איך בין א ניגון

[בר-כוכבא]

איך בין א ניגון,
פון אויסגעצויגענע טענער.
צופעליגע נאטן,
אן קיין חשבון און סדר.

איך בין א ווינט,
אין חלל אָן אטמאספער.
וויל בלאזן,
אבער נישטא וואס און וועמען.

כ'בין א פלאקער,
אפגעריסן פונעם פייער.
וויל ברענען,
אבער נישטא קיין אחיזה.

איך בין א טרער,
אנטלאפן פונעם אויג.
וויל וויינען,
אבער פארגעסן וויאזוי.

כ'בין א שטויבל,
אויף אן אינזל פון וואסער.
וויל זיצן,
אויף אור-היסטארישע פעלזן.

כ'בין א נשמה,
אין אומבאקוועמען גוף.
וויל אהיים,
אבער רוחניות האלט צוריק.

כ'בין א מענטש,
אויף פרעמדער ערד.
פארליבט אין תנועה,
אבער פארפלאנטערט אין בגדים.

כ'וועל בכל זאת זינגען,
בלאזן און שטורמען,
ברענען ווי גיהנום,
גיסן מבול-טרערן,
קוקן דעם ים אין פנים,
דערפילן ווילדע חידושים,
און פארזעצן דעם גאנג,
ביז אפזאגן וועט דער זאגער –
דאס סאמע לעצטע ווארט.

[יאיר]

הערליך!

[געוואלדיג]

מורא'דיג, עמוק עמוק צו די יעצטיגע הייליגע טעג, כה לחי

[ונבנתה העיר]

אומגלויבליך.

[אחד העם]

טיפע הרהורים. און קונסט'ליכע מחשבות.
מחשבות פון קונסט!

[[NAMELESS]]

ביז אפזאגן וועט דער זאגער –
דאס סאמע לעצטע ווארט.

ביז אפזאגן וועט דער זאגער -
דאס סאמע לעצטע ווארט...

וועט דאן דער ניגון מער נישט קלינגען
און דער ווינט שוין נישט בלאזן

דאס פייער פארלאשן
און די טרער פארטרוקענט

דאס שטויבל פארלוירן
די נשמה פאר'גוף'ט

דער מענטש צוריק צו ערד
די בגדים הערשן איבער אלעם
מיט א פעסטע האנט
און אן אויסגעשטרעקטן ארעם


~ענדע~

[בר-כוכבא]

יישר כוח, חברה

[פלאוויוס]

א שיר וואס רייסט מיט! וואונדערליך!

Sent from my LGLS885 using Tapatalk

[מאטי]

א סובליים פון בענקעניש...

[יואב]

געוואלדיג, איי לאוו דיס.