דאס וועט העלפן אויף ווייטער...

[[NAMELESS]]

ס'איז שוין זייער שפעט ב'דארף באלד אויפשטיין און כ'האב נישט קיין כח און געדילד מיט צייט צי גיין איינס אויף איינס
אבער עוד חזון למוער וועלמער שטייטעלעך איבער גיין יעדעס רויטע באלי וואס די האסט געמאלען און זעהן וואס הייסט יא אדער נישט איבערגעטריבען
אבער איין פראגע וועסטו מוזען ענטפערן קודם:
וויפיל שייכות האסטי געהאט מיט אט דעם איד? תלמיד? חסיד? ידיד? קרוב? תושב? נאר געזעהן אמאל? נאר געהערט?
יאך האב געהאט די זכיה צי זיין גאר קרוב אל הקודש פנימה אויב די אויך קען מען עס איבער שמועס'ן אויב נישט איז אשאט די צייט...

איך זעה יעצט אז איך האב ניטאמאל אנגעצייכענט אלעס.
אויף דיין שאלה וואס איך האב געהאט מיט די איד איז מיין תירוץ ׳גארנישט׳ איך בין אפאר מאל אריין מיט א קוויטל אבער דאס די גאנצע.
בנוגע מיין שטעלונג אויף די אשכול, איך האלט אז דער טאהשער איז געווען א ערליכער איד במילא האב איך נישט און איך גיי נישט מער אריינרעדן אין די אשכול.

[געוואלדיג]

נאך שש'ס הערה האב איך איבער געליינט די לשון, אויב וואלט דאס געווען א אלטע תחינה וואלט איך פראבירט פארשטיין די משקל השיר, אבער וויבאלד עס איז נישט, וועל איך צושטימען (טיילווייז) צו ר' זעקס, אז די חרוזים שטימען נישט, די תוארים זענען צו דער זאך, אבער די חרוזים זעהן אויס ווי א מחרוזת של דגים, נאר הנח להם לישראל אז מען האט געשטעלט אויף די חזקה אז קיינער וועט נישט אפליינען די גאנצע מגילה ווען מען קומט זיך אויסבעהטן ביים ציון המצוינת,

גראדע האב איך הנאה פון די געדאנק צו מפרסם זיין די נוסח פון פריער צו קענען מתקן זיין און פארבעסערן.

[געוואלדיג]

קען אפשר איינער צוברענגען די נוסח המציבה פון רבינו יואל זצ"ל און פונעם ברך משה זצ"ל, אז מען זאל קענען פארגלייכן די טיטלען?

[[NAMELESS]]

איך קען מיר נישט האלטן שטיל.
אבער אזויפיל לאמיר יא צולייגן.
דער מציבה איז לכאורה אין כדוגמתו בעולם, נישטא נאך אזא מציבה מיט אזויפיל מדריגות צדקות און קדושה אינעם גאנצן כדור העולם, ווי איר זאלסט נאר גיין פון ארץ ישראל ביז פראג....

[געוואלדיג]

נו לאמיר מאכן אין א עקסטערע אשכול א מציבה קאנטעסט.

[[NAMELESS]]

נו לאמיר מאכן אין א עקסטערע אשכול א מציבה קאנטעסט.

לץ אחד...

[פרייוויליג]

די מציבה איז נישט די לעצטע דרעפט. בינגא!!!

[געוואלדיג]

כדברי לעיל

גראדע האב איך הנאה פון די געדאנק צו מפרסם זיין די נוסח פון פריער צו קענען מתקן זיין און פארבעסערן.

[קאווע טרינקער]

אנגעהויבן האט זיך עס מיטן לייגן א שטיין כדי מ'זאל וויסן אז דא ליגט א מת, און אוכלי טהרות, כוהנים, זאלן וויסן צו שטיין ווייט.
פון דארט האט זיך איינגעפירט צו שרייבן די נאמען פונעם מת, פארוואס ס'איז אזוי געווארן? ווייס איך נישט, מן הסתם האט מען אזוי געטוהן ביי די גדולים, די אבות ואמהות וכדומה. און פון דארט האט זיך עס אריבערגעכאפט צו אלע טויטע.
פון איינקריצען די נאמען איז שוין צוגעקומען די טיטלען, jod description, בהמשך איז צוגעקומען אביסל יחוס...
נאכן הסתלקות פון רבינו הקדוש זי"ע ועל כל סאטמאר, איז נתחדש געווארן צו צולייגן אויפן מצבה אלע סארט וועלט-אינטערגאנג לשונות, און ווי שטארק די וועלט וויינט...
פון דארט איז זיך עס צווואקסען מחיל אל חיל ביז די נייע טאהשע מצבה וואס איז א קאפליט פראפיל א בלאט/איד ארטיקל איבערגעטייטשט אין לשון קודש, לשון נופל על לשון, דאפלט און טריפלט אין א פשוטע טאהשע לשון קודש.
וואס איז נאך געבליבן מקום להתגדר צו איינקריצען אויך ווער ס'האט מספיד געווען און ווער די מ"מ איז, אין א Paypal וואו צו שיקן נדבות.

[קאווע טרינקער]

טעות. יעצט זעה איך אז ס'שטייט שוין טאקע בעד בנו מ"מ...

[איש עברי]

נישט נאר איז דאס איבערגעטריבן נאר גאר צענטראלע און וויכטיגע שטריכן פון זיין לעבן ווערן בכלל נישט דערמאנט, למשל זיין מדת החסד ווערט דערמאנט קוים בהבלעה, וואס דאס וואלט געדארפט פארנעמען די עיקר פון די נוסח, און ווי אדנירם זאגט איז די סגנון און נוסח שרעקליך א בושה און א חרפה צו לייגן אזא קינדערישע מצבה אויף א גדול בישראל.

[ליטוואק פון בודאפעסט]

ס'איז א גרויסע ווייטאג ווי מ'זעט אויף די סארט מצבות אז מ'גלייבט נישט אין השארת הנפש. דו ווייסט אז ס'שאט פאר'ן נפטר ווען מ'זאגט אויף איהם ליגענט? דו ווייסט אז דאס ברענגט שווערקייט אין זיין דין. איך ווייס אז אין דער פאל איז זיכער דא אזעלכע וואס גלויבען אין יעדער ווארט, אבער ביי אנדערע מענטשען וואס שטארבען ווען דער שרייבער טוט עס במזיד, אדער דער מספיד. ס'גייט איהם נישט אן דער אמת, איז עס א הימל געשריי, וואס איז אדער שלעכט'ס צו דער נפטר, אדער כפירה אין השארת הנפש.
אגב ס'איז אינטרעסאנט צו באמערקען. אין דינ''ס ביה''ח איז דער פפאנ'ער חלקה גלייך לעבען דער סטאלינער חלקה. מ'קען זען די צוויי סארטען מצבות, ווי די רוסישער האבען קורצער טיטל'ן ווי 'איש תם וישר' ותו לא, און די אונגארישער האבען מגלות נאך לענגער ווי די חמש מגילות און מגילת אנטיוכוס צוזאמען.

[קאווע טרינקער]

מי האמין.... השמש בצהריים.....
שבר כל אבריו....
יושב בישיבה...

[שמעון וואלף]

די וואך שבת ביים רבי'ס עליה (לוי) וועט מען אויסלאזן "למען יאריך ימים על ממלכתו הוא ובניו בקרב ישראל".

ער האט שוין עפעס געזעהן אויף ק"ש

[ציבעלע-קיגל]

א נייע משיח?

[התם ומתמם עם תמימים]

נישט דא וואס צו לאכן
מיט דער גרעסטן דרך ארץ וואס כ'האב פאר די עהרליכע יוד דער טאהשער רבי ז''ל וואס איז באמת געוועהן א גרויסן עובד השם א זעלטענהייט אין די האנטיגע דור אין איך האב זוכה געוועהן צו זיין ביי איהם..

אבער משם ועד עתה דאס איז שוין גאנג פליז...
אזוי צו איבער טרייבן מיט גוזמאות לשונות טיטלען וכדו' וואס איז זיינט גלייכן נישט דא אין די כדור הארץ וכו' דאס שוין נישט.. נישט נארמאל נאר משוגע..
דאס נעמט אראפ דער גאנצע ערך אין די חשיבות פין טאהש ביי אסאך מענשטן אין מאכט ביליג זייערע ווערט.

איך רעד נישט פין דער תוכן הלשון וואס איז געפערליך לכל מומחה ומבין בלשון.....

אוקעי שוין דער עיקר דער רבי זצ''ל זאל זיין א גוטע בעטער פאר אונז אלע בעולם העליון אמן

[שעפטל]

די מציבה עפעס דערמאנט מיך פון מרדכי אהרן חיים מענצער'ס מציבה.... אדער פון די באשרייבונג וואס אברהם פנחס בערקאוויטש לייגט אריין אין די בעק פון אלע ספרים ווי ער באשרייבט זיין מאמע...

[דריידל]

ס'וויל זיך נישט גלייבן אז דאס איז טאקע די עכטע נוסח פון די מצבה. טאמער איז עס יא אמת קען זיך יעצט אנפאנגן א נייע עפאכע ווי די חסידים למיניהם וועלן קאמפיטן ווער ס'קען שרייבן לענגער און מער אויפרייסערישע טיטלען. נישט אז ביז יעצט איז געווען אן עולם התיקון, אבער ס'האט דאך געהאט א גבול.

[געוואלדיג]

אבער ביי אנדערע מענטשען וואס שטארבען ווען דער שרייבער טוט עס במזיד, אדער דער מספיד. ס'גייט איהם נישט אן דער אמת, איז עס א הימל געשריי, וואס איז אדער שלעכט'ס צו דער נפטר, אדער כפירה אין השארת הנפש.

הונדערט % אמת, אינטרעסאנט צו אנמערקן אז ווען הרה"ק ר' אייזיק'ל זידיטשובער איז אוועק האט זיין זוהן ר' אליהו מספיד געווען האט ער געטייטשט אויף זיין טאטען וואס איז בימיו געווען א וועלטס רבי, "קשה רימה למת" רימה מלשון הרמה דערהייבן, אז עס איז שווער פאר א מת ווען מיען איז איז משבח ומרומם, "כמחט בשר החי", ומה נענה אנן אבתריה אז אויף פשוטע קטלא קניא'ס מאכט מען שוין היינט א גאנצע סליחות לערב ר"ה פלוס טעקס און אינטרעסט.