ריח הפה אין תשעה באב - עצות

[איחוד פעלד]

בקיצור,
מיט די פאר מענטשען וואס איך האב יא גערעדט אין תשעה באב, איז געווען גאר שווער צו האלטען דער געשפרעך, ווארום דער שמעק פין די מויל איז געווען אינדערטרעגלעך.

די שאלה איז, איז דא א וועג ארויס?

אוודאי קען מען וואשען די מויל מיט אביסעל ליסטערין, אבער מען טאר דאך נישט! אפשר מעג מען יא?? ווייסט איינער דא די הלכה??

די זעלבע שאלה איז נוגע יום כפור.

עס איז אביסעל שווערער יום כפור ווייל מען זיצט אגאנצען טאג אין ביהמ"ד, אסאך מאל צוזאמען געקוועטשט מיט אנדערע מענטשען, און געוואלד, ווען יענער שרייט סלח לנו, זאג עך, סתום פיות וכו'.

פין די פאר מענטשען וואס איך האב געכאפט א נאנטע געשפרעך האב איך יא באמערקט אז אפאר האבען יא באוויזען עפעס צו טוהן. קען זיין אז נאטורלעך זענען זיי אנדרעש, אדער אפשר ווייסען זיי די הלכה בעסער, אדער גאר גייט זיי נישט אהן די הלכה, מי יודע.

איז דא אן עצה?

אגב, די גמרא אין ברכות זאגט אז ווען מען עסט זאלץ צו די סעודה העלפט עס פאר ריח הפה.
ביי שלש סעודות האב איך איינגעטונקען די חלה אין זאלץ נוסח סקווירא, און עס האט נישט געהאלפען!!

סא ביטע נישט שרייבען דער עצה.