די פרייליכע סליחות באוועגונג

[הוגה]

[justify]עטליכע האבן געפרעגט דא און אויך אין אישי איבער מיין קורצע תגובה, אז יענעמ'ס תגובה איז דזשאדזשמענטעל און קאנדיסענדינג. קודם כל וויל איך צולייגן נאך א דיסקריפציע וואס איז מיר דעמאלט אויפן מינוט ארויסגעפלויגן פון קאפ, עס איז אויך שרעקליך פעיטראנייזינג. יעצט לאמיך ערקלערן וואס איך מיין צו זאגן ווייל איך זעה אז מ'פארשטייט נישט.

ערשטענס, איך האב דאס דייקא נישט געזאגט אויפן כותב התגובה ח"ו, איך האלט נישט אז ער איז אין דזשענעראל אזוי, נאר איך האב דאס געשריבן דייקא אויף דער ספעציפישע תגובה, ועל הכלל כולו יצא, עס מאכט זיך פון צייט צו צייט אזעלכע סארט תגובות - פון גוטע שרייבער אפילו - מען דארף עומד זיין על המשמר און טראכטן פאר מען שרייבט.

דזשאדזשמענטל - זיך ארויסהייבן דורך יענעם אראפקלאפן. פילן אז מ'האט די רעכט יענעם דן צו זיין.
קאנדיסענדינג - רעדן צו/פון אנדערע כאילו זיי זענען קליינע קינדער, נארנים אדער נעבעכס.
פעיטראנייזינג - רעדן צו יענעם אדער וועגן יענעם כאילו שיין אבער פון א העכערע פלאץ כאילו מ'איז בעסער, קלוגער און געזונטער פון יענעם.
(די לעצטע צווי זענען בערך די זעלבע.)

דא האט איינער געעפנט אן אשכול איבער א נייע פינאמענאן אין די חרדי'שע געזעלשאפט, עפעס וואס האט אנגענומען גענוג גרויסע פראפארציעס אז עס זאל פארדינען צו אויסגעשמועסט ווערן לטב ולמוטב אין די חרדי'שע מידיאמס, קאווע שטיבלעך און מקוואות. די ריספעקטפולער און אינטעליגענטער אופן צו דיסקוסירן דער נושא (און די זעלבע איז ביי עני אנדערע נושא) איז צו דעבאטירן דער עצם זאך אדער די אייגענע געפילן. איר האלט אז עס איז נישט אויסגעהאלטן ע"פ הלכה אדער השקפה, דאן שרייבט פארוואס איר האלט אזוי. איר פילט אז עס איז נישט ריכטיג, דאן שרייבט וויאזוי איר פילט איבער דער פינאמענאן און פארוואס איר פילט אזוי, און פארוואס איר האלט אז ווי איר פילט איז די ריכטיגע וועג צו פילן. אזוי האבן טאקע געטון עטליכע מגיבים וואס האבן געשריבן אז לדעתם טאר מען אזוי נישט זאגן סליחות, אדער אז עס איז פונקט ווי די ריפארם מאוומענט, אקעגן די תקנות וועד ארבע ארצות וכדומה. אבער צו שרייבן איבער די באטייליגטע און זיי איינטיילען סיבות און געפילן וואס זענען כאילו מציאות, דאס איז דזשאדזשמענטעל, קאנדיסענדיגנ און פעיטראנייזינג.

לאמיך אייך געבן אפאר דוגמאות:

"דאס איז א חלק פון די מגושם'דיקקייט און עם'עראצעס וואס האט לעצטענס אנגעהויעבן בושעווען אין די גאסען אויף כוח." - דזשאדזשמענטעל
"ווען זיי וואלטן כאטש תשובה געטון …" - דזשאדזשמענטל
"יענע גאנצע תגובה אויף וואס ארויף איך האב מגיב געווען" = דזשאדזשמענטל, קאנדיסענדינג און פעיטראנייזינג

פארוואס קען מען נישט סתם אזוי דיסקוסירן און דעבאטירן די נושא אליינס? פארוואס פעלט אויס צו איינטיילן און זאגן פארוואס דער אדער יענער האט עס געטון, וואס די אורזאך דערצו איז, פארוואס ער איז א רחמנות? אפילו ווען מען טוט עס צו כלומפרשט פארענטפערן יענעם און פארטיידיגן איז עס אויך נישט מענטשליך און שיין און עס מאכט יענעם פילן ווי א שוטה. דאס געשעהט פון צייט צו צייט אין געוויסע אשכולות, ספעציעל ווען עס קומט צו אזעלכע סארט טעמעס. דאס איז געווען די פירוש פון מיין תגובה.

יעצט קען מען צוריק גיין צום נושא.

איך האב מיך באטייליגט ביי אזא מוזיקאלישע סליחות און איך געדענק נישט אז איך זאל אמאל האבן געפילט אזא געשמאקע טעם אין סליחות. ניין, עס איז נישט געווען מיין ערשטע מאל צו סליחות, איך בין אלעמאל געגאנגן צו סליחות פארטאגס, אבער ווען איך האב געזעהן די אדווערטייזמענטס האב איך מחליט געווען צו גיין. (איך האב שוין געטראכט דערפון פאר אפאר יאר.) איך האב מיטגענומען מיינע קינדער און זיי האבן אויך געוואלדיג הנאה געהאט דערפון. איך האב געטראפן דארט עטליכע חשוב'ע ק"ש מיטגלידער, ס'האט מיר אויסגעזעהן ווי זיי האבן אויך שטארק הנאה געהאט, איך האב זיי אבער נישט געפרעגט. אזא סליחות איז אויסדרוקליך נישט פאר יעדעם. אויב זענט איר פון די סארט מענטשן וואס מוזן האבן האבן דער נוסח און טעם מיט וואס איר זענט אויפגעוואקסן איז עס נישט פאר אייך. אויב מוז די נוסח פונקט שטימען כדי איר זאל נתעורר ווערן, איז עס נישט פאר אייך. אויב זענען איר א מענטש וואס איז צוגעוואוינט צו א געוויסע רוטין, איז עס נישט פאר אייך. איך בין אבער נישט אזוי. איך דאווען א יעדע צווייטע יאר ימים נוראים אין א נייע פלאץ מיט א פרישע נוסח. איך קען דאווענען איין יאר אין א ספרדישע שול מעדות המזרח וואו מען ענדיגט ראש השנה 12 אזייגער און א יאר שפעטער ביים ניקולשבורגער רבי און א דריטע יאר אין ראדני. ביי מיר איז נגינה און מוזיק א שטארקע מעורר, ממילא האב איך שטארק הנאה געהאט היי יאר סליחות און איך פלאן צו גיין נעקסטע יאר נאכאמאל.



.[/justify]

[אספקלריה]

[justify]דזשאדזשמענטל - זיך ארויסהייבן דורך יענעם אראפקלאפן. פילן אז מ'האט די רעכט יענעם דן צו זיין.
קאנדיסענדינג - רעדן צו/פון אנדערע כאילו זיי זענען קליינע קינדער, נארנים אדער נעבעכס.
פעיטראנייזינג - רעדן צו יענעם אדער וועגן יענעם כאילו שיין אבער פון א העכערע פלאץ כאילו מ'איז בעסער, קלוגער און געזונטער פון יענעם.
(די לעצטע צווי זענען בערך די זעלבע.)



לאמיך אייך געבן אפאר דוגמאות:
פארוואס פעלט אויס צו איינטיילן און זאגן פארוואס דער אדער יענער האט עס געטון, וואס די אורזאך דערצו איז, פארוואס ער איז א רחמנות? אפילו ווען מען טוט עס צו כלומפרשט פארענטפערן יענעם און פארטיידיגן איז עס אויך נישט מענטשליך און שיין און עס מאכט יענעם פילן ווי א שוטה. דאס געשעהט פון צייט צו צייט אין געוויסע אשכולות, ספעציעל ווען עס קומט צו אזעלכע סארט טעמעס. דאס איז געווען די פירוש פון מיין תגובה.

יעצט קען מען צוריק גיין צום נושא.

אויב זענט איר פון די סארט מענטשן וואס מוזן האבן האבן דער נוסח און טעם מיט וואס איר זענט אויפגעוואקסן איז עס נישט פאר אייך. אויב מוז די נוסח פונקט שטימען כדי איר זאל נתעורר ווערן, איז עס נישט פאר אייך. אויב זענען איר א מענטש וואס איז צוגעוואוינט צו א געוויסע רוטין, איז עס נישט פאר אייך. איך בין אבער נישט אזוי. איך דאווען א יעדע צווייטע יאר ימים נוראים אין א נייע פלאץ מיט א פרישע נוסח. איך קען דאווענען איין יאר אין א ספרדישע שול מעדות המזרח וואו מען ענדיגט ראש השנה 12 אזייגער...


.[/justify]

איך בין צומישט.

[ירא שמים]

אבי מיין תגובה האט געהאט נאר איין חסרון …
הוגה , ווען בוסט גערעכט בוסטו גערעכט …
און איך בין נישט גערעכט , וואס האב איך צורעדן פון יענעמס תשובה …
זיי האבן דאך מסתמא מער תשובה געטון ווי מיר …

[קאצקע ציקער]

הוגה מען קען צוקישן יעדעס ווארט דיינע , יעצט טראכט איך חבל אז דיין ארטיקל גייט נישט אריינגיין אינעם סוכה'ס אויסגאבע ...

[ליפא]

די וואס טון נישט אן שטריימעל מוזן זיין אינדרויסן פונעם באקס ווייל די שטריימעל ליגט דאך אין באקס. די וואס טראגן יא שטריימעל קענען אריין אינעם באקס ווען זיי נעמען ארויס דעם שטריימעל.

[לך לך]

מיין ברודער זאגט מיר ער איז געווען ביי יואלי לעבאוויטש/דזעקבסאן, ביני לביני זאגט ער מיר אז, צופרי איז ער געגאנגן זאגן געהעריג סליחות...
#ביידע וועלטן

אגב ווייסט איינער ערב ר"ה איז אויך דא די פרייליכע סליחות באוועגונג ערגעץ ?

[געוואלדיג]

אלע זענען אין אומאן, פראביר דארט

[ווייל אזוי]

ווייסט איינער אימפארמאציע איבער סליחות די יאר איך האב חשק מיטצוהאלטן א ווארימע א' סליחות.

[[NAMELESS]]

וויזניץ

[ווייל אזוי]

וויזניץ

האסט א פיקטשער פון זייער עד?

[טאמבל סאס]

מיר איז חושיבער דער צעקוועטשטער מרה שחורהדיגער סליחות פון עמיצער וואס מיינט עס ערנסט ווי דער וואס קימערט זיך גאנץ ווינציג דערמיט נאר זוכט פשוט צומאכן א ביזנעס אדער א שאו דערפון. לאז דעם סליחות געמאך און זאל עס הייסן א רעכטע קאנצערט און זאלן די וואס טויגן אפשר בעסער מעגן קאמפיטען..

[ונבנתה העיר]

[ווייל אזוי]

.

[ווייל אזוי]

.

[אייז קריעם]

מענטשן זיכן אינטערטעינמענט און זיך אויסלעפטערן, בפרט און די פארכטיגע טעג.
עס איז נישט דא קיין כשר'ע אינטערטעינמענט חוץ רבישע טישן.
אפשר מאכן מען קומזיצן מוצאי שבת און מען זאגט געהעריג סליחות נאכדעם כמקדמת דנא? ווער זאגט אז מען דארף עס קאמביינען?

[שמעון וואלף]

כ'האב געזעהן עטליכע קליפס פון די "פרייליכע סליחות באוועגונג" און געזעהן ווי דער עולם פראבירט שטארק ארויסצוברענגן זייער שמחה זייענדיג בטוח אז מ'גייט ארויס זכאי בדין. איך ווינטש זיי אלע, מיינע טייערע ברידער, א יאר פון שמחה, געזינט, עשירות וכל טוב.

באמת, ווייטאגט מיר דאס הארץ אויף די היינטיגע יונגווארג וואס וואקסט אויף אזוי אומוויסענד, וואס דאס גיט א זויערע טעם אין אידישקייט און זיי מיינען נעבך אז מ'דארף גיין צו די אנדערע עקסטרים.

איך בין אן עווריזש קאווע שטיבל יונגערמאן, בכלל נישט אועסגעארבעט, כ'האב די זעלבע תאוות ווי רוב געזינטע מענטשן, און איך פראביר צו טון וואס איז ריכטיג. בקיצור, איך בין בכלל נישט אזא איינער וואס האלט זיך ראוי צו מוסר'ן אנדערע. איך בין אבער ב"ה אויפגעוואקסן מיט א פאזעטיווע בליק אויף אידישקייט, אנדערש ווי די וואס זענען אויפגעוואקסן לפי רוחם פון די יושבי חושך. איך שפיר א טעם און א שבת סעודה, א געשמאק אין א ווארימע דאווענען (פארשטייט זיך אז דער בעל תפילה אדער רב קען נישט זיין סתם א פאני אדער נערווען קריכער).
ב"ה אז נאך די חתונה האב איך מיך מסדר געווען אין א לאקאלע שול וואס דער רב איז א זעלטענע ווארעם הארץ און מאכט די רוחניות אזוי זיס.

נעמטס למשל די היינטיגע סליחות. מ'האמיר זיך געשטעלט פונקטליך 5:15, יא ס'איז א פרעשור מ'מוז קומען צייטליך. די רב וואס איז אגב נישט די שענסטע בעל תפילה, איז צוגעגאנגען צום עמוד. ס'האט געדויערט לענגער ווי איך האב געוואלט, די רב האט אביסול צופיל געצויגן און געקרעכצט. דער עולם האט אבער מיטגעדאווענט געדולדיג און ס'איז געווען זייער דערהויבן. קיינער איז נישט געווען נערוועז אדער גערעגט, מ'האט זיך געשפירט עקאמפלישט אז מ'האט אראפגעלייגט אזא ווארימע סליחות.

איך בין ברור אז די יונגעלייט און בחורים פון די "פרייליכע באוועגונג" זענען נישט געגאנגען שלאפן צופרידן נאכ'ן הוליען און ליצנות מאכן פון א' סליחות. זיי ווייסן אליין אז ס'איז נישט ריכטיג ווייל זיי זענען דאך ערליכע אידן וואס גלייבן אין יום הדין, ווען נישט וואלטן זיי געווען אין קלאב און געטון כל דבר אסור. זיי מיינען נאר אז אונזער אידישקייט קומט מיט מרא שחורה און אומזיסטע פרעשור.

הערטס מיך אויס טייערע ברידער און שוועסטער. ס'זענען דא אסאך פיינע ערליכע רבנים וואס זענען צוגעלאזן און פארשטייען צום היינטיגע דור. זיי ווייסן וויאזוי איבערצוגעבן די אוטענטישע אידישקייט אריינצוברענגן שמחה און ווארעמקייט אין אידישע נשמות. מיינטס נישט אז ווייל איר זענט אויפגעצויגן געווארן אויף א געוויסע קרומע וועג, אז דאס איז אלץ וואס ערליכע אידן האבן צו פארקויפן. ס'איז דא א מיטל וועג און טויזענטער פרומע אידן זענען פרייליך און צופרידן מיט זייער סיסטעם.

און נאכאמאל, איך ווייס זייער גוט אז די וואס זיכן פרייליכקייט מיינען נישט ח"ו קיין שלעכטס. זיי ווייסן נאר אז די געזעלשאפט ווי זיי זענען אויפגעוואקסן מאכט נישט קיין סענטס, און דאס איז נישט וואס די באשעפער וויל. די וואס האבן פארדרייט און פארמיאוסט תורה ומצוות זענען עתיד ליתן את הדין אויפ'ן פארטרייבן אזויפיל טייערע נשמות משלחן אביהם

[פליקער]

איך ווייס נישט וואס איר רעדט, איך האב נאך אין מיין לעבען נישט געזען אזא צישאסענע סליחות ווי ביי יואלי לובאוויטש, מען הערט נישט אויף צי זינגען די שוין פארדארבענע קארליבאך ניגונים, און פאר א נויט ווען מען וויל זינגען הארא איז עס 'על הסלע הך הך', יוש בין איך פארמיסט פון די ציבראכענע ייאש סליחות באוועגונג,

[ווייל אזוי]

איך גיי נישט קוואטן יעדעם און פארענטפערן אבער איין זאך לאמיר יא זאגן, איך בין געווען ביי יואלי לעבאוויטש אנגעפאנגען ביי מלוה מלכה און נאכדעם די דרשה פון י.י. דשעיקאבסאן און ס'איז געווען זייער א שיינע אטמעספער גארנישט קיין הוללות, מ'קען זעהן אנליין די דרשה ס'איז געווען א סאליד דרשה די מלוה מלכה אזוי איבערגענומען אדרבה ברענג מיר די אינגעלייט וואס פילן זיך שלעכט אדער זענען נישט געשלאפן רואיג...

אלץ א זאטיגע נאטיץ [tag]פליקער[/tag] וואס מיינט איהר מיט די פארדארבענע קארליבאך ניגונים.

[פליקער]

אלטע ניגונים וואס זענען פארדארבן געווארן פון אלטקייט

[ווייל אזוי]

אלטע ניגונים וואס זענען פארדארבן געווארן פון אלטקייט

איי עם סארי.
איך פארשטיי נאך אלץ נישט ווי דו צילסט....

[פליקער]

אלטע ניגונים וואס זענען פארדארבן געווארן פון אלטקייט

איי עם סארי.
איך פארשטיי נאך אלץ נישט ווי דו צילסט....

איך וועל טרייען נאך איין מאל,
איך האס די גאנצע נייע מאדע פון אלע מרה נפש זינגען קארליבאך ניגונים און שפירן הייליג נאך זינגען פינף שעה קארלבאך.
איך האב פיינט אז יעדע קאמזיץ מוצא שבת אין קאנטרי איז באשטאנען פון איינעם צוויי מיט גיטאר'ס קייכן נחמו נחמו עמי פון קארלבאך.
איך וויל זיך נעמען ס'חיות ואופני הקודש ווען בעלי תפילות שפירן נויטיג יוצא צי זיין תפילה נאר ווען מען זינגט ממקומך פון קארליבאך.
איך וויל שיסן ווען איך הער אז נישט נאר זינגעט מען קארליבאך ברויך מען נאך מאכן די נידריגע באסיווע שטימע פון קארליבאך
איך פארשטיי נישט פארוואס אלע שפילערס און זינגער'ס ווערן באצאלט משמח זיין דעם עולם ברויכען קאפירן קומזיץ מיט קארלעך
פארוואס ווילן אלע זיין דווקא די ממלא מקום פון קארלבאך הלוא הם יודא גרין, יואלי לעבאוויטש, אלי ביער, און מייזעלס. אלעס איז בגמטריע קארליבאך.
פארשטאנען?

[[NAMELESS]]

.

[דער גאלדענער אדלער]

מיין היי לייט פון די אלול תשרי סעזאן! איי איז דאס פיין געווען, הערליך הערליך! מ'קען מיך איינרעדן אז יעצט איז אינמיטן תמוז אדער סוכות גאר, איינמאל יואלי דער חזן הייבט אשרי, פארט מען אריין אין אנאנדערע וועלט, ווי צייט געוועלטיגט נישט, יעדע שטיקל פאר זיך, יעדע ניגון, יעדע פזמון, איז א שטיק רוחניות למעלה מן הזמן, מן הטבע, מן הכל! הלוואי וואלט דאס אנגעגאנגן פאר נאך צען שעה. די סליחות מיט אונזער חשוב'ר בעל תפילה ר' יואל איז גאר א גוטער פתח גאר א גוטער טויער צו עפענען די ימי הרחמים והסליחות סעזאן. יואלי, כה לחי!!! אפשר סעלפיש צו זאגן, הלוואי וואלסטו געבליבן דאהי ראש השנה! וואלט איך ווען אויך געקענט הנאה האבן!

Sent from my SM-G991U using Tapatalk